15-06-2025, 16:44
Qardaşlığımızın qiyamətə qədər davam etməsini arzulayırıq
Türkiyə ilə Azərbaycan arasında dostluğun, qardaşlığın qiyamətə qədər davam etməsini arzulayırıq.
Bunu Türkiyə Böyük Millət Məclisinin (TBMM) sədri Numan Kurtulmuş 15 iyun- Milli Qurtuluş Günü münasibətilə özünün “X” hesabındakı Azərbaycana təbrikində yazıb.
“Can Azərrbaycanın 15 iyun- Milli Qurtuluş Günü mübarək olsun. Azərbaycan qardaşlarımıza bu gün vəsiləsi ilə salamlarımızı çatdırıram”, - o bildirib.
15-06-2025, 15:50
Filarmoniya bağında külək ağacı qadının üzərinə aşırdı
Bakıda güclü küləyin təsiri nəticəsində qadının üstünə ağac aşıb.
Hadisə Filarmoniya bağında qeydə alınıb.
Tibbi Ərazi Bölmələri İdarəetmə Birliyindən (TƏBİB) bildirilib ki, iyunun 15-də Respublika Təcili və Təxirəsalınmaz Tibbi Yardım Mərkəzinə saat 13:00 radələrində Səbail rayonu ərazisindən bir nəfərin üzərinə ağac aşması hadisəsi səbəbi ilə çağırış daxil olub.
Çağırış əsasında təcili tibbi yardım briqadası ünvana cəlb olunub və hadisə yerində bir nəfərə (qadın cinsli) ilkin tibbi yardım göstərilib.
Qadın, sol bazunun travması diaqnozu ilə Elmi-Tədqiqat Travmatologiya və Ortopediya İnstitutuna hospitalizasiya olunub.
15-06-2025, 15:23
Lavrov Fidanla İsrailin İrana hücumunu müzakirə ediblər
Türkiyə və Rusiya xarici işlər nazirləri Hakan Fidan və Sergey Lavrov arasında telefon danışığı olub.
Bu barədə Türkiyənin Xarici İşlər Nazirliyindən bildirilib.
Məlumata əsasən, iki nazir İsrail və İran arasındakı münaqişə və bu gərginliyin mümkün qlobal və regional nəticələrini müzakirə ediblər.
H.Fidan hadisələrin narahatlıq doğurduğunu və münaqişəyə son qoymağın və İranın nüvə fəaliyyətləri ilə bağlı mübahisənin həllinin yeganə yolunun diplomatiya olduğunu deyib.
15-06-2025, 15:14
İsrailin müdafiə naziri İranı yenidən hədələdi - Güclü zərbələr gözləyir
İsrailin müdafiə naziri İsrael Katz ölkəsinin İrana qarşı daha ciddi hərbi zərbələr endirəcəyini bəyan edib.
Bu açıqlama İsrail ordusunun iranlılara hərbi obyektlərin yerləşdiyi əraziləri tərk etməyə çağırışından dərhal sonra verilib.
“Hərbçilər Tehranda və digər bölgələrdə hədəflərə zərbələr endirməklə İranı həm nüvə imkanlarından, həm də silah sistemlərindən məhrum edəcəklər”, – deyə İsrael Katz bildirib.
15-06-2025, 15:05
Türkiyə və Azərbaycan türk dünyasının iki sarsılmaz dövlətidir
Türkiyə və Azərbaycan türk dünyasının iki sarsılmaz dövlətidir.
Bu barədə Türkiyə Milli Müdafiə Nazirliyinin 15 İyun- Milli Qurtuluş Günü ilə bağlı "X" hesabında Azərbaycana təbrik paylaşımında qeyd olunub.
"Bir dəfə yüksələn bayraq, bir daha enməz. Tarix, dil, millətçilik şüuru ilə birləşən böyük türk dünyasının iki sarsılmaz dövləti: Türkiyə və Azərbaycan! “Bir Millət, İki Dövlət” anlayışı ilə hər zaman çiyin-çiyinə dayandığımız qardaş Azərbaycanın Milli Qurtuluş Gününü qeyd edirik, Azərbaycan xalqını sevgi və qürurla salamlayırıq", - paylaşımda bildirilib.
15-06-2025, 14:56
İrandan uçuşlarla bağlı yeni qərar
İran bütün uçuşların dayandırılmasının müddətini uzadıb.
Bildirilib ki, İran bütün daxili və beynəlxalq uçuşların ləğvini iyunun 16-sı Bakı vaxtı ilə saat 02:30-a qədər uzadıb.
Qeyd edək ki, İran iyunun 13-də həm daxili, həm də beynəlxalq uçuşları dayandırıb.
15-06-2025, 14:31
İsrail və İranda ölənlər arasında Azərbaycan vətəndaşları yoxdur - XİN rəsmisi
“İsrailin və İranın qarşılıqlı hava hücumları nəticəsində hər iki ölkədə ölən və yaralananlar arasında Azərbaycan vətəndaşlarının olması barədə məlumat daxil olmayıb”.
Bunu Azərbaycan Xarici İşlər Nazirliyinin (XİN) mətbuat katibi Ayxan Hacızadə deyib.
15-06-2025, 14:13
Biləsuvarda ağır yol qəzası - Baba ilə nəvə öldü
Biləsuvar rayonunda ağır yol qəzasında iki nəfər ölüb.
Hadisə rayonun Ağalıkənd kəndi ərazisində qeydə alınıb.
Qəza nəticəsində iki nəfər Elxan Feyziyev və Qalib İsmayılov ölüb, xəsarət alan şəxslər xəstəxanaya çatdırılıblar.
Faktla bağlı araşdırma aparılır.
Qeyd edək ki, ölənlər baba və nəvəsidir.
15-06-2025, 14:04
İranda iki "Mossad" agenti saxlanıldı
İranın xüsusi polis qüvvələri ölkənin mərkəzindəki Əlborz vilayətində İsrailin Mossad kəşfiyyat xidmətinin iki agentini saxlayıb.
Bu barədə “Mehr” agentliyi məlumat yayıb.
“Əlborz əyaləti polisinin kəşfiyyat bölməsinin işi sayəsində Savoybolaqda bomba, partlayıcı maddələr və elektron avadanlıqların yaradılması ilə məşğul olan “Mossad” qrupunun iki üzvü saxlanılıb”, - məlumatda bildirilib.
Xatırladaq ki, iyunun 13-nə keçən gecə İsrail ordusu “Yüksələn Aslan” adlı genişmiqyaslı əməliyyata başlayıb. Bu əməliyyat çərçivəsində Hərbi Hava Qüvvələri hərbi obyektlərə və İranın nüvə proqramının obyektlərinə zərbələr endirir.
İsrail Hərbi Hava Qüvvələri İranın müxtəlif bölgələrində, o cümlədən Tehranda bir neçə dəfə hücumlar həyata keçirib və burada İran Silahlı Qüvvələrinin Baş Qərargah rəisi və İslam İnqilabı Keşikçiləri Korpusunun komandiri də daxil olmaqla bir neçə yüksək rütbəli iranlı hərbçi, həmçinin bir sıra nüvə alimləri həlak olub. Ölkədəki bir neçə nüvə obyekti, o cümlədən Natanz və Fordoda, həmçinin İranın ölkənin müxtəlif bölgələrindəki hərbi mövqeləri də vurulub.
15-06-2025, 13:54
İranın İsrailə zərbələri davam edir - 15 ölü, 385 yaralı
İsrail xəstəxanaları dünən gecə İranın yeni zərbələri dalğasında yaralanan 385 nəfəri qəbul edib.
Bu barədə İsrail Səhiyyə Nazirliyinin mətbuat xidməti məlumat yayıb.
Bildirilib ki, ölkədə 24 saat ərzində 12 nəfər ölüb, ümumilikdə isə İranın zərbələrinin başladığı 13 iyun axşamdan indiyə qədər İsraildə artıq 15 nəfər dünyasını dəyişib.
Qeyd olunub ki, xəsarət alanlardan 7 nəfərin vəziyyəti ağır, 40 nəfərin vəziyyəti orta ağır, 298 nəfərin vəziyyəti isə yüngüldür.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!