Dünya » Səhifə 509

14-02-2023, 14:19

Rusiyadan Moldovaya çağırış dolu mesaj

"Kişinyovun Rusiyanın Moldovada vəziyyəti destabilizasiya etmək planı ilə bağlı bəyanatları əsassızdır". Bu, Rusiya XİN-in Moldova prezidenti Maya Sandunun dünənki açıqlamasına cavabında bildirilib. "Kiyev Kişinyovu Rusiya Federasiyası ilə şiddətli qarşıdurmaya cəlb etməyi hədəfləyir. Moskva Moldova hakimiyyətini dövlət müdrikliyi göstərməyə, kənardan gələn təxribatlara uymamağa çağırır", - deyə məlumatda vurğulanıb. Rusiya XİN-in açıqlamasında ABŞ-ın Suriyadakı zəlzələ ilə bağlı addımlarına da münasibət bildirilib. "Qərb Suriyadakı zəlzələdən zərər çəkmiş insanların ehtiyacları barədə spekulyasiya edir, sərhədyanı yardım mexanizmini genişləndirmək üçün BMT Təhlükəsizlik Şurasına müraciət edir", - deyə qeyd olunub.

Rusiyadan Moldovaya çağırış dolu mesaj

14-02-2023, 14:15

Dağıntılar altından külli miqdarda pul aşkarlandı

Türkiyəyə göndərilmiş rusiyalı xilasedicilər dağıntılar altından külli miqdarda pul aşkarlayıblar. Bu barədə Rusiya Fövqəladə Hallar Nazirliyinin “Telegram” hesabında məlumat paylaşılıb. “Türkiyəyə göndərilən axtarış-xilasetmə əməkdaşlarımız yaşayış binasının dağıntılarını təmizləyərkən külli miqdarda pul tapıblar”, - deyə məlumatda bildirilib. Qeyd olunub ki, daha bir dağıntı qatını açan zaman içərisində yüz dollarlıq əskinaslarla dolu qazan aşkarlanıb. Qazanda olan pulun məbləğinin 150 min dollar olduğu müəyyən edilib. Həmin vəsait polis əməkdaşlarına təhvil verilib. Qeyd edək ki, fevralın 6-da Türkiyənin cənub-şərqində baş verən zəlzələlər nəticəsində 31 643 nəfər həlak olub, 80 mindən çox insan zərər çəkib.

Dağıntılar altından külli miqdarda pul aşkarlandı

14-02-2023, 14:06

İran prezidenti Çinə 3 günlük səfər edir

İran prezidenti İbrahim Rəisi Çinə səfər edib. O, Çin lideri Si Tsinpinin şəxsi dəvəti ilə Pekinə yollanıb. Bildirilib ki, Rəisinin səfəri üç gün davam edəcək. Onun burada yüksək səviyyəli görüşlər keçirməsi nəzərdə tutulub. Təhlilçilərin fikrincə, bu səfər ABŞ-la gərginliyin artması fonunda iki ölkə arasında əlaqələrin gücləndirilməsindən xəbər verir.

İran prezidenti Çinə 3 günlük səfər edir

13-02-2023, 23:37

Hatayda zəlzələ nəticəsində dağılan binanın podratçısı həbs edildi

Türkiyənin Hatay bölgəsində zəlzələ nəticəsində dağılan daha bir binanın podratçısı həbs edilib. Bu barədə DHA agentliyi məlumat yayıb. Bildirilir ki, Ömər Cihan adlı podratçı zəlzələ qurbanı kimi qaldığı 5 ulduzlu oteldə saxlanılıb. Şübhələnin işinin artıq məhkəməyə göndərildiyi deyilir. Qeyd edək ki, Türkiyədə zəlzələ ilə əlaqədar bir neçə nəfər həbs olunub.

Hatayda zəlzələ nəticəsində dağılan binanın podratçısı həbs edildi

13-02-2023, 22:08

Hatayda zəlzələ nəticəsində dağılan binanın podratçısı həbs edildi

13-02-2023, 21:45

Vardanyanın Xankəndində olmasıyla bağlı məlumat yayılıb

Qarabağ separatçılarının qondarma “dövlət naziri” postunu tutan milyarder Ruben Vardanyanın Xankəndidə olduğu barədə məlumat yayılıb. “Hraparak”ın məlumatına görə, Vardanyan fevralın 13-də tabeliyindəki “rəhbər heyətin” iştirakı ilə işçi məsləhətləşmə keçirib. Bildirilir ki, mövcud vəziyyəti təqdim edən R.Vardanyan görüləcək çox işin olduğunu söyləyib. Onun separatçıların rəhbər heyətində təmsil olunan şəxslərə müxtəlif tapşırıqlar verdiyi deyilir. Qeyd edək ki, Ermənistan KİV-ləri ötən həftə Ruben Vardanyaın Moskvaya getdiyini yazmışdı. Həmin məlumatlarda bildirilirdi ki, Rusiyanın Qarabağla bağlı mövqeyini aydınlaşdırmaq üçün əvvəlcə Qarabağ separatçılarının başçısı Arayik Arutyunyan, ardınca isə Ruben Vardanyan Moskvaya gedib. Mətbuat bu iki şəxsin son vaxtlar yola getmədiyi və aralarındakı gərginliyin dərinləşdiyini yazır. Ehtimal olunur ki, Moskva onlardan hansı ilə işləyəcəyinə tezliklə aydınlıq gətirəcək.

Vardanyanın Xankəndində olmasıyla bağlı məlumat yayılıb

13-02-2023, 21:42

Ərdoğan xanımı ilə zərərçəkənləri ziyarət etdi

Türkiyə Prezidenti Rəcəb Tayyib Ərdoğan zəlzələ zamanı yaralanan şəxslərə baş çəkib. Bu barədə "Anadolu" agentliyi məlumat yayıb. Prezident və xanımı Əminə Ərdoğan Başakşehir Çam və Sakura Şəhər Xəstəxanasında müalicə alan vətəndaşları ziyarət edib. Yaralılara şəfa diləyən Türkiyə lideri onların səhhəti ilə bağlı həkimlərdən məlumat alıb.

Ərdoğan xanımı ilə zərərçəkənləri ziyarət etdi

13-02-2023, 21:38

Batumidə partlayış baş verib

Gürcüstanın Batumi bölgəsində dəniz sahilində dəniz minası olduğu ehtimal edilən qurğu partlayıb. Bu barədə "Rustavi 2" telekanalı məlumat yayıb. Hadisə qurudan təxminən 25 metr aralıda baş verib, partlayış səsi ətrafda eşidilib. İlkin məlumata görə, hadisə nəticəsində tələfat və dağıntı olmayıb.

Batumidə partlayış baş verib

13-02-2023, 21:28

Arutyunyan qanunsuz “seçkilərin” keçirilməsi qaydasını dəyişdirir

Rusiya sülhməramlılarının müvəqqəti yerləşdirildiyi Azərbaycan ərazilərindəki separatçıların “rəhbəri” Arayik Arutyunyan qanunsuz “seçkilərin” keçirilməsi qaydasına dəyişiklik etməyi planlaşdırır. Bu barədə Ermənistan KİV-ləri məlumat yayıb. Bildirilir ki, Arutyunyan qondarma qurumun “rəhbərinin” Qarabağdakı ermənilər tərəfindən “seçilməsini” istəmir. Dəyişikliyə əsasən, separatçıların “rəhbərini” saxta rejimin “parlamenti” təyin edəcək. Bu dəyişiklik Arutyunyanın Moskva səfərindən sonra elan edilib. “Hraparak” qəzetinin məlumatına görə, bir neçə gün əvvəl Arayik Arutyunyan müxtəlif səviyyələrdə görüşlər keçirmək və Rusiyanın Qarabağla bağlı mövqeyini aydınlaşdırmaq üçün Moskvaya gedib. O, Rusiyada bir sıra dairələrlə gizli görüşlərdən sonra yenidən Xankəndiyə qayıdıb. Onun ardınca Ruben Vardanyan da Moskvaya çağırılıb. Güman edilir ki, tətbiqi nəzərdə tutulan dəyişiklik Rusiya tərəfindən tələb edilib. Bəzi eksertlərin fikrincə, Moskva bu yolla Arayikin yerinə “Rusiyanın adamı” hesab edilən milyarder Ruben Vardanyanı gətirəcək. Arutyunyanın aqibətinin necə olacağı sual altındadır.

Arutyunyan qanunsuz “seçkilərin” keçirilməsi qaydasını dəyişdirir

13-02-2023, 21:12

Vizaların qarşılıqlı ləğvində Rusiyanın fikrini gözləyirik - İran səfiri

Rusiya və İran iki ölkə vətəndaşları üçün vizanı qarşılıqlı şəkildə ləğv edə bilər. Bu barədə İranın Rusiyadakı səfiri Kazem Cəlali bildirib. O qeyd edib ki, Tehran vizaların qarşılıqlı ləğv edilməsi üçün müraciət edib və Rusiya rəsmilərindən cavab gözləyir. “Belə bir perspektiv var. İran iki ölkə arasında vizaların ləğvinə razıdır. Hətta bu məsələ ilə bağlı ölkəmizdə də addımlar atılıb. Rusiya rəsmilərinin fikrini gözləyirik. Əgər Rusiya razı olsa, biz qısa zamanda vizasız rejimə keçə bilərik”, - deyə Cəlali mətbuat konfransında vurğulayıb.

Vizaların qarşılıqlı ləğvində Rusiyanın fikrini gözləyirik - İran səfiri