6-11-2024, 14:36
Trampın qələbəsi erməniləri məyus etdi
ABŞ-da keçirilən prezident seçkilərində Respublikaçılar Partiyasının namizədi Donald Trampın qalib gəlməsi Ermənistanda məyusluqla qarşılanıb.
Bunu erməni politoloqlar və siyasi ekspertlərin açıqlama və şərhlərindən, erməni sosial şəbəkələrindəyi paylaşımlardan sezmək olur.
Qeyd edək ki, demokratları təmsil edən hazırkı prezident Co Bayden qondarma “erməni soyqırımı”nı tanıyıb, 2023-cü ildə isə o, 23 illik fasilədən sonra Azərbaycana birbaşa maliyyə yardımlarını qadağan edən bədnam “907-ci düzəliş”in icrasına imza atıb.
Təbii ki, Bayden Adminisistrasiyasının bu addımları erməniləri sevindimişdi. ABŞ-dakı erməni diasporu Kamala Harrisin seçilməsində maraqlı idi. Ermənilər düşünürdülər ki, Demokratlar Partiyasının namizədi Kamala Harrisin hakimiyyətə gəlişi onlara ikinci nəfəs verəcək.
Ötən il Azərbaycanın Qarabağda apardığı və ermənlərin oranı tərk etməsi ilə nəticələnən bir günlük antiterror əməliyyatından sonra Kamala Harrisin vitse-prezidenti olduğu Ağ Ev Adminstrasiyası ilə rəsmi Bakı arasında siyasi münasibətlər pisləşmişdi.
Harrisin özü də bəzi addımları ilə Qarabağ məsələsində mövqeyini ortaya qoymuşdu. Məsələn, Kamala Harris sentyabrın 23-də - Ermənistanın Müstəqillik Günündə ABŞ-ın erməni ictimaiyyətinə göndərdiyi müraciətdə Qarabağdan köçən ermənilərin “təhlükəsiz şəraitdə öz evlərinə” qayıtmalı olduğunu vurğulamış və “erməni soyqırımının unudulmamasına” dair çağırışlar etmişdi.
Xatırladaq ki, İkinci Qarabağ müharibəsi (2020-ci ilin sentyabr-noyabrı) Trampın prezidentliyinin son aylarına təsadüf edirdi. 2020-ci ildə Tramp adminstrasiyasının Azərbaycan-Ermənistan arasındakı müharibə ilə bağlı səssiz mövqeyi müşahidə olunmuşdu.
Amerika Araşdırmaları Erməni Mərkəzinin direktoru, politoloq Suren Sarkisyan hesab edir ki, Baydenin prezidentliyi dövründən fərqli olaraq Trampın zamanında Ermənistan-Amerika münasibətlərində müəyyən passivlik olacaq.
"Ancaq çox şey ABŞ-la necə işləməyimizdən asılıdır", - Sarkisyan deyib.
“Donald Tramp artıq 4 il ABŞ prezidenti vəzifəsini icra edib (2017-ci il yanvarın 20-dən 2021-ci il yanvarın 20-dək). Biz onun prezidentliyinin əsas prinsiplərini görmüşük və bilirik. Amma indi vəziyyət fərqlidir, xeyli vaxt keçib və Tramp ABŞ-ın 47-ci prezidenti seçilib”, - Suren Sarkisyan əlavə edib.
Suren Sarkisyan ümid edir ki, ermənilər yeni yanaşmaların şahidi də ola bilərlər:
“Çünki Trampın yeni komandası var, o, yeni insanlar və müşavirlərlə əhatə olunub. Ermənistan və erməni lobbi təşkilatlarının onunla necə işləyəcəyi çox vacibdir, çünki indi böyük iş meydanı açılıb”.
Politoloq Tramp Administrasiyası ilə gələcəkdə lobbiçilik işi aparanlar arasında Ermənistanın ABŞ-dakı səfirliyinin adını çəkməyib və bunu belə izah edib:
“Düzünü desəm, mən əmin deyiləm ki, bizim səfirliyimiz və Ermənistanın indiki hakimiyyət orqanları respublikaçılarla işləmək arzusundadırlar, onlar respublikaçılarla işləməkdən yayındılar, məndə belə təəssürat yarandı. Hesab edirəm ki, bu səbəbdən son illər Respublika Partiyası ilə ciddi əlaqələr qura bilməmişik. Həm Ermənistanın ABŞ-dakı səfirliyindən, həm də Xarici İşlər Nazirliyindən xüsusi gözləntim yoxdur”.
Politoloq Stepan Danielyan da deyib ki, Ermənistan hakimiyyəti zamanında Trampı dəstəkləməməklə səhv edib.
“Gürcüstan və Azərbaycan hakimiyyəti Trampa, Ermənistan hakimiyyəti isə demokratlara ümid bağladı”, - deyə Danielyan məyusluqda bildirib.
Ermələr sosial şəbəkələrdə də yazırlar ki, Donlad Tarmpın gəlişi Co Bayden administrasiyasına güvənən Nikol Paşinyanı pis vəziyyətdə qoydu. Ermənilər qorxurlar ki, bundan sonra Azərbaycan Ermənistana qarşı daha sərt mövqedən çıxış edəcək və rəsmi Bakı sülh müqaviləsinin imzalanması üçün daha çox güzəşt qoparmaqda israrlı olacaq...
Hətta o da iddia olunur ki, Donald Trampın gəlişi "Zəngəzur dəhlizi"nin açılışına yaşıl işıq yandıracaq...
Digər erməni politoloq Suren Surenyan da ABŞ-dakı seçkilərin nəticələrindən məyusluğunu gizlətməyib.
“Bu seçkilərin nəticələri, təbii ki, Nikol Paşinyanın hökumət siyasətinin iflasını da tam şəkildə ortaya qoydu”, - o deyib.
6-11-2024, 13:44
Paşinyan da Trampı təbrik edib
Ermənistan Baş naziri Nikol Paşinyan ABŞ Prezidenti seçilən Donald Trampı təbrik edib.
Bu barədə Paşinyan özünün sosial media hesabında yazıb.
“Biz ikitərəfli strateji münasibətlər qurmaq üçün birgə işləməyi səbirsizliklə gözləyirik”, - o qeyd edib.
6-11-2024, 13:15
"Dostum... " - Ərdoğandan Trampa təbrik
Türkiyə Prezidenti Rəcəb Tayyib Ərdoğan ABŞ-nin prezidenti seçilən Donald Trampı təbrik edib.
Bu barədə o, özünün sosial media hesabında yazıb.
"ABŞ-da böyük mübarizədən sonra prezident seçkilərində qalib gələn və yenidən ABŞ prezidenti seçilən dostum Donald Trampı təbrik edirəm", - o qeyd edib.
"Yeni dövrdə Türkiyə-ABŞ əlaqələrinin güclənəcəyini və Fələstin məsələsi və Rusiya-Ukrayna müharibəsi başda olmaqla regional və qlobal böhranların və müharibələrin sona çatacağını ümid edirik. Daha ədalətli dünya üçün daha çox səy göstəriləcəyinə inanıram. Ümid edirəm ki, seçkilər dost və müttəfiq ABŞ xalqı və bütün bəşəriyyət üçün faydalı olacaq", - Ərdoğan əlavə edib.
6-11-2024, 12:35
Dünyadakı bütün müharibələrə son qoyacam! - Trampdan ilk AÇIQLAMA
ABŞ-ın 47-ci prezidenti seçilən Donald Tramp Floridada tərəfdarları qarşısında çıxış edərkən qalib gəldiyini bildirib.
“Uşaqlarımızın layiq olduğu güclü, təhlükəsiz və firavan Amerikanı yaratmayana qədər dincəlməyəcəyəm”, - o deyib.
Seçicilər qarşısında çıxışı zamanı Tramp, Ukrayna da daxil olmaqla bütün müharibələrə son qoyacağını bildirib.
Tramp "Vəzifə müddətim ərzində müharibə olmayacaq. Mən müharibələri dayandıracağam. Vəzifəmin 4 ilində müharibə olmayıb" deyib.
Bundan əlavə, o, ABŞ-ın siyasi kursunu 180 dərəcə döndərəcəyini və amerikalıların ölkələrində nəzarəti bərpa etdiyi dövrə qayıtmaq niyyətində olduğunu açıqlayıb. O, həmçinin vergilərin azaldılmasını və neft hasilatının artırılmasını elan edərək, ABŞ-ın Rusiya və Səudiyyə Ərəbistanından daha çox neftə sahib olacağını vəd edib.
Xatırladaq ki, 5 noyabr seçkisində respublikaçı Donald Tramp qələbə üçün lazım olan seçici səslərinin sayını (270) toplayıb ikinci dəfə prezident Ağ Evə qayıdacaq.
Bu qələbə onu Qrover Klivlenddən sonra fasilələrlə ikinci müddətə qalib gələn ilk prezident edib.
6-11-2024, 11:23
Tramp qələbə qazandığını elan etdi
ABŞ-də keçirilən prezident seçkilərində Respublikaçılar Partiyasının namizədi Donald Tramp qələbə qazandığını elan edib.
O, brifinqdə tarix yazdıqlarını bildirib.
“47-ci Prezidentinizi seçdiyiniz üçün sizə təşəkkür edirəm”, - Tramp deyib. O, tayı-bərabəri olmayan qələbə qazandığını bəyan edib. Tramp bütün problemləri həll edəcəyinə də söz verib.
Nümayəndələr Palatasının spikeri Mayk Conson da Trampın qələbə qazandığını bildirib.
Bir neçə ABŞ mediası da yazıb ki, Tramp seçkilərdə qalib gəlmək üçün tələb olunan 270 seçici səsi həddini keçib. “Fox News” telekanalının məlumatına görə, Tramp 277 seçicinin dəstəyini toplayıb. “The Hill” nəşri də Trampın qələbə qazandığını bildirib.
“The New York Times” qəzeti Trampın 95% ehtimalla prezident olacağını proqnozlaşdırır.
Qeyd edək ki, səslərin sayılması davam edir.
6-11-2024, 11:23
Tramp qələbə qazandığını elan etdi
ABŞ-də keçirilən prezident seçkilərində Respublikaçılar Partiyasının namizədi Donald Tramp qələbə qazandığını elan edib.
O, brifinqdə tarix yazdıqlarını bildirib.
“47-ci Prezidentinizi seçdiyiniz üçün sizə təşəkkür edirəm”, - Tramp deyib. O, tayı-bərabəri olmayan qələbə qazandığını bəyan edib. Tramp bütün problemləri həll edəcəyinə də söz verib.
Nümayəndələr Palatasının spikeri Mayk Conson da Trampın qələbə qazandığını bildirib.
Bir neçə ABŞ mediası da yazıb ki, Tramp seçkilərdə qalib gəlmək üçün tələb olunan 270 seçici səsi həddini keçib. “Fox News” telekanalının məlumatına görə, Tramp 277 seçicinin dəstəyini toplayıb. “The Hill” nəşri də Trampın qələbə qazandığını bildirib.
“The New York Times” qəzeti Trampın 95% ehtimalla prezident olacağını proqnozlaşdırır.
Qeyd edək ki, səslərin sayılması davam edir.
6-11-2024, 11:23
Tramp qələbə qazandığını elan etdi
ABŞ-də keçirilən prezident seçkilərində Respublikaçılar Partiyasının namizədi Donald Tramp qələbə qazandığını elan edib.
O, brifinqdə tarix yazdıqlarını bildirib.
“47-ci Prezidentinizi seçdiyiniz üçün sizə təşəkkür edirəm”, - Tramp deyib. O, tayı-bərabəri olmayan qələbə qazandığını bəyan edib. Tramp bütün problemləri həll edəcəyinə də söz verib.
Nümayəndələr Palatasının spikeri Mayk Conson da Trampın qələbə qazandığını bildirib.
Bir neçə ABŞ mediası da yazıb ki, Tramp seçkilərdə qalib gəlmək üçün tələb olunan 270 seçici səsi həddini keçib. “Fox News” telekanalının məlumatına görə, Tramp 277 seçicinin dəstəyini toplayıb. “The Hill” nəşri də Trampın qələbə qazandığını bildirib.
“The New York Times” qəzeti Trampın 95% ehtimalla prezident olacağını proqnozlaşdırır.
Qeyd edək ki, səslərin sayılması davam edir.
5-11-2024, 22:18
İsrailin müdafiə naziri istefaya göndərildi - Yeni təyinat
İsrailin müdafiə naziri Yoav Qallant istefaya göndərilib.
İsrailin Baş naziri Benyamin Netanyahu Qalantı vəzifəsindən azad edib.
O, bu vəzifəni 29 dekabr 2022-ci ildən icra edirdi. Qallant, həmçinin 2005-2010-cu illərdə İsrail Müdafiə Qüvvələrinin Cənub Hərbi Dairəsinin komandiri olub.
Qallantın postuna xarici işlər naziri İsrail Katz təyin edilib.
5-11-2024, 21:09
ABŞ seçkiləri: Tramp səs verdi - FOTO
Respublikaçılar Partiyasından ABŞ prezidentliyinə namizəd Donald Tramp səs verib.
Tramp Florida ştatının Palm Biç şəhərindəki seçki məntəqəsində səsvermə hüququndan istifadə edib.
Səsvermədən sonra mətbuata açıqlama verən siyasətçi seçkilərdə qalib gələcəyinə tam əmin olduğunu bildirib.
Qeyd edək ki, ABŞ-da növbəti seçkilər keçirilir. ABŞ vətəndaşları bu gün prezidenti, Senatın üçdə birini və Konqresin Nümayəndələr Palatasının bütün üzvlərini, həmçinin 11 ştatın qubernatorlarını seçirlər.
Tramp prezident seçkilərində hazırkı vitse-prezident Kamala Harrislə yarışır.
5-11-2024, 20:34
"Tramp seçilməsə, ölkədə ara qarışacaq"
ABŞ hakimiyyəti Respublikaçılar Partiyasından prezidentliyə namizəd Donald Trampın seçkilərdə məğlub olacağı təqdirdə iğtişaşlar olacağını gözləyir.
Bu barədə "The Washington Post" yazıb.
Onun sözlərinə görə, hakimiyyət ən çox nəzarətdən çıxa biləcək yerli insidentlərdən narahatdırlar.
Nəşr qeyd edir ki, hakimiyyət 2021-ci il yanvarın 6-da Tramp tərəfdarlarının Kapitolinin binasına soxulduğu hadisələrin təkrarlanmaması üçün təhlükəsizlik tədbirlərini gücləndirib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!