Qəzzada beynəlxalq KİV-in yerləşdiyi binaya hava hücumu edilib .....                        Çində daha bir COVID-19 peyvəndinin təcili istifadəsinə razılıq verilib .....                        Azərbaycanda 377 nəfər koronavirusa yoluxub, 14 nəfər vəfat edib .....                        Bahalaşan və ucuzlaşan ərzaq məhsulları açıqlandı .....                        İsrail-Fələstin toqquşması nəticəsində ölənlərin sayı 140-ı keçib .....                        “Türk Hava Yolları” Gəncəyə uçuşları bərpa edib .....                        Ukraynadakı səfirliyimizə aid saxta nömrədən istifadə edən şəxs saxlanıldı .....                        Sabah 35 dərəcə isti olacaq .....                        Zakir Həsənov azad olunmuş ərazilərdə yeni hərbi hissənin açılışında - VİDEO .....                       
Tarix : 12-04-2021, 17:10
Vaxtında düzgün müayinə və müalicə aparılmadıqda Bexçet xəstəliyi hətta görmə qabiliyyətinin itirilməsinə də səbəb olur
Azərbaycan Tibb Universitetinin (ATU) Tədris Terapevtik Klinikasında Bexçet xəstəliyinə həsr olunmuş seminar keçirilib.

Butov.az xəbər verir ki, Universitetin mətbuat xidmətindən AZƏRTAC-a bildiriblər ki, toplantıda ATU-nun daxili xəstəliklər kafedrasının professoru, tibb elmləri doktoru, klinikanın Revmatologiya və qastroenterologiya şöbəsinin müdiri Sahib Musayev çıxış edərək xəstəlik haqqında ətraflı məlumat verib. Qeyd edib ki, vaxtında düzgün müayinə və müalicə aparılmadıqda Bexçet xəstəliyi hətta görmə qabiliyyətinin itirilməsinə də səbəb olur: “Bexçet xəstəliyi Asiya irqinə mənsub insanlar arasında geniş yayılıb. Qanında HLA-B(5) 51 antigeni olan insanlar monitorinqə cəlb olunub nəzarətdə saxlanılmalıdır. Çünki diaqnozun vaxtında qoyulmaması insanda görmə qabiliyyətinin itirilməsi ilə nəticələnir. Bexçet xəstəliyi, əsasən ağızda avtoz xoralar, xarici cinsiyyət orqanlarında müəyyən xoralı dəyişikliklər, dəridə eritema nodozum, pustulyoz dəyişikliklər və oynaqlarda dəyişikliklərlə xarakterizə olunur. Eləcə də, vaxtında diaqnoz qoyulmadıqda gözdə də ciddi dəyişikliklər baş verir”.

Professor Sahib Musayev diaqnozun vaxtında qoyulduğu və adekvat müalicə aparıldığı təqdirdə xəstələrin uzun müddət remissiya və əmək qabiliyyətini saxlaya biləcəyini də vurğulayıb. Seminara bu xəstəlik nəticəsində görmə qabiliyyətini itirmiş şəxs də dəvət olunub. Qeyd olunub ki, bu xəstəyə də uzun müddət diaqnoz qoyulmadığı üçün o, görmə qabiliyyətini itirib.

Daha sonra seminarda revmatologiya və Qastroenterologiya şöbəsinin III kurs rezidenti Sevin Həsənzadə “Çarpaz Birləşdirici Toxuma Xəstəliyi” mövzusunda çıxış edib. Bildirib ki, “Overlap” sindromunda xəstədə görülən diaqnostik əlamətlər iki və ya daha çox klassik autoimmun revmatik xəstəliklərinə aid ola bilər: “Hər iki xəstəlik öz kriteriyalarına tam olaraq cavab verir. İki xəstəliyin əlamətləri eyni dərəcədə görülə və ya biri o birindən daha üstün ola bilər. Əllərdə daha çox oynaq ağrıları və yumşaq şişkinlik, əzələ ağrıları, soyuqda və stress zamanı barmaqların ağarması, göyərməsi, qizarması (Reyno fenomeni), barmaq dərisində sərtləşmə və qalınlaşma, hərarət, çəki itkisi, halsızlıq müşahidə olunur”.

S.Həsənzadə qeyd edib ki, birləşdirici toxuma xəstəliyinin müalicəsi xəstənin vəziyyətinə və zədələnmələrə görə dəyişir. Xəstəliyin əlamətlərini tezliklə aradan qaldırmaq və uzunmüddətli nəzarətdə saxlamaq üçün revmatik dərmanların təsiri başlayanadək kortikosteroid müalicəsi aparılmalıdır.

Həkim və rezidentlərin maraqlı müzakirələri ilə davam edən seminar daha sonra sual-cavab sessiyası ilə işini bitirib.


Paylaş



Bölmə: Hərbi / Karusel / Manşet / Xəbər lenti
Fikirlər
Sorğu
Saytımızda hansı mövzulara daha çox yer verilməsini istəyirsiniz?


Son buraxılışımız
Facebook səhifəmiz
Təqvim
«    May 2021    »
BeÇaÇCaCŞB
 12
3456789
10111213141516
17181920212223
24252627282930
31 
Reklam
Hava
Valyuta
Reklam

Sayğac
Ən çox baxılanlar
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Foto
Hər ötən il növbəti il üçün xatirəyə çevrilir; bəzən xatırlanır, bəzən də yenidən yaşanılır. Ancaq elə illər var ki, onları yenidən yaşamaq mümkün olmur. Bu illərə Türkiyənin unudulmaz 90 - cı illərini aid etmək olar. Axı həmin illəri yaddaqalan edən nəydi?
Butov.az Türkiyə mətbuatına istinadən həmin unudulmazlığı təqdim edir:
Türkiyənin unudulmaz 90 - cı illəri...
Video
Şəhid Baş leytenant Azad Hümbətova həsr olunmuş qısa metrajlı film çəkildi

All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!