6-12-2024, 20:38
HƏMAS-ın daha bir komandiri öldürüldü
İsrail ordusu Qəzza zolağında HƏMAS-ın daha bir komandirini öldürüb.
Bu barədə İsrail Müdafiə Qüvvələrinin mətbuat xidməti məlumat yayıb.
HƏMAS hərəkatının Qəzza zolağında hava hücumundan müdafiə qüvvələrinin komandiri Nidal Əl-Nəccarın məhv edildiyi açıqlanıb.
Mətbuat xidməti qeyd edib ki, Əl-Nəccar müharibə boyu İsrail Dövlətinə və İsrail Müdafiə Qüvvələrinə partlayıcılarla dolu pilotsuz uçuş aparatlarının köməyi ilə hücum edənlərdən biri olub.
6-12-2024, 19:45
Bu ölkə Suriya ilə sərhədi bağlayır
İordaniya Suriya ilə sərhədi bağlayır.
Bu barədə İordaniya daxili işlər naziri Mazen əl-Faraya qərar verib.
O, Suriyanın Dəraa şəhərindən 15 km cənubda yerləşən sərhəddəki Nəsib əsas nəzarət-buraxılış məntəqəsinin bağlanması barədə göstəriş verib.
Qərar hökumət əleyhinə qüvvələrin hücumunun davam etdiyi Suriyanın cənubunda təhlükəsizlik vəziyyətinin pisləşməsi səbəbindən qəbul edilib.
Bundan bir qədər əvvəl “Reuters” Suriya ordusundakı mənbəyə istinadən yazıb ki, İordaniya və Suriya sərhədindəki Nəsib keçid məntəqəsi silahlılar tərəfindən atəşə tutulub.
6-12-2024, 17:33
Prezident seçkilərinin I turunun nəticələri ləğv edildi
Rumıniyada prezident seçkilərinin I turunun nəticələri ləğv edilib.
Buna səbəb kimi Rusiyanın kiberhücumlar vasitəsilə seçkilərə müdaxilə etməsi göstərilib.
Seçkinin nəticələri Konstitusiya Məhkəməsi tərəfindən ləğv edilib. Bundan sonra Rumıniyada yeni prezident seçkiləri keçirilməlidir.
Qeyd edək ki, birinci turda Kelin Georgesku prezident seçilib.
6-12-2024, 17:27
Ərdoğandan şok açıqlama: "İdlib, Hama, Hums və hədəf təbii ki, Dəməşqdir!”
Türkiyə Prezidenti Təcəb Tayyib Ərdoğan Suriyada Bəşər Əsəd rejiminə qarşı başlayan üsyan barəsində maraqlı açıqlama verib.
Ərdoğan Suriyada hökumət ordusunu getdikcə sıxışdıran müxalif "Heyət Təhrir əş-Şam" (HTŞ) silahlı qruplaşmasının sürətli hücumunu şərh edərkən deyib:
"İdlib, Hama, Hums və hədəf təbii ki Dəməşqdir. Müxalifətin bu yürüşü davam edir. Ümid edirik ki, Suriyadakı bu yürüş insidentsiz və problemsiz davam edəcək".
Türkiyə Prezidenti bu açıqlamanı Hz. Əli məscidində qılınan cümə namazından sonra mətbuat mənsublarının suallarını cavablandırarkən verib.
"İdlib, Hama, Hums və hədəf təbii ki Dəməşqdir. Müxalifətin bu yürüşü hazırda davam edir. Biz bu yürüşü həm kəşfiyyat vasitəsilə, həm də bütün mediadan izləyirik.
Suriyadakı bu yürüş qəzasız-bəlasız davam etsin deyəcəyəm, amma bu dirəniş terror təşkilatları ilə birlikdə davam etdirilərkən, xatırlayırsınızsa, Əsədə zəng etdim, “gəl görüşək, Suriyanın gələcəyini birlikdə müəyyən edək” dedim. Təəssüf ki, Əsəddən bu təklifə müsbət cavab ala bilmədik", - Ərdoğan əlavə edib.
Prezident müxalifətin paytaxt Dəməşqə doğru irəliləməsini belə qiymətləndirib:
"Bölgədə davam edən bu narahat yürüşlər bizim istədiyimiz deyil, istəmirik. Təəssüf ki, bölgə problem içindədir”.
6-12-2024, 16:48
Türkiyədə məşhur aşpaz həbs edildi
Türkiyənin tanımış aşpazı Somer Sivrioğlu həbs olunub.
"Masterchef" proqramının münsiflər heyətində təmsil olunan aşpaz 5 ildən çox müddətə azadlıqdan məhrum edilib.
O, 2022-ci ildə İstanbulda Etiler məhəlləsində yerləşən restoranın qarşısında baş verən faciəyə görə hakim qarşısına çıxıb. Restoran divarının uçması nəticəsində 1 nəfər həlak olub, 1 nəfər yaralanıb.
Sivrioğlu və onunla bərabər ittiham olunan digər şəxslər divarın uçması nəticəsində insanların ölümü və ya yaralanması ehtimalını nəzərə almadan, təmir və ya gücləndirilmə işlərini aparmadan divarı istifadə etməyə davam ediblər.
Məhkəmə Somer Sivrioğlu barəsində 5 il 6 ay 20 gün həbs qərarı verib.
6-12-2024, 16:36
Türkiyənin sabiq xarici işlər naziri ATƏT-in yeni baş katibi oldu
Türkiyənin sabiq xarici işlər naziri Feridun Sinirlioğlu ATƏT-in yeni baş katibi olub.
Bunu ATƏT-in hazırkı sədri, Malta Respublikasının xarici işlər, Avropa məsələləri və ticarət naziri Yan Borq deyib.
6-12-2024, 15:29
Putin Belarusa getdi
Rusiya prezidenti Vladimir Putin Belarusa səfər edib.
Putinin təyyarəsi Minsk hava limanına enib.
Rusiya prezidenti Minskdə Belarus prezidenti Aleksandr Lukaşneko ilə İttifaq dövlətinin Ali Dövlət Şurasının iclasını keçirəcək.
6-12-2024, 14:08
Makron istefa verməyəcəyini bəyan etdi
Emmanuel Makron 2027-ci ildə səlahiyyət müddətinin sonuna qədər Fransa prezidenti olaraq qalacağını bildirib.
Makron hökumətin istefasına baxmayaraq, özü vəzifəsini tərk etmək fikrində olmadığını bir daha bəyan edib.
“Demokratik şəkildə mənə həvalə etdiyiniz mandat beş ildir. Mən bunu sona qədər tam şəkildə həyata keçirəcəyəm”, – Makron hökumətin istefasından sonra fransızlara müraciətində deyib.
Onun müraciəti Yelisey sarayının X-dəki rəsmi hesabında verilib.
Yelisey Sarayının məlumatına görə, Fransa prezidenti dekabrın 6-da yeni baş nazirin namizədliyi ilə bağlı partiyalarla məsləhətləşmələr aparacaq.
Çərşənbə günü deputatların əksəriyyəti Fransanın baş naziri Mişel Barnyeyə etimadsızlıq səsverməsinin lehinə çıxış edib. 577 deputatdan 331-i ona etimad göstərməyib.
Cümə axşamı Barnier istefa ərizəsini təqdim edib və Makron onunla razılaşıb. Fransa hökuməti 1962-ci ildən sonra ilk dəfə buraxılıb. Hökumət cəmi 90 gün işlədi və bu ölkə tarixində ən qısa müddətdir.
Müxalifət dərhal Makronun özünü istefaya çağırıb.
6-12-2024, 13:34
Üsyançılar Əsəd ordusunun müdafiə bazasını, qırıcılarını ələ keçirdi
Suriyada prezident Bəşər Əsədin ordusunu sıxışdıran "Heyət Təhrir əş-Şam" (HTŞ) müxalif silahlı qruplaşması hakimiyyət qüvvələrinə ciddi zərbə vurub.
Xarici KİV-lərin məlumatına görə, Hama şəhərini tutan HTŞ Suriynın hökumət ordusunun 66-cı hava hücumundan müdafiə bazasını ələ keçirib.
Üsyançılar “Pantsir-С1” zenit-raket komplekslərinin batareyasına, eləcə də bir neçə digər hava hücumundan müdafiə sistemlərinə yiyələniblər.
Yerli mənbələrin və monitorinq qruplarının məlumatına görə, ələ keçirilən bazada 4 ədəd MiQ-21 qırıcısı da aşkar edilib.
Bu arada İram İslam İnqilabı Keşikçiləri Korpusuna (SEPAH) yaxın İran mediası iddia edir ki, Suriya ordusunun 87-ci Xüsusi Təyinatlı Qüvvələri əks-hücumla Hama hərbi hava limanı və Cəbəl Zeyn əl-Abidin bölgəsinə nəzarəti ələ keçirib.
Həmçinin bildirilir ki, Rusiya aviasiyası Hama ilə Homs arasında nəqliyyat əlaqəsində əsas rol oynayan Rastan şəhərindəki körpüyə hava zərbəsi endirib. Zərbənin əsas məqsədi cənuba doğru irəliləyişlərini davam etdirmək istəyən üsyançıların hərəkətini ləngitməkdir.
“Anadolu” isə xəbər verir ki, HTŞ qüvvələri Homs əyalətində hücum əməliyyatlarını uğurla inkişaf etdirir. Dekabrın 6-da üsyançılar ölkənin paytaxtı Dəməşqə yol açan strateji əhəmiyyətli Homs vilayətinin Rasten və Telbise rayonlarını ələ keçirib.
Rasten və Telbise rayonları Hələb, Həma, Homs şəhərlərini birləşdirən və Dəməşqə çatan M5 magistral yolunda yerləşir.
Suriyanın cənubunda müxalif qrupları dəstəkləyən “Cənub Cəbhəsi” adlı yeni qruplaşmanın aktivləşdiyi də qeyd edilir.
Ölkənin cənubundakı Dəra şəhərinin ələ keçirildiyi və Bəşər Əsəd qüvvələrinin oradan çıxarıldığı bildirilir.
Suriyanın cənubundakı Nəva şəhəri yaxınlığında Əsəd ordusunun rejim müxaliflərini artilleriya atəşinə tutması barədə də xəbərlər var.
5-12-2024, 23:16
ABŞ-də güclü ZƏLZƏLƏ: Sunami xəbərdarlığı edildi
ABŞ-nin Kaliforniya ştatında 7 bal gücündə zəlzələ qeydə alınıb.
Bu barədə Avropa-Aralıq dənizi Seysmoloji Mərkəzi məlumat yayıb.
Məlumata görə, yeraltı təkanların episentri 12 min nəfərin yaşadığı Fortuna şəhərindən 56 km cənub-qərbdə, ocağı isə 14 km dərinlikdə yerləşib.
Tələfat və dağıntılar barədə məlumat daxil olmayıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!