Dünya » Səhifə 206

10-02-2025, 15:38

Netanyahu Qəzzaya 100 milyard dollar təzminat ödəməlidir! - Ərdoğan

İsrailin baş naziri Benyamin Netanyahu Qəzzaya 100 milyard dollar təzminat ödəməlidir.
Bu barədə bazar ertəsi Malayziyada olan Türkiyə prezidenti Rəcəb Tayyib Ərdoğan bildirib.
“Netanyahu öz torpaqlarından çıxara bilmədiyi qəzzalılara yer axtarmaq əvəzinə, Qəzzaya vurduğu 100 milyard dollar ziyanı ödəmək üçün vasitələr axtarmalıdır”, - Türkiyə lideri deyib.
Yanvarın 19-dan etibarən İsrail və Fələstinin HƏMAS hərəkatı arasında İsrail həbsxanalarında olan fələstinli məhbusların müqabilində israilli girovların azad edilməsinə dair əldə olunmuş razılaşma çərçivəsində Qəzza zolağında atəşkəs rejimi qüvvədədir.
42 gün ərzində 33 israilli girov və 1000-ə yaxın fələstinli məhbusun azad edilməsini nəzərdə tutan sazişin birinci mərhələsi çərçivəsində artıq beş mübadilə həyata keçirilib. Bu mübadilələr nəticəsində İsrail tərəfi 21 girovu geri qaytarmağa nail olub.

Netanyahu Qəzzaya 100 milyard dollar təzminat ödəməlidir! - Ərdoğan

10-02-2025, 14:44

Lenin mavzoleyi bağlanır

Moskvada Qırmızı meydanda yerləşən Lenin mavzoleyi təxminən iki ay müddətinə profilaktik işlər üçün bağlanacaq.
Bu barədə Rusiya Federal Mühafizə Xidmətinin mətbuat və ictimaiyyətlə əlaqələr şöbəsi məlumat yayıb.
"Vladimir İliç Leninin mavzoleyinə və Kreml divarı yanındakı nekropola bu il fevralın 18-dən aprelin 14-dək profilaktik işlərin aparılması ilə əlaqədar ziyarətçilərin girişinə icazə verilməyəcək", - məlumatda bildirilib.
Mavzoleydə planlı profilaktik işlər təxminən iki ildən bir aparılır, lakin onların təfərrüatları adətən açıqlanmır. Bu cür işlər xüsusilə 2017, 2019, 2022, 2023-cü illərdə aparılıb.
Mavzoley 1924-cü ildə, Leninin ölümündən qısa vaxt sonra açılıb.

Lenin mavzoleyi bağlanır

9-02-2025, 18:42

Silahlılar avtomobil karvanına hücum etdi - Onlarla mülki şəxs öldü

Malidə silahlılar avtomobil karvanına hücum edib, onlarla mülki şəxs həlak olub.
Bu barədə Mali Ordusunun sözçüsü Souleymane Dembele "Associated Press" agentliyinə bildirib.
Hadisə nəticəsində azı 25 mülki şəxs ölüb, 13 nəfərin xəstəxanaya aparıldığı deyilir.
Qeyd edilir ki, bu, 2025-ci ildə mülki şəxslərə qarşı ən ölümcül hücum olub.
Hücuma görə heç bir silahlı qruplaşma məsuliyyəti üzərinə götürməyib.

Silahlılar avtomobil karvanına hücum etdi - Onlarla mülki şəxs öldü

9-02-2025, 18:03

Qəzzada ölənlərin sayı 48 189 nəfərə çatdı

Qəzza sektorunda dağıntılar altından daha 7 nəfərin meyiti çıxarılıb.
Bu barədə Qəzzadakı səhiyyə qurumu məlumat yayıb.
Bununla da Qəzzada ölənlərin sayı 48 189 nəfərə çatıb.
Son 24 saatda xəstəxanalara 2 yaralı gətirilib. Bununla da Qəzzada hücumlar nəticəsində yaralananların sayı 111 640 nəfərə çatıb.
Qeyd edilib ki, hələ də dağıntılar altında və yollarda çoxlu sayda zərərçəkmişlər var.
Xatırladaq ki, İsraillə HAMAS arasında əsir və girov mübadiləsini nəzərdə tutan razılaşma çərçivəsində yanvarın l19-dan Qəzzada atəşkəs hökm sürür.

Qəzzada ölənlərin sayı 48 189 nəfərə çatdı

9-02-2025, 17:00

Türkiyə Ordusu Suriyada - 4 terrorçu öldürüldü

Türkiyə Silahlı Qüvvələri Suriyada növbəti əməliyyat keçirib.
Bu barədə Türkiyənin Milli Müdafiə Nazirliyindən bildirilib.
Qeyd olunub ki, “Barış pınarı” əməliyyat bölgəsində PKK/YPG terror təşkilatının dörd üzvü məhv edilib.
Nazirlikdən bildirilib ki, terrorçulara qarşı mübarizə davam edəcək.

Türkiyə Ordusu Suriyada - 4 terrorçu öldürüldü

9-02-2025, 15:05

[b]Türkiyə ordusu PKK-nın 11 üzvünü məhv etdi[/b]

Türkiyə Silahlı Qüvvələri İraqın şimalında növbəti əməliyyatlar keçirib.
Bu barədə Türkiyənin Milli Müdafiə Nazirliyindən bildirilib.
Qeyd olunub ki, yanvarın 29-dan fevralın 8-dək keçirilən əməliyyatlarda PKK terror təşkilatının 11 üzvü öldürülüb.
Onlardan yeddisi Qara, dördü isə Hakurk bölgəsində keçirilən əməliyyatlar nəticəsində zərərsizləşdirilib.
Nazirlikdən bildirilib ki, terrorçulara qarşı mübarizə davam edəcək.

Türkiyə ordusu PKK-nın 11 üzvünü məhv etdi

9-02-2025, 13:27

Kremldən Tramp-Putin danışığına münasibət

Moskva ilə Vaşinqton arasında təmaslar müxtəlif kanallar vasitəsilə baş verir.
Bunu Kremlin sözçüsü Dmitri Peskov bildirib.
O, Rusiya Prezidenti Vladimir Putinlə ABŞ Prezidentii Donald Trampın söhbətinə dair məlumatları nə təsdiq edə, nə də təkzib edə biləcəyini söyləyib.
Qeyd edək ki, Tramp Putinlə həmkarı ilə telefon danışığı apardığını açıqlayıb.

Kremldən Tramp-Putin danışığına münasibət

9-02-2025, 13:01

Nazir müavini yazışmalarına görə işdən çıxarıldı

Böyük Britaniyanın səhiyyə nazirinin müavini Endryu Qvin vatsapda qapalı qrupda söylədiyi təhqiramiz şərhlərə görə işdən çıxarılıb.
Bu barədə “Daily Mail” məlumat yayıb.
Nəşr nazir müavininin dərc etdiyi mesajları cinsiyyətçi və irqçi adlandırıb. Həmçinin mesajların birində Qvin zibil qutuları ilə bağlı problemlə əlaqədar onunla əlaqə saxlayan 72 yaşlı qadının tez ölməsini istədiyini bildirib.
Qeyd olunub ki, Qvinin işdən çıxarılması barədə qərar şəxsən Baş nazir Kir Starmer tərəfindən verilib və o, məmurun Leyboristlər Partiyasına üzvlüyünün dayandırılmasını da əmr edib.

Nazir müavini yazışmalarına görə işdən çıxarıldı

9-02-2025, 12:16

Serbiya Prezidentinin maşınının təkəri çıxdı

Serbiya Prezidenti Aleksandr Vuçiçin avtomobilinin təkəri çıxıb.
Görüntülər sosial mediada yayılıb.
Bildirilir ki, hadisə prezidentin yerli sakinlərlə görüşmək üçün Mokrin şəhərinə səfəri zamanı baş verib.
Serbiya hökuməti hadisənin araşdırıldığını bildirib.

Serbiya Prezidentinin maşınının təkəri çıxdı

9-02-2025, 12:09

SEPAH Xameneidən fətvanın ləğvini istədi

İslam İnqilabı Keşikçiləri Korpusunun (SEPAH) komandanlığı ölkənin ali rəhbəri Seyid Əli Xameneidən nüvə silahından istifadədən qadağanı nəzərdə tutan fətvanı geri götürməsini tələb edib.
Bu barədə Böyük Britaniyanın "The Telegraph" nəşri mənbələrə istinadən yazıb.
Qeyd olunub ki, buna səbəb kimi Tehranda həssaslığın artması ilə nəticələnən ABŞ Prezidenti Donald Trampın seçilməsi göstərilir:
"Bu, çox gec olmadan İranın nüvə silahını əldə etməsi üçün son şansdır", - mənbə yazıb.
Xatırladaq ki, Seyid Əli Xamenei 2005-ci ildə nüvə və kütləvi qırğın silahlarının günahsız insanlara qarşı istifadəsini qadağan edən fətva verib. 2024-cü ilin noyabrında İranın Beynəlxalq Münasibətlər üzrə Strateji Şurasının rəhbəri Kamal Xarazi bəyan etmişdi ki, Tehranı nüvə silahı hazırlamağa başlamasından ayıran yeganə vasitə fətvadır.
Bundan əvvəl İran Prezidenti Məsud Pezeşkian ölkəsinin nüvə silahı yaratmağa can atmadığını, doktrinada belə silahlardan istifadənin nəzərdə tutulmadığını bildirmişdi.

SEPAH Xameneidən fətvanın ləğvini istədi