Beynəlxalq Mətbuat Mərkəzində “ Xocalıya ədalət” beynəlxalq kampaniyası çərçivəsində Qafqaz- Media İctimai Birliyi Xocalı şəhidlərinin ruhuna hörmət əlaməti olaraq hazırlanmış “ Bizləri döyüşə səsləyir Allah” adlı video klipin təqdimat mərasimi keçirilmişdir.

Tədbirdə Xocalı faciəsinin qurbanları və Qarabağ müharibəsində şəhid olanların ruhu 1dəqiqəlik sükutla yad edildi.
Qafqaz- media ictimai birliyinin 5-ci layihəsi olan tədbiri giriş sözü ilə açan həkim jurnalist, şairə, Azərbaycan Yaziçilar Birliyinin üzvü, “Ürəyin dostları” Ümumdünya Kardioloqlar Assosiasiyasının üzvü Hacı Azadə Taleh Abbasqızı qeyd etdi ki, bu mahnının ərsəyə gəlməsində başlıca məqsəd Xocalı şəhidlərimizin ruhunu 1daha anmaq və gənclərdə vətənpərvərlik hissinin daha da artırilmasına nail olmaqdır.

Qeyd edim ki, tədbirdə Xocalı sakini Mehriban xanım həmin dəhşətli gecədə baş vermiş hadisələri, ermənilərin törətdiyi vəhşilikləri, azərbaycanlıların başına gətirdiyi faciələri detalları ilə tədbir iştirakçılarının nəzərinə çatdırmışdır. Onu da vurğulayım ki, Xocalı sakini olan Mehriban xanımın yoldaşı Xocalı İcra Hakimiyyəti başçısının müavini olmuş Şöhrət Həsənov da həmin gecə qəhrəmancasına şəhid olmuşdur.
Azadə xanımn sözlərinə yazılan bu mahnını gənc müğənni İlahə Mələyə həvalə edən xanım şairə onu da vurğuladı ki, bu artıq 3-cü mahnıdır ki, məhz gənc mügənni tərəfindən ifa olunur.
Mahnının musiqisi isə Elgün Seyidzadəyə məxsusdur.
Tədbirdə ictimaiyyət və mədəniyyət xadimləri,bəstəkarlar, media nümayəndələri, Rəssamlıq Akademiyasından, İncəsənət Gimnaziyasından və eləcə də Azərbaycan Hərb Tarixi Muzeyinin əməkdaşları da iştirak etmişdir.

Video klip izləndikdən sonra tədbir iştirakçıları və eələcə də, əməkdar-artist Elza Seyidcahan da klip haqqında öz yüksək fikirlərini bildirmişdir.

Nuranə Nəcəfova