Əziz oxucular, Bahəddin Həziyevlə Azərbaycan Dövlət Universitetində tələbə yoldaşı olmuşuq. İndi də həmkarıq. Onun "Facebook" səhifəsi statusunu oxuyub qürur hissi keçirdim. Həmin statusu sizlərlə təqdim edirəm, bir də xahiş edirəm ki, mətbuatımızı belələrilə tanıyın: Bu gün işdən evə gələrkən bir əsgəri yolda götürdüm. Yolumu bir az uzadıb onu Qaraçuxura apardım, sonra evə getdim. Buna bir növ adət etmişəm; yolda piyada qalan, avtobus gözləyən əsgər və ya zabitə rast gəlsəm, yolda qoymuram. Hətta bir zabiti bir dəfə Hacı Zeynalabdin Tağıyev qəsəbəsində - yolda götürüb Siyəzənə aparmışdım. Yağışlı havada həyat yoldaşı və körpə uşağı ilə yoldan keçən maşınlara əl edirdi. Mən heç gözləməmişdim ki, əlini qaldırsın, saxlamışdım. O vaxtdan dostlaşmışıq, ara-sıra zəngləşirik, bayramlarda bayramlaşırıq. Bu gün də bir əsgəri yağışlı havada yolda qoymadığıma görə əhvalım çox yaxşıdır. Bütün sürücülərə tövsiyyə edirəm ki, Ordumuzun əsgər və zabitlətini yolda piyada görürsünüzsə, imkanınız varsa, götürün. Çox gözəl olar. Onlar bizim üçün çətin xidmətdədirlər. Əlimizdən gəldiyi qədər onlara sevgimizi və minnətdarlığımızı ifadə edək. O zaman Vətəni qorumağın necə şərəfli iş olduğunu bir daha hiss edəcəklər.