10-08-2024, 13:12
Paşinyan işə qayıdır - COP29-la bağlı qərar verəcək
Avqustun 12-də Ermənistan Baş naziri Nikol Paşinyanın məzuniyyəti başa çatır. O, işə qayıtdıqdan sonra hökumətdə bir sıra dəyişikliklər etməyi planlaşdırır.
Bu barədə Ermənistanın "Joğovurd" qəzetində dərc edilən məqalədə bildirilir.
Qəzet hökumətə yaxın mənbələrə istinadən yazır ki, Paşinyanın bir sıra məmurları işdən çıxaracağı və yenilərini təyin edəcəyi gözlənilir.
Nəşr, həmçinin bildirir ki, Paşinyan mətbuat konfransı keçirməyi, sülh müqaviləsi, konstitusiyanın dəyişdirilməsi ilə bağlı Azərbaycanın tələbləri barədə açıqlama verməyi planlaşdırır.
Məlumata əsasən Ermənistanın Bakıda keçiriləcək COP29 tədbirində iştirak edib-etməyəcəyi barədə də yekun qərar verilməlidir.
Qeyd edək ki, Azərbaycan Ermənistanı COP29-a dəvət edib. İrəvan hələlik tədbirdə iştirak edib-etməməcəyi barədə qərar verməyib.
10-08-2024, 11:15
Ukrayna ordusu Rusiyanın bu şəhərini ələ keçirdi
Ukrayna hərbçiləri Rusiyanın Kursk vilayətindən videolar yaymağa başlayıb.
Ukrayna ordusuna yaxın teleqram kanallarında Rusiyanın Sudja şəhərinin ələ keçirildiyi barədə xəbərlər və görüntülər paylaşılıb.
Axşam saatlarında teleqram kanallarında bir qrup ukraynalı əsgərin Sudjada "Qazprom" şirkətinin yerli filialının qapıları qarşısında bayraqla videosu yayılıb.
“Şəhər Ukrayna Silahlı Qüvvələrinin nəzarətindədir. Şəhər sakitdir, bütün evlər tamdır. Strateji obyekt - Sudja şəhərindəki "Qazprom" 61-ci briqadanın 99-cu motoatıcı batalyonu tərəfindən idarə olunur", - hərbçilərdən biri deyir.
Videoda atışma, partlayış və digər səslər eşidilmir. Cümə günü internetdə yayılan ikinci videoda ukraynalı əsgərin Lyubimovka kəndinin girişində dayandığı görünür. Bu kənd Sudjadan 20 km şimal-qərbdə, Ukrayna sərhədinin ən yaxın nöqtəsindən 8 km məsafədə məsafədə yerləşir. Maşından çəkilmiş üçüncü videoda Kursk vilayətinə daxil olan ukraynalı hərbçilər əks olunub.
Qeyd edək ki, "Qazprom" ofisi Sudjanın şimal kənarında yerləşir, bəzi rus hərbi təbliğat teleqram kanalları şəhərin şərq hissəsinin Rusiyanın nəzarəti altında qaldığını iddia edir.
Sudja şəhərinin meri Vitali Slaşçev "TASS" agentliyinə bildirib ki, şəhər Ukrayna Silahlı Qüvvələrinin nəzarəti altında deyil. “Təxliyə gedir, Sudja bizimdir”, - o qeyd edib.
Qeyd edək ki, Ukrayna ordusunun bir neçə gün əvvəl Rusiyanın Kursk vilayətinə daxil olduğu, bölgədə döyüşlər getdiyi bildirilir. Ukrayna tərəfi döyüşlərlə bağlı rəsmi mövqe bildirməyib. Ancaq Ukrayna Prezidenti Volodimir Zelenski xalqa müraciəti zamanı Rusiyanın müharibəni hiss etməli olduğunu vurğulayıb. “Ukraynalılar öz məqsədlərinə necə çatacaqlarını bilirlər. Və müharibədə məqsədlərimizə çatmağı seçən biz deyildik. Rusiya torpağımıza müharibə gətirib və nə etdiyini hiss etməlidir”, – Ukrayna lideri qeyd edib. Vladimir Putin isə Ukraynanın hücumunu “böyük təxribat” kimi qiymətləndirib.
Rusiyanın Milli Antiterror Komitəsi Kursk, Bryansk və Belqorod vilayətlərində “antiterror əməliyyatı rejimi”nin tətbiq edildiyini açıqlayıb. Kursk vilayətinin regional mərkəzi olan Rılsk bölgəsində əhal təxliyə edilir.
9-08-2024, 17:40
Kursk döyüşü: Rusiyanın hərbi karvanı məhv edildi, onlarla ölü və yaralı var
Ukrayna ordusu Rusiyanın Kursk vilayətində hərbi maşın karvanını atəşə tutub.
Bu barədə Ukrayna və Rusiyaya məxsus teleqram kanallarında məlumat yayılıb.
Məlumata görə, zərbələr nəticəsində 26 nəfər hərbi qulluqçu ölüb, 100-dən çoxu isə yaralanıb. Hücumun ABŞ istehsalı HIMARS raket sistemi ilə həyata keçirildiyi qeyd olunur. Məlumata görə, Rusiya tərəfindən döyüşən bir batalyon sıradan çıxarılıb.
Zərbələr nəticəsində sıradan çıxan hərbi karvanın görüntüləri də yayılıb. "BBC Verify" platforması görünütlərin Kurskda çəkildiyini təsdiqləyib. Qeyd olunur ki, görüntülər Kursk vilayətinin Rılsk bölgəsinin Oktyabrskoye kəndi yaxınlığında lentə alınıb.
Qeyd edək ki, Ukrayna ordusunun bir neçə gün əvvəl Rusiyanın Kursk vilayətinə daxil olduğu, bölgədə döyüşlər getdiyi bildirilir. Döyüşlərin Kursk vilayətində yerləşən Sudja yaşayış məntəqəsində getdiyi qeyd olunur. Bu şəhər Rusiya qazının Ukrayna üzərindən Avropaya ixracı üçün son əməliyyat daşıma məntəqəsidir. Burada cəmi 60 km aralıda Rusiyanın Kursk atom elektrik stansiyası yerləşir. Rusiyalı hərbi bloqçular Ukraynanın yeni cəbhə açdığını iddia edib və gərgin döyüşlər olduğunu bildiriblər.
Ukrayna tərəfi döyüşlərlə bağlı rəsmi mövqe bildirməyib. Ancaq Ukrayna Prezidenti Volodimir Zelenski xalqa müraciəti zamanı Rusiyanın müharibəni hiss etməli olduğunu vurğulayıb.
“Ukraynalılar öz məqsədlərinə necə çatacaqlarını bilirlər. Və müharibədə məqsədlərimizə çatmağı seçən biz deyildik. Rusiya torpağımıza müharibə gətirib və nə etdiyini hiss etməlidir”, – Ukrayna lideri qeyd edib.
Putin isə ötən gün Ukraynanın hücumunu “böyük təxribat” kimi qiymətləndirib.
9-08-2024, 17:40
Kursk döyüşü: Rusiyanın hərbi karvanı məhv edildi, onlarla ölü və yaralı var
Ukrayna ordusu Rusiyanın Kursk vilayətində hərbi maşın karvanını atəşə tutub.
Bu barədə Ukrayna və Rusiyaya məxsus teleqram kanallarında məlumat yayılıb.
Məlumata görə, zərbələr nəticəsində 26 nəfər hərbi qulluqçu ölüb, 100-dən çoxu isə yaralanıb. Hücumun ABŞ istehsalı HIMARS raket sistemi ilə həyata keçirildiyi qeyd olunur. Məlumata görə, Rusiya tərəfindən döyüşən bir batalyon sıradan çıxarılıb.
Zərbələr nəticəsində sıradan çıxan hərbi karvanın görüntüləri də yayılıb. "BBC Verify" platforması görünütlərin Kurskda çəkildiyini təsdiqləyib. Qeyd olunur ki, görüntülər Kursk vilayətinin Rılsk bölgəsinin Oktyabrskoye kəndi yaxınlığında lentə alınıb.
Qeyd edək ki, Ukrayna ordusunun bir neçə gün əvvəl Rusiyanın Kursk vilayətinə daxil olduğu, bölgədə döyüşlər getdiyi bildirilir. Döyüşlərin Kursk vilayətində yerləşən Sudja yaşayış məntəqəsində getdiyi qeyd olunur. Bu şəhər Rusiya qazının Ukrayna üzərindən Avropaya ixracı üçün son əməliyyat daşıma məntəqəsidir. Burada cəmi 60 km aralıda Rusiyanın Kursk atom elektrik stansiyası yerləşir. Rusiyalı hərbi bloqçular Ukraynanın yeni cəbhə açdığını iddia edib və gərgin döyüşlər olduğunu bildiriblər.
Ukrayna tərəfi döyüşlərlə bağlı rəsmi mövqe bildirməyib. Ancaq Ukrayna Prezidenti Volodimir Zelenski xalqa müraciəti zamanı Rusiyanın müharibəni hiss etməli olduğunu vurğulayıb.
“Ukraynalılar öz məqsədlərinə necə çatacaqlarını bilirlər. Və müharibədə məqsədlərimizə çatmağı seçən biz deyildik. Rusiya torpağımıza müharibə gətirib və nə etdiyini hiss etməlidir”, – Ukrayna lideri qeyd edib.
Putin isə ötən gün Ukraynanın hücumunu “böyük təxribat” kimi qiymətləndirib.
9-08-2024, 16:43
Harris Trampı qabaqlayır - SORĞU
Kamala Harris qarşıdan gələn seçkilərdə Donald Trampı 42-37 faiz səs nisbəti ilə qabaqlayır.
Agentlik "Ipsos" sorğusunun nəticələrinə istinadən yazır ki, sorğuda Demokrat namizəd Arizona, Corciya, Miçiqan, Nevada, Şimali Karolina, Pensilvaniya və Viskonsin kimi əsas ştatlarda respublikaçıları qabaqlayır və burada seçkilərin daha sərt keçəcəyi gözlənilir. .
Həmçinin, nəticələrə görə, respondentlərin 4%-i müstəqil namizəd Robert Kennedini dəstəkləyir.
9-08-2024, 16:26
Gürcüstanda hərbi xidmət müddəti qısaldılır
Gürcüstanda köhnə qaydalarla hərbi xidmətə sonuncu çağırış başlayıb.
Bu barədə "Sputnik Georgia" məlumat yayıb.
Payız çağırışı avqustun 5-dən dekabrın 28-dək aparılacaq. Ümumilikdə 18 yaşından 27 yaşa qədər olan 2,9 mindən çox şəxs hərbi xidmətə çağırılacaq, onlardan yalnız 900 nəfəri müdafiə qoşunlarında xidmət edəcək. Xidmət müddəti 12 aydır.
Artıq 2025-ci il yanvarın 1-dən çağırışçılar yalnız “Milli Hərbi Xidmət” adlandırılacaq hərbi xidmətə göndəriləcək. Belə ki, Gürcüstanda hərbi xidmət müddəti qısaldılacaq.
“Müdafiə haqqında” qanuna hazırlanmış dəyişikliklərə əsasən, bu, xidmət növündən asılı olacaq:
6 ay – döyüş bölməsində xidmət;
8 ay – mühafizə və ya yardımçı dəstədə xidmət;
11 ay – kiçik komandanlıq vəzifələrində və əvvəlcədən müəyyən edilmiş ixtisaslar üzrə xidmət.
Eyni zamanda, çağırışçılar yalnız Müdafiə Qoşunlarında xidmət edəcək və bunun üçün əməkhaqqı alacaqlar və onların iş yeri saxlanılacaq.
8-08-2024, 22:12
Müharibə Rusiya ərazisində: Zelenski sərt danışdı
Rusiya qüvvələri artıq üçüncü gündür Kursk bölgəsində Ukrayna qoşunlarına qarşı döyüşür.
Rusiya tərəfi avqustun 6-da təxminən 1000 ukraynalı əsgərin sərhədi keçərək hücuma başladığını bildirib.
Ukrayna hərbçilərinin tank və zirehli texnika, həmçinin pilotsuz uçuş aparatlarından istifadə etdiyi deyilir. Rusiya rəsmilərinin sözlərinə görə, Ukrayna artilleriya zərbələri endirir. Avropaya Ukrayna üzərindən gedən qaz xəttinin yerləşdiyi Sudja şəhərinin Ukraynanın nəzarətinə keçməsi barədə xəbərlər yayılıb.
Kursk vilayətinin qubernatorunun səlahiyyətlərini icra edən Aleksey Smirnov minlərlə sakinin təxliyə edildiyini bildirib.
Rusiya Müdafiə Nazirliyi cümə axşamı açıqlayıb ki, ordu və Federal Təhlükəsizlik Xidməti (FSB) Ukraynanın irəliləyişini dayandırıb və Kursk bölgəsində döyüşlər gedir.
Bəzi rusiyalı blogerlər Ukrayna qüvvələrinin Sudjadan təxminən 60 km şimal-şərqdə yerləşən Kursk atom elektrik stansiyasına doğru irəlilədiyini söyləyirlər.
Ukrayna tərəfi döyüşlərlə bağlı rəsmi mövqe bildirməyib. Ancaq Ukrayna Prezidenti Volodimir Zelenski xalqa müraciəti zamanı Rusiyanın müharibəni hiss etməli olduğunu vurğulayıb.
“Ukraynalılar öz məqsədlərinə necə çatacaqlarını bilirlər. Və müharibədə məqsədlərimizə çatmağı seçən biz deyildik. Rusiya torpağımıza müharibə gətirib və nə etdiyini hiss etməlidir”, – Ukrayna lideri qeyd edib.
Putin isə ötən gün Ukraynanın hücumunu “böyük təxribat” kimi qiymətləndirib.
8-08-2024, 16:59
Cahan savaşından sonra ilk dəfə: Xarici qoşun Rusiya ərazisində...
İkinci Dünya Müharibəsindən sonra ilk dəfə başqa ölkənin ordusu Rusiya Federasiyasına daxil olub. Bunu "Bloomberg" yazıb.
Nəşr qeyd edir ki, Kursk vilayətindəki sıçrayış Rusiyanın müdafiəsinin zəifliyini göstərib və Putinin rusların müdafiəçisi imicini itirib, eyni zamanda ukraynalıların əhval-ruhiyyəsi yüksəlib.
Həmçinin bildirilir ki, Kursk vilayətindəki vəziyyət Kiyevin ABŞ və avropalı müttəfiqlərinin Moskvanın eskalasiya hədələrindən qorxmaması ilə bağlı arqumentini gücləndirəcək.
Xatırladaq ki, 2022-ci ilin 24 fevralında Rusiyanın Ukraynaya hücumu nəticəsində başlayan müharibə davam edir. Rusiya Ukraynanın Xerson və Zaporojye vilayətlərini, habelə qondarma "Donetsk XR" və "Luqansk XR" separatçı qurumlarını birtərəfli qaydada ilhaq etdiyini açıqlayıb. Krım isə 2014-cü ildə ilhaq olunub.
Qeyd edək ki, Rusiya Ukrayna ordusunun bu gün Kursk bölgəsinə daxil olduğunu və bölgədə gərgin döyüşlər getdiyini bildirib.
“Bildiyiniz kimi, Kiyev rejimi növbəti genişmiqyaslı təxribata əl atıb. O, müxtəlif növ silahlardan, o cümlədən raketlərdən mülki binalara, yaşayış binalarına və təcili yardım maşınlarına fərq qoymadan atəş açır”, - Putin iddia edib.
Döyüşlərin Kursk vilayətində yerləşən Sudja yaşayış məntəqəsində getdiyi bildirilir. Bu şəhər Rusiya qazının Ukrayna üzərindən Avropaya ixracı üçün son əməliyyat daşıma məntəqəsidir. Burada cəmi 60 km aralıda Rusiyanın Kursk atom elektrik stansiyası yerləşir. Rusiyalı hərbi bloqçular Ukraynanın yeni cəbhə açdığını iddia edib və gərgin döyüşlər olduğunu bildiriblər.
Ukrayna Kursk vilayətində gedən döyüşləri şərh etmir.
Ukrayna Silahlı Qüvvələrinin Baş Qərargahı bir gün əvvəl Sudja yaxınlığında baş verənləri şərh etmək xahişinə cavab olaraq BBC-yə bildirib: “Hələ bu barədə məlumatımız yoxdur”.
8-08-2024, 16:22
Sadır Japarov Astanaya səfər edib - FOTO
Qırğızıstan Prezidenti Sadır Japarov Astanaya səfər edib.
Bu barədə "Kazinform" agentliyi Qazaxıstan Respublikası hökumətinə istinadən məlumat yayıb.
O, Mərkəzi Asiya Dövlət Başçılarının VI Məşvərət Görüşündə və inteqrasiya proseslərinin gələcək inkişafı məsələlərinin müzakirə olunduğu “Mərkəzi Asiya+Yaponiya” Dialoqunun Dövlət Başçılarının birinci Zirvə Görüşündə iştirak etmək üçün Qazaxıstana səfər edib.
8-08-2024, 15:23
Qazaxıstan və Özbəkistan müttəfiq ola bilər - Mirziyoyev
"Birgə sistemli və praktiki səylər sayəsində Qazaxıstan və Özbəkistan əməkdaşlığı müttəfiqlik münasibətləri səviyyəsinə çatdıra biliblər".
Bunu Özbəkistan Prezidenti Şavkat Mirziyoyev vurğulayıb.
Bildirilib ki, ticarət, sənaye əməkdaşlığı, enerji, nəqliyyat, kənd və su təsərrüfatı, mədəniyyət sahələrində əlaqələrin daha da dərinləşdirilməsinə dair konkret razılaşmalar əldə olunub.
"Qarşılıqlı fəaliyyətimizin ən mühüm sahələrindən biri olan regionlararası əlaqələrin inkişafı üçün səyləri gücləndirmək barədə razılığa gəldik. Hazırkı Regionlararası Əməkdaşlıq Forumunun ölkələrimizin bütün regionlarının iştirakı ilə yenidən Regional Rəhbərlər Şurasına çevrilməsi təşəbbüsü irəli sürülüb. Yaxın gələcəkdə qarşılıqlı ticarət dövriyyəsinin artırılmasına yönəlmiş kompleks proqram qəbul ediləcək. Bizim çox böyük potensialımız var”, - deyə o qeyd edib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!