15-06-2023, 17:34
Türk nazir Stoltenberqlə görüşdü
Türkiyənin milli müdafiə naziri Yaşar Gülər NATO-nun Brüsseldəki mənzil-qərargahında Alyansın Baş katibi Yens Stoltenberqlə görüşüb. Bu barədə Türkiyənin Milli Müdafiə Nazirliyindən bildirilib. Qeyd olunub ki, tərəflər regional təhlükəsizlik məsələlərini və qarşılıqlı maraq doğuran digər mövzuları müzakirə ediblər.
15-06-2023, 15:09
Şimali Koreya dənizə ballistik raket buraxdı
Şimali Koreya Yapon dənizi istiqamətinə ballistik raket buraxıb. Bu barədə NEXTA məlumat yayıb. Faktı Yaponiya və Cənubi Koreya Müdafiə Nazirlikləri də təsdiqləyib.
15-06-2023, 13:30
Sabiq türk nazirlərə yeni vəzifələr verildi
Türkiyədə AKP-dən millət vəkili seçilən keçmiş nazirlərə parlamentdə vəzifə verilib. Sabiq daxili işlər naziri Süleyman Soylu daxili işlər komissiyasına, keçmiş ətraf mühit, şəhərsalma və iqlim dəyişikliyi naziri Murat Kurum ətraf mühit komissiyasına, həmçinin keçmiş sənaye və texnologiya naziri Mustafa Varank sənaye, ticarət, enerji, təbii sərvətlər, informasiya və texnologiyalar komissiyasına sədr seçilib.
Sabiq Milli Müdafiə Naziri Hulusi Akar isə Milli Müdafiə Komissiyasının sədri postuna layiq görülüb.
15-06-2023, 13:12
Sabiq erməni müavin saxlanıldı
Ermənistan Respublika Partiyasının sədr müavini Armen Aşotyan saxlanılıb. Bu barədə onun vəkili Tiqran Atanesyan "Sputnik Armenia"ya bildirib. Qeyd olunub ki, Aşotyan Ermənistan İstintaq Komitəsinə aparılıb. Məlumata görə, müxalifətçi təhsil naziri olarkən tibb universiteti üçün alış-veriş zamanı vəzifə səlahiyyətlərindən sui-istifadədə və çirkli pulların yuyulmasında ittiham olunur.
Xatırladaq ki, Ermənistan Respublika Partiyasına ölkənin eks-prezidenti Serj Sarkisyan sədrlik edir.
15-06-2023, 12:59
NATO Ukrayna hərbçilərinə F-16 təyyarələrində təlim keçir - Stoltenberq
"NATO müttəfiqləri artıq Ukrayna hərbçilərinə F-16 təyyarələrində təlim keçməyə başlayıblar". Bunu hərbi alyansın baş katibi Yens Stoltenberq Ramşteyn formatında keçiriləcək görüşdən əvvəl jurnalistlərlə ünsiyyət zamanı bildirib. O qeyd edib ki, təlimlərin başlanması Ukraynaya təyyarələrin verilməsinə də imkan yaradır.
Xatırladaq ki, ötən ilin 24 fevralında Rusiyanın Ukraynaya hücumu nəticəsində başlayan müharibə davam edir. Rusiya Ukraynanın Xerson və Zaporojye vilayətlərini, habelə qondarma "Donetsk XR" və "Luqansk XR" separatçı qurumlarını birtərəfli qaydada ilhaq etdiyini açıqlayıb.
15-06-2023, 12:00
Rusiya ABŞ-la START sazişiylə bağlı təmaslar aparıb - Ryabkov
"Rusiya Federasiyası və ABŞ son həftələrdə yeni START sazişi ilə bağlı birbaşa təmaslar aparıblar". Bu barədə Rusiya XİN başçsının müavini Sergey Ryabkov məlumat verib. "Rusiya və ABŞ-ın START ilə bağlı mövqeləri hələ də uyğun gəlmir. Rusiyanın START-a qayıdışı o halda mümkündür ki, ABŞ Moskvaya qarşı düşmənçilik xəttindən əl çəksin. Rusiya Federasiyası və ABŞ təmaslar zamanı START ilə müəyyən edilmiş kəmiyyət məhdudiyyətlərinə riayət etmək əzmində olduqlarını təsdiq etdilər. Rusiya və ABŞ əsas strateji qüvvələrin təlimləri barədə bildiriş mübadiləsini davam etdirmək barədə razılığa gəliblər. Yerüstü ballistik raketlərin buraxılışı ilə bağlı da bildiriş mübadiləsini davam etdirəcək", - deyə o qeyd edib.
14-06-2023, 23:19
Fransa Ermənistana yeni zirehli texnikalar verəcək
Fransa Ermənistana 50 ədəd "VAB MK 3" model zirehli transportyor verəcək. Bu barədə "Sputnik Armeniya" nəşri Avropada Proqnozlaşdırma və Təhlükəsizlik İnstitutunun (IPSE) direktoru Emmanuel Dupuisa istinadən məlumat yayıb. Zirehli texnikanın nə vaxt tədarük ediləcəyi hələlik açıqlanmır. Məlumata görə, İrəvanın “Bastion” və “Şerpa” zirehli maşınlarının alınması imkanları da nəzərdən keçirilir. Nəşr qeyd edir ki, Fransanın İrəvandakı səfirliyinə hərbi attaşe təyinatından sonra iki ölkə arasında hərbi əməkdaşlıq daha da intensivləşəcək.
14-06-2023, 22:53
Almaniyada ilk dəfə Milli Təhlükəsizlik Strategiyası qəbul edildi
Almaniyada ilk dəfə Milli Təhlükəsizlik Strategiyası qəbul edilib. Sənəd 76 səhifədən ibarətdir. Strategiyada bildirilir ki, Almaniyanın təhlükəsizlik siyasətinin əsas vəzifəsi ölkənin sülh və azadlıq şəraitində yaşamağa davam etməsini təmin etməkdir. "Bunun üçün biz NATO və Avropa İttifaqına sarsılmaz sadiqik və Bundesveri gücləndiririk ki, o, ölkəni və ittifaqı qorumaq olan əsas missiyasını yerinə yetirə bilsin", - sənəddə qeyd olunur. Sənəddə, həmçinin Avropa İttifaqının genişlənməsindən və bu kontekstdə Ukrayna, Moldova və Gürcüstanın üzvlüyündən bəhs edilir. “Məqsədimiz sülhsevər, azad və vahid Avropadır. Biz Avropa İttifaqının gələcək nəsillər üçün öz təhlükəsizliyini və suverenliyini təmin edən geosiyasi oyunçu olmasını istəyirik. Almaniya federal hökuməti Qərbi Balkan dövlətləri, Ukrayna, Moldova və gələcəkdə Gürcüstanın qəbulu yolu ilə Avropa İttifaqının inteqrasiyasını, birliyini və genişlənməsini dəstəkləyir”, - sənəddə deyilir. Strategiyada o da vurğulanır ki, Aİ-nin genişlənməsinə hazırlaşmaq üçün təşkilat daxilində islahatlar aparmaq lazımdır.
14-06-2023, 22:34
Serbiya Kosovanın 3 polis əməkdaşını həbs etdi
Serbiya xüsusi təyinatlıları Kosova polisinin 3 əməkdaşını həbs edib. Bu barədə Serbiya Daxili İşlər Nazirliyi məlumat yayıb. Şübhəlilərin silahlı olduğu, yanlarında xəritə və naviqasiya vasitələrinin aşkar edildiyi deyilir. Onlar Serbiyada sabitliyi pozmaq və münaqişəni qızışdırmaqda ittiham olunur. Kosovanın Baş naziri Albin Kurti polislərin Serbiya tərəfindən oğurlandığını bildirib. “Oğurlanma Kosovanın şimalındakı Tresave/Bare bölgəsində baş verib", - məlumatda qeyd edilib.
14-06-2023, 16:45
Gürcüstanla Belçika arasında anlaşma memorandumu imzalandı
Gürcüstan və Belçika xarici işlər nazirlikləri arasında anlaşma memorandumu imzalanıb. Bu barədə "Sputnik Georgia" məlumat yayıb. Bildirilib ki, memorandumun məqsədi təcrübə, ekspertiza, bilik və nou-hau mübadiləsi yolu ilə iqtisadi diplomatiyanın inkişafına töhfə vermək, habelə ticarət, turizm və investisiyalar sahəsində əlaqələrin gücləndirilməsinə daha çox diqqət yetirməkdir.
Qeyd edək ki, Gürcüstan baş naziri İrakli Qaribaşvilinin başçılıq etdiyi nümayəndə heyəti Brüsseldə səfərdədir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!