5-11-2025, 21:40
Markaryanın həbs müddətini uzadıldı
Moskva məhkəməsi Rusiya hərbçilərinin xatirəsini təhqir etməkdə ittiham olunan erməniəsilli bloqer Arsen Markaryanın həbs müddətini uzadıb.
Bildirilir ki, məhkəmə istintaqın vəsatətini təmin edib və Markaryanın həbs müddətini iki ay uzadıb.
Xatırladaq ki, avqustun 25-də Moskvanın Taqan Rayon Məhkəməsi Markaryanı həlak olan hərbçilərin xatirəsini təhqir etməkdə təqsirli bilərək həbs etmişdi. Bu maddəyə əsasən, onu beş ilə qədər həbs gözləyir.
5-11-2025, 21:18
Trampın gördüyü işlər açıqlandı - Siyahıda Azərbaycan da var
Ağ Ev ABŞ-dakı prezident seçkilərinin ildönümü ilə əlaqədar Donald Trampın inauqurasiyadan sonra 10 ay ərzində gördüyü işlərə dair məlumat yayıb.
Məqalədə Trampın daxili və xarici siyasəti, ticarət danışıqları, tariflər, immiqrasiya siyasəti ilə bağlı vədləri və onların icrası ilə bağlı atılan addımlar qeyd olunub. Bildirilib ki, Tramp son 10 ayda Ermənistanla Azərbaycan da daxil olmaqla, dünyanın müxtəlif yerlərində səkkiz münaqişədə sülhə nail olmaq üçün uğurlar qazanıb.
Bildirilib ki, ABŞ lideri NATO ölkələrindən müdafiə xərclərini ÜDM-in 5 faizinə qədər artırmaq barədə razılıq əldə edib.
Məlumata əsasən, Prezident Tramp ABŞ-ı XXI əsrin təhdidlərindən qorumaq üçün “Qızıl Qübbə” raketindən müdafiə sisteminin tikintisi və tətbiqi layihəsini elan edib.
Qeyd olunur ki, vəzifəyə başladığı gündən bəri Tramp administrasiyası 150 mindən çox qanunsuz immiqrantı həbs edib, 139 mindən çox qanunsuz immiqrantı isə deportasiya edib.
5-11-2025, 19:26
Ancelina Coli Ukraynada
Amerikalı məşhur aktrisa Ancelina Coli Ukraynanın Xerson şəhərinə gedib.
Həmçinin, Colinin uşaq otağının döşəməsində oturaraq azyaşlılarla ünsiyyətdə olduğu foto yayılıb.
Məlumata görə, aktrisa mülki şəxslərin müalicə aldığı Xerson tibb müəssisələrinə baş çəkib.
5-11-2025, 18:21
ABŞ raketi Rusiyanı təşvişə saldı
Rusiyanın müdafiə naziri Andrey Belousov ölkəsinin “tammiqyaslı nüvə sınaqlarına hazırlıqlara dərhal başlamağın məqsədəuyğun olduğunu” bəyan edib.
Bu açıqlama ABŞ tərəfindən “Minuteman III” raketinin sınaqdan keçirilməsindən sonra verilib.
Belousovun sözlərinə görə, Rusiyanın Novaya Zemlyadakı poliqonunun vəziyyəti bu sınaqların qısa müddətdə həyata keçirilməsinə imkan verir. Prezident Vladimir Putin isə Təhlükəsizlik Şurasına “tammiqyaslı nüvə sınaqlarına hazırlıq imkanlarının qiymətləndirilməsi” tapşırığını verib.
FTX rəhbəri Aleksandr Bortnikov da prezidentdən ABŞ-ın mümkün nüvə sınaqları ilə bağlı təkliflər hazırlamaq üçün vaxt istəyib.
Qeyd edək ki, noyabrın 4-də Pentaqon Kaliforniya sahilindəki Vandenberq bazasından modernləşdirilmiş LGM-30G Minuteman III qitələrarası ballistik raketinin sınaq buraxılışını həyata keçirib. ABŞ rəsmilərinin açıqlamasına görə, buraxılış planlı xarakter daşıyır və döyüş başlığının partladılmasını nəzərdə tutmur. Məqsəd raket sisteminin etibarlılığını və dəqiqliyini yoxlamaqdır.
5-11-2025, 18:17
Ermənistanda avtobus aşdı: 18 yaralı
Ermənistanın Tavuş vilayətində avtobus aşıb.
Hadisə Aqartsin monastır kompleksinin yaxınlığında qeydə alınıb.
İlkin məlumata görə, qəzada 18 nəfər xəsarət alıb. Səhiyyə Nazirliyi yaralılardan birinin vəziyyətinin ağır olduğunu və əməliyyat edildiyini açıqlayıb.
Hadisə yerinə təcili yardım xidməti cəlb olunub.
5-11-2025, 16:54
Prokurorluq Vuçiçə qarşı hərəkətə keçdi
Serbiyanın Mütəşəkkil Cinayətkarlıqla Mübarizə Prokurorluğu ölkə prezidenti Aleksandar Vuçiçə qarşı vəzifə səlahiyyətlərini aşmaq və onlardan sui-istifadə etmək ittihamı irəli sürüb.
Bu barədə məlumat qurumun rəsmi saytında yayımlanıb.
Prokurorluğun açıqlamasına görə, ittihamların əsasını Vuçiçin 3 noyabrda "TV Prva" telekanalında Milomir Mariçin aparıcısı olduğu verilişdə verdiyi müsahibə təşkil edib.
Həmin proqramda prezident prokurorluq tərəfindən aparılan istintaqlara “saxta və siyasi sifarişli” adlandırıb, qurum “proseslərə təsir göstərməyə çalışmaqda” günahlandırılıb.
“Prezident Aleksandar Vuçiç təhqiramiz və yalan bəyanatları ilə yenidən fəaliyyət göstərən prokurorlara hücum edib. Onun bu cür açıqlamaları ədalət mühakiməsinin həyata keçirilməsinə mane olur, konstitusiya və hüquq qaydasını, eləcə də qanunun aliliyini zədələyir”, – deyə açıqlamada qeyd olunub.
Vuçiç həmin müsahibədə NATO-nun 1999-cu il hava zərbələri zamanı dağıdılmış keçmiş Baş Qərargah binasının yenidən bərpası ilə bağlı qanundan danışıb. O, 2016-cı ildə ABŞ administrasiyası ilə həmin binanın yerində “NATO aqressiyası qurbanları muzeyi”nin yaradılması barədə razılıq əldə etdiyini xatırladıb.
5-11-2025, 15:38
Səlahəddin Dəmirtaş azad ediləcək? - Ərdoğandan CAVAB
Türkiyə Prezidenti Rəcəb Tayyib Ərdoğan ləğv edilən HDP-nin həmsədri Səlahəttin Demirtaş barədə qərarına münasibət bildirib.
Ərdoğan deyib ki, məhkəmə sistemi bu məsələdə nə desə, o da tətbiq ediləcək.
***
Türkiyənin ədliyyə naziri Yılmaz Tunç Avropa İnsan Hüquqları Məhkəməsinin (AİHM) keçmiş HDP həmsədri Səlahəddin Dəmirtaş barədə çıxardığı qərarın artıq qüvvəyə mindiyini bildirib.
Nazir bu barədə jurnalistlərə açıqlamasında deyib.
“AİHM Dəmirtaşın təhlükəsizlik və azadlıq hüquqlarının pozulduğuna qərar verib. Böyük Palataya müraciət qəbul edilmədiyi üçün qərar artıq qəti xarakter alıb. Sənədin Ankara Regional Apellyasiya Məhkəməsinə gəlməsi və ya tərəflərin müraciəti halında məsələ məhkəmə tərəfindən dəyərləndiriləcək. Biz məhkəmənin qiymətləndirmə prosesini gözləyəcəyik.”
Qeyd edək ki, MHP sədri Dövlət Bağçalı da bu mövzuya münasibət bildirib. “Demirtaşın azadlığa buraxılması Türkiyə üçün xeyirli olacaq", - o qeyd edib.
Qeyd edək ki, Avropa İnsan Hüquqları Məhkəməsinin Demirtaşın azadlığa buraxılması ilə bağlı qərarı qətiləşib.
Xatırladaq ki, 2014-cü ildə Kobani etirazları ilə əlaqədar 42 il həbs cəzasına məhkum edilən Demirtaş doqquz ildir həbsdədir.
5-11-2025, 15:33
Litva aeroportu dron uçuşuna görə bağlandı
Litvanın paytaxtı Vilnüsdə naməlum pilotsuz uçuş aparatına görə aeroportun fəaliyyəti müvəqqəti dayandırılıb.
Vilnüs Hava Limanının rəsmisi Tadas Vasilyauskas bildirib ki, hava limanının bağlanması iki reysə təsir edib.
O qeyd edib ki, reyslərə təsir minimal olub.
5-11-2025, 15:03
Şoyqu Cənubi Qafqazla bağlı mesaj verdi
Rusiya Təhlükəsizlik Şurasının katibi Sergey Şoyqu deyib ki, Qafqazdakı vəziyyət daim diqqət tələb edir.
TASS agentliyinin məlumatına görə, Şoyqu bunu Ermənistan Təhlükəsizlik Şurasının katibi Armen Qriqoryanla görüşdə bildirib.
"Bizim üçün saatlarımızı sinxronlaşdırmaq vacibdir. Son hadisələrlə, regionda - bütövlükdə Qafqazda, Cənubi Qafqazda baş verən müxtəlif inkişaflarla bağlı hər şey daimi diqqətimizi və məsləhətləşmələrimizi tələb edir".
Qriqoryan regiondakı vəziyyətlə bağlı detalları bölüşməyə hazır olduğunu bildirib və görüşmək imkanına görə ona təşəkkür edib.
Bu gün Moskvada MDB Təhlükəsizlik Şurası katiblərinin görüşü keçirilir. Görüş çərçivəsində Şoyqu bir neçə ayrı-ayrı ikitərəfli görüşlər, o cümlədən Azərbaycandan olan həmkarı ilə görüşəcək.
4-11-2025, 17:24
Salman bin Əbdüləziz İlham Əliyevə məktub göndərdi
Səudiyyə Ərəbistanı Krallığının vəliəhdi, Baş nazir Məhəmməd bin Salman bin Əbdüləziz Al Səud Azərbaycan Respublikasının Prezidenti İlham Əliyevə təbrik məktubu göndərib. Təbrikdə deyilir:
“Əs-səlamu əleykum və rəhmətullahi və bərəkətuhu.
Zati-alinizi ölkənizin Zəfər Günü və Dövlət Bayrağı Günü münasibətilə təbrik etməkdən və səmimi arzularımı çatdırmaqdan çox məmnunam.
Sizə möhkəm cansağlığı və xoşbəxtlik, qardaş Azərbaycan Hökumətinə və xalqına daha çox tərəqqi və firavanlıq diləyirəm.
Zati-alinizə dərin hörmət və ehtiramımı bildirirəm”.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!