İdman » Səhifə 35

12-04-2025, 14:30

Azərbaycanda federasiya prezidenti vəfat etdi

Şimal Regional Futbol Federasiyasının prezidenti, “Sumqayıt” Futbol Klubunun Müşahidə Şurasının üzvü, futbol veteranı Abdulla Məmmədov vəfat edib.
Bu barədə AFFA-nın məlumatında bildirilib.
AFFA futbol ictimaiyyəti adından mərhumun doğmalarına və yaxınlarına dərin hüznlə başsağlığı verib.
Allah rəhmət eləsin.

Azərbaycanda federasiya prezidenti vəfat etdi

10-04-2025, 15:13

Güləşçimiz Avropa çempionu oldu

Azərbaycanın sərbəst güləşçisi Giorgi Meşvildişvili Slovakiyanın paytaxtı Bratislavada keçirilən Avropa çempionatında qızıl medal qazanıb.
125 kiloqram çəki dərəcəsində çıxış edən idmançı finalda gürcüstanlı Solomon Manaşviliyə qalib gəlib.
Həlledici görüşdə Dauren Kuruqluyevə (Yunanıstan) uduzan Osman Nurməhəmmədov (92 kiloqram) ikinci yerlə kifayətlənib. Ağanəzər Novruzov (74 kiloqram) isə bürünc medal uğrunda qarşılaşmada Ramazan Ramazanovu (Bolqarıstan) üstələyərək, Avropa üçüncüsü olub.
Qeyd edək ki, daha əvvəl sərbəst güləşçilərdən İslam Bazarqanov (57 kiloqram), Əli Rəhimzadə (65 kiloqram) və Kənan Heybətov (70 kiloqram) bürünc mükafata sahib çıxıblar.
Avropa çempionatına aprelin 13-də yekun vurulacaq.

Güləşçimiz Avropa çempionu oldu

8-04-2025, 23:49

3 idmançımız Avropada medal qazandı

Slovakiyada keçirilən güləş üzrə Avropa çempionatında ilk medalçılar müəyyənləşib.
İslam Bazarqanov (57 kiloqram) bolqarıstanlı İvaylo Tisovla görüşdə çətinlik çəkmədən tam üstünlüklə (12:2) qalib gələrək ardıcıl 2-ci dəfə Avropa çempionatında bürünc medal qazanıb.
Əli Rəhimzadə (65 kiloqram) ukraynalı Andrey Sviridlə görüşün əvvəlindən təşəbbüsə yiyələnib və sonadək üstünlüyünü qoruyub – 4:0. Bununla da Rəhimzadə 4-cü dəfə Avropa çempionatının bürünc medalına sahib çıxıb. Kənan Heybətov (70 kiloqram) üçüncü yer uğrunda macarıstanlı dünya və Avropa çempionu İsmayıl Musukayevla qarşılaşıb. Təcrübəli və titullu rəqibini 5:2 hesabı ilə məğlub edən Kənan ilk dəfə böyüklər arasında qitə birinciliyində fəxri kürsüyə qalxıb.
Beləliklə, sərbəst güləş millimiz ikinci yarış gününü 3 bürünc medalla başa vurub.

3 idmançımız Avropada medal qazandı

7-04-2025, 17:43

Marafonda iki idmançının ürəyi dayandı

Madrid yarımmarafonunda iki qaçışçı infarkt keçirib.
Bu barədə İspaniyanın "El País" qəzeti yazıb.
Bildirilir ki, daha 50 idmançı yüngül xəsarətlər və istilik vurması üçün tibbi yardım tələb edib.
Hadisə nəticəsində qaçışçılar təcili olaraq xəstəxanaya aparılıb. Həkimlər 21 yaşlı marafon iştirakçısını xilas edə biliblər, lakin ikinci 38 yaşlı qaçışçı həyatını itirib.
Müsabiqədə ümumilikdə 27 min nəfər iştirak edib.

Marafonda iki idmançının ürəyi dayandı

7-04-2025, 17:32

"Neftçi" "Şamaxı"nı məğlub etdi

"Neftçi" Misli Premyer Liqasının XXIX turunda "Şamaxı"nı məğlub edib.
Şamaxı şəhər stadionunda gerçəkləşən qarşılaşma paytaxt təmsilçisinin 2:0 hesablı qələbəsi ilə yekunlaşıb.
Görüşdə ilk qolu 42-ci dəqiqədə penaltidən Ramil Şeydayev vurub. 89-cu dəqiqədə isə Filip Ozobiç fərqi iki topa çatdırıb.
Xallarının sayını 35-ə çatdıran "ağ-qaralar" altıncı pillədə qərarlaşıb. Meydan sahibləri 28 xalla səkkizincidir.
Tura bu gün, saat 18:00-da başlanacaq "Araz-Naxçıvan" - "Sumqayıt" görüşü ilə yekun vurulacaq.
Qeyd edək ki, turun əvvəlki oyunlarında "Kəpəz" səfərdə "Sabah"ı, "Qarabağ" evdə "Zirə"ni 1:0 hesabı ilə üstələyib. "Səbail" - "Turan Tovuz" matçında hesab açılmayıb.

"Neftçi" "Şamaxı"nı məğlub etdi

7-04-2025, 16:45

Güləşçimiz erməni rəqibini məğlub etdi

Bu gün Bratislavada güləş üzrə Avropa çempionatı start götürüb.
Çempionatın ilk günündə güləşçimiz İbrahim İbrahimov 1/4 final mərhələsini adlayıb.
O, Avropa çempionu olan erməni rəqibi Vazgen Tevanyanı 2-3 hesabı məğlub edib.

Güləşçimiz erməni rəqibini məğlub etdi

6-04-2025, 19:23

"Kəpəz" "Səbail"i məğlub etdi

Misli Premyer Liqasının XXIX turunda "Kəpəz" səfərdə "Sabah"la üz-üzə gəlib.
“Bank Respublika Arena”da baş tutan oyunda gəncəlilər 1:0 hesablı qələbə qazanıb.
Yeganə qolu 41-ci dəqiqədə Valdemar Almeyda vurub.
"Sabah" 36 xalla turnir cədvəlində beşincidir. 27 xalı olan qərb təmsilçisi isə doqquzuncu pillədə yer alıb.

"Kəpəz" "Səbail"i məğlub etdi

5-04-2025, 14:05

Azərbaycan Premyer Liqasında XXIX tur

Bu gün futbol üzrə Azərbaycan Premyer Liqasında XXIX tura start veriləcək.
İlk oyun günündə bir qarşılaşma keçiriləcək. Çempionatın autsayderi "Səbail" öz meydanında avrokuboklar uğrunda mübarizə aparan "Turan Tovuz"u sınağa çəkəcək. "ASCO Arena"dakı görüş saat 17:00-da başlayacaq. Matçı baş hakim Rəşad Əhmədov idarə edəcək.
Hazırda Tovuz təmsilçisi 43 xalla 4-cü, Bakı klubu isə 19 xalla 10-cu pillədə qərarlaşıb.
Qeyd edək ki, turun digər oyunları aprelin 6-7-də təşkil olunacaq.

Azərbaycan Premyer Liqasında XXIX tur

4-04-2025, 00:31

"Beşiktaş" mübarizəni dayandırdı

Türkiyə kubokunda 1/4 final mərhələsinə yekun vurulub.
Son gündə bir oyun baş tutub.
“Beşiktaş” “Göztəpə”ni qəbul edib. İzmir təmsilçisi inamlı qələbə sayəsində sonuncu yarımfinalçı olub.
Yarımfinalda “Konyaspor” “Qalatasaray”la, “Trabzonspor” isə “Göztəpə” ilə üz-üzə gələcək. Oyunlar aprelin 22-24-də baş tutacaq.

"Beşiktaş" mübarizəni dayandırdı

3-04-2025, 00:10

“Qalatasaray” “Fənərbağça”nı məğlub etdi

Futbol üzrə Türkiyə Kubokunda 1/4 final mərhələsinin daha iki görüşü keçirilib.
Günün ilk oyunu “Trabzonspor”la “Bodrumspor” arasında olub. Qarşılaşma Qara dəniz təmsilçisinin 3:2 hesablı qələbəsi ilə yekunlaşıb.
Kubokun mərkəzi görüşü isə İstanbulda oynanılıb. Tarixi derbidə “Fənərbağça” əzəli rəqibi “Qalatasaray”la qarşılaşıb. Matç "cim-bom"un 2:1 hesablı üstünlüyü ilə bitib.
İstanbul klubu növbəti raundda "Konyaspor"la üz-üzə gələcək.
Türkiyə Kubokunda 1/4 final mərhələsinə aprelin 3-də “Beşiktaş” – “Göztəpə” oyunu ilə yekun vurulacaq. Cütün qalibi "Trabzonspor"a rəqib olacaq.

“Qalatasaray” “Fənərbağça”nı məğlub etdi