6-07-2022, 15:15
Prezident Ramanada görülən abadlıq işləri ilə tanış oldu
Azərbaycan Respublikasının Prezidenti İlham Əliyev Bakının Ramana qəsəbəsində görülən abadlıq işləri ilə tanış olub.
“Bakı Abadlıq Xidməti” MMC-nin baş direktoru Bünyad Qasımov qəsəbədə görülən işlər barədə Prezident İlham Əliyevə məlumat verdi.
Bildirdi ki, Ramana qəsəbəsində yenidənqurma işləri yekunlaşıb, qəsəbədaxili yollar asfaltlanıb, divar və dam örtükləri yenilənib, küçələrin işıqlandırılması həyata keçirilib. Qəsəbənin Həsənbəy Zərdabi, Xanlar, Mirzəağa Əliyev, Əbdürrəhman bəy Haqverdiyev və qəbiristanlıq ətrafı küçələri tamamilə yenilənib. Həmçinin ərazi tullantılardan təmizlənib.
Ramana qəsəbəsi Abşeron ərazisində turizm marşrutlarına daxil edilə biləcək abidələrlə zəngindir. Onlardan biri qəsəbənin girişində əzəməti ilə diqqəti cəlb edən, XII-XIV əsrlərə aid olduğu bildirilən Ramana qalası yüksək nöqtədə yerləşir. Ehtimal edilir ki, divarlarının hündürlüyü 15 metr olan qala müdafiə məqsədilə tikilib və Şirvanşahlar dövləti dövründə qəsr kimi istifadə olunub. Məşhur “Koroğlu”, “Nəsimi” və “Babək” filmlərinin müəyyən səhnələri Ramana qalasında çəkilib.
Ramananın qədim abidələrindən biri də Novruzqulu hamamıdır. Prezident İlham Əliyevə bu qədim hamam barədə də məlumat verildi. Bildirildi ki, keçmişdə hamamda dörd quyu fəaliyyət göstərsə də, indi onlardan üçü mövcuddur. Novruzqulu Babakişi oğlunun adını daşıyan hamam Abşeron yarımadasında yeganə tikilidir ki, onun sənədləri toplanıb və təsdiqlənib. Hamamın binasında keyfiyyətli bərpa işləri görülüb.
Dövlət başçısına Ramanada əhalinin məşğulluğunun artırılması sahəsində görülən işlər barədə də məlumat verildi. Ramanada reallaşdırılan layihələrdən biri də vertikal bağçılıq layihəsidir. Layihənin məqsədi özünəməşğulluğun artırılmasına, aztəminatlı ailələrin daha çox gəlir əldə etməsinə və ailə təsərrüfatlarının inkişafına dəstək olmaq, həmçinin yaşıllıqların genişləndirilməsinə, bitkiçiliyin və kənd təsərrüfatı məhsulları emalının inkişafına töhfə verməkdir.
Ramana həm də ovdanları ilə məşhurdur. Qəsəbədə bərpaolunan tarixi abidələrdən biri də el arasında 40 pillə adlanan su ovdanıdır. Azərbaycan ərazisində, Abşeron yarımadasında və ona qonşu ərazilərdə ovdanlara daha çox təsadüf edilir. Bu yerlərdə içməli su mənbələri az olduğundan XVI-XVIII əsrlərdə içmək üçün yararlı olan lay sularından istifadə edilməsi məsələsi aktuallaşıb və ovdanlar yaradılıb. Bu qurğuların tikintisi XX əsrə qədər davam edib.
Prezident İlham Əliyevə su ovdanında görülən təmir-bərpa işləri barədə də məlumat verildi.
Ramana sakinlərinin həm sağlam həyat tərzi, həm də asudə vaxtlarını səmərəli keçirmələri üçün qəsəbədə İdman Mərkəzi inşa olunub. Mərkəzdə qapalı idman zalı, minifutbol meydançası yaradılıb.
Dövlət başçısı Ramana İdman Mərkəzində yaradılan şəraitlə də tanış oldu.
1-07-2022, 12:11
Şehla Cabbarlı
Hörmətli oxucular, tarixçi-araşdırmaçı Şəhla Cabbarlının Azərbaycan sevgisilə güllənən yolu, hələ tələbəlik illərindən, "Bütöv Azərbaycan" qəzetinin redaksiyasından keçib. Şəhla xanım redaksiyamızın sevimlisi, kollektivimizin həmişə yolunu gözlədiyi bir vətənpərvərdir. Onun qürbətdə dəfn olunan ünlülərimizin nəşinin Azərbaycan Respublikasına gətirilməsi təklifinə şəxsi yanaşması var. Bir araşdırmaçı-tarixçinin fikirlərinin sizin üçün də maraqlı olacağını düşünüb sizlərlə bölüşmək istədik:
Dostlar, Siz razısınızmı?
Qüdrət Həsəquliyev parlamentdə çağırış etdi ki, M.Ə.Rəsulzadənin nəşi Ankaradan, Ə.B.Topçubaşovun nəşi Fransadan, F.X.Xoyskinin nəşi isə Gürcüstandan Bakıya köçürülsün. Onlar Fəxri Xiyabanda dəfn olunsunlar. Necə ki, bir vaxtlar Heydər Əliyev Hüseyn Cavidin nəşini Azərbaycana gətirdi, bu mümkündür.
Doğrudur, hamıdan çox bu torpaqda uyumağı haqq edən həmin babalarımızdır. Özləri də bu arzu ilə köçdülər dünyadan.
Amma mən öz yerimə buna qismən razı deyiləm. Rəsulzadənin yeri bəyəm hələ də sərgilənən bolşeviklərlə, boy-boy sıralanan xəyanətkarlarla dolu olan Fəxri Xiyabandır?
Bəli, orada çox dəyərli, görkəmli şəxsiyyətlər var, amma qəbul edək ki, Rəsulzadə bu ölkədə heykəli yıxılmış, heykəlinin başına torba keçirilmiş, ev muzeyi olmayan, öz evi belə muzey edilməyən, uşaq bağçası olan, xatirə baralyevi beş dəfə yanlış düzəlişlərlə, dəyişdirilən, yazılı daşı illərdir universitetin həyətində qalan şəxsiyyətdir. Novxanıda bircə heykəli var, ora da getmək qəbahətdir.
Rəsulzadəyə hansı dəyər verilib?
Onun məzarı elə Ankarada daha müqəddəsdir. Orada əmanət kimi qorunur. Həm məzar açmaq, narahat etmək günahdır.
Ə.B.Topçubaşinin məzarı qürbətdədir. Onun bildiyim qədər vəsiyyəti, arzusu olub vətəndə dəfn olunmaq. Bu arzunu gerçəkləşdirmək olar.
Bəs, Fətəli xan Xoyskinin qəbri niyə Gürcüstandadır? Bunun bir tarixi var, hekayəsi var. Sabah-birigün onlar Bakya gətiriləndə, o hekayə də unudulacaq... Onsuz da tarixi oxumayan nəsil elə biləcək, əvvəldən Bakıda dəfn olunublar.
İnanın, qurucu babalar bu gün də vətənə xidmətdədirlər. Məzarların müxtəlif yerlərdə olması həm də düşündürür, tarixi araşdırtdırır, həqiqətlərə yol açır ki, bax, ey xalq!
Bu gün bizim məzarlarımız hər biri başqa-başqa yerlərdədir. Amma niyə? Bir düşün! Bizə bax, ölkənin gələcəyini qur! Gör, düşmənin kimdir, dostun kimdir?! Biz yoxdan dövlət yaratdıq, amma o ölkədə dəfn olunmadıq. Niyə???
Baxın, Azərbaycan Cümhuriyyətinə bir az gec qatılan, amma nizami ordu quran S.B.Mehmandarovun qəbri ki Bakda idi. Amma Kirova heykəl ucaldanda, kürüyüb atdılar. İzi, tozu da qalmadı. Mehmandarovun ölkəyə dəvət etdiyi generallar şaqqalandılar, qəbirləri belə yoxdur .
Əliağa Bəy Şıxlınskinin qəbri itib, batmışdı Yasamal qəbristanlığında, araşdırıb tapdılar.
Topçubaşovun qürbətdəki tənha məzarı ilə Şıxlınskinin ana vətəndəki məzarının nə fərqi var? O da tənha, baxımsız, sıradan bir məzar.
Mən də bəzən hissi yanaşıram, vətən, torpaq mövzusu adamı kövrəldir, amma reallıqlar da var...Reallıqlar hissi yanaşmağa imkan vermir. Məncə, adamlar elə yatdıqları yerdə rahat yatsınlar. Ruhları inciyir, barı qəbirlərini incitməyin.
Fikirləriniz çox önəmlidir.
30-06-2022, 19:18
Jurnalistika "ikinci qədim peşə" olmamalıdır
Azərbaycanın televiziya məkanı da ciddi islahatlar, mənəvi -əxlaqi təmizləmə tələb edir. Səviyyəsizlik, tərbiyəsizlik baş alıb gedir. Vaxtilə jurnalistika fakültəsində dəyərli müəllimlərimiz, ustad redaktorlarımız bizə təlqin edirdilər ki, müxbir, aparıcı sıravi vətəndaş deyil. O nəinki özünün yüksək səviyyəsini qorumalı, üstəlik oxucunu, tamaşaçını öz səviyyəsinə qaldırmalıdır. Jurnalist həm maarifçi, həm də ictimai rəyi formalaşdıran ideoloqur. Bu gün Azərbaycan mətbuatında bazar münasibətləri, səviyyəsizlik hökm sürür. Sözün həqiqi mənasında hər yoldan ötən tamaşaçını, oxucunu öz düşük səviyyəsinə endirməyə çalışır. Bu bazarda əsas alqı-satqı obyekti isə jurnalistdir. Azərbaycanda bir neçə kanal istisna olunmaqla qalanları qaraguruh, primitiv təfəkkürlü istehlakçı yetişdirməklə, bunu qazanc mənbəyinə çevirməklə məşğuldur. Məgər, Zaur Kamal təkdir? Qəzetlərdə, tele-radio kanallarında jurnalistikadan, peşə etikasından, əxlaqdan kənar onlarca dələduz var. Məgər bilmirsiniz ki, onların əsas fəaliyyəti özləri kimi səviyyəsiz "sənətçiləri", ara həkimlərini reklam etməklə kanal rəhbərliyinə pul qazandırmaqdır. Deməyin ki, jurnalist təşkilatları bundan xəbərsizdirlər. Sadəcə olaraq, dişsizdirlər.
İndi şərait dəyişib, Azərbaycan mətbuatına süpürgə çəkmək, jurnalistikanın nüfuzunu, ləyaqətini özünə qaytarmaq vaxtıdır.
30-06-2022, 12:56
30-06-2022, 11:14
30-06-2022, 10:56
30-06-2022, 10:56
29-06-2022, 10:36
28-06-2022, 15:28
27-06-2022, 12:07
Prezidentdən Ermənistana XƏBƏRDARLIQ - "Dəmir yumruq" yerindədir
Əgər Ermənistan sərhədlərin müəyyən edilməsi işində yenə də öz köhnə taktikasına qapılsa, vaxt uzatmağa çalışsa, nəticədə özü peşman olacaq. Biz Ermənistanda baş qaldıran revanşist qüvvələrin hərəkətlərinə diqqətlə baxırıq. Onlar da bunu bilsinlər. Bax, o dağın başında mənim sözlərim yazılıb: “Dəmir yumruq” yerindədir, bunu heç kim unutmasın. Bu barədə Azərbaycan Prezidenti, Silahlı Qüvvələrin Müzəffər Ali Baş Komandanı İlham Əliyev Kəlbəcər rayonunda komando hərbi hissəsinin açılışında çıxış edərkən bildirib:
“Vətən müharibəsində Ermənistanı məğlub etməyimiz onlar üçün dərs olmalıdır. Onlar hesab edirdilər ki, orduları məğlubedilməzdir və öz orduları haqqında olmayan şayiələri yayırdılar. Biz göstərdik ki, onlar Azərbaycan Ordusu qarşısında duruş gətirə bilməzlər. Onlar bəyan edirdilər ki, Azərbaycan öz torpaqlarını heç vaxt silahlı yollarla ala bilməz. Çünki həm qurulmuş istehkamlar, həm 30 il ərzində mühəndislik işlərinin aparılması, həm də ki, bu bölgənin coğrafiyası onlar üçün çox əlverişli idi. Biz bu mifi də dağıtdıq və göstərdik ki, güclü iradə olan yerdə, xalq-iqtidar birliyi olan yerdə, hərbçilərin vətənpərvərliyi olan yerdə heç kim bizim qabağımızda dura bilməz. Əgər yenə də Ermənistanda revanşist qüvvələr baş qaldırsa, bilməlidirlər ki, onları nələr gözləyir”.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!