Təbrik edirik
ADPU-nun Kimya fakültəsinin “Üzvi kimya və kimya texnologiyası” kafedrasının müəllimi, kimya üzrə fəlsəfə doktoru İsa Ağa oğlu Cəfərovun 65 yaşı tamam oldu. O, 1949-cu ildə indi erməni əsarətində qalan Qafan rayonunun Kurud kəndində anadan olub. Gığı kənd orta məktəbini Gümüş medalla, ADPU-nun kimya fakültəsini “fərqlənmə diplomu” ilə bitirib. İsa Cəfərov müəllim adının şərəfini həmişə uca tutub. Şəxsi ləyaqəti ilə hər yerdə örnək olub. Dünyamızın və cəmiyyətimizin təlatümlərindən, iqtisadi sıxıntılarından istifadə edərək onu boyun əyməyə çalışanların qarşısında daha vüqarlı dayanıb, daha da qürurlu görünüb. Bütün sədləri halal zəhmətilə dəf edib, övladlarını alın təri ilə bəsləyib. “Bütöv Azərbaycan” qəzetinin kollektivi İsa müəllimi təbrik edir, ona uzun ömür, sağlamlıq və pedaqoji fəaliyyətində uğurlar arzulayır.