22-11-2022, 13:19
Çində fabrik yandı - 36 nəfər öldü
Çinin Henan əyalətində fabrikdə baş vermiş güclü yanğın nəticəsində azı 36 nəfər ölüb. Bu barədə Çinin CGTN telekanalı məlumat yayıb. Telekanalın məlumatına görə, hadisə Anyang şəhərində qeydə alınıb. Yanğın zamanı daha iki nəfərin yaralandığı, iki nəfərin isə itkin düşdüyü bildirilir. Yanğının başvermə səbəbi açıqlanmır.
22-11-2022, 13:14
“Pəncə-Qılınc” əməliyyatında 184 terrorçu məhv edilib
Türkiyə Silahlı Qüvvələri son əməliyyat çərçivəsində 184 terrorçunu zərərsizləşdirib. Bu barədə Türkiyə milli müdafiə naziri Hulusi Akar məlumat verib. Nazir bildirib ki, "Pəncə-Qılınc" əməliyyatı çərçivəsində qurudan atəşə dəstək, havadan isə aviasiya vasitələri ilə terrorçulara ağır zərbələr endirilib. Akar qeyd edib ki, əməliyyat nəticəsində terrorçulara məxsus sığınacaqlar, bunkerlər, mağaralar, tunellər, silah-sursat anbarları, guya qərargah və təlim düşərgələrindən ibarət ümumilikdə 89 hədəf ilk mərhələdə məhv edilib. Nazir əməliyyatların son terrorçu zərərsizləşdirilənə qədər davam edəcəyini diqqətə çatdırıb.
22-11-2022, 13:12
Makron təcili Zelenskiyə zəng etdi: Vəziyyət çətindir
Fransa Prezidenti Emmanuel Makron Ukrayna lideri Volodimir Zelenski ilə telefon danışığı aparıb. Bu barədə Makron özü açıqlamasında bildirib. O deyib ki, bu gün Zelenski ilə təcili telefon danışığı olub. “Zaporojye atom elektrik stansiyasında təhlükə qalmaqdadır. Ukraynada vəziyyət çətindir, çünki ölkə bombalanmaqda davam edir”, - Fransa dövlət başçısı vurğulayıb.
22-11-2022, 13:10
İranda etirazçıların interneti kəsildi
İranda ölkə üzrə internet xidmətində böyük fasilə yaranıb. Bu barədə "NetBlocks" adlı internet monitorinq qrupu məlumat yayıb. Dünya üzrə əlaqəni izləyən təşkilat bildirib ki, İranda yeni etiraz dalğası və itkilərlə bağlı xəbərlər fonunda bir çox istifadəçilər üçün mobil internet kəsilib. Qeyd edək ki, sentyabr ayında 22 yaşlı Məhsa Əmininin əxlaq polisi tərəfindən döyülərək öldürülməsindən sonra başlayan ümummilli etirazlar genişmiqyaslı iğtişaşlara çevrilib.
22-11-2022, 13:08
Lukaşenko və Peskovun ailəsi sanksiyalara məruz qaldı
Yeni Zelandiya Rusiya və Belarusa qarşı yeni sanksiyalar tətbiq edib. Bu barədə ölkənin Xarici İşlər Nazirliyi məlumat yayıb. İki ölkənin 22 vətəndaşına, eləcə də neft-qaz və poladtökmə sektorlarında fəaliyyət göstərən bəzi müəssisələrə qarşı sanksiya tətbiq olunub. Yeni sanksiya siyahısına Rusiya Federasiyası vətəndaşları Mariya Vorontsova və Katerina Tixonova, Rusiya Prezidentinin mətbuat katibi Dmitri Peskovun həyat yoldaşı və övladları, Rusiya Mərkəzi Bankının rəhbəri Elvira Nabiullina, Belarus Prezidenti Aleksandr Lukaşenkonun həyat yoldaşı və oğlu daxildir.
22-11-2022, 13:06
İndoneziyada güclü zəlzələ: Ölü sayı 162-yə çatdı
İndoneziyanın Yava adasında baş verən zəlzələ nəticəsində ölənlərin sayı 162 nəfərə çatıb. Bu barədə "Reuters" agentliyi yerli rəsmilərə istinadən məlumat yayıb. Məlumata görə, ölənlərin əksəriyyəti uşaqlardır.
21-11-2022, 20:09
Ermənistan rəsmisi İrana gəldi, bir sıra görüşlər keçirdi
Ermənistan xarici işlər nazirinin müavini Mnatsakan Səfəryan Tehranda İranın xarici işlər naziri Hüseyn Əmir Abdullahianla görüşüb. Bu barədə Ermənistan Xarici İşlər Nazirliyi məlumat yayıb. Səfəryanın rəhbərlik etdiyi nümayəndə heyəti İran xarici işlər nazirinin müavini Əli Baqeri ilə də görüş keçirib. Tərəflər Ermənistan və İran arasında qarşılıqlı fəaliyyəti, əldə edilmiş razılaşmaların icra prosesini, siyasi, ticarət-iqtisadi və regional təhlükəsizliyin təmin edilməsini, çoxtərəfli platformalarda bir sıra əməkdaşlıq məsələlərini müzakirə ediblər.
21-11-2022, 20:07
Bayden Nyu-Yorkda fövqəladə vəziyyət elan etdi
ABŞ prezidenti Co Bayden güclü qar yağması səbəbindən Nyu-York ştatında fövqəladə vəziyyət elan edib. Bu barədə Ağ Evin mətbuat xidməti məlumat yayıb. Məlumata görə, dövlət başçısı şiddətli tufan və qar fırtınasının nəticələrinin aradan qaldırılması üçün ştat və yerli hakimiyyət orqanlarının səylərinə əlavə olaraq federal yardımın göstərilməsinə göstəriş verib.
21-11-2022, 20:00
Rusiyada uşağın tərbiyəsi üçün aylıq müavinət veriləcək
Rusiyada gələn il uşağın doğulması və tərbiyəsi üçün vahid müavinət veriləcək. Bu barədə qanunu prezident Vladimir Putin imzalayıb. Aylıq ödəniş ailənin hər uşağına 17 yaşına çatana qədər, həmçinin hamilə qadınlara təyin olunacaq. Sosial dəstəyə ehtiyacı olan Rusiya vətəndaşları ölkədə daimi yaşamaq şərti ilə müavinət almaq hüququ əldə edəcəklər. Bu ödənişin məqsədi üçün ailənin adambaşına düşən orta gəliri ərazidə müəyyən edilmiş yaşayış minimumundan çox olmamalıdır. Burada daşınar və daşınmaz əmlak, əmanətlər üzrə faiz şəklində gəlir və digər qazanclar nəzərə alınır. Müavinətin məbləği əmək qabiliyyətli əhali üçün yaşayış minimumunun 50, 75 və ya 100 faizini təşkil edəcək.
21-11-2022, 19:58
Ukraynaya 195 milyon dollar qazpulu veriləcək
Norveç hökuməti qış aylarında qaz alması üçün Ukraynaya 195 milyon dollardan çox vəsait ayırıb. Müvafiq sazişi ölkənin Maliyyə Nazirliyinin rəhbəri Trugve Slagsvoll Vedum imzalayıb. Bu məqsədlə Ukraynaya iki milyard Norveç kronu (195,2 milyon dollar) veriləcək. Vəsait Avropa Yenidənqurma və İnkişaf Bankı vasitəsilə Ukraynaya göndəriləcək.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!