İran İslam Respublikası prezidenti Həsən Ruhani Urmiya gölünə axan su hövzəsi üzərində bəndsalma işlərinin dayandırılması ilə bağlı xüsusi qərar verib. Bu barədə ANS PRESS Mehr agentliyinə isitnadən xəbər verir.

İran İslam Respublikasının Energetika naziri Həmid Çitçiyan bazar ertəsi televiziya proqramlarının birində su mənbələrinin idarə edilməsinə dair 11-ci dövlətin energetika nazirliyinin proqramlarını açıqlayarkən, bunu qeyd edib.
O deyib: “Su və işıq istifadəsində təklif və tələblərin balansını idarə etməklə yanaşı, gərək bu iki saf enerji daşıyıcısından faydalı istifadə imkanı yaratmalıyıq”.

Həmid Çitçiyan İran İslam Respublikası prezidentinin Urmiya gölünün bərpasına dair işçi qrupunun yaradılmasılə bağlı qərarına işarə edərək, bildirib: “Öncədən aparılmış bütün araşdırmalar bu işçi qrupda nəzərdən keçirilib və bəzi layihələr həyata keçirilməsi üçün bu araşdirmalara əsasən hazırlanıb. Habelə, Urmiya gölünün bərpası üçün elmi mərkəzlərin təqdim etdiyi 30 – dan çox təklifin araşdırılması işçi qrupunun gündəliyinə salınmışdır”.

O həmçinin- “Urmiya gölünə axan su hövzəsi üzərində bəndlərin salınmasına dair araşdırmalar dayandırılacaq. Bu ehtimal var ki, tikilməkdə olan bəndlər də dayandırılsın və habelə, Araz, Xəzər və digər hövzələrdən suyun Urmiya gölünə axıdılması üzərində araşdırmalar aparırıq”,-deyə əlavə edib.