5-01-2022, 11:12
Türkiyənin Adana şəhərində buludların arasında müşahidə olunan hadisə sakinlər arasında müzakirələrə yol açıb.
Bütöv.az xəbər verir ki, səmada işıqların hərəkət etdiyi müşahidə olunub. Hadisəni bir neçə rayondan izləmək mümkün olub. Gecə saatlarında baş verən hadisə sosial mediada böyük kütlə tərəfindən izlənilib. Olayın səbəbləri barədə sakinlər müvafiq dairələrdən açıqlama tələb ediblər. Hələlik hadisə barədə açıqlama verilməyib.
5-01-2022, 11:10
Qazaxıstanda polislə etirazçılar arasında baş verən toqquşma nəticəsində 100-ə qədər polis və çox sayda nümayişçi xəsarət alıb.
Bütöv.az xəbər verir ki, nümayişçilər xeyli sayda polis avtomobilinə zərər vurub. 200-dən çox nümayişçi saxlanılıb. Prezident Kasım-Jomart Tokayev xalqa müraciətində bildirib ki, aksiya iştirakçılarının bütün qanuni tələblərinə diqqətlə baxılacaq. O, etirazçıları tədbirli olmağa və təxribatlara uymamağa çağırıb.
Qeyd edək ki, Qazaxıstan mediasının məlumatına görə, etirazlara nəqliyyat vasitələri üçün maye qazın kəskin bahalaşması səbəb olub. Etirazçıların sözlərinə görə, yanvarın 1-dən maye qazın bir litrinin qiyməti 120 təngəyə (0,27 dollar) qalxıb, sakinlər onun 60 təngəyə (0,13 dollar) endirilməsini tələb edirlər.
5-01-2022, 10:45
Türkiyə prezident Rəcəb Tayyib Ərdoğan hakim Ədalət və İnkişaf Partiyasının genişləndirilmiş toplantısında çıxış edərək ökədəki iqtisadi vəziyyətə toxunub.
O, bildirib ki, Türkiyə hökuməti xalqı valyuta bazarındakı çalxalanma və süni qiymət artımı yükündən azad etməkdə qərarlıdır.
“Elan edilmiş iqtisadi tədbirlər paketi sayəsində biz valyuta məzənnələrindəki dalğalanmaların qarşısını ala bildik. Ümid edirik ki, ən qısa müddətdə inflyasiyanı da nəzarət altına ala biləcəyik və o zaman ölkə layiq olmadığı vəziyyətdən çıxacaq”, - deyə dövlət başçısı bildirib.
O, vurğulayıb ki, ilin yekununda qeydə alınan 225 milyard dollarlıq ixrac göstəricisi Türkiyənin doğru yolda olduğunu nümayiş etdirir.
Mənbə: “Anadolu”
Bütöv.az
5-01-2022, 10:43
Qazaxıstan Prezidenti Kasım-Jomart Tokaev hökumətin istefaya göndərilməsinə dair sərəncam imzalayıb.
Baş nazir vəzifəsinin icrası baş birinci müavini Alixan Smayilova həvalə olunub. Sənəddə göstərilir ki, hökumət üzvləri yeni kabinet formalaşanadək vəzifələrinin icrasını davam etdirəcəklər.
Hökumətdəki mənbələrin xəbərinə görə, Milli Təhlükəsizlik Komitəsi sədrinin birinci müavini postuna prezident administrasiyasının rəhbəri Murat Nurtle gətirilib.
Bütöv.az
5-01-2022, 10:31
Baş Prokurorluqda kadr dəyişikliyi olub.
Modern.az-ın məlumatına görə, bununla bağlı Baş prokuror Kamran Əliyev əmr imzalayıb.
Əmrə əsasən, Baş Prokurorluğun İstintaq İdarəsinin xüsusilə mühüm işlər üzrə müstəntiqi Orxan Rzayev tutduğu vəzifədən azad edilib və Baş Prokurorluğun Kriminalistika və informasiya texnologiyaları idarəsinin Kriminalistika şöbəsinin rəisi – idarə rəisinin müavini vəzifəsinə təyin edilib.
Baş Prokurorluğun mətbuat xidməti faktı təsdiqləyib.
Bütöv.az
5-01-2022, 10:28
Yeni ilin ilk günlərində dünya iqtisadiyyatında ötən il başlayan bahalaşmaya buğda qiymətlərinin artması da əlavə olundu.
Mütəxəssislər hesab edir ki, əsas buğda istehsalçıları olan Aİ və Avstraliyada keyfiyyətin aşağı düşməsi, Argentinada inflyasiya ilə mübarizə üçün ixracın məhdudlaşdırılması ilin birinci yarısında yüksək proteinli buğda mənbəyi kimi Rusiyaya üstünlük verəcək.
Bununla belə, ölkənin ixracına tətbiq edilən vergi bir neçə ay əvvəl rekord həddə çatan Qara dəniz buğdasının qiymətinin daha da artmasına səbəb ola bilər.
Bütöv.az cebhe.info-ya istinadən xəbər verir ki, təxminlərə görə, Rusiyanın buğda ixracını məhdudlaşdırmaq, eləcə də ərzaq təhlükəsizliyini təmin etmək üçün təzyiqlərin artması və digər bazarlarda yüksək proteinli buğda tədarükünün azalması kimi səbəblər, bu il Qara dəniz regionunda buğda qiymətlərinin artmasına zəmin yaradır.
2021-ci ildə mövcud quraqlıq Rusiya, Kanada və ABŞ kimi əsas buğda tədarükçüləri üçü əlverişli olmayıb, məhsuldarlıq və istehsal aşağı düşüb.
ABŞ Kənd Təsərrüfatı Nazirliyi son hesablamalarında 2021-22 marketinq ilində (iyul-iyun) Rusiyanın buğda istehsalının 75,5 milyon ton, ixracının isə 36 milyon ton olacağını gözləyir. Bu, ölkədə hasilatın 12 faiz, transsərhəd satışın isə 6 faiz azalmasından xəbər verir. İstehsalın azalması Qara dəniz buğdasının qiymətini bahalaşdıra bilər.
ABŞ Kənd Təsərrüfatı Departamenti 2021-22 marketinq ilində Ukraynanın buğda istehsalının 33 milyon tona çatacağını və bunun təxminən 24,2 milyon tonu xaricə göndəriləcəyini təxmin edir.
2021-22-ci illərdə Ukraynanın buğda istehsalı və ixracı illik olaraq müvafiq olaraq 30 faiz və 44 faiz artacaq. Rütubətli şərait də builki bazar tendensiyasının formalaşmasında mühüm rol oynayıb, Qara dənizin əsas buğda ticarəti rəqibi olan Aİ-də buğda məhsullarına təsir edib.
Qərbi Avropada məhsul yığımından əvvəl rütubətli və soyuq hava məhsul yığımının gecikməsinə və buğdanın keyfiyyətinin aşağı düşməsinə səbəb olub. Digər böyük istehsalçı Avstraliyada, La Nina effekti ilə əlaqədar artan yağıntı buğdanın keyfiyyətini əhəmiyyətli dərəcədə aşağı salıb və 2020-21-ci il mövsümündə üyüdülə bilən məhsulun nisbətini 65-70 faizdən 2021-22-ci ildə təxminən 35-45 faizə endirəcək.
Argentinanı nəzərə alaraq, buğda ixracına qoyulan məhdudiyyətlər diqqət çəkir. Buğda istehsalının 2021-22-ci illərdə 13 faiz artımla 20 milyon tona çatacağı gözlənilir. Normal şəraitdə bu, rekord buğda ixracı ilə nəticələnəcəkdi, lakin Kənd Təsərrüfatı Nazirliyi inflyasiya ilə mübarizə aparmaq üçün keçən ay 2021-22-ci il buğda ixracını 12,5 milyon tona qədər məhdudlaşdırdığını açıqlayıb.
Rusiyanın həm yükdaşımadakı artımı, həm də istehsal keyfiyyətinin pisləşməsi səbəbindən Rusiya ilə rəqabətdə çətinlik çəkəcəyi, xüsusilə ilin birinci yarısında yüksək proteinli buğda tədarükünün ən mühüm mənbəyi kimi Rusiyanın ön plana çıxacağı bildirilir. Qeyd edək ki, 1970-1990-cı illərdə Sovet İttifaqında heyvandarlıq sənayesini dəstəkləmək üçün çoxlu miqdarda taxıl və soya idxal edilirdi. Lakin Sovet İttifaqının dağılmasından sonra Rusiyada bazar iqtisadiyyatına keçid həyata keçirildi və dövlət bir çox sahələrdə təşviqləri maliyyələşdirə bilməyərək dayandırmalı oldu.
Yem üçün lazımi dəstəkdən məhrum olan ölkənin heyvandarlıq sektoru 1990-cı illərin sonunda yarıbayarı kiçildi. Bunun üzərinə Rusiya 2000-ci illərin əvvəllərində ət istehsalı ilə özünü təmin etmək siyasətini həyata keçirdi və taxıla, xüsusən də buğdaya olan tələbatı artırdı və istehsalı stimullaşdırdı. 1990-cı illərdən bəri Rusiyanın kənd təsərrüfatı siyasətinin əsas məqsədi heyvandarlıq sektorunu dirçəltmək və ölkəni kənd təsərrüfatı sahəsində mümkün qədər özünü təmin etməkdir. Rusiya o vaxt 3 milyon tondan çox ət idxal edirdisə, hazırda bunun onda birini xaricdən alır.
Beləliklə, buğda istehsalçıları inkişaf edən heyvandarlıq sahəsini dəstəkləmək üçün hərəkətə keçdilər. Rusiya buğda və günəbaxan kimi məhsullar üçün əkin sahələrini 30-50 faiz artırsa da, buğda ticarətini sürətləndirmək üçün limanlarına böyük sərmayələr qoyaraq taxıl infrastrukturunu da inkişaf etdirib. 2000-ci illərin əvvəllərində ildə təxminən 30 milyon ton olan buğda istehsalı 150 faiz artaraq 80 milyon tona çatıb. Bütün bunlar Rusiyanı taxıl idxalçısından 20 il ərzində dünyanın ən böyük buğda ixracatçılarından birinə çevirib.
5-01-2022, 10:25
5-01-2022, 10:23
Ekologiya və Təbii Sərvətlər Nazirliyində meşələrin məhv olunması üçün yeni təşkil olunan mütəşəkkil dəstənin qanunsuz əməlləri bitib tükənmək bilmir.
Bütöv.az-ın yazdığına görə, AzToday.az xəbər verir ki, nazirliyin rəhbər şəxslərin regional meşə təsərrüfatı mərkəzlərinə yerləşdirdiyi adamlar meşələrin qırılmasına birbaşa nəzarət edirlər. Bununla bağlı mediada çox saylı faktlar əksini tapıb.
Belə kadrlardan biri də Lənkəran Regional Meşə Təsərrüfatı Mərkəzində çalışan və ixtisas təhsili olmayan Sərraf Quliyev adlı şəxsdir. Məlumatlara görə, Sərraf Quliyevi nazir müavini Vüqar Kərimov himayə etdiyindən regional idarənin baş mühafizə mühəndisi vəzifəsi də ona tapşırılıb. Bu baxımdan Sərraf Quliyevin rəsmi işi Haftoni meşəbəyliyində meşəbəyi köməkçisi getsədə, regional idarədə əsas söz sahibidir.
Yeri gəlmişkən qeyd edək ki, yola saldığımız 2021-ci ilin iyun ayında “Beta” şirkətinə satılan 40 hektar meşə sahəsinə yaşanan qalmaqal zamanı nazir Muxtar Babayev tərəfindən regional mərkəzin direktoru və Sərraf Quliyev işdən qovulmuşdu. Amma Sərraf Quliyev güclü himayəçisinin sayəsində işində qaldı. Ona idarənin baş mühafizə mühəndisi vəzifəsinin həvalə olunması tapşırığı da Bakıdan verilib. İddialara görə, regional idarənin “qara kassası”sı da Sərraf Quliyevə tapşırılıb. Hətta işçilərə Vüqar Kərimovun adından hədə-qorxu gəldiyi də yayılan məlumatlar sırasındadır. Sərraf Quliyevin istəklərini yerinə yetirməyənlərin (gözətçi, meşəbəyi və s.) nəzarət etdiyi meşə sahələrində yoxlama təşkil edilir və aparılan yoxlamaların nəticələri(nəticələr ürəkaçan olmadıqda isə onlar şişirdilir – red.) hüquq-mühafizə orqanlarına göndərilir.
Uzun müddət Lənkəranda meşə təsərrüfatında çalışan Sərraf Quliyevin meşə işçiləri arasında maraqlı təxəllüsü də var – Ağcaqayın Sərraf. Bu təxəllüs ona ağcaqayın ağaclarına qənim kəsildiyinə görə verilib. Məlumatlara görə, hazırda Lənkəran meşələrində ağcaqayın ağaclarına nadir hallarda rast gəlmək olub, səbəb isə işbazlar tərəfindən kəsilib satılmasıdır. Bu səbəbdən hazırda Astara və Lerik meşələri işbazların daha çox hədəfinə çevrilib.
Yerli sakinlər ekologiya və təbii sərvətlər naziri Muxtar Babayevdən meşələrin qanunsuz məhv edilməsinin araşdırılmasını və günahkarların cəzalandırılmasını istəyirlər.
AzToday.az Astaranın Əsxənəkəran meşəbəyliyinin 2 və 3 saylı meşə dolayları və Lerikin Razvondaband meşəbəyliyinin 16 saylı meşə dolayında agacların material üçün məhv edilməsinin görüntülərin bir hissəsini təqdim edir:
5-01-2022, 10:06
Dünya bazarında neftin qiyməti cüzi azalıb.
Bütöv.az xəbər verir ki, bu saata olan göstəricilərə görə, ICE London qitələrarası ticarət əməliyyatlarının gedişində Brent markalı neftin 2022-ci il mart müqaviləsinin dəyəri 0,01% azalaraq 79,99 ABŞ dolları təşkil edib.
Nyu-Yorkun NYMEX əmtəə birjasında WTI markalı neftin 2022-ci il fevral müqavilənin dəyəri də 0,06% azalaraq 76,94 ABŞ dolları təşkil edib.
5-01-2022, 10:03
Nyu-Yorkun NYMEX əmtəə birjasında təbii qaza olan fyuçers kotirovkalarının qiyməti artıb.
Bütöv.az xəbər verir ki, bu saata olan göstəricilərə görə, fevralda çatdırmaq şərti ilə təbii qaza olan fyuçerslərin qiyməti 1 mln. BTU-ya (British thermal unit – Britaniya istilik vahidi) görə 0,65% artaraq 3,74 ABŞ dolları təşkil edib.
Gülər Seymurqızı
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!