9-02-2025, 13:01
Nazir müavini yazışmalarına görə işdən çıxarıldı
Böyük Britaniyanın səhiyyə nazirinin müavini Endryu Qvin vatsapda qapalı qrupda söylədiyi təhqiramiz şərhlərə görə işdən çıxarılıb.
Bu barədə “Daily Mail” məlumat yayıb.
Nəşr nazir müavininin dərc etdiyi mesajları cinsiyyətçi və irqçi adlandırıb. Həmçinin mesajların birində Qvin zibil qutuları ilə bağlı problemlə əlaqədar onunla əlaqə saxlayan 72 yaşlı qadının tez ölməsini istədiyini bildirib.
Qeyd olunub ki, Qvinin işdən çıxarılması barədə qərar şəxsən Baş nazir Kir Starmer tərəfindən verilib və o, məmurun Leyboristlər Partiyasına üzvlüyünün dayandırılmasını da əmr edib.
9-02-2025, 12:16
Serbiya Prezidentinin maşınının təkəri çıxdı
Serbiya Prezidenti Aleksandr Vuçiçin avtomobilinin təkəri çıxıb.
Görüntülər sosial mediada yayılıb.
Bildirilir ki, hadisə prezidentin yerli sakinlərlə görüşmək üçün Mokrin şəhərinə səfəri zamanı baş verib.
Serbiya hökuməti hadisənin araşdırıldığını bildirib.
9-02-2025, 12:09
SEPAH Xameneidən fətvanın ləğvini istədi
İslam İnqilabı Keşikçiləri Korpusunun (SEPAH) komandanlığı ölkənin ali rəhbəri Seyid Əli Xameneidən nüvə silahından istifadədən qadağanı nəzərdə tutan fətvanı geri götürməsini tələb edib.
Bu barədə Böyük Britaniyanın "The Telegraph" nəşri mənbələrə istinadən yazıb.
Qeyd olunub ki, buna səbəb kimi Tehranda həssaslığın artması ilə nəticələnən ABŞ Prezidenti Donald Trampın seçilməsi göstərilir:
"Bu, çox gec olmadan İranın nüvə silahını əldə etməsi üçün son şansdır", - mənbə yazıb.
Xatırladaq ki, Seyid Əli Xamenei 2005-ci ildə nüvə və kütləvi qırğın silahlarının günahsız insanlara qarşı istifadəsini qadağan edən fətva verib. 2024-cü ilin noyabrında İranın Beynəlxalq Münasibətlər üzrə Strateji Şurasının rəhbəri Kamal Xarazi bəyan etmişdi ki, Tehranı nüvə silahı hazırlamağa başlamasından ayıran yeganə vasitə fətvadır.
Bundan əvvəl İran Prezidenti Məsud Pezeşkian ölkəsinin nüvə silahı yaratmağa can atmadığını, doktrinada belə silahlardan istifadənin nəzərdə tutulmadığını bildirmişdi.
9-02-2025, 09:30
Tramp Putinlə danışdı - Nəyi müzakirə etdilər?
ABŞ Prezidenti Donald Tramp rusiyalı həmkarı Vladimir Putinlə telefon danışığı apardığını bildirib.
Bu barədə o, “New York Post”a müsahibəsində danışıb.
Tramp telefon danışığı zamanı Ukraynadakı müharibəni müzakirə edib.
Onun sözlərinə görə, Putin Ukraynadakı münaqişədə insanların ölməsini dayandırılmasını istəyir.
Ağ Ev rəhbəri Baydendən fərqli olaraq Putinlə həmişə yaxşı münasibətlərinin olduğunu bildirib.
Amerikalı lider deyib ki, onun müharibəni bitirmək üçün konkret planı var.
Tərəflərin nə qədər danışdıqlarına dair suala ABŞ Prezidenti “Mən susmağı üstün tuturam” cavabını verib.
Telefon danışığının vaxtı açıqlanmayıb, Kreml məsələyə münasibət bildirməyib.
8-02-2025, 22:49
Hakan Fidan iranlı həmkarı ilə danışıqlar apardı
Türkiyənin xarici işlər naziri Hakan Fidanla iranlı həmkarı Abbas Əraqçi arasında telefon danışığı olub.
Bu barədə "Anadolu" agentliyi məlumat yayıb.
Bildirilib ki, tərəflər ikitərəfli məsələləri müzakirə ediblər.
Onlar həmçinin Fələstindəki son vəziyyət barədə fikir mübadiləsi aparıblar.
8-02-2025, 22:20
İbrahim Kalın İranda nələrdən danışdı...
Türkiyənin Milli Kəşfiyyat Təşkilatının (MİT) rəisi İbrahim Kalın Tehranda səfərdədir.
O, İranın Milli Təhlükəsizlik Ali Şurasının rəhbəri Əli Əkbər Əhmədianla görüşüb.
Görüş zamanı ikitərəfli münasibətlər, regional vəziyyət, xüsusilə də Suriyadakı vəziyyət müzakirə edilib.
Hər iki tərəf vurğulayıb ki, Türkiyə və İran arasındakı münasibətlər sıxdır, əsas məsələlərdə isə onların mövqeləri üst-üstə düşür.
8-02-2025, 21:52
İsrail Hizbullaha zərbələr endirdi
İsrail Hərbi Hava Qüvvələri Livanın Bekaa
bölgəsində Hizbullah yaraqlılarına zərbələr endirib.
Bu barədə İsrail Müdafiə Qüvvələrinin mətbuat xidməti məlumat yayıb.
Bildirilib ki, buna səbəb İsrail və Livan arasında atəşkəs razılaşmalarının ciddi şəkildə pozulmasıdır.
8-02-2025, 21:35
Fransada təxribat: Atatürkün büstü OĞURLANDI
Türkiyə Cümhuriyyətinin qurucusu və ilk Prezidenti
Mustafa Kamal Atatürkün Fransadakı yeganə büstü Parisətrafı məhəllələrin birində naməlum şəxslər tərəfindən oğurlanıb.
Trabzon Mühacirlər Cəmiyyətinin təşəbbüsü ilə cəmi 3,5 ay əvvəl qoyulmuş büst Epinay-sur-Seine kommunasında naməlum şəxslər tərəfindən oğurlanıb.
Cəmiyyətin rəhbəri Bülent Cumhur bildirib ki, müşahidə kameraları cinayət əməlinin yeddi iştirakçısını qeydə alıb.
O deyib: “Bu çirkin cinayəti qətiyyətlə pisləyirik. Təxribatın arxasında konkret kimin olduğu məlum deyil. Bütün iştirakçılar cəmi 4 dəqiqə ərzində hadisə yerindən qaçıblar. Polis araşdırmalarını davam etdirir”.
B.Cumur oğurlanmış büstün yerinə tezliklə yenisinin qoyulacağına söz verib.
Bu arada, Türkiyənin Mersin şəhərinin Yenişehir rayon bələdiyyəsinin başçısı Abdulla Özyiğit yeni büstün Fransaya göndərilməsi üçün göstəriş verildiyini açıqlayıb.
8-02-2025, 20:59
Almaniyada 200 min nəfər etiraza qalxdı
Almaniyada ifrat sağçılara qarşı etirazlar ötən həftə olduğu kimi, bu həftəsonunda da davam etdirilib.
İfrat sağa və Almaniya üçün Alternativ Partiyası (AfD) ilə əməkdaşlığa qarşı ötən həftə Berlində 160 min nəfərin iştirakı ilə keçirilən mitinqdən sonra bu dəfə Münxendə 200 min nəfərin qatıldığı etiraz nümayişi təşkil olunub. Mitinqdə müxtəliflik, insan ləyaqəti, həmrəylik və demokratiyaya dəstək, radikal sağa etiraz xarakterli şüarlar səsləndirilib.
Bənzər mitinqlər Aşağı Saksoniya əyalətinin paytaxtı Hannoverdə də təşkil olunub.
Xatırladaq ki, CDU-nun ölkədə miqrasiya siyasətinin sərtləşdirilməsi ilə bağlı təklifinin yanvarın 29-da Bundestaqda keçirilən səsvermədə AfD-nin dəstəyi ilə qəbul edilməsi ölkədə genişmiqyaslı etirazlara səbəb olmuşdu. Birliyin yanvarın 31-də parlamentdə səsə qoyulan qanun layihəsi isə AfD-nin və digər partiyaların dəstəyinə baxmayaraq, qəbul olunmasa da, ölkədə etirazlar davam etdirilib.
8-02-2025, 20:24
İstanbul sahillərində dəniz geri çəkildi
İstanbul sahillərində dəniz geri çəkilib.
Silivri bölgəsində dəniz suyunun geri çəkilməsindən sonra sahildə kiçik adalar əmələ gəlib.
Məlumata görə, dəniz sahildən təxminən 100 metr geri çəkilib. Hadisə ərazidə yaşayan sakinlərin narahatlığına səbəb olub.
Ekspertlər deyir ki, suyun geri çəkilməsinə səbəb güclü külək olub.
"Küləklər sahillərdə suyun səviyyəsinə təsir edə bilər. Güclü və uzun müddətli küləklər suyu açıq dənizə doğru çəkərək suyun səviyyəsini azalda bilər. Digər tərəfdən isə suyu sahilə doğru itələyib dəniz səviyyəsinin qalxmasına səbəb ola bilər. Şimal küləkləri Silivridə suyu götürüb Bandırma istiqamətində aparır. Çox güman ki, Bandırma tərəfində suda artım olub", - ekspertlərdən biri deyib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!