12-06-2024, 17:24
Paşinyan sərhədlərin delimitasiyasından danışdı
Ermənistanla Azərbaycan arasında sərhədlərin delimitasiyası ilə bağlı cəmiyyətdə böyük anlaşılmazlıq var.
Bunu Ermənistanın baş naziri Nikol Paşinyan bu gün, iyunun 12-də parlamentdə deyib.
“Delimitasiya prosesi ən azı eyni dərəcədə Ermənistan hökumətinin Ermənistanın suveren ərazisini fiksasiya etmək təşəbbüsüdür”,- o bildirib.
Paşinyan Azərbaycanın hələ də Ermənistanın Göyçə bölgəsini tərk etməməsi və bu hissələrin delimitasiya edilməməsi ilə bağlı iradlara cavab olaraq deyib:
“Biz qarşılıqlı razılaşma əsasında sərhədin bu hissələrini delimitasiya etməmişik. Çünki eyni məntiqlə Voskeparda böyük problemlər var idi. Mən Voskeparda oldum, sakinlərlə müzakirə apardım, onları dinlədim və deyə bilmərəm ki, biz Voskepar, yaxud Bağanis, ya Kirants, ya da Berkaber sakinlərinin danışdıqları bütün problemləri həll etmişik. Amma bu sahədə delimitasiya zamanı Voskepar sakinlərinin fikirləri əhəmiyyətli dərəcədə nəzərə alınıb. Daha sonra gedib Berkaber sakinləri ilə söhbət etdik, çünki burada bəzi qavrayış fərqləri var.
Mən ilk dəfə Voskepara gedəndə sizin soruşduğunuz variantı masanın üstünə qoydum. Voskepar sakinləri bunun nə üçün ən azı indiki mərhələdə yaxşı variant olmadığını əsaslandırdılar.
Dedik ki, bizim ideyalarımız belədir: biz hər dörd kəndin ərazisi üzrə delimitasiya aparmalıyıq. Voskepar sakinləri bunu qəbuledilməz hesab edirdilər. Başqa variant təklif etdilər. Dedim ki, mən onları dinləmişəm, İrəvana qayıdacağam, sonra gəlib rasional və mümkün hesab etdiyimiz şeyi deyəcəyəm. Dedim ki, siz kobud desək, beş sual qaldırdınız, üçü həll oluna bilər, ikisini həll edə bilməzsiniz. Voskepar sakinləri dedilər ki, əgər belədirsə, biz bu varianta anlayışla yanaşacağıq.
Bundan sonra biz Kirantsa getdik və yenə mən şərti olaraq dedim, siz beş sual qaldırdınız, onlardan yalnız ikisini həll etmək olar. Kirants sakinləri ilk görüşdən sonra daha pozitiv idilər, lakin bu görüşdən sonra mənzərə dəyişdi”, - baş nazir bildirib.
Paşinyan deyib ki, Ermənistan və Azərbaycan kağız üzərinddə bir-birinin ərazi bütövlüyünü tanıdıqlarını və bir-birlərinə qarşı ərazi tələblərinin olmadığını, güc təhdidi prinsipindən imtina etdiklərini, daxili işlərə qarışmamağa, bir-birlərinə qarşı təcavüzkar siyasət yürütməməyə hazır olduqlarını qeyd etdikdə, qiplomatik əlaqələr qurulacaq, hər kəsin problemləri həll olunacaq.
“Əgər ərazi bütövlüyü tanınsa, bütün digər məsələlər öz həllini tapacaq”, 0 deyib.
Paşinyan sülh müqaviləsi imzalanmazdan əvvəl Azərbaycanla kommunikasiyaların açılmasını tamamilə mümkün hesab edir.
“Praktik addımlarla real sülh yaratmaq, sonra isə yalnız saziş imzalamaq mümkündür, lakin istənilən halda sülh müqaviləsi imzalanmalıdır”, - Paşinyan bildirib.
12-06-2024, 17:09
Ermənistan KTMT-dən çıxır - Paşinyandan açıqlama
Ermənistanın baş naziri Nikol Paşinyan parlamentdə İrəvanın KTMT-dən çıxacağını və bir daha təşkilata qayıtmayacağını bəyan edib.
Bu barədə Paşinyan parlamentdə hökumət saatı zamanı müxalifətçi deputatın sualına cavab olaraq bildirib.
O, vaxtın hələ müəyyən edilmədiyini əlavə edib. Paşinyan əlavə edib ki, hakimiyyət lazım bildiyi zaman Ermənistan KTMT-dən çıxacaq: «Ermənistanın keçmiş hakimiyyəti «köpük ittifaqı”na girdi və sonra məlum oldu ki, bu ittifaq Ermənistanı müdafiə etmir».
«Nə fikirləşirsiniz? Növbəti addım nədir? Sizcə geri dönəcəyik? Yox, başqa yol yoxdur. Narahat olmayın, biz geri qayıtmayacağıq», — deyə Ermənistanın baş naziri qeyd edib.
Qeyd edək ki, ötən ay Ermənistan hakimiyyəti KTMT-ni maliyyələşdirməkdən imtina edib, ayın sonunda isə təşkilata daxil olan ölkələrin Müdafiə Nazirləri Şurasının iclasına öz nümayəndəsini göndərməyib.
Xatırladaq ki, Kollektiv Təhlükəsizlik Müqaviləsi Təşkilatına (KTMT) indi Rusiya, Qazaxıstan, Ermənistan, Qırğızıstan, Tacikistan və Belarus daxildir.
12-06-2024, 17:06
Ərdoğan İspaniyaya getdi
Türkiyə Prezidenti Rəcəb Tayyib Ərdoğan İspaniyaya ikigünlük rəsmi səfərə yollanıb.
Ərdoğan Madriddə VIII Türkiyə-İspaniya Hökumətlərarası Zirvə görüşündə iştirak edəcək.
Türkiyə liderini bu səfərdə həyat yoldaşı Əminə Ərdoğan və bir sıra nazirlər müşayiət edir.
12-06-2024, 16:19
İştirak etməyəcəyik, amma mane olmayacağıq - Orban
Macarıstanın baş naziri Viktor Orban NATO-nun Ukrayna ilə bağlı qərarlarında iştirak etməkdən imtina edib, lakin onlara mane olmayacağına söz verib.
Bu barədə o, Budapeştdə Alyansın baş katibi Yens Stoltenberqlə görüşündə bildirib.
"Macarıstan açıq şəkildə bildirdi ki, NATO daxilində vəziyyətlə bağlı təhlilimizdən fərqli ola biləcək hər hansı qərara mane olmaq niyyətində deyil", - o qeyd edib.
Bununla yanaşı, Stoltenberq bildirib ki, macar şəxsi heyəti Ukrayna məsələsində NATO-ya dəstək verməkdə iştirak etməyəcək.
"Heç bir macar bu fəaliyyətə cəlb edilməyəcək və heç bir Macarıstan maliyyəsi onu dəstəkləmək üçün istifadə edilməyəcək. Eyni zamanda, Baş nazir məni əmin etdi ki, Macarıstan bu səylərə qarşı çıxmayacaq və digər müttəfiqlərin irəliləməsinə imkan verəcək", - NATO-nun baş katibi deyib.
12-06-2024, 15:37
Borel və Mişel gedir, yerinə onlar gəlir
Avropa İttifaqında əsas rəhbər vəzifələrə namizədlərlə bağlı konsensus yaranır.
Bunu "Politico" nəşri mənbələrə istinadən yazıb.
Ursula fon der Leyen, çox güman ki, Avropa Komissiyasının prezidenti olaraq qalacaq. Robert Metsola böyük ehtimalla ikinci müddətə yenidən Avropa Parlamentinin sədri seçiləcək.
O da bildirilir ki, Portuqaliyanın keçmiş baş naziri Antonio Kosto hazırda belçikalı Şarl Mişelin tutduğu Avropa Şurasının prezidenti postuna mümkün namizəd hesab olunur. Estoniyanın baş naziri Kaya Kallas isə Jozep Borelin yerinə Aİ-nin baş diplomatı vəzifəsinə gətirilə bilər.
Şərqi Avropadan olan parlaq siyasətçi kimi o, Avropa liberalları üçün yaxşı seçim ola bilər. Kallasın özü artıq bu vəzifə ilə maraqlandığını bildirib. Qeyd olunub ki, Avropa Parlamentinə seçkilərdən əvvəl bəzi ölkələr Rusiya Federasiyasına qarşı sərt mövqe tutduğuna görə Kallasa şübhə ilə yanaşırdılar. Tənqidçilər onun öz bölgəsinə çox diqqət yetirəcəyindən və Yaxın Şərq və Afrikaya kifayət qədər diqqət yetirməyəcəyindən qorxurdular.
Lakin zaman keçdikcə bu müxalifət praktiki olaraq yox olub və indi əksəriyyət hesab edir ki, Kallas coğrafi, siyasi və diplomatik baxımdan bu vəzifəyə idealda uyğun gəlir. Kallas Kremlə qarşı sərt mövqeyi və Ukraynaya fəal dəstəyi ilə tanınır. O, Estoniya bizneslərini Rusiya Federasiyasının şirkətləri ilə əməkdaşlığı dayandırmağa çağırıb və bütün Estoniya 155 mm-lik haubitsalarını Kiyevə təhvil verib.
Lakin bu yaxınlarda əri Arvo Hallikin biznesi ilə bağlı qalmaqal yaranıb. Onun şirkəti "Stark Logistics" Rusiya firmaları ilə əməkdaşlığı davam etdirib, bu isə Kallasın reytinqinin aşağı düşməsinə və hətta onun istefası tələbinə səbəb olub.
12-06-2024, 15:26
Putin hərbi rəhbərliklə fövqəladə iclas keçirib
Rusiya prezidenti Vladimir Putin iyunun 11-də axşam müdafiə naziri Andrey Belousov, Baş Qərargah rəisi Valeri Gerasimov və müxtəlif hərbi hissələrin komandirlərinin iştirakı ilə fövqəladə iclas keçirib.
Bu barədə Rusiya prezidentinin mətbuat katibi Dmitri Peskov bildirib.
O deyib ki, görüş iştirakçıları Ukraynadakı “xüsusi əməliyyat”ın gedişi və onun davam etdirilməsi planları barədə prezidentə məruzə ediblər.
11-06-2024, 23:27
Hakan Fidan Putinlə görüşdü
Türkiyənin xarici işlər naziri Hakan Fidan Rusiya Prezidenti Vladimir Putinlə görüşüb.
Bu barədə Türkiyənin Xarici İşlər Nazirliyi məlumat yayıb.
Görüş Kremldə keçirilib.
Fidan Putinlə görüşdə “iki ölkə arasında münasibətlərin fövqəladə yaxşı olduğunu” söyləyib.
11-06-2024, 22:24
Ərdoğan Putinlə görüşəcək - Tarix açıqlandı
Rusiya Prezidenti Vladimir Putin gələn ay türkiyəli həmkarı Rəcəb Tayyib Ərdoğanla görüşəcək.
Bu barədə Putin Türkiyənin xarici işlər naziri Hakan Fidanla Moskvada baş tutan görüşdə bildirib.
"Ümid edirəm ki, yaxın gələcəkdə - məncə, iyulun 3-4-də bildiyimə görə o, Astanada olmalıdır. Onunla görüşmək və bütün cari məsələləri müzakirə etmək imkanımız olacaq", - deyə Rusiya lideri bildirib.
Xatırladaq ki, sözügedən tarixdə Astanada Şanxay Əməkdaşlıq Təşkilatının sammiti keçiriləcək.
11-06-2024, 20:27
ABŞ-dan fələstinlilərə 404 milyon dollarlıq yardım
ABŞ Qəzzada, İordaniya çayının qərb sahillərində və regionda yaşayan fələstinlilərə dəstək üçün 404 milyon dollarlıq humanitar yardım paketini təsdiqləyib.
Bununla da ABŞ-ın regionda fələstinlilər üçün ayırdığı humanitar yardımın ümumi həcmi 674 milyon dollar təşkil edəcək.
“Fələstin xalqına yardımla bağlı ən böyük humanitar donor kimi biz ağır şəraitdə olan mülki şəxslərin daha çox yardıma ehtiyac olduğunu qəbul edirik və bütün donorları Qəzzadakı və bölgədəki fələstinlilərin həyatlarını xilasetmə əməliyyatlarını dəstəkləməyə çağırırıq. Bu yeni maliyyə Qəzza, İordaniya çayının qərb sahilləri və bölgədəki həssas fələstinlilərə qida, təhlükəsiz içməli su, səhiyyə, müdafiə, təhsil, sığınacaq və psixososial yardım daxil olmaqla mühüm sahələrdə dəstək verəcək. Birləşmiş Ştatlar böhrandan təsirlənən insanların humanitar ehtiyaclarını qarşılamaq öhdəliyinə sadiq qalır”, - deyə Dövlət Departamentinin mətbuat xidmətinin yardımla bağlı açıqlamasında deyilir.
ABŞ digər donorları Qəzzada və regionda humanitar yardıma töhfə verməyə, münaqişədən zərər çəkənlərə dəstəyi artırmağa və böhranın davamlı həll yollarını tapmaq üçün birlikdə işləməyə çağırıb.
11-06-2024, 18:34
Paşinyandan Azərbaycanla danışıqlardan imtina etməyi tələb edirlər – VİDEO
“Ermənistan müxalifətinin gücünə qalsa Nikol Paşinyan hökumətinin devirmək mümkün olmayacaq. Burada müxalifətə dəstəkçilərin köməyi lazımdır”.
Bu fikirləri Real Televiziyasının efirində Milli Məclisin deputatı Cavanşir Feyziyev bildirib.
Millət vəkili qeyd edib ki, Paşinyanın istefa verməsi Ermənistanı xilas edə bilməz.
“Müxaliflər Paşinyanın istefasını istəyirlər. Lakin Paşinyan asanlıqla istefa verməyəcək. Əgər müxaliflərin dirənişi davam etsə bu ciddi qarşıdurmalara gətirib çıxaracaq. Müxaliflər Paşinyandan Azərbaycanla danışıqlardan imtina etməyə tələb edirlər. Burada Rusiya və İrana bağlı qüvvələrin rolu böyükdür.”- deyə Cavanşir Feyziyev bildirib.
Daha ətraflı videomaterialda:
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!