23-04-2025, 14:20
İstanbuldakı zəlzələdə balkondan tullanan şəxs yaralandı
İstanbulda baş verən zəlzələ nəticəsində bir nəfər yaralanıb.
Bu barədə TGRT telekanalı məlumat yayıb.
Həmin şəxsin yaralanmasına səbəb zəlzələdən xilas olmaq üçün balkondan tullanması olub.
İstanbul Böyükşəhər Bələdiyyəsi hələlik ciddi bir hadisə barədə məlumatın olmadığını bildirir.
23-04-2025, 13:57
İstanbulda şiddətli zəlzələ
Türkiyənin İstanbul şəhərində hiss olunan yeraltı təkan baş verib.
Zəlzələ Silivri rayonu ərazisində qeydə alınıb.
Anadolu Agentliyinin məlumatına görə, Fövqəladə Halların İdarə Edilməsi Mərkəzi (AFAD) zəlzələnin 6,2 bal gücündə olduğunu bəyan edib. Zəlzələ yerli vaxtla 12.49-da baş verib.
Zəlzələnin episentrinin 6,92 kilometr dərinlikdə yerləşdiyi müəyyən edilib.
Güclü silkələnmə insanları təşvişə salıb və küçələrə axın olub. Dağıntı və tələfat barədə hələ ki məlumat yoxdur.
Daxili işlər naziri Ali Yerlikaya bildirib ki, AFAD və aidiyyatı qurumlar ətraf əyalətlərdə də hiss olunan zəlzələ ilə bağlı bütün qrupları ilə araşdırmalara başlayıb.
23-04-2025, 13:19
Roma Papasının cənazəsi Müqəddəs Pyotr Kilsəsinə gətirildi
Roma Papası Fransiskin cənazəsi onun şəxsi iqamətgahı olan və aprelin 21-də vəfat etdiyi Müqəddəs Marfa evindən Müqəddəs Pyotr Kilsəsinə gətirilib və yaxın vaxtlarda ictimai vida mərasimi başlayacaq.
Vida mərasimini idarə edən Müqəddəs Roma Kilsəsinin kamerlenqosu kardinal Kevin Farrell cənazənin aparılmasından əvvəl ölü duası oxuyub və artıq kilsədə liturgiya ayininə başlayıb. Mərasimdə kardinallar, arxiyepiskoplar, yepiskoplar və kilsə xadimləri iştirak edirlər.
Pontifiklə vida mərasiminin bütün qaydaları xüsusi sənəddə təsvir edilib, lakin Fransisk hələ sağlığında ona bəzi dəyişikliklər edərək proseduru sadələşdirib.
Müqəddəs Pyotr meydanında dindarlar toplaşıb. Roma hakimiyyətinin təxmini hesablamalarına görə, 100 min nəfərədək insanın iştirakı gözlənilir.
Romada misli görünməmiş təhlükəsizlik tədbirləri görülüb. Müqəddəs Pyotr meydanı, nəqliyyat qovşaqları xüsusi nəzarətə götürülüb. Səmada uçuşsuz zona rejimi elan edilib, PUA-ların zərərsizləşdirilməsi sistemi işə salınıb.
Fransisklə vida mərasimi aprelin 25-dək davam edəcək. Dəfn mərasimi aprelin 26-da dövlət, hökumət başçıları və ruhanilərin iştirakı ilə keçiriləcək.
Qeyd edək ki, pontifik Romanın Eskvlino rayonundakı Santa Maria Maggiore bazilikasında dəfn olunmasını vəsiyyət edib. Kilsə dörd əsas papa bazilikalarından biridir
1216-cı ildə III Honoridən 1669-cu ildə IX Klementə qədər 7 Papa orada dəfn edilib.
22-04-2025, 22:21
Putin döyüşlərin dayandırılmasını təklif edir
Rusiya prezidenti Vladimir Putin cəbhə xəttində döyüşlərin dayandırılmasını təklif edib.
Bu barədə "Financial Times" (FT) üç mənbəyə istinadən məlumat yayıb.
O, ABŞ prezidenti Donald Tramp tərəfindən təklif olunan sülh sazişinin bir hissəsi olaraq bu təklifi irəli sürüb.
Qəzet qeyd edir ki, təklif Vladimir Putinlə ABŞ prezidentinin nümayəndəsi Stiv Vitkoff arasında aprelin 11-də Sankt-Peterburqda keçirilən görüş zamanı edilib.
Moskva Ukraynanın nəzarəti altında olan dörd rayonun həmin ərazilərinə dair iddialarından imtina etməyə hazır olduğunu bəyan edib.
Qəzet vurğulayır ki, bu təklif Rusiyanın sülhün bərqərar olması üçün “maksimalist” şərtlərdən əl çəkməyə hazır olduğuna dair ilk rəsmi işarədir.
FT qeyd edir ki, bu görüşdən sonra ABŞ Ukrayna və Avropaya Krımın Rusiya kimi tanınmasını, eləcə də Rusiyanın döyüşlər zamanı əldə etdiyi əraziləri özündə saxlamasını ehtiva edən sülh planı təklif edib.
22-04-2025, 21:52
Orban Ukraynaya "YOX" dedi
Macarıstanın baş naziri Viktor Orban Ukraynanın Avropa İttifaqına (Aİ) üzvlüyü ilə bağlı ümummilli referendumda iştirak edib.
Bu barədə o, özünün sosial media hesabında yazıb.
O, Ukraynanın təşkilata qoşulmasının əleyhinə səs verib.
O, müvafiq qutuya “yox” sözü yazılmış seçki bülletenini ataraq şəklini sosial media hesabında paylaşıb.
Qeyd edək ki, referendum 2025-ci il aprelin 14-də poçtla göndərilən sorğu anketləri ilə başlayıb. Səsvermə Ukraynanın Aİ-yə üzvlüyünün dəstəklənməsi və ya rədd edilməsi ilə bağlıdır. Sorğunun nəticələrinin iyunda yekunlaşdırılması və Brüsselə göndərilməsi planlaşdırılır.
"Brüssel və Tisza partiyası Ukraynanın Aİ-yə üzvlüyünü dəstəkləyir. Bu, Macarıstan iqtisadiyyatını məhv edər. Biz onların gələcəyimizlə bağlı qərar qəbul etmələrinə imkan verməyəcəyik", - o qeyd edib.
22-04-2025, 21:43
Ərdoğan Şahbaz Şəriflə görüşdü
Türkiyə Prezidenti Rəcəb Tayyib Ərdoğan Pakistanın Baş naziri Şahbaz Şərifi qəbul edib.
Bu barədə Türkiyə Prezidentinin Mətbuat xidmətindən bildirilib.
Liderlər Prezident iqamətgahında bir araya gəliblər.
Onların hansı məsələləri müzakirə etdikləri hələlik açıqlanmır.
22-04-2025, 21:01
Bütün məsələlərdə eyni tərəfdəyik - Tramp
ABŞ Prezidenti Donald Tramp ilə İsrailin Baş naziri Benyamin Netanyahu arasında telefon danışığı olub.
Bu barədə Donald Tramp bildirib. O qeyd edib ki, tərəflər ticarət, İran və digər çoxsaylı mövzularla bağlı müzakirə aparıblar.
“Telefon danışığı çox yaxşı keçdi. Biz bütün məsələlərdə eyni tərəfdəyik”, - deyə Tramp bildirib.
22-04-2025, 20:27
Türkiyədə növbədənkənar seçki? - Bağçalıdan sərt cavab
Türkiyədə yenidən növbədənkənar seçkilərin keçiriləcəyi barədə xəbərlər yayılıb.
Mətbuatda Türkiyənin hakim dairələrində seçki barədə müzakirələrin aparıldığı iddia edilir.
Müzakirələr tanınmış yazar Mümtazer Türkönenin açıqlamasından sonra qızışıb. O, Milliyyətçi Hərəkat Partiyasının (MHP) lideri Dövlət Bağçalının seçki prosesinə başlayacağını bildirib.
Məsələ ilə bağlı Bağçalının özü də açıqlama verib. O, son günlər mediada yer alan erkən seçki iddialarını təkzib edib.
Yazılı açıqlamasında Bağçalı bu iddiaların partiyanı qaralamaq məqsədi daşıdığını deyib.
O, bildirib ki, MHP və Cümhur İttifaqı seçkilərin vaxtında keçirilməsində qərarlıdır və bu mövqedən geri dönüş olmayacaq.
“Partiyamızı müzakirəyə açmaq istəyənlərin, niyyət oxumağa çalışanların arzuları puç olacaq,” – deyə Bağçalı vurğulayıb.
22-04-2025, 17:18
İtaliyada 5 günlük matəm
İtaliya hökuməti Papa I Fransiskin vəfatı ilə əlaqədar beş günlük matəm elan edib.
Bu barədə qərar nazirlərin bu gün səhər keçirilən iclasında qəbul edilib.
Matəm dəfn günü olan şənbə gününə qədər davam edəcək.
Bundan əvvəl Livanda Papanın vəfatı ilə əlaqədar üç günlük matəm elan edilib.
Bundan əlavə, Vatikana dünyanın hər yerindən başsağlığı mesajları gəlir.
22-04-2025, 16:15
Putin Roma Papasının dəfninə gedəcək? - AÇIQLAMA
Rusiya prezidenti Vladimir Putin Roma Papası I Fransiskin dəfn mərasiminə getməyi planlaşdırmır.
Bunu prezidentin mətbuat katibi Dmitri Peskov bildirib.
“Prezidentin belə planları yoxdur”, - Peskov deyib.
Rusiyadan Vatikana kimin gedəcəyi ilə bağlı suala prezidentin mətbuat katibi belə cavab verib ki, bu haqda hələlik qərar verilməyib.
Putin dünən Roma Katolik Kilsəsinə teleqram vuraraq başsağlığı verib. “Mənim bu görkəmli insanla bir neçə dəfə ünsiyyət qurmaq imkanım olub və onun ən parlaq xatirəsini əbədi olaraq saxlayacağam”, - o deyib.
Prezident Papanın Pasxa günlərində dünyasını dəyişməsini “xüsusi əlamət” hesab edib. Putin 2015 və 2019-cu illərdə pontifiklə görüşüb.
Papa Fransiskin dəfn mərasimi aprelin 26-da şənbə günü keçiriləcək.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!