Dünya » Səhifə 551

19-03-2023, 23:35

Qazaxıstanın 15 vilayətində parlament seçkiləri başa çatdı

Qazaxıstanın 15 vilayətində parlament seçkiləri başa çatıb. Seçici aktivliyi 53 faizdən çox olub. Ölkənin Aktobe, Atırau, Qərbi Qazaxıstan, Qızılorda və Manqistau vilayətlərində seçki məntəqələri Astana vaxtı ilə saat 21:00-da bağlanacaq. Qazaxıstandan xaricdə formalaşdırılmış məntəqələrdən ABŞ-ın San-Fransisko şəhərindəki seçki məntəqəsi isə Astana vaxtı ilə 20 mart saat 9:00-da qapadılacaq. Seçkinin rəsmi nəticələri səslərin tam şəkildə sayılmasının başa çatmasından sonra açıqlanacaq.

Qazaxıstanın 15 vilayətində parlament seçkiləri başa çatdı

19-03-2023, 23:32

Ukrayna Putinin Mariupola səfərinə münasibət bildirdi

Ukrayna Prezident Ofisi rəhbərinin müşaviri Mixaylo Podolyak Rusiya prezidenti Vladimir Putinin işğal olunmuş Mariupola səfərini şərh edib. Müşavir bu barədə twitter səhifəsində yazıb. "Cinayətkar həmişə cinayət yerinə qayıdır. Sivil dünya “müharibə rəhbərinin” (V.V Putin) sərhədlərini keçəcəyi təqdirdə həbs olunduğunu elan edərkən, minlərlə Mariupol ailəsinin qatili şəhərin xarabalıqlarına və qəbirlərə "heyran olmağ"a gəldi. Sinizm, peşmançılıq olmaması...", - deyə o qeyd edib.

Ukrayna Putinin Mariupola səfərinə münasibət bildirdi

19-03-2023, 23:29

Kahramanmaraş vilayətində zəlzələ baş verdi

Türkiyənin Kahramanmaraş vilayətində yenidən zəlzələ olub. Bu barədə AFAD-ın rəsmi twitter səhifəsində məlumat yayılıb. Bildirilib ki, vilayətin Göksun rayonunda baş verən yeraltı təkan Rixter şkalası ilə 4.4 ballıq maqnituda ilə qiymətləndirilib. Ocağı yerin 7 kilometr dərinliyində yerləşən zəlzələdən sonra itki və dağıntılar barədə məlumat verilməyib.

Kahramanmaraş vilayətində zəlzələ baş verdi

19-03-2023, 23:25

Avropa silah şirkətləri partlayıcı çatışmazlığı ilə üzləşib

Avropa silah şirkətləri Ukraynaya tədarük olunan mərmilər üçün partlayıcı çatışmazlığı ilə üzləşib. Bu barədə "Financial Times" nəşri yazıb. Nəşrin məlumatına görə, söhbət trotil, barıt və plastid kimi komponentlərdən gedir. Bununla bağlı Avropa şirkətləri digər ölkələrdən, xüsusilə Hindistan və Cənubi Koreyadan partlayıcı maddələrin tədarükünü artırmağa çalışacaq. Bildirilib ki, istehsalçılar, sənaye liderləri və Avropa İttifaqı rəsmiləri xəbərdarlıq edib ki, artan tələb həm də Ukraynada müharibə başlayandan bəri təxminən 20% bahalaşan qiymətlərin daha da artmasına səbəb ola bilər.

Avropa silah şirkətləri partlayıcı çatışmazlığı ilə üzləşib

19-03-2023, 23:22

Quru qoşunlarını inkişaf etdirmək üçün çox iş görməliyik - Putin

"2014-cü ildən bəri Rusiya iqtisadiyyatın gücləndirilməsi və idxalı əvəzləmənin inkişafı üçün çox işlər görüb. Rusiya Federasiyasının maliyyə sistemində, düşmənin gözləntilərinə baxmayaraq, heç nə çökməyib, hər şey işləyir". Bunu Rusiya prezidenti Vladimir Putin deyib. "Rusiya Ukrayna ilə bağlı vəziyyətin sülh yolu ilə həll oluna biləcəyi ehtimalından çıxış etdi və qarşıdurmaya can atmadı. Saxta tərəfdaşlar isə Donbas məsələsini dinc yolla həll etmək niyyətində deyildilər", - deyə o söyləyib. "2014-cü ildə Rusiyanın hipersəs silahları yox idi, lakin indi digər müasir sistemlər kimi o da var. Rusiya Federasiyası quru qoşunlarını inkişaf etdirmək üçün hələ çox iş görməlidir", - Rusiya prezidenti əlavə edib.

Quru qoşunlarını inkişaf etdirmək üçün çox iş görməliyik - Putin

19-03-2023, 15:16

Serbiya və Kosova münasibətləri normallaşdırmağa qərar verdilər

Serbiya və Kosova münasibətləri normallaşdırmaq barədə razılığa gəliblər. Serbiya prezidenti Aleksandr Vuçiç, Kosova baş naziri Albin Kurti və Avropa İttifaqı nümayəndələri bunun üçün Şimali Makedoniyada bir araya gələrək 12 saatlıq danışıqlar aparıblar. Nəticədə bir sıra məsələlər üzrə razılıq əldə olunub. Anlaşma əldə olunan məsələlər arasında Kosovada serb icmasının bələdiyyəsinin yaradılması da var. Görüşdə Aİ-ni xarici siyasət və təhlükəsizlik məsələləri üzrə ali nümayəndə Jozep Borrel təmsil edib. Həmçinin Şimali Makedoniya təmsilçisi də toplantıya qatılıb.

Serbiya və Kosova münasibətləri normallaşdırmağa qərar verdilər

19-03-2023, 15:13

Ermənistan Türkiyə ilə sərhəddə keçid məntəqəsinin açılmasına hazırlaşır

Ermənistanın Dövlət Gəlirləri Komitəsi Türkiyə ilə sərhəddə keçid məntəqəsinin açılmasının mümkünlüyü ilə bağlı hazırlıqlara başlayıb. Dövlət Gəlirləri Komitəsi texniki təchizat üçün Metsamor icmasına müraciət edib. Bildirilib ki, hazırda gömrük nəzarəti prosesinin təmin edilməsi istiqamətində araşdırma aparılır. Söhbət gömrük binasından və sərhədə bitişik digər yarımçıq infrastrukturdan gedir.

Ermənistan Türkiyə ilə sərhəddə keçid məntəqəsinin açılmasına hazırlaşır

19-03-2023, 14:49

Zelenski Suriya Prezidentinə sanskiya tətbiq etdi

Ukrayna Prezidenti Volodimir Zelenski 300 fiziki və 141 hüquqi şəxsə sanksiya tətbiq edib. Sərəncam Ukrayna prezidentinin saytında yayımlanıb. Bildirilib ki, onların 3-ü Suriya, 7-si İran və qalanları isə Rusiya vətəndaşlarıdır. Sanksiya tətbiq edilən şəxslər arasında Suriya Prezidenti Bəşər Əsəd də var. Məlumat üçün bildirək ki, bir neçə gün əvvəl Əsəd Moskvaya səfəri zamanı Rusiyanın Ukrayna vilayətlərini ilhaq etməsini tanıyıb.

Zelenski Suriya Prezidentinə sanskiya tətbiq etdi

18-03-2023, 17:56

Zelenski Suriya Prezidentinə sanskiya tətbiq etdi

18-03-2023, 17:49

Polis İmran Xanın iqamətgahına basqın etdi

Pakistan polisi keçmiş baş nazir İmran Xanın Lahordakı iqamətgahına basqın edib. Bu barədə "Associated Press" agentliyi məlumat yayıb. Bildirilib ki, polis Xanın "Təhrik-e-İnsaf" partiyası və tərəfdarlarının yaratdığı blokadanı aradan qaldırmağa çalışıb. Xanın tərəfdarları polislərə daşla müqavimət göstərib. Daha sonra keçmiş baş nazirin iqamətgahının damından polisə atəş açılıb. Polis Xanın iqamətgahının əsas qapısını açıb və orada polisə hücum üçün istifadə edilən maskalar, "Molotov kokteyli", dəmir dəyənəklər aşkar edib. "Reuters" agentliyinin məlumatına görə, polis 60-a yaxın şəxsi həbs edib.

Polis İmran Xanın iqamətgahına basqın etdi