Xəbər » Səhifə 1904

4-02-2022, 12:15

İran Statistika Mərkəzinin son hesablamalarına görə, Ərdəbil İranda yoxsul əyalətlər sırasındadır. Məlumatda Ərdəbil əyalətinində yoxsulluq səviyyəsinin ölkə üzrə ortalama göstəricidən yüksək olduğu bildirirlir. Rəsmi statistikada ölkədə ailələrin 22,8%-nin mütləq yoxsulluq həddində olduğu göstərilib. Hesabata əsasən mütləq yoxsulluq səviyyəsinə görə, Sistan və Bəlucistan əyaləti hələ də ən pis vəziyyətdədir və orta hesabla bu əyalətdəki ailələrin 51,4%-i mütləq yoxsulluqdan əziyyət çəkir.
Statistika Mərkəzinin məlumatına görə, yoxsulluqdan ən az əziyyət çəkən əyalət 11.1% yoxsulluq göstəricisi ilə İranın mərkəzində yerləşən fars dilli Yəzd əyalətidir. Ərdəbil əyaləti geniş potensialına, kənd təsərrüfatına, yeraltı və yerüstü sərvətlərinə baxmayaraq yoxsulluq sıralamasında ölkə üzrə 12-ci yerdə qərar tutub.

Ərdəbil İranda yoxsul əyalətlər sırasındadır

4-02-2022, 12:10

Yanvarın 17-də təhlükəsizlik məmurları tərəfindən Təbrizdə həbs olunaraq ETTELAAT təcridxanasına aparılan bəhai dininə mənsub Sina Şəhri fevralın 2-də girov qarşılığında müvəqqəti olaraq məhkəməyə qədər azadlığa buraxılıb.
Sina Şəhrinin evində qanunsuz olaraq məhkəmə hökmü olmadan axtarış aparan təhlükəsizlik məmurları, ona məxsus bir neçə şəxsi əşyanı,o cümlədən bilgisayar və mobil telefonunu götürüblər.
Girov qarşılığında sərbəst buraxılan Sina Şəhrinin nədə ittiham olunduğu barədə heç bir məlumat verilməyib.
Ehtimal edilir ki, onun həbs edilməsinə səbə bəhai təriqətinə mənsub olmasıdır.
Yanvarın 22-də isə Sina Şəhrinin xanımı Nigar Nəsiri İran Təhlükəsizlik Nazirliyinin Təbriz bölməsinin “27-ci otaq” kimi tanınan informasiya şöbəsinə çağrılmış, yanvarın 23-də isə dindirilmişdi.
Qeyd edək ki, rəsmi statistikaya görə, hazırda İranda 350 mindən çox bəhai yaşasa da, İran İslam Respublikasının Ana Yasası bəhai dinini müstəqil bir din kimi tanımır.
Məhz buna görə də, son 43 ildə İranda bəhailərin sərbəst təhsil almasına və onların dövlət idarələrində işə götürülməsinə qadağa qoyulub, digər hüquqları məhdudlaşdırılıb.

İrana hakim radikal ruhanilərin təhriki ilə hakimiyyətə bağlı “Hizbullah”çı dəstələr vaxtaşırı bəhailərin iş yerlərinə hücum edir, mağazalarını bağlatdırır və ya yandırır, qəbiristanlıqlarını isə dağıdırlar.
1979-cu ildə İranda dini hakimiyyət qurulandan bu günə kimi, ölkədə minlərlə bəhai həbs olunub, yüzlərlə bəhai edam edilib və on minlərlə bəhai ölkədən köçmək məcburiyyətində qalıb.

Təbrizli bəhai müvəqqəti azadlığa buraxılıb

3-02-2022, 18:26

İlham İbadlı,
Lerik rayonu. Politoloq,
Azərbaycan Jurnalistlər Birliyinin üzvü.

Çox hörmətli, Ruslan müəllim!

Mən bu yazıya “Ruslanqrad döyüşü Lerikin Dırıq zonasını xilas edə biləcəkmi?” başlığını vermək istəyirdim. Lakin sonradan fikrimdən daşındım. Və yuxarıda qeyd etdiyim başlığı yazdım. Mən rəhbəri olduğunuz Azəriqaz İstehsalat Birliyində təşkil olunan Mətbuat konfranslarında vaxtaşırı iştirak edirəm. Oradakı bütün məsələlərdən bir jurnalist olaraq xəbərdaram. Mənə o da bəllidir ki, bu gün məni bir ziyalı olaraq narahat edən məsələlər siz rəhbərliyə gəlməmişdən qabaqkı dövrlərə təsadüf edir.
Fakt: 2005-ci ildə Lerik rayonunun Ordahal kəndində Qazpaylayıcı stansiya tikilib istifadəyə verilmişdir. Bu günə qədər həmin məntəqədən yalnız bircə Ordahal kəndinin sakinləri istifadə edir. 27 kəndi, 30 minə yaxın əhalisi və 22 minə qədər seçicisi olan bir zonada əhali qazla təmin olunmayıb. Çox sağ olun ki, Dırıq zonasında yerləşən Züvüç kəndi 2022-ci ilin qazlaşması nəzərdə tutulan kəndlərin siyahısındadır. Lakin digər kəndlərdə, mən Dırıq zonasını nəzərdə tuturam, qazlaşma məsələsi barədə müsbət addım yoxdur. Bu məsələlərin hansı mənbədən qidalanması mənə bəlli deyil. Mənə bəlli olan odur ki, yalnız Lerikdən deputat seçilmiş İqbal Fatmaoğlunun dünyaya göz açdığı kənd və digər ona bitişik məntəqələr qazlaşdırıldı. Hətta onun qardaşı Çingiz xanın adına olan müəssisələr harada mövcuddursa, oraya qaz xətti təcilli olaraq çəkilib. Bütün bunlar hamam üsulu ilə dost tutmaq demək deyildirmi? Bu, büdcədən israfçılıq etməkdir.

Mən Mətbuat konfranslarında da bu məsələləri qaldırmışam. Siz xəbərdarsınız. Onu da sizin hüzurunuzda vurğulamışam ki, əslən Lerik rayonundan olan, lakin Bakıdan deputat seçilmiş Hüseynqulu Mirələmovun doğma kəndi də qazsız qalmayıb. Yəni, Lerikin Nuravud kəndinə qaz çəkilib. Bütün bunlar bir yana. Onu da vurğulamaq yerinə düşərdi ki, Lerik rayonunun Qaz İstismarı İdarəsinə yalnız Milli Məclisin adlarını yuxarıda sadaladığım deputatların yaxın qohumları rəhbərlik edib. Ya deputatların qardaşı oğlu, əmisi oğlu, ya da deputatın bacısının qaynı qaz sahəsində rəhbərliyə gətirilib. Bu, nə deməkdir? Lerik rayonunda başqa bir ziyalı, başqa bir təşkilatçı yoxdurmu?

Yazıqlar olsun Sizdən əvvəl bu addımı atanlara. Axı, yuxarıda qeyd etmişəm ki, bu olaylar sizin rəhbərliyinizdən əvvəlki dövrlərdə olub. İndi isə məni jurnalist olaraq bir məsələ maraqlandırır: “Ruslanqrad döyüşü Lerikin Dırıq zonasını xilas edə biləcəkmi?” Təki, belə olsun. Allaha yaxınlığı ilə tanınan leriklilərin dualları, məncə, sizi hifz edəcək. Təki, tutduğunuz yoldan dönməyəsiniz. Lerikin Dırıq zonasından sallana-sallana gedən qaz kəmərlərinə əhali illərdir həsrətlə baxır. Axı, Lerikin Dırıq zonasının hər bir kəndindən, hər bir aulundan ana qaz xətti ötüb keçir. Ötüb keçən qaz
xəttinə həsrətli baxışlar hakim kəsilib. İnanıram ki, qaldırdığım problem tərəfinizdən vaxtında icra olunacaq.

« Oktyabr 2025 »
Be	Ça	Ç	Ca	C	Ş	B
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31

« Oktyabr 2025 »
Be	Ça	Ç	Ca	C	Ş	B
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31

« Oktyabr 2025 »
Be	Ça	Ç	Ca	C	Ş	B
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31