28-02-2026, 17:15
Türkiyənin İsrailə dəstək verməsi iddialarına cavab
Türkiyə hər hansı münaqişə və ya müharibədə tərəflərdən hər hansı birinin xeyrinə olmaqla hava məkanı daxil olmaqla, quru və dəniz imkanlarının heç birini əməliyyat məqsədləri üçün istifadəyə vermir.
Bu barədə Türkiyə Prezident Administrasiyasının Kommunikasiya İdarəsi yanında Dezinformasiyaya Qarşı Mübarizə Mərkəzi məlumat yayıb.
Qeyd olunub ki, bəzi sosial media platformalarında yayılan və Türkiyənin İrana qarşı son hücumlara dəstək verdiyi barədə iddialar tamamilə əsassızdır və ictimaiyyəti çaşdırmağa yönəlmiş dezinformasiya xarakteri daşıyır.
"Türkiyə hər hansı münaqişə və ya müharibədə tərəflərdən hər hansı birinin xeyrinə olmaqla hava məkanı daxil olmaqla, quru və dəniz imkanlarının heç birini əməliyyat məqsədləri üçün istifadəyə vermir. Bu məsələ ölkəmizin əsas xarici siyasət və təhlükəsizlik prinsipləri sırasındadır".
Həmçinin qeyd olunub ki, Türkiyənin hava, quru və dəniz məkanları üzərində suveren hüquqları tam və mübahisəsizdir. Suverenlik sahələrimizlə bağlı bütün fəaliyyətlər yalnız Türkiyə Respublikasının milli təhlükəsizlik qiymətləndirmələrinə uyğun olaraq və səlahiyyətli qurumların nəzarət və idarəsi altında həyata keçirilir.
"İctimaiyyətdən spekulyativ və əsassız iddialara etibar etməməsi, yalnız rəsmi qurumlar tərəfindən verilən açıqlamaları nəzərə alması xahiş olunur".
28-02-2026, 17:10
Dubay yenidən vuruldu
Dubayda yeni güclü partlayışlar edilib.
Bu barədə şahidlər məlumat verib.
Bildirilir ki, Dubay Marina ərazisində və Jumeirah Beach Residence yaxınlığında yüksək səslər eşitdilər.
28-02-2026, 17:06
Təbrizdə universitet vuruldu
İsrail Təbrizdəki Səhənd Texniki Universitetinin binasına zərbə endirib
Bunun İranın nüvə və müdafiə layihələri ilə əlaqəli olduğu güman edilir.
28-02-2026, 17:03
Salyanda partlamamış mərmi aşkarlandı
Abşeron Xətt Polis Məntəqəsinin əməkdaşları Salyan rayonun Xıdırlı kəndi ərazisində xidmət aparan zaman Şirvan su kanalının sahilində partlamamış mərmi aşkarlayıblar.
Sursatın tapıldığı yerin ətrafında əraziyə baxış keçirilib, əlavə təhlükəli əşya və qurğu aşkarlanmayıb.
Mərmi təhlükəsizlik tədbirləri görülməklə ərazidən götürülüb və aidiyyatı üzrə təhvil verilib.
Araşdırma aparılır.
28-02-2026, 16:48
Əhali qıtlıqla üzləşməyəcək - İran
İranın kənd təsərrüfatı naziri əhalinin bütün qida ehtiyaclarının tam təmin olunduğunu açıqlayıb.
Nazir Qulamrza Nuri Qızılca bildirib ki, bütün tədbirlər və ehtiyat planları əhalinin qida ehtiyaclarını, o cümlədən Yeni il və Ramazan ayına aid ərzaq mallarını təmin etmək üçün görülüb.
Nazirlik vurğulayıb ki, əsas ərzaq məhsullarında heç bir qıtlıq yoxdur.
***
İran İslam Respublikasının Dövlət İnformasiya Şurası, İsrail rejimi və ABŞ-nin İran ərazisinə hücumundan sonra açıqlama yayıb.
Hökumət əmin edib ki, bütün nazirliklər və dövlət qurumları xalqın yanındadır və ölkənin gündəlik işləri, xidmətləri tam gücü ilə davam etdiriləcək.
"Artıq uzun müddət əvvəl bütün ehtiyat tədbirləri görülüb, buna görə də vətəndaşlar heç bir qıtlıq və ya çatışmazlıqdan narahat olmamalıdır. Əsas ərzaq məhsulları, yanacaq və dərman kifayət qədər mövcuddur. 24 saat fəaliyyət göstərən tibbi mərkəzlər və seçilmiş apteklər fəaliyyətini davam etdirəcək, banklar isə xidmət verməyə davam edəcək".
Hökumət həmçinin universitetlərin və məktəblərin müvəqqəti olaraq bağlanacağını açıqlayıb və xalqdan sakitlik və səbir göstərmələrini xahiş edib. İnsanların şəhərlərarası hərəkəti üçün zəruri tədbirlər görülüb və vətəndaşların təhlükəsizliyi təmin edilir.
Hər bir dövlət orqanı öz xidmətlərinin necə davam edəcəyini ətraflı və müntəzəm şəkildə açıqlayacaq. Hökumət əmin edir ki, İran xalqı və ölkənin təhlükəsizliyi qorunacaq.
28-02-2026, 16:44
İranda işçi qrupları fəaliyyətə başladı
Hökumətin müharibə şəraitində işçi qrupları fəaliyyətə başladı.
Bunu İranın vitse-prezidenti Məhəmməd Rza Ərəf bildirib.
O qeyd edib ki, hər şey hökumətin nəzarətindədir və hökumət uzun müddət əvvəl ABŞ və İsrailin mümkün təkrar hücumlarını nəzərə alaraq işçi qrupları yaratmışdı. Bu qruplar hücum baş verən kimi fəaliyyətlərini yenidən başladılar.
Ərəf əlavə edib ki, hökumətin vəzifələri bəzi nazirlərə tapşırılıb və qubernatorlar hökumət tərəfindən verilmiş tam səlahiyyətlərlə xidmət göstərirlər.
Vitse-prezident qeyd edib ki, hökumət əsas ərzaq məhsulları və gündəlik ehtiyacların təminatı üçün lazımi tədbirlər görüb. Xalqın ərzaq və yanacaq tədarükü ilə bağlı narahat olmasına ehtiyac yoxdur; icra orqanları vəzifələrinə uyğun olaraq insanların tələbatını təmin edəcəklər.
Ərəf həmçinin bildirib ki, bu gün səhərdən etibarən nazir və müvafiq məsul şəxslərlə əlaqə saxlayaraq müharibə dövrü qərarlarını onlara çatdırıb.
28-02-2026, 16:35
Hakan Fidan İran XİN rəhbərinə zəng etdi
Türkiyənin Xarici İşlər Nazirliyinin rəhbəri Hakan Fidan, Yaxın Şərqdəki son gərginlikləri müzakirə etmək məqsədilə İran, İraq, Səudiyyə Ərəbistanı və Qətərin kəşfiyyat rəhbərləri ilə telefon danışıqları aparıb.
Telefon danışığ zamanı bölgədəki hərbi vəziyyət, terrorizmlə mübarizə və regional təhlükəsizlik məsələləri ön planda olub.
28-02-2026, 16:31
Putin azərbaycanlı deputatı təltif etdi - FOTO
Rusiyada yaşayan həmyerlimiz təltif edilib.
Leninqrad vilayətinin Qanunvericilik Məclisinin sədr müavini, deputat Səyyad Əliyev Rusiya Prezidentinin fərmanı ilə “Vətən qarşısında xidmətlərinə görə” ordeninin II dərəcəli medalı ilə təltif olunub.
Qeyd edək ki, Səyyad Əliyev 1967-ci ildə Cəlilabad rayonunun Zopun kəndində anadan olub. Ali təhsilini Leninqradda (sonra Sankt-Peterburq) alıb. Əmək fəaliyyətini 80-ci illərdə başlayan S.Əliyev, bir çox müəsissə və zavodlarda çalışıb. O, taxta məmulatlarının montajçısından rəhbər vəzifələrə qədər yüksəlib.
Eyni zamanda, S.Əliyev aktiv ictimai fəaliyyətlə məşğul olub. 2005-ci ildə S.Əliyev Leninqrad vilayətinin Vsevolojsk rayonunun “Dubrovskoe şəhər qəsəbəsi”nin bələdiyyə qurumunun Deputatlar Şurasının sədri və həmin bələdiyyə qurumunun başçısı seçilib. 2009-cu ildə isə “Dubrovskoe şəhər qəsəbəsi”nin birinci və ikinci çağırış başçısı vəzifəsinə seçilib. Geniş təcrübə və peşəkarlığa malik olan S.Əliyev, 2011-ci ildə Leninqrad vilayətinin Qanunvericilik Məclisinin V çağırış deputatı, 2016-cı ildə isə VI çağırış deputatı, 2021-ci ildə isə VII çağırış deputatı seçilib. Leninqrad vilayətinin Qanunvericilik Məclisinin bir çox komitələrinin fəal üzvü olaraq, S.Əliyev fəal qanunvericilik fəaliyyətində iştirak etməkdədir.
Dövlət və cəmiyyət qarşısında xüsusi xidmətlərinə görə S.Əliyev bir çox mükafatlarla təltif olunub.
Dövlət və cəmiyyət qarşısında xüsusi xidmətlərinə görə S.Əliyev bir çox mükafatlarla təltif olunub.
28-02-2026, 16:29
ABŞ-la İsrailin İrana hücumlarının əsas HƏDƏFLƏRİ
ABŞ-nin hücumları əsasən İranın raket proqramı və raket buraxılış qurğularını hədəfləyir, İsrailin hücumları isə yüksək vəzifəli iranlı rəsmi şəxslərin aradan qaldırılması və raket proqramına yönəlib.
Qeyd edək ki, ABŞ Müdafiə naziri Pit Hegset və Birləşmiş Ştatlar Qərargah Rəisləri Komitəsinin sədri general Dən «Raizin» Keyn, ABŞ-ın İran əleyhinə hücum kampaniyasını hazırda Floridadakı Mar-a-Lago iqamətgahından izləyirlər; burada prezident Donald Tramp yerləşir.
28-02-2026, 16:23
Əraqçi Lavrova zəng etdi
Rusiyanın xarici işlər naziri Sergey Lavrov və İranın xarici işlər naziri Abbas Əraqçi arasında telefon danışığı olub.
Telefon danışığı İran tərəfinin təşəbbüsü ilə baş tutub.
Abbas Əraqçi “İran rəhbərliyinin ABŞ və İsrailin təcavüzünü dəf etmək üçün atdığı addımlar” barədə məlumat verib.
O bildirib ki, bu, İranın nüvə proqramına dair sülh yolu ilə həll üçün danışıqları bir daha pozub.
Əraqçi BMT Təhlükəsizlik Şurasının təcili iclasını çağırmaq planlarını açıqlayıb.
Sergey Lavrov isə ABŞ-la İsrailin İrana qarşı beynəlxalq hüququn prinsip və normalarını pozan, regional və qlobal sabitlik və təhlükəsizlik üçün ağır nəticələri tamamilə nəzərə almayan səbəbsiz silahlı hücumunu qınayıb.
Rusiya XİN başçısı İslam Respublikasına qarşı hücumların dərhal dayandırılmasının və vəziyyəti siyasi və diplomatik həll yoluna qaytarmağın vacibliyini vurğulayıb.
Sergey Lavrov Rusiyanın, o cümlədən BMT Təhlükəsizlik Şurasında beynəlxalq hüquqa, qarşılıqlı hörmətə və maraqlar balansına əsaslanan sülh yolu ilə həll yollarının axtarışını asanlaşdırmağa hazır olduğunu qeyd edib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!