13-03-2023, 23:24
Təşəbbüs birbaşa Moskvadan sifariş olunub - Saakaşvili
Gürcüstanda "xarici agentlər haqqında" qanun layihəsi Moskvanın göstərişi ilə irəli sürülüb. Bunu Gürcüstanın həbsdə olan keçmiş prezidenti Mixail Saakaşvili Fransanın “Le Figaro” qəzetinə müsahibəsində bildirib. “Mən 100 faiz əminəm ki, təşəbbüs birbaşa Moskvadan sifariş olunub... Aydındır ki, bütün bunları Kremlin PR mütəxəssisləri təşkil edib”, - Saakaşvili deyib. Onun fikrincə, bu qanun qəbul edilsəydi, Gürcüstan Avropa İttifaqı və NATO-nu itirə bilərdi. Saakaşvili Gürcüstandakı etiraz aksiyalarının iştirakçılarını yüksək qiymətləndirib. "Etiraz aksiyası Rusiyanın sərt gücünün xalqın iradəsini boğmağa qadir olmadığını göstərdi", - o bildirib. Xatırladaq ki, martın 7-də Gürcüstan parlamenti birinci oxunuşda Rusiya qanunvericiliyinin analoqu olan “Xarici agentlər haqqında” qanun layihəsini dəstəkləyib. Sənəddə KİV-ə və xaricdən maliyyə alan ictimai təşkilatlara “xarici təsir agenti” statusunun verilməsi təklif edilib. Bundan sonra Tbilisidə qanun layihəsinə qarşı genişmiqyaslı etiraz aksiyaları başlayıb. Etirazlardan sonra hakim partiya qanun layihəsini geri götürdüyünü elan edib. Daha sonra Gürcüstan parlamentində qanun layihəsi ikinci oxunuşda rədd edilib.
13-03-2023, 15:05
Səudiyyə Ərəbistanında İsrail rəsmilərinə giriş vizası verilmədi
BMT-nin Dünya Turizm Təşkilatı konfransına ev sahibliyi edən Səudiyyə Ərəbistanı İsrail nümayəndə heyətinə giriş vizası verməyib. Bununla bağlı "Bloomberg" nəşri məlumat yayıb. Səudiyyə Ərəbistanının Əl-Ula şəhərində Dünya Turizm Təşkilatının 18 ölkədə 32 turistik kəndi əhatə edən iki günlük konfransı keçirilir. Qeyd edək ki, Səudiyyə Ərəbistanı ilə İsrail arasında diplomatik əlaqələr yoxdur. Səudiyyə Ərəbistanı ilə İran arasında 7 illik fasilədən sonra martın 10-da diplomatik münasibətlərin bərpasına dair razılaşmanın İsraillə Səudiyyə Ərəbistanı arasında “normallaşma imkanlarına” mənfi təsir göstərəcəyi proqnozlaşdırılır.
13-03-2023, 15:00
Putin Paşinyanla telefon danışığı aparıb
Rusiya Prezidenti Vladimir Putin Ermənistan Baş naziri Nikol Paşinyanla telefon danışığı aparıb. Bu barədə Kremlin mətbuat xidməti məlumat yayıb. Telefon danışığı zamanı Azərbaycan, Ermənistan və Rusiya arasında imzalanan üçtərəfli danışıqların icrası, Ermənistan-Azərbaycan sərhədində təhlükəsizliyin təmin edilməsi istiqamətində atılan addımlar və sülh müqaviləsinin hazırlanması müzakirə edilib. Putin bütün məsələlərin konstruktiv şəkildə və Rusiya sülhməramlıları ilə əməkdaşlıq şəraitində həllinin vacibliyini vurğulayıb.
13-03-2023, 14:48
Türkiyədə seçkilərin başlanacağı tarix məlum oldu
Türkiyədə seçki prosesinin başlanacağı tarix məlum olub. Bu barədə ölkənin Ali Seçki Komissiyasının sədri Ahmet Yener açıqlama verib. Onun sözlərinə görə, prosesə 18 martdan start veriləcək: "Seçki təqviminin başlanğıc tarixi 18 mart 2023-cü il tarixidir". Qeyd edək ki, seçki 14 mayda keçiriləcək.
13-03-2023, 14:32
Belarus prezidenti iranlı həmkarı ilə görüşdü
İranda səfərdə olan Belarus prezidenti Aleksandr Lukaşenko bu gün Tehranda bu ölkədən olan həmkarı İbrahim Rəisi ilə görüşüb. Bu barədə Belarusun rəsmi "BelTA" agentliyi məlumat yayıb.
12-03-2023, 23:47
Saakaşvili ölkəni hərbi əməliyyatlara cəlb etmək üçün göndərilib
Mixail Saakaşvili Gürcüstanda sabitliyi pozmaq və ölkəni hərbi əməliyyatlara cəlb etmək üçün göndərilib. Bunu Gürcüstanın baş naziri İrakli Qaribaşvili “İmedi” telekanalının efirində bildirib. "Ukraynada müharibənin başlaması hələ noyabrda (2021-ci ildə), maksimum dekabrda gözlənilirdi. Bu barədə məlumatımız var idi, o cümlədən mən həmkarlarımızdan, tərəfdaşlarımızdan bilirdim. Saakaşvili Gürcüstana nə vaxt gəlib? Saakaşvili oktyabrın 1-də göndərilib. Əsas məqsəd burada dövlət çevrilişi təşkil etmək və lazımi vaxtda ölkələri müharibəyə cəlb etmək idi. Bizim buna heç bir şübhəmiz yoxdur”, - Qaribaşvili deyib. Baş nazirin sözlərinə görə, Rusiya diqqətini Gürcüstana yönəltsə, Ukrayna üçün yəqin ki, bir növ rahatlıq ola bilər. Qaribaşvilinin fikrincə, Saakaşvilinin yaratdığı müxalif “Vahid Milli Hərəkat” partiyası hakimiyyətdə olsaydı, Gürcüstan “ikinci Mariupol” olardı.
12-03-2023, 23:18
Muharrem İnce də prezidentliyə namizədliyini irəli sürüb
Məmləkət partiyasının sədri Muharrem İncenin Türkiyə prezidentliyinə namizədliyi irəli sürülüb. Bu barədə partiyanın sözçüsü İpek Özkal Sayan məlumat verib. Bildirilib ki, İncenin namizədliyinin irəli sürülməsinə partiya üzvləri qərar verib. Qeyd edək ki, indiyədək Türkiyə prezidenti postu uğrunda 3 nəfərin namizədliyi irəli sürülüb. Bunlar Rəcəb Tayyib Ərdoğan, Kemal Kılıçdaroğlu və Sinan Oğandır.
12-03-2023, 23:13
Moldovada hakimiyyətə qarşı etiraz aksiyası baş qaldırıb
Bu gün Moldovada rusiyayönlü Şor partiyası hakimiyyətə qarşı etiraz aksiyası keçirib. Kişinyovda şəhər mərkəzinə əlavə polis qüvvələri cəlb edilib. Polislər etirazçıların parlament binasına daxil olmasının qarşısını ala biliblər. 50-dən çox nümayişçinin həbs edildiyi deyilir. Aksiya iştirakçıları qiymət artımına etiraz etdiklərini bildiriblər, onlar hökumətdən qış ayları üçün bütün vətəndaşların kommunal xərclərini ödəməyi tələb ediblər. Rusiyayönlü “Şor” partiyası son vaxtlar Moldova hökumətinin Qərblə yaxınlaşmasına qarşı intensiv etiraz aksiyası keçirir. Moldova prezident Maya Sandu Rusiyanı ölkənin daxili işlərinə qarışmaq cəhdində ittiham edib. Onun sözlərinə görə, Rusiya hakimiyyəti hökuməti devirməyə çalışır.
12-03-2023, 23:08
İran və Belarusiyanın XİN rəhbərləri görüşüb
Belarus prezidenti Aleksandr Lukaşenkonun rəsmi səfəri ərəfəsində iki ölkənin xarici işlər nazirləri Sergey Aleynik və Hüseyn Əmir Abdullahian Tehranda görüşüblər. Bu barədə Belarusun rəsmi "BelTA" agentliyi məlumat yayıb. Bildirilib ki, Belarus və İran XİN rəhbərləri ikitərəfli münasibətlərin vəziyyəti və inkişaf dinamikasını müzakirə ediblər. Həmçinin Belarus-İran birgə layihələrinin praktiki həyata keçirilməsinə xüsusi diqqət yetirilib. Görüşdə diplomatik münasibətlərin qurulmasının 30 illiyinin qeyd olunması çərçivəsində tədbirlər planına baxılıb.
12-03-2023, 23:03
Egey dənizində su nəqliyyatının hərəkəti məhdudlaşdırılıb
Egey dənizində su nəqliyyatının hərəkəti məhdudlaşdırılıb. Buna səbəb ekstremal hava şəraiti olub. Belə ki, fırtına kiçik qayıqlar üçün dənizdə hərəkəti təhlükəli edib. Qeyd edilib ki, Geyikli və Bozcaada adaları arasında müntəzəm reyslə hərəkət edən qayıq marşrutları da ləğv olunub. Dənizdə bütün növ su nəqliyyatının hərəkətinin hava şəraitinin normallaşmasından sonra bərpa ediləcəyi vurğulanıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!