2-10-2023, 17:48
Dövlət Başçısı Qranadada keçiriləcək görüşə münasibət bildirdi
Qranadada keçiriləcək qarşıdan gələn görüşün regionda sülh gündəliyinin inkişafına təkan verəcəyinə ümidvarıq.
Bu barədə Prezident İlham Əliyev oktyabrın 2-də Anqlikan Kilsəsinin dini rəhbəri, Kenterberi Arxiyepiskopu Castin Velbini qəbul edərkən bildirib.
Prezident İlham Əliyev Qranadada keçiriləcək qarşıdan gələn görüşün regionda sülh gündəliyinin inkişafına təkan verəcəyinə ümidvarlığını ifadə edib.
Azərbaycanın sülh müqaviləsi ilə bağlı təşəbbüslə çıxış etdiyini bir daha vurğulayan Prezident İlham Əliyev sülh gündəliyinin irəli aparılması üçün regionda tarixi imkanların və fürsətlərin yarandığını bildirib, hazırda ölkəmizin bu istiqamətdə göstərdiyi səylərə toxunub.
2-10-2023, 17:40
Paşinyan Avropa nümayəndə heyətinin rəhbəriylə görüşdü
Ermənistanın baş naziri Nikol Paşinyan Avropa nümayəndə heyətinin rəhbəri Vasilis Maraqosla görüşüb.
Görüş İrəvanda baş tutub.
O, Ermənistanda yaranmış vəziyyətdən çıxmaq üçün beynəlxalq yardım gözlədiyini bildirib. O, müxtəlif layihələr üzrə 2.6 milyard dollar vəsaitin ayrılmasının önəmindən söz açıb.
Tərəflər həmçinin qarşılıqlı maraq doğuran bir sıra məsələləri müzakirə ediblər.
2-10-2023, 17:17
Erməniləri qalmağa və çoxmillətli Azərbaycanın bir hissəsi olmağa çağırmışıq
“Azərbaycanın Qarabağ bölgəsinin erməni sakinlərinin Ermənistana getməsi onların könüllü qərarıdır, geri qayıda bilərlər”.
Bu barədə Türkiyənin gdh.digital nəşrinə açıqlamasında Azərbaycan Prezidentinin xüsusi tapşırıqlar üzrə nümayəndəsi Elçin Əmirbəyov bildirib.
Qarabağ bölgəsinin erməni sakinlərinin sıxışdırılması ilə bağlı ittihamları rədd edən Azərbaycan Prezidentinin nümayəndəsi deyib:
“Xüsusilə vurğulamalıyam ki, biz onları qalmağa və çoxmillətli Azərbaycanın bir hissəsi olmağa çağırmışıq. Baxın, Azərbaycanın rəsmi qurumları son bir neçə gündə nə ediblər: Qarabağ bölgəsinəmüxtəlif humanitar yardımlar, dərmanlar, yanğınsöndürən maşınlar göndərmişik. Biz Xankəndiyə 24 saat elektrik enerjisinin verilməsini təmin etmişik”.
E.Əmirbəyov deyib ki, Azərbaycan Ermənistanın baş naziri Nikol Paşinyanın Qarabağda "etnik təmizləmə" ilə bağlı əsassız iddialarını pisləyir:“Paşinyan Azərbaycanın ermənilərə humanitar yardım göstərmək səylərini və onların reinteqrasiya prosesini pozmağa çalışır. Bu, həm də Azərbaycanla Ermənistan arasında sülh sazişinin bağlanması ehtimalını sarsıdır”.
2-10-2023, 16:54
Azərbaycanın rəsmi nümayəndəsi İrana səfərə hazırlaşır
Azərbaycanın rəsmi nümayəndəsi İrana səfərə hazırlaşır, səfərin dəqiq tarixi vaxtında açıqlanacaq.
Bu barədə İran Xarici İşlər Nazirliyinin rəsmi nümayəndəsi Naser Kənani bildirib.
O, həmçinin planlaşdırılan səfərlə yanaşı, hazırda bir sıra məsələlər üzrə ikitərəfli müzakirələrin aparıldığını deyib.
Kənani qeyd edib ki, bunlar arasında əsas məqam Azərbaycanın Tehrandakı səfirliyinin fəaliyyətinin bərpası və Qafqaz regionunda baş verən proseslərdir.
2-10-2023, 16:41
Qriqoryan İrana səfər məqsədini açıqladı
Rəsmi Tehran Ermənistan Təhlükəsizlik Şurasının katibi Armen Qriqoryanın İrana səfərinin məqsədləri barədə açıqlama verib.
Bu barədə İran Xarici İşlər Nazirliyinin rəsmi nümayəndəsi Naser Kənani danışıb.
O bildirib ki, Qriqoryanın Tehrana səfəri İslam Respublikası üçün Qafqazdakı münaqişələrin potensial həllinə öz mövqeyini ifadə etmək üçün fürsət oldu.
Onun sözlərinə görə, səfər iki qonşu ölkə arasında ikitərəfli münasibətləri və Qafqaz regionunda baş verən hadisələri nəzərdən keçirmək üçün danışıqların və təmasların davamı çərçivəsində baş tutub.
Kənani bildirib ki, İran Qafqazdakı vəziyyətə böyük əhəmiyyət verir və Ermənistan rəsmisinin Tehrana səfəri bu məsələlərin müzakirəsi üçün baş tutub. O, Tehranın Bakı ilə İrəvan arasında münaqişələrin dayandırılmasını alqışladığını qeyd edərək, İranın beynəlxalq və geosiyasi sərhədlərin istənilən dəyişikliyinə qarşı olduğunu vurğulayıb.
İranın xarici işlər naziri Hüseyn Əmir Abdollahianın “Zəngəzur dəhlizi” ilə bağlı son açıqlamalarına gəlincə, Naser Kənanai bildirib ki, İslam Respublikası regionun bütün ölkələrinə fayda verəcək nəqliyyat şəbəkələrinin inkişafına sadiqdir, lakin beynəlxalq sərhədlərin dəyişdirilməsi və regiondan kənar müdaxilənin əleyhinədir.
“İranın regionun sərhədləri ilə bağlı mövqeyi kifayət qədər aydındır. Biz dəfələrlə öz mövqeyimizi bildirmişik. Biz bütün tərəflərin mübahisələrin siyasi və dinc vasitələrlə danışıqlar yolu ilə həlli üçün məsuliyyətli səylərinin zəruriliyinə inanırıq”, - o qeyd edib və əlavə edib ki, İran Qafqazdakı problemlərin həlli üçün mümkün olan hər şeyi etməyə hazırdır.
2-10-2023, 16:36
İlham Əliyev Səlcuq Bayrakdarla görüşdü
Azərbaycan Respublikasının Prezidenti İlham Əliyev Türkiyənin "Bayraktar TB2" pilotsuz uçuş aparatının yaradıcısı, "Baykar Savunma" şirkətinin texniki direktoru Səlcuq Bayrakdarla görüşüb.
Bu barədə türkiyəli iş adamı sosial şəbəkədə paylaşım edib.
Bayraktar Azərbaycan lideri ilə "Akıncı" PUA-nın önündə şəkil çəkdiriblər.
2-10-2023, 16:24
Qarabağda Azərbaycan manatı tədavülə buraxılacaq
Azərbaycanın Qarabağ bölgəsində yaşayan erməni sakinlərin reinteqrasiyası çərçivəsində Azərbaycan Respublikasının milli valyutasının tam tədavülə keçməsi təmin edilir.
Bu barədə Azərbaycan Respublikası Prezidentinin Administrasiyası məlumat yayıb.
Sakinlərin yaşadıqları ərazilərdə sahibkarlıq fəaliyyəti üçün dəstək tədbirləri həyata keçirilir. Ölkədə sahibkarlıq subyektlərinin maliyyəyə çıxış imkanlarının artırılması ilə bağlı tətbiq olunan güzəştli kreditlər, faizlərin subsidiyalaşdırılması, kreditlərə zəmanətin verilməsi və digər maliyyə alətləri sakinlərin yaşadıqları ərazilərə şamil olunur.
Fermerlərə subsidiyalar verilir və onlar torpaq vergisi istisna olmaqla, bütün vergilərdən azad edilir.
Mülkiyyət məsələləri Azərbaycan Respublikasının qanunlarına uyğun olaraq tənzimlənir.
2-10-2023, 16:18
Qarabağdakı ermənilərə öz dillərindən istifadə hüququ veriləcək
Qarabağda erməni sakinlərin öz mədəniyyətini, etnik-mədəni xüsusiyyətlərini qorumaq və inkişaf etdirmək hüququ təmin ediləcək.
Bu barədə Azərbaycan Respublikası Prezidentinin Administrasiyasının açıqlamasında deyilir.
Qeyd edilib ki, dini etiqad azadlığı, mədəni və dini abidələrin mühafizəsi təmin olunacaq.
Bundan başqa erməni dilinin istifadəsinə imkan yaradılacaq.
Reinteqrasiyanın praktiki icrası ilə bağlı erməni sakinlərin nümayəndələri ilə təmaslar davam etdiriləcək.
2-10-2023, 16:12
Qarabağda yaşayan erməni sakinləri bu vergilərdən azad ediləcək
Xəbər verdiyimiz kimi, Azərbaycan Respublikası Prezidentinin Administrasiyası Qarabağın erməni sakinlərin nümayəndələri ilə Yevlax və Xocalı şəhərlərində baş tutan görüşlər barədə açıqlama yayıb.
Görüşlərdə Azərbaycan Respublikasının reinteqrasiyaya dair planları təqdim edilib və onun ətrafında müzakirələr aparılıb.
Bildirilir ki, Qarabağın erməni sakinlərin yaşadıqları ərazilərin fiziki və sosial infrastruktur təminatı (təhsil, səhiyyə, enerji, qaz, su, yol, rabitə, meliorasiya və s.) müəyyən müddət ərzində ölkə üzrə orta göstəricilər səviyyəsinə çatdırılır.
Qarabağ və Şərqi Zəngəzur iqtisadi rayonlarında iqtisadi inkişafın sürətləndirilməsi məqsədilə tətbiq edilən xüsusi iqtisadi rejim ilə bağlı təşviq paketi, o cümlədən vergi və gömrük güzəştləri sakinlərin yaşadıqları ərazilərə şamil olunur.
Sakinlərin yaşadıqları ərazilərdə sahibkarlıq fəaliyyəti üçün dəstək tədbirləri həyata keçirilir. Ölkədə sahibkarlıq subyektlərinin maliyyəyə çıxış imkanlarının artırılması ilə bağlı tətbiq olunan güzəştli kreditlər, faizlərin subsidiyalaşdırılması, kreditlərə zəmanətin verilməsi və digər maliyyə alətləri sakinlərin yaşadıqları ərazilərə şamil olunur.
Fermerlərə subsidiyalar verilir və onlar torpaq vergisi istisna olmaqla, bütün vergilərdən azad edilir.
Mülkiyyət məsələləri Azərbaycan Respublikasının qanunlarına uyğun olaraq tənzimlənir.
2-10-2023, 16:04
Xankəndidə ictimai təhlükəsizliyə nəzarəti Azərbaycan polisi həyata keçirir -DİN
Hazırda Xankəndidə ictimai təhlükəsizliyə nəzarəti Azərbaycan polisi həyata keçirir”.
Bunu Daxili İşlər Nazirliyinin mətbuat xidmətinin rəisi Elşad Hacıyev bazar ertəsi BBC Azərbaycancaya bildirib.
Onun sözlərinə görə, 19-20 sentyabr antiterror tədbirlərindən sonra Qarabağ iqtisadi rayonunda ictimai qaydalara və ictimai təhlükəsizliyə nəzarət Daxili İşlər Nazirliyinin əməkdaşlarının səlahiyyətlətinə daxildir.
Azərbaycan Prezident Adminstrasiyası bazar günü açıqlayıb ki, Dövlət Miqrasiya xidməti Xankəndidə əhalinin reinteqrasiya prosesinə başlayıb. "Reinteqrasiya prosesinə qoşulmaq məqsədilə ilkin qeydiyyat üçün müraciətlərin qəbulu Dövlət Miqrasiya Xidmətinin əməkdaşları tərəfindən Xankəndi şəhərində yerləşən keçmiş “polis” binasında aparılır", - məlumatda deyilir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!