“Qondarma erməni soyqrımı “100 illiyi” əks olaraq Türkiyədə bir sıra işlər görülür. “Yeni Türkiyə dərgsi“nin 5 cilddlik kitab layihəsi hazırlanır. Kitabda ermənilərin türk dünyasına qarşı törətdikləri cinayətlər və qondarma soyqrımı məsələlərinə yer ayrılacaq”. Bunu Modern.az-a Kayseridəki Ərciyəs Universitetində ermənişunaslıq kafedrasının müduri Qafar Mehdiyev (Çaxmaqlı) deyib.

Onun sözlərinə görə, bununla bağlı 20 nəfərdən ibarət elmi  heyət formalaşıb. Həmçinin bundan başqa 12 nəfərdən ibarət hakim heyəti də fəaliyyət göstərir.

“Bu sahədə yay aylarından bəri ciddi araşdırmalar aparılır. Layihə Azərbaycan Türkiyə və digər bölgələri əhatə edir. Burada erməni mövzusunda, erməni soyqrımı barədə məqalələr var. Hakim heyət məqalələri incələyəcək. Seçilən ən yaxşı məqalələr əsnasında 100 səhifə olmaqla 5 cilddə kitab nəşr olunacaq”.

Q. Mehdiyev bildirib ki, kitab müxtəlif dillərə tərcümə edilib, dünya ölkələrinə yayımlanacaq.

Azərbaycandan yeganə təmsilçi olan Q. Çaxmaqlının məqaləsi isə erməni idelogiyasının ifşasına yönəlib. O, məqaləsində ermənilərin faşist idelogiyasını dəstəklədiklərini sübuta yetirir.

“Bu işə Azərbaycandan da nümayəndələr cəlb olunub. Erməni mövzusunu araşdıran alimlər, tarixçilər, politoloqlar da layihədə iştirak edəcək ”.

Xatırladaq ki, “Yeni Türkiyə dərgisi”nin kordinotoru tanınmış türk professoru Bilgehan Atsız Gökdağdır. Layihə rəhbəri isə Türkiyənin keçmiş təhsil naziri Həsən Cəlal Gözəldir.