16-08-2022, 22:14
MSK-nın yeni strukturu belədir
Bu gün Məzahir Pənahovun sədrliyi ilə Mərkəzi Seçki Komissiyasının (MSK) iclası keçirilib. MSK Katibliyinin Media və kommunikasiya şöbəsindən bildirilib ki, əvvəlcə Komissiyanın 2022-ci il avqustun 4-də keçirilmiş iclasının protokolu təsdiqlənib. Sonra Mərkəzi Seçki Komissiyası Katibliyinin strukturunun və ştat vahidlərinin yenidən təsdiq olunması məsələsi müzakirə edilib. Bildirilib ki, Katibliyin fəaliyyətinin səmərəliliyinin daha da artırılması məqsədilə Komissiyanın 2022-ci il 4 avqust tarixli Qərarı ilə “Mərkəzi Seçki Komissiyasının Katibliyi haqqında Əsasnamə”yə dəyişikliklər edildiyi üçün mövcud strukturun təkmilləşdirilərək yenidən təsdiq edilməsinə zərurət yaranıb. Qeyd olunanları əsas götürən Mərkəzi Seçki Komissiyası Katibliyin strukturunun və ştat vahidlərinin yenidən təsdiq edilməsinə qərar verib. Media tərəfindən geniş işıqlandırılan iclasda, həmçinin bir sıra seçki dairələri dairə seçki komissiyalarının tərkibində dəyişikliklər edilib və cari məsələlərə baxılıb. Qeyd edək ki, iclasdan sonra MSK-nın yeni strukturu da məlum olub. Belə ki, qurumun ştat cədvəlindəki vahidlərin sayı 129-dur. MSK-nın strukturunu təqdim edirik:
Katibliyin müdiri
Katibliyin rəhbərinin müavini
Katibliyin müdirinin köməkçisi
Katibliyin Təşkilat şöbəsi
Katibliyin Hüquq şöbəsi
Katibliyin Beynəlxalq əlaqələr şöbəsi
Treninq sektoru
Katibliyin İnformasiya mərkəzi (şöbə statusunda)
İnformasiya sistemlərinin avtomatlaşdırılması sektoru
İnformasiya şəbəkəsinə nəzarət və koordinasiya sektoru
Texniki və sistem təminatı sektoru
Katibliyin Ümumi şöbəsi
Kargüzarlıq sektoru
İnsan resursları sektoru
Katibliyin Media və kommunikasiya şöbəsi
Katibliyin Siyasi partiya və ictimai təsisatlarla iş şöbəsi
Seçkilərlə (referendumla) bağlı siyasi partiyalarla iş sektoru
Siyasi partiyaların maliyyə hesabatları üzrə iş sektoru
Katibliyin Redaksiya və nəşr şöbəsi
Katibliyin Maliyyə şöbəsi
Katibliyin Təsərrüfat şöbəsi
16-08-2022, 22:08
İran hərbçiləri azad edilmiş ərazilərdə
Müdafiə Nazirliyinin təşkilatçılığı ilə İran İslam Respublikası Silahlı Qüvvələrinin nümayəndələrindən ibarət mütəxəssis heyəti işğaldan azad edilmiş ərazilərə səfər edib. Bu barədə Müdafiə Nazirliyindən məlumat verilib. Səfər çərçivəsində nümayəndə heyəti Vətən müharibəsi zamanı Ermənistan tərəfindən raket və ağır artilleriya hücumlarına məruz qalan Bərdə və Tərtər rayonlarında olub. İran İslam Respublikasının Azərbaycandakı səfirliyinin əməkdaşlarının da iştirak etdiyi səfər avqustun 20-dək davam edəcək.
16-08-2022, 22:05
81 seçki dairəsinin sərhədləri müəyyənləşib
81 seçki dairəsinin sərhədlərinin müəyyən edilməsi ilkin mərhələdə başa çatıb. Bu barədə Mərkəzi Seçki Komissiyasının sədr müavini Rövzət Qasımov qurumun bu gün keçirilən iclasında deyib. MSK rəsmisi qeyd edib ki, seçki dairələrinin sərhədlərinin müəyyən edilməsi ilə bağlı işlər davam etdirilir.
16-08-2022, 22:02
Futbol millimiz İslamiadada üçüncü oldu
23 yaşadək futbolçulardan ibarət Azərbaycan milli komandası Konyada təşkil olunan V İslam Həmrəyliyi Oyunlarında üçüncü olub. Butov.az xəbər verir ki, Konyadakı Cümhuriyyet stadionunda keçirilən qarşılaşmada seçməmiz Əlcəzair yığması ilə qarşılaşıb. Matçda hesab açılmayıb. Qalibi müəyyənləşdirmək üçün penaltilər seriyasına ehtiyac duyulub. Zərbələri dəqiq yerinə yetirən Azərbaycan millisi qələbə qazanıb – 4:3. Oyunu Azərbaycan Milli Olimpiya Komitəsinin vitse-prezidenti Çingiz Hüseynzadə, AFFA-nın vitse-prezidenti Vaqif Sadıqov, veteran futbolçu İsgəndər Cavadov və Azərbaycan Milli Karate Federasiyasının prezidenti Yaşar Bəşirov da izləyiblər.
16-08-2022, 21:56
Snayperlərimiz İranda döyüş vəziyyətinə gətirildi
İran İslam Respublikasının Yəzd şəhərində keçirilən "Snayper həddi" müsabiqəsində komandaların yarışların birinci mərhələsinə hazırlıq prosesi davam edir. Bu barədə Müdafiə Nazirliyindən məlumat verilib. Müsabiqədə ölkəmizi təmsil edən Azərbaycan Ordusunun hərbi qulluqçuları atışların sıxlığı və sərrastlığına nail olmaq məqsədilə onlara təhkim edilən silahları sıfırlayaraq döyüş vəziyyətinə gətirib, sınaq atışları icra ediblər. Hərbi qulluqçularımız tərəfindən sınaq atışları uğurla yerinə yetirilib.
16-08-2022, 21:49
Ukraynada azərbaycanlı döyüşçü həlak oldu
Ukraynanın Donetsk bölgəsində ruslarla savaşda daha bir azərbaycanlı döyüşçü həlak olub. Bu barədə Ukraynada yaşayan diaspor fəalı Ceyhun Kəsəmən bildirib. Onun sözlərinə görə, həlak olan həmyerlimiz Elşad Ağalovdur. O, "Gürcü legionu"nun əsgəri olub. Əslən Zəngilan rayonundan idi. Hazırda Ukrayna Azərbaycanlıları Şurası Azərbaycanın Ukraynadakı səfirliyi ilə birgə onun cəsədinin Vətənə göndərilməsi məsələsi ilə məşğuldur. Allah rəhmət eləsin!
16-08-2022, 21:44
Ermənistan sülhə belə hazırlaşır?!
“Baxın, qanunsuz erməni sakinləri Laçın şəhərini, Zabux və Sus kəndlərini tərk edərkən ərazidə nə qalıb”. Bu barədə Xarici İşlər Nazirliyinin (XİN) Mətbuat xidməti idarəsinin rəisi Leyla Abdullayeva tviter hesabında yazıb. Paylaşımında ermənilərin Laçın, Zabux və Susda vandallıq faktlarını əks etdirən görüntüləri paylaşan XİN rəsmisi vurğulayıb: “Evlər dağıdılaraq yandırılıb, meşələrdə yanğınlar törədilib, flora və faunaya ciddi ziyan dəyib, infrastuktur obyektləri dağıdılıb. Ermənistan sülhə belə hazırlaşır?!”
16-08-2022, 21:35
Meşələri yandıran ermənilərə cinayət işi açıldı
Ermənilərin Laçın və Xocalıda törətdiyi yanğınlarla bağlı cinayət işi başlanılıb. Bu barədə Baş Prokurorluğun Mətbuat Xidmətindən məlumat verilib. Bildirilib ki, bir sıra media və sosial şəbəkə səhifələrində Azərbaycanın Laçın, Xocalı və digər rayonlarında ekoloji mühiti çirkləndirməklə ekosistemə zərər vurmaq məqsədilə müxtəlif yandırıcı material və maddələrdən istifadə edilərək meşələrin, yaşayış evlərinin yandırılmasını əks etdirən videogörüntülər və fotolar yayılıb. Yayımlanan məlumatlarla bağlı Baş Prokurorluğun İstintaq idarəsi tərəfindən dərhal araşdırmalara başlanaraq həmin cinayətlərin kimlər tərəfindən törədilməsinin müəyyən edilməsi istiqamətində müvafiq prosessual hərəkətlər yerinə yetirilib. İlkin araşdırmalarla həmin yanğın hadisələrinin Azərbaycan Respublikasının Laçın, Xocalı rayonlarının ərazisində törədilməsi və qısa müddətdə yanğınların lokallaşdırılaraq ətraf ərazilərə yayılmasının qarşısının alınması müəyyən edilib. Qeyd olunan faktlarla bağlı İstintaq idarəsində Cinayət Məcəlləsinin 282.1 (təxribat) və 186.2.2-ci (yandırmaqla və ya başqa ümumi təhlükəli üsulla özgənin əmlakını qəsdən məhv etmə və ya zədələmə) maddələri ilə cinayət işi başlanmaqla hazırda təxirəsalınmaz istintaq hərəkətlərinin icrası davam etdirilir. “Azərbaycan Respublikasının ərazilərində “Canlı təbiətin və təbii mühitin qorunması haqqında” 1979-cu il tarixli Avropa konvensiyanın tələblərini kobud şəkildə pozaraq ətraf mühitə qəsd edən geniş, uzun sürən və ciddi ziyan vurmaq məqsədilə təbii sərvət hesab edilən qiymətli və çoxillik ağacları olan meşələri qəsdən məhv etməklə ekoloji terrorçuluq törədənlərin müəyyən edilərək cinayət məsulliyətinə cəlb edilməsi istiqamətində qanunamüvafiq bütün tədbirlər görüləcəkdir", - deyə məlumatda qeyd olunub.
16-08-2022, 21:27
Hökumət azad edilmiş ərazilərlə bağlı qərar verdi
“İşğaldan azad edilmiş ərazilərin Ümumi planı” təsdiqlənib. Butov.az xəbər verir ki, Azərbaycan Respublikasının Baş naziri Əli Əsədov avqustun 16-da “İşğaldan azad edilmiş ərazilərin Ümumi planı”nın təsdiq edilməsi haqqında Qərar imzalayıb.
16-08-2022, 21:24
Ağdamın Baş planı təsdiqləndi
Ağdam şəhərinin 2040-cı ilədək inkişafına dair Baş planı təsdiqlənib. Bununla bağlı Baş nazir Əli Əsədov qərar imzalayıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!