TƏBİB rəsmisi xəstəxanaların fəaliyyətini tənqid edib .....                        Yanğına görə qaynar xətt .....                        Sabah hava necə olacaq? .....                        Sumqayıtda tullantılar poliqonuna cavabdeh şəxs cəzalandırıldı .....                        Azərbaycanda koronavirus infeksiyasına 750 yeni yoluxma faktı qeydə alınıb .....                        Azərbaycanın məşhur Xalq artisti məhkəməyə verilib .....                        Dövlət Dəniz Agentliyi təhlükəli hava şəraiti ilə bağlı xəbərdarlıq edib .....                        Qarabağa qayıdacaq keçmiş köçkünlərə əlavə imtiyazlar verilə bilər .....                        Təbrizlilər meydanda -aksiya .....                       
Tarix : 4-10-2019, 17:59
Elm Tarixi İnstitutu “Azərbaycançılıq ideologiyası: ənənə və müasirlik” kitabının təqdimatını keçirib

Azərbaycan Milli Elmlər Akademiyasının (AMEA) Elm Tarixi Institutu 04 oktyabr 2019-cu il tarixdə Mərkəzi Elmi Kitabxanada Azərbaycan Respublikasının Prezidenti yanında Elmin İnkişafı Fondunun maliyyə dəstəyi ilə həyata keçirilən “Azərbaycançılıq ideologiyası: ənənə və müasirlik” adlı layihə çərçivəsində hazırlanmış eyniadlı kitabın təqdimatını keçirib.
Tədbiri AMEA vitse-prezidenti İsa Həbibbəyli açaraq bu gün ölkəmizdə uğurla həyata keçirilən müstəqil dövlətçilik siyasətinin konseptual əsaslarını ulu öndər Heydər Əliyev tərəfindən hazırlanan azərbaycançılıq ideologiyasının təşkil etdiyini deyib. Qeyd edib ki, azərbaycançılıq ideologiyasında xalqımızın milli maraqları və dövlətçilik mənafeyi əks olunub. Akademik azərbaycançılıq ideologiyasının ölkəmizdə yaşayan digər etnik qrupları da öz ətrafında birləşdirdiyini və bu səbəbdən mühüm tarixi əhəmiyyətə malik olduğunu diqqətə çatdırıb.
2001-ci ildə ümummilli liderin təşəbbüsü ilə Dünya Azərbaycanlılarının Qurultayının keçirildiyini xatırladan İ.Həbibbəyli bu gün Prezident İlham Əliyev tərəfindən azərbaycançılıq ideologiyasının müasir dövrün reallıqları ilə daha da zənginləşdirilərək inkişaf etdirildiyini vurğulayıb.
Hazırda AMEA-nın Humanitar və İctimai Elmlər bölmələrinin qarşısında mühüm vəzifələrin dayandığını deyən alim kitabın nəşrini yüksək qiymətləndirib. Akademik qeyd edib ki, azərbaycançılıq ideologiyasının ilk dəfə geniş şəkildə tədqiqata cəlb olunduğu, yeni faktlarla zəngin olan kitab günün çağırışlarına tam cavab verir və kitabda məsələyə elmi və konseptual baxış öz əksini tapıb. O, azərbaycançılıq ideologiyasının tarixi, fəlsəfi, estetik baxımdan öyrənilməsinin zəruriliyini diqqətə çatdırıb.
Elm Tarixi İnstitutunun direktoru, tarix üzrə elmlər doktoru Məryəm Seyidbəyli də azərbaycançılıq ideologiyasının dövlət siyasətinin tərkib hissəsi kimi Heydər Əliyevin zamanında ortaya çıxdığını bildirib və kitabda ulu öndərin azərbaycançılıq ideologiyasının nəzəri və əməli inkişafındakı rolunun, həmçinin Prezident İlham Əliyevin dövlətçilik fəaliyyətində azərbaycançılığın inkişafı və digər məsələlərin də öz əksini tapdığını vurğulayıb.
AMEA-nın İctimai Elmlər Bölməsinin akademik-katibi Nərgiz Axundova kitabın əhəmiyyətindən bəhs edib. O bildirib ki, kitab Azərbaycan ictimaiyyəti üçün çox vacibdir və Azərbaycan müstəqil dövlət olandan sonra azərbaycançılıq ideologiyası mərhum Prezidentimiz Heydər Əliyev və hazırkı Prezident İlham Əliyev tərəfindən təbliğ olunur.
Tədbirdə Qafqazşünaslıq İnstitutunun direktoru, professor Musa Qasımlı, Fəlsəfə İnstitutunun direktoru, professor İlham Məmmədzadə, Arxeologiya və Etnoqrafiya İnstitutunun direktoru, tarix elmləri doktoru Maisə Rəhimova, Tarix İnstitutunun elmi işlər üzrə direktor müavini, tarix üzrə fəlsəfə doktoru Cəbi Bəhramov, kitabın müəlliflərindən tarix üzrə fəlsəfə doktoru Kamran İsmayılıov və başqaları çıxış edərək azərbaycançılığın tarixi, siyasi əhəmiyyətindən danışıb, nəşri yüksək qiymətləndiriblər.
Məlumat üçün bildirək ki, müəlliflər kollektivi tərəfindən hazırlanan kitabda Azərbaycan xalqının siyasi və mənəvi birliyinin, milli dövlətçiliyin əsasını təşkil edən azərbaycançılıq ideologiyasının tarixi, mənəvi-mədəni kökləri araşdırılır, əsas təkamül mərhələləri nəzərdən keçirilir.
Kitabda Azərbaycan xalqının ümummilli lideri Heydər Əliyevin Azərbaycançılıq ideologiyasının nəzəri və əməli inkişafında rolu və xidmətləri, Prezident İlham Əliyevin dövlətçilik fəaliyyətində Azərbaycançılığın inkişafi və digər məsələlər öz əksini tapıb. Kitabda, həmçinin müasir dövrdə Azərbaycanda uğurla həyata keçirilən multikulturalizm siyasətinin əsas istiqamətləri və nəticələri, Azərbaycançılıq ideologiyasının və multikultural dəyərlərin dünyada təbliğində Heydər Əliyev fondunun fəaliyyəti və s. məsələlər geniş işıqlandırılır.
Kitab milli dövlətçilik məfkurəsinin tarixi və nəzəriyyəsi sahəsində tədqiqat aparan mütəxəssislər, eləcə də bu məsələlərlə maraqlanan geniş oxucu kütləsi üçün nəzərdə tutulur.
Qeyd edək ki, layihənin rəhbəri AMEA Elm Tarixi İnstitutunun direktoru, tarix üzrə elmlər doktoru Məryəm Seyidbəylidir. Kitaba AMEA-nın vitse-prezidenti, akademik İsa Həbibbəyli "Ön söz" yazıb.
Elm Tarixi İnstitutu “Azərbaycançılıq ideologiyası: ənənə və müasirlik” kitabının təqdimatını keçirib
Elm Tarixi İnstitutu “Azərbaycançılıq ideologiyası: ənənə və müasirlik” kitabının təqdimatını keçirib


Paylaş



Bölmə: Mədəniyyət / Karusel / Slayd / Xəbər lenti
Fikirlər
Sorğu
Saytımızda hansı mövzulara daha çox yer verilməsini istəyirsiniz?


Son buraxılışımız
Facebook səhifəmiz
Təqvim
«    İyul 2021    »
BeÇaÇCaCŞB
 1234
567891011
12131415161718
19202122232425
262728293031 
Reklam
Hava
Valyuta
Reklam

Sayğac
Ən çox baxılanlar
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Foto
Hər ötən il növbəti il üçün xatirəyə çevrilir; bəzən xatırlanır, bəzən də yenidən yaşanılır. Ancaq elə illər var ki, onları yenidən yaşamaq mümkün olmur. Bu illərə Türkiyənin unudulmaz 90 - cı illərini aid etmək olar. Axı həmin illəri yaddaqalan edən nəydi?
Butov.az Türkiyə mətbuatına istinadən həmin unudulmazlığı təqdim edir:
Türkiyənin unudulmaz 90 - cı illəri...
Video
Şəhid Baş leytenant Azad Hümbətova həsr olunmuş qısa metrajlı film çəkildi

All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!