Bu gün Mehdiabad qəsəbəsində fəaliyyət göstərən 4 məktəbin müəllim və şagirdləri iki saylı məktəbin böyük iclas zalında “Heydər Əliyev Azərbaycan multikulturalizminin siyasi banisidir” mövzusunda mühazirə dinləyiblər.
Mühazirə başlayana qədər Abşeron Rayon İcra Hakimiyyəti başçısının müavini Fuad Cəbrayılov rayon rəhbərliyi adından bütün müəllim və şagirdləri yeni dərs ilinin başlanması münasibətilə təbrik edib, təhsildə yeni- yeni uğurlar arzulayıb. Abşeron rayonunda Heydər Əliyev siyasi məktəbinin səmərəli fəaliyyətindən söhbət açan Fuad Cəbrayılov bu günkü məşğələnin Azərbaycanın dünyaya örnək olduğu multikultralizm məsələsinə həsr olunduğunu diqqətə çatdırıb.
Mühazirə dinlənildikdən sonra Azərbaycan Respublikasının Prezidenti yanında Bilik Fondunun mətbuat katibi Ceyhun Musaoğlu fondun həyata keçirdiyi uğurlu layıhələrdən söhbət açıb. Toplantı iştirakçılarını Bilik Fondu ilə fəal əməkdaşlığa dəvət edib.
2 saylı məktəbin direktoru Vüsal Süleymanov məktəblilərin dünyagörüşünə müsbət təsir edən belə tədbirləyin zəruriliyindən danışıb.
Sonda tədbir iştirakçıları xatirə şəkli çəkdiriblər.