19-03-2025, 16:02
İmamoğlu CHP üzvlərinin şikayətinə görə saxlanılıb - AK Partiyadan ÖZƏL AÇIQLAMA
Türkiyənin İstanbul şəhərinin bələdiyyə sədri Ekrem İmamoğlunun polis tərəfindən saxlanılması ölkə gündəmini zəbt edib. Ana müxalifət olan Cümhuriyyət Xalq Partiyasının (CHP) prezidentliyə potensial namizədi İmamoğluya prokurorluq tərəfindən ciddi ittihamlar irəli sürülüb.
İstanbul Baş Prokurorluğunun yaydığı məlumatda İmamoğlu və bir qrup şəxs cinayətkar təşkilatın rəhbəri olmaq, cinayətkar təşkilata üzv olmaq, qəsb etmə, rüşvətxorluq, dələduzluq, qanunsuz olaraq şəxsi məlumatların əldə edilməsi, tenderin saxtalaşdırılması kimi cinayətlərdə ittiham olunub.
Məsələ ilə əlaqədar hələlik hakim Ədalət və İnkişaf Partiyasından (AK Partiya) rəsmi reaksiya verilməyib.
Türkiyə Böyük Millət Məclisinin AKP-dən olan deputatı Yıldırım Tuğrul bildirib ki, İmamoğlu barədə şikayətlərin hamısı CHP üzvləri tərəfindən edilib:
"Beşiktaş bələdiyyə sədri Rıza Akpolat həbs olunmuşdu. O, etirafçı olub. Onun verdiyi ifadələrə əsasən istintaq başladılıb. Qurultay prosesində pul işləri, həm layihələr, həm rüşvət, şəhərsalma işləri ilə bağlı pul məsələləri nə var nə yox açıqlayıb. Beykoz, Beşiktaş, eləcə də Esenyurt bələdiyyələrindəki şikayətlərin hamısı CHP üzvləri tərəfindən edilib".
19-03-2025, 15:34
“Argentinanın Ermənistanla əla münasibəti var, ancaq...” - Elçin Əmirbəyov
Azərbaycan Respublikası Prezidentinin xüsusi tapşırıqlar üzrə nümayəndəsi Elçin Əmirbəyov Azərbaycanın Buenos-Ayresdəki səfirliyində Argentina ilə ticarət əlaqələri barədə danışıqlar aparıb. Danışqlar zamanı Ermənistanla aparılan müzakirələrə də toxunan Elçin Əmiraslanıv deyib:
“Düşünürəm ki, Argentinanın Ermənistanla əla münasibətləri var, lakin bu heç də o demək deyil ki, Argentinanın Azərbaycanla əla münasibətləri ola bilməz”.
Argentinanın ingilisdilli “The Buenos Aires Times”ın məqaləsində belə deyilir.
Cənab Əmiraslanov bildirib ki, Azərbaycan Ermənistanla sülh müqaviləsi bağlamağa hazırdır. İndi top Ermənistan tərəfdədir:
“Ancaq biz ermənilərin gələcəkdə revanşizmə yuvarlanmaq və ərazilərimizə yenidən iddia etmək cəhdləri üçün heç bir hüquqi əsas qoymaq istəmirik”.
Ona görə də Ermənistan konstitusiyasında ərazi iddiası ilə bağlı müddəalar aradan qaldırlmalıdır. Azərbaycan Ermənistanın ATƏT-in Minsk qrupundan imtina etməsini də lazımlı sayır. İki ölkənin anlaşmasında üçüncü tərəfə ehtiyac yoxdur:
“Biz qəti şəkildə inanırıq ki, münasibətlərimizin gələcəyi Ermənistan və Azərbaycanın əlindədir və bu işdə heç bir üçüncü tərəfə və üçüncü tərəfin qüvvələrinə ehtiyac yoxdur”.
Elçin Əmirbəyovun Ermənistanla bağlı dediklərini Ermənistanın Argentinadakı səfiriyi məyusluqla qarşılayıb:
“Təəssüf ki, Azərbaycan hazırda Cənubi Qafqazda davamlı sülhə çalışmaq əvəzinə, ilkin şərtlər dili ilə danışaraq Ermənistanla razılaşdırdığı sazişi imzalamaqdan de-fakto imtina edir. Buna baxmayaraq, biz ümidliyik ki, Azərbaycan siyasi iradə nümayiş etdirəcək və yaxın gələcəkdə iki ölkə arasında münasibətləri tənzimləyən sazişi imzalayacaq”, - Ermənistanın Argentinadakı səfiriyi bildirib.
19-03-2025, 15:21
Bu gün Ramazanın ikinci Qədr gecəsi olacaq
Qafqaz Müsəlmanları İdarəsinin Ramazan ayı ilə bağlı xüsusi təqviminə görə, bu gün ikinci Qədr gecəsini yaşayacağıq.
Təqvimə əsasən ikinci Qədr gecəsi Ramazan ayının 20-dən 21-nə keçən gecəyə (20 mart) təsadüf edir.
Növbəti Qədr gecələri Ramazan ayının 22-dən 23-nə keçən gecə (22 mart) və Ramazan ayının 26-dan 27-nə keçən gecə (26 mart) olacaq.
Xatırladaq Ramazanın ilk Qədr gecəsi mart ayının 18-dən 19-na keçən gecəyə təsadüf edib.
İslam təqvimi ilə Şəvval ayının 1-i, yəni martın 30-da Ramazan (Fitr) bayramı qeyd olunacaq.
Qədr gecəsi Allahın müqəddəs kitabı “Quran”ın nazil olduğu gecədir. Allah-Təala “Qurani-Kərim”də buyurur: “Həqiqətən biz onu (“Quran”ı) Qədr gecəsi nazil etdik!”
Əgər bir şəxs Qədr gecəsi ibadətlə məşğul olarsa, onun bu gecədəki ibadəti min ay (təqribən 84 il) ibadətdən üstün və fəzilətli olar.
Rəvayətlərdə Qədr gecəsinin fəziləti haqqında çoxlu hədislər nəql olunub.
Qədr gecəsi Allah insanların dualarını qəbul edir.
Qədr gecəsin həm bərəkətli, həm də Allahın mərhəməti olan bir gecədir.
Qədr gecəsi əhya saxlamaq, yəni səhərədək oyaq qalmaq savab sayılır. Həmin gecədə təkcə oyaq qalmağın özü də ibadət sayılır. Çünki oyaq qalmanın özü bu mübarək gecəni ilin başqa günlərindən tamamilə fərqləndirir.
Hər kim Qədr gecəsində oyaq qalıb Allaha ibadət edərsə, Allah-Təala ona min ay ibadətin savabından artıq savab yazar.
19-03-2025, 14:45
Putinin danışıqlardakı şərti - Ukraynadan bunu tələb edir
Martın 18-də Sənayeçilər və Sahibkarlar İttifaqının nümayəndələri ilə bağlı qapılar arxasında keçirilən görüşdə prezident Vladimir Putin bəyan edib ki, Krım, habelə ilhaq edilmiş Donetsk, Luqansk, Xerson və Zaporojye bölgələri danışıqlar zamanı Rusiya ərazisi kimi tanınsa, onda Moskva Ukraynanın Odessa və digər ərazilərinə iddia etməyəcək.
Bu barədə “Kommersant”ın xüsusi müxbiri Andrey Kolesnikov öz məqaləsində yazıb.
Kolesnikov görüşün bir neçə iştirakçısına istinadən iddia edir ki, tədbirin qapalı hissəsində Putin iş adamları ilə biznesdən deyil, Ukrayna və sülh danışıqlarından danışıb. Rusiya prezidenti deyib ki, Ukraynanın “az qan tökməklə” Krımın tanınması haqqında danışmağa başlamaq imkanı var idi.
Sonra aydın oldu ki, rəsmi Kiyev Luqansk və Donetsk “respublikaları”nın muxtariyyətinin tanınması barədə eşitmək istəməyib.
Jurnalistin həmsöhbətlərinin sözlərinə görə, Putin görüşdə bildirib ki, hazırda danışıqlar Krım, Donetsk, Luqansk, Xerson və Zaporojye vilayətlərinin Rusiyanın bir hissəsi kimi tanınması ilə bağlıdır.
Jurnalist məqaləsində bunu kimin etməli olduğunu göstərmir - yalnız Ukrayna, yoxsa ABŞ və Avropa?
Görüş iştirakçıları "Kommersant”ın müxbirinə qeyd ediblər ki, Vladimir Putinin fikrincə, Donald Trampla razılaşmaq mümkündür və ümumilikdə o, əslində Donald Trampa inanır.
Putinin iş adamları ilə bağlı qapılar arxasında görüşü Rusiya prezidentinin Donald Trampla telefon danışığından bir qədər əvvəl baş tutub.
Ukrayna prezidenti Vladimir Zelenski daha əvvəl Ukraynanın istənilən ərazisinin hüquqi tanınması imkanını Kiyev üçün “qırmızı xətt” adlandırmışdı. Zelenski həmçinin etiraf edib ki, hərbi əməliyyatlar başa çatdıqdan sonra bəzi ərazilər de-fakto Rusiyada qala bilər.
19-03-2025, 14:29
Sumqayıtda sənədsiz evlər söküldü - VİDEO
Fövqəladə Hallar Nazirliyi (FHN) Sumqayıtda qanunsuz tikinti işlərinin aparılması faktları aşkar edib.
Bu barədə FHN məlumat yayıb.
Bildirilib ki, Əmlak Məsələləri Dövlət Xidmətinin Sumqayıt ərazi şöbəsi tərəfindən Sumqayıt şəhəri, 76-cı məhəllədə zəbt edilmiş ərazidə qanunsuz tikinti işlərinin aparılması faktları aşkar edilərək, bu barədə müvafiq tədbirlərin görülməsi məqsədilə FHN-ə müraciət edilib.
Müraciət əsasında FHN-in Tikintidə Təhlükəsizliyə Nəzarət Dövlət Agentliyi tərəfindən Əmlak Məsələləri Dövlət Xidmətinin nümayəndələrinin iştirakı ilə həyata keçirilən tədbirlər nəticəsində qanunsuz inşa olunan tikililər sökülüb.
19-03-2025, 14:04
İmamoğlu nə qədər həbsdə qalacaq?
Səhər saatlarında saxlanılan İstanbulun bələdiyyə sədri Ekrem İmamoğlu dörd gün həbsdə qalacaq.
Bu barədə “CNN Türk” telekanalı mənbələrə istinadən məlumat yayıb.
Bildirilib ki, İmamoğlu və onunla birlikdə saxlanılan şəxslər dörd gün ərzində polis nəzarətində qalacaqlar.
Qeyd edək ki, İmamoğlu ilə yanaşı 100-dən artıq şəxs saxlanılıb.
19-03-2025, 14:00
Prezidentin açılışlar etdiyi Ağdərədə neçə kənd var? - SİYAHI
Xəbər verdiyimiz kimi, Azərbaycan Respublikasının Prezidenti İlham Əliyev və birinci xanım Mehriban Əliyeva martın 18-də Ağdərə rayonuna səfər ediblər. Dövlət başçısı və birinci xanım Sərsəng su anbarından Ağdərə rayonunun Umudlu kəndinə gedən avtomobil yolunun, Suqovuşan kəndindəki məscidin, yaşayış kompleksinin açılışında iştirak ediblər.
Həsənriz kəndində buraya köçən bir qrup sakinlə görüşüb, fərdi evlərin və infrastrukturun bərpası sahəsində görülən işlərlə tanış olublar.
5 dekabr 2023-cü il tarixində Milli Məclisdə "Azərbaycan Respublikasının Ağdərə rayonunun yenidən yaradılması haqqında" qanun qəbul olunub. Qanuna əsasən, inzibati ərazi vahidi kimi 1992-ci ildə ləğv olunan, ərazisi Kəlbəcər, Tərtər və Ağdam rayonları arasında bölüşdürülən Ağdərə rayonu əvvəlki qaydada təşkil edilib. Yeni rayonun mərkəzinin 2023-cü il sentyabrın 19-20-də Azərbaycan Ordusunun keçirdiyi antiterror tədbirləri nəticəsində separatçılardan təmizlənən Ağdərə şəhərinin olması qərara alınıb.
27 dekabr 2023-cü il tarixində Prezident İlham Əliyev “Ağdərə rayonunun yaradılması haqqında” qanunu təsdiqləyib. Bu Fərmana əsasən, Ağdərə rayonu Qarabağ iqtisadi rayonunun ərazisinə daxil edilib. Fərmanda həmçinin Ağdərə Rayon İcra Hakimiyyəti yaradılması nəzərdə tutulub.
Qeyd edək ki, Ağdərə rayonu inzibati ərazi vahidi kimi 1992-ci ildə ləğv olunmuş və onun ərazisi Kəlbəcər, Tərtər və Ağdam rayonları arasında bölünmüşdü.
1993-cü il iyulun 7-də Ağdərə rayonu ermənilər tərəfindən işğal olunmuşdu.
2023-cü ilin 19-20 sentyabr tarixlərində Azərbaycan Silahlı Qüvvələrinin antiterror tədbirləri nəticəsində Ağdərə Azərbaycan nəzarətinə qaytarılıb. Prezident İlham Əliyev 2023-cü il oktyabrın 15-də Ağdərə şəhərində Azərbaycanın Dövlət Bayrağını ucaldıb.
Ağdərə rayonunun sahəsi 1.660,83 km²-dir. Dövlət Statistika Komitəsinin məlumatlarına görə, Ağdərə rayonunda 12 mindən çox sakin qeydiyyatdadır.
İnzibati Ərazi Bölgüsü Təsnifatına əsasən, hazırda işğaldan azad edilmiş Ağdərə rayonunda 1 şəhər, 1 qəsəbə və 57 kənd var.
Həmin yaşayış məntəqələrinin adlarını diqqətinizə çatdırırıq:
Ağdərə şəhəri;
Şıxarx qəsəbəsi;
Ağabəyyalı k.
Aşağı Oratağ k.
Dəmirli k.
Qasapet k.
Baş Güneypəyə k.
Canyataq k.
Gülyataq k.
Çardaqlı k.
Lüləsaz k.
Meqrelalay k.
Çaylı k.
Suqovuşan k.
Təpəkənd k.
Çərəktar k.
Çıldıran k.
Dəvədaşı k.
Mehmana k.
Dovşanlı k.
Bazarkənd k.
Hayad k.
Heyvalı k.
Yayıcı k.
Həsənqaya k.
Çiləbürt k.
Göyarx k.
Maralyansarov k.
Həsənriz k.
Xatınbəyli k.
İmarət Qərvənd k.
Çapar k.
Zardaxaç k.
Kiçik Qarabəy k.
Kolatağ k.
Damğalı k.
Qızılqaya k.
Yuxarı Oratağ k.
Qızıloba k.
Seysulan k.
Yarımca k.
Qozlu k.
Qozlukörpü k.
Məlikli k.
Qazançı k.
Narınclar k.
Orta Güneypəyə k.
Sırxavənd k.
Ballıqaya k.
Bəşirlər k.
Qaraşlar k.
Talış k.
Ulu Qarabəy k.
Umudlu k.
Zəylik k.
Vəngli k.
Çormanlı k.
Şahmansurlu k.
Yeni Qaralar k.
19-03-2025, 13:04
Türk lirəsi yenə "öldü" - Nazirdən AÇIQLAMA
İstanbul bələdiyyəsinin sədri Ekrem İmamoğlunun həbsindən sonra türk lirəsi yeni tarixi minimuma çatıb.
Martın 19-da ticarətin əvvəlində Forex bazarında ABŞ dollarının türk lirəsinə nisbətdə məzənnəsi (USD/TRY) 11,99% bahalaşaraq 1 dollar üçün 41,1 lirə olub.
Dolların lirə məzənnəsi tarixdə ilk dəfə bu səviyyəyə qalxıb.
Türkiyənin maliyyə naziri Mehmet Şimşek bazarlardakı vəziyyətlə bağlı açıqlama yayıb. O bildirib ki, bazarların sağlam işləməsi üçün lazım olan hər şey edilir: "Həyata keçirdiyimiz iqtisadi proqram qətiyyətlə davam edir", - nazir sosial media hesabında bildirib.
19-03-2025, 12:54
Qarabağda şagirdlərə bayram hədiyyələri verilib- FOTO
Novruz bayramı münasibətilə Xankəndi şəhəri, Xocalı və Ağdərə rayonlarındə təhsil alan şagirdlərə bayram hədiyyələri verilib.
Xankəndi şəhərində, Ağdərə və Xocalı rayonlarında Bərpa, Tikinti və İdarəetmə Xidməti publik hüquqi şəxsin ictimaiyyətlə əlaqələr şöbəsidən verilən məlumata görə, Azərbaycan Həmkarlar İttifaqları Konfederasiyasının təşəbbüsü, “Xankəndi şəhərində, Ağdərə və Xocalı rayonlarında Bərpa, Tikinti və İdarəetmə Xidməti”nin Həmkarlar İttifaqı Komitəsinin təşkilatçılığı ilə Xankəndi şəhər 4 saylı tam orta məktəbdə və Xocalı rayonu 1 saylı tam orta məktəbdə Novruz bayramı münasibətilə tədbirlər keçirilib.
Tədbirdə Konfederasiyanın sədr müavini Hikmət Osmanov, sədrin müşaviri Elkiyar Ziyadov və Xidmətin Həmkarlar İttifaqı Komitəsinin sədri Həmid Mehdiyev şagirləri təbrik edərək onlara bayram sovqatlarını təqdim ediblər. Xankəndi şəhəri və Xocalı rayon məktəbləri, uşaq bağçalarından əlavə, Ağdərə rayonunun Həsənriz və Talış kəndlərində də məktəblərdə və məktəbəqədər təhsil müəssisələrində bayram hədiyyələri paylanılıb.
19-03-2025, 12:16
Bayram gününün hava proqnozu
Martın 20-də gözlənilən hava şəraiti açıqlanıb.
Milli Hidrometeorologiya Xidmətinin məlumatına əsasən Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi, lakin gecə və axşam bəzi yerlərdə arabir yağıntılı olacağı gözlənilir. Ayrı-ayrı yerlərdə intensivləşəcəyi, şimşək çaxacağı ehtimalı var. Güclü şimal-qərb küləyi əsəcək.
Havanın temperaturu gecə 6-8° isti, gündüz 9-13° isti olacaq. Atmosfer təzyiqi 762 mm civə sütunundan 767 mm civə sütununa yüksələcək. Nisbi rütubət 70-80 % olacaq.
Azərbaycanın rayonlarında bəzi yerlərdə arabir yağıntılı olacağı, şimşək çaxacağı gözlənilir. Ayrı-ayrı yerlərdə intensiv olacağı, dolu düşəcəyi, bəzi dağlıq ərazilərdə qar yağacağı ehtimalı var. Gecə və səhər bəzi yerlərdə arabir duman olacaq. Qərb küləyi bəzi yerlərdə arabir güclənəcək.
Havanın temperaturu gecə 5-9° isti, gündüz 9-14° isti, dağlarda gecə 3° şaxtadan 2°-dək isti, gündüz 2-6° isti olacaq.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!