20-09-2022, 18:27
Rusiya Xəzər regionunda sülh olmasında maraqlıdır - Lavrov
Rusiya Xəzər regionunda sülhün və sabitliyin qorunmasında maraqlıdır, beş sahilyanı dövlət çərçivəsində mehriban qonşuluq əsasında əməkdaşlığın inkişafının tərəfdarıdır. Bunu Rusiyanın xarici işlər naziri Sergey Lavrov bildirib. “Rusiya üçün həyati maraqlar Xəzər regionunda sülhün, sabitliyin və təhlükəsizliyin qorunması, onun mehriban qonşuluq, sahilyanı dövlətlərin etimadı və əməkdaşlığı əsasında davamlı inkişafı, Xəzər dənizinin iqtisadi, o cümlədən tranzit potensialının reallaşdırılmasıdır”, - deyə Lavrovun “International Affairs” jurnalının saytında Xəzər regionunda əməkdaşlığa dair məqaləsində bildirilib. "Bu məqsədlə Rusiya "Beşlik" çərçivəsində çoxşaxəli sistemli əməkdaşlığın hərtərəfli inkişafının, bu prosesin tədricən institusionallaşdırılmasının tərəfdarıdır. Biz regiondakı qonşularımızla bütün sahələrdə əlaqələri genişləndirmək üçün fəal işləyirik", - Lavrov vurğulayıb. Nazir əlavə edib ki, bütün Xəzər məsələləri regiondankənar qüvvələrin mənfi təsirindən qaçaraq, yalnız beş sahilyanı dövlət tərəfindən konsensus əsasında həll edilməlidir. Eyni zamanda o qeyd edib ki, Rusiyadan əlavə İran, Qazaxıstan, Azərbaycan və Türkmənistanın daxil olduğu “Xəzər beşliyi” xarici aləmdən, ilk növbədə, iqtisadi sahədə hasar almaq fikrində deyil.
20-09-2022, 18:15
Ərdoğan ABŞ-ı hədələdi: “F-16 ala bilməsək...”
"Türkiyə ABŞ-dan F-16 qırıcıları ala bilməsə, bununla bağlı özü işi həll edəcək". Bu barədə Türkiyə Prezidenti Rəcəb Tayyib Ərdoğan bildirib. "Cənab Bayden mənə bu məsələni həll edəcəyini vəd edib. Bilirəm ki, Bayden buna müsbət baxır. Hətta respublikaçılarla görüşlərimiz oldu və onlar da buna müsbət baxacaqlarını dedilər. İndi əgər biz F-16 məsələsində ABŞ-dan istədiyimiz nəticəni almasaq, bununla özümüz məşğul olacağıq”, - deyə Ərdoğan ABŞ-a mesaj ünvanlayıb. Qeyd edək ki, ABŞ daha əvvəl Ankaranın Rusiyadan S-400 hava hücumundan müdafiə sistemlərini alması səbəbindən Türkiyəyə ən son F-35 qırıcılarının tədarükü proqramından çıxarılması ilə bağlı rəsmi bildiriş göndərmişdi.
20-09-2022, 18:11
Ərbəin mərasimində 100-ə yaxın iranlı həlak oldu
İraqda Ərbəin mərasimi zamanı 100-ə yaxın İran vətəndaşı həlak olub. Bu barədə məlumatı İranın Bağdaddakı səfiri Məhəmməd Kazəm as-Sadiq açıqlayıb. Onun sözlərinə görə, sözügedən İran zəvvarları yol-nəqliyyat hadisələri, xəstəlik və yaxud yaşlarının çox olması səbəbindən dünyalarını dəyişib. O bildirib ki, bu il Kərbəla şəhərinə rekord sayda, yəni təqribən 3 milyon iranlı zəvvar gedib. İraq hakimiyyətinin rəsmi məlumatlarına görə, 2022-ci ildə Ərbəində 21 milyondan çox insan iştirak edib ki, onların da 15 milyonu İraqın müxtəlif əyalətlərindən, qalanları isə xaricdəndir.
20-09-2022, 18:09
Rusiyanın canlı qüvvə itkisi 55 minə çatır
Son sutka ərzində Ukraynada Rusiya ordusunun 160 hərbçisi məhv edilib. Bu barədə Ukrayna Silahlı Qüvvələrinin Baş Qərargahı məlumat yayıb. Müharibə başlayandan bəri Rusiyanın Ukraynada canlı qüvvə itkilərinin sayı 54 min 810-a çatıb. Məlumata görə, Rusiyanın digər döyüş itkiləri 2216 tank, 4724 zirehli döyüş maşını, 1323 artilleriya sistemi, 318 reaktiv yaylım atəşi sistemi, 168 hava hücumundan müdafiə sistemi, 252 təyyarə, 217 helikopter, 925 PUA, 239 qanadlı raket, 15 gəmi, 3587 avtomobil texnikası və avtosistern, 125 xüsusi texnikadan ibarətdir. Xatırladaq ki, Rusiya bu ilin fevralın 24-də Ukraynaya qarşı hərbi əməliyyatlara başlayıb.
20-09-2022, 18:02
Ərdoğan: Putin müharibəni dayandırmaq istəyir
Rusiya Ukraynadakı münaqişəni tez bir zamanda dayandırmağa çalışır. Bunu Türkiyə Prezidenti Rəcəb Tayyib Ərdoğan bazar ertəsi ABŞ-ın PBS telekanalına müsahibəsində bildirib. "Bu məsələdə Rusiyanın mövqeyi çox önəmlidir. Özbəkistanda Rusiya Prezidenti Vladimir Putinlə görüşdüm və onunla çox ətraflı danışıqlar apardıq. Rusiya lideri münaqişəni tez bir zamanda başa çatdırmağa çalışdığını bildirdi. Hesab edirəm ki, irəliyə doğru mühüm addım atılacaq”, - deyə Ərdoğan münaqişənin nə vaxt bitəcəyi ilə bağlı suala cavab verərkən bildirib. Xatırladaq ki, Özbəkistanın Səmərqənd şəhərində 15-16 sentyabr tarixlərində keçirilən Şanxay Əməkdaşlıq Təşkilatının zirvə toplantısında iştirak edən Türkiyə lideri Rəcəb Tayyib Ərdoğan orada rusiyalı həmkarı Vladimir Putinlə görüşərək, bir sıra aktual məsələləri müzakirə edib.
20-09-2022, 17:46
ABŞ İran təyyarələrinə sanksiya qoydu
ABŞ-ın Ticarət Nazirliyi ixrac rejiminin pozulmasına görə İranın 3 təyyarəsinə qarşı sanksiya tətbiq edib. Bu barədə "Reuters" agentliyi məlumat yayıb. Bildirilib ki, Mahan Air, İran Air və Qeshm Air şirkətlərinə məxsus 3 təyyarə Rusiyaya yük, o cümlədən elektronika məhsulları daşıyıb. Bu səbəbdən onlara sanksiya tətbiq edilib.
20-09-2022, 17:44
Rusiya və Ukrayna əsirlərin dəyişdirilməsi barədə razılığa gəlib
Rusiya və Ukrayna arasında 200 hərbi əsirin mübadiləsinə dair razılıq əldə olunub. Bu barədə Türkiyə Prezidenti Rəcəb Tayyib Ərdoğan ABŞ-ın "PBS" telekanalına müsahibəsində deyib. Onun sözlərinə görə, Türkiyə Rusiya və Ukrayna Prezidentlərini bir araya gətirməkdə israrlıdır: "Bu liderləri bir araya gətirmək üçün israrlı arzumuz var. Hələ ki, bacarmamışıq, amma ümidimi itirmirəm". Ərdoğan, həmçinin qeyd edib ki, Türkiyə həm Rusiya, həm də Ukrayna tərəfi ilə danışıqlar aparır, nəticə əldə etməyə çalışır: "Biz həm Putinlə, həm də Zelenski ilə danışıqlar aparırıq. Biz onlardan birinin tərəfini tutmaqla deyil, hər iki liderlə əlaqə saxlamaqla nəticə əldə etməyə çalışmalıyıq".
20-09-2022, 17:42
Tacikistan və Qırğızıstan sülh protokolu imzaladı
Tacikistan və Qırğızıstan arasında sülh protokolu imzalanıb. Butov.az xəbər verir ki, iki ölkənin Milli Təhlükəsizlik üzrə Dövlət Komitəsinin rəhbərləri Tacikistanda “Guliston” sərhəd-keçid məntəqəsi ərazisində görüşüblər. Tərəflər atəşkəs rejiminə riayət olunmasının vacibliyini vurğulayıblar. Komitə rəhbərləri sərhədyanı rayonların sakinlərinin təhlükəsizliyinin təmin edilməsi məsələsinə xüsusi diqqət yetirilməsi haqda yekdil fikrə gəliblər. İclas üç bənddən ibarət protokolun imzalanması ilə başa çatıb. Beləliklə, qoşunların sərhəddən daimi dislokasiya yerlərinə çıxarılması nəzərdə tutulur.
20-09-2022, 17:39
Gürcüstan və Polşa birgə PUA istehsal edəcək
Gürcüstan Polşa şirkəti ilə birgə pilotsuz uçuş aparatları (PUA) istehsalına başlayacaq. Bu barədə Gürcüstanın müdafiə naziri Xuanşer Burçuladze məlumat verib. "Polşa şirkəti ilə bütün rəsmi proseslər başa çatıb", - deyə nazir bildirib. Lakin o, əməkdaşlıq ediləcək şirkətin adını və PUA-nın modelini açıqlamayıb.
19-09-2022, 20:29
Almaniya Ukraynaya yeni hərbi texnikalar verib
Almaniya vəd edilmiş hərbi texnikanı Ukraynaya təhvil verib. Ukraynanın silahlı qüvvələri iki ədəd “Mars II” raket sistemi və 50 ədəd “Dingo” zirehli personal daşıyıcısını qəbul edib. Bu barədə Ukrayna Müdafiə Nazirliyi məlumat yayıb. Bildirilib ki, Ukrayna hərbçiləri üçün təlim layihələri də istifadəyə veriləcək.“Dingo” zirehli personal daşıyıcısı patrul xidmətləri üçün istifadə olunan xüsusi silahlı maşındır. Almaniyada müxtəlif dəyişikliklərdə 500-dən çox belə avtomobil var.“Mars II” qurğuları HIMARS-in alman analoqu olan MLRS-in tırtıl bazasına quraşdırılıb. Raketin çəkisi 107 kiloqram, uçuş məsafəsi 40 kilometrdir. Sursat 140 millimetrə qədər qalınlığı olan zirehi dəlib keçə bilir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!