Hansı vəzifədə və hansı işdə çalışmağından asılı olmayaraq gərək insan öz işini sevsin və öz işinə yüksək məsuliyyətlə yanaşsın. Sağlam ruhlu və zəhmətkeş nəsil yetişdirmək hər birimizin, o cümlədən orta və yaşlı nəslin Tanrı və Vətən müqəddəs borcudur. Vətənimizin gələcəyi naminə gənc nəslə düzgün istiqamət vermək, onları savadlı, intellektli, zəhmətkeş və dünyagörüşlü yetişdirmək üçün hər birimiz əlimizdən gələni əsirgəməməliyik.
Ölkəmizdə fəaliyyət göstərən və müasir dövrün tələblərinə cavab verən Siyəzən Broyler Şirkəti və “Bravo” marketlər Şəbəkəsi də məhz bu yöndə xalqımız, vətənimiz üçün gərəkli, lazım olan nəsil yetişdirmək üçün yüksək əzmlə çalışırlar. Göstərilən şirkət və marketlərdə bəzi özəl təşkilatlardan fərqli olaraq çalışan işçilərin sağlamlığı, rahatlığı üçün yüksək səviyyəli iş qrafiki, səliqli yeməkxana və s. şəraiti yaradılmışdır. Onlar təklif etdikləri bol çeşidli, yüksək keyfiyyətli məhsulları ilə və bu məhsullara olan endirimlərlə xalqımızı, xüsusən də aztəminatlı ailələri həmişə sevindirmişlər.
Siyəzən Broyler Şirkəti və “Bravo” marketlər Şəbəkəsi Azərbaycanda yüksək səviyyəli fəaliyyətləri ilə fərqlənən böyük və əhatəli təşkilatlardır. Bu müəssisələr yüzlərlə, bəlkə də minlərlə gənclərin qazanc yeri, dolanışıq yeridir. Bu müəssisələrdə öz işini yüksək peşəkarlıqla və vaxtında yerinə yetirən rəhbər işçilər- şöbə müdirləri və s. işlərinin nə qədər ağır olmasına baxmayaraq özlərindən yaşca, vəzifəcə kiçik olan çalışanlara öz işlərini yüksək səviyyədə, xüsusən də səmimi şəkildə öyrədirlər, başa salırlar. Bunlardan Siyəzən şirkətindən bölgə nəzarətçisi Rəfail Ələsgərovu, satış müdiri Xalid Abıyevi, “Bravo”nun Lökbatan filialında ət şöbəsinin müdiri Yasin Ağayevi və s. misal göstərmək olar. Tanıdığımız bu şəxslər öz işləri ilə, səmimi tələbkarlıqları ilə işçilər arasında böyük hörmət qazanmışlar.
Biz, Siyəzən Broyler Şirkəti və “Bravo” marketlər Şəbəkəsini qurub-yaradanları və bütün kollektivi, xüsusən də Lökbatan qəsəbəsində fəaliyyət göstərən “Bravo” marketinin kollektivini qarşıdan gələn Müqəddəs Ramazan Bayramı münasibətilə səmimi qəlbdən təbrik edir, onlara Uca Tanrıdan möhkəm can sağlığı, öz işlərində müvəffəqiyyətlər arzulayırıq.

Yamən Orucova
Redaktor