Günel Masayevanın atası Elşad bəyə ünvanladığı qürurverici təbriki Butov. az -ın oxucularına təqdim edirik:
Hər kəsin həyatinda örnək aldığı ideal insan obrazı var. Mənim idealım, örnək aldığım qəhrəmanım atamdır.
Gözlərimi dünyaya açdığım andan etibarən varlığını, sevgisini, qəlbinin hərarətini hiss etdiyim insan, ilk müəllimim, ən böyük dəstəkçim... İnsanın gələcək həyatını, verəcəyi qərarları və irəliləyəci yolu tapmağında əsas önəmli faktor valideynləri və onlardan öyrəndikləridir. Mən vicdanın, doğruluğun, ədalətin, haqqın nə olduğunu məhz atamdan və onun atdığı addımlardan öyrənmişəm. Və eyni zamanda dəfələrlə çox insandan necə zəhmətkeş, təmiz, düzgün, vətənpərvər və ədalətli atanın qızı olduğum həqiqətini eşitmişəm. Belə bir atanın övladı olmaq, mənim doğulduğum an qazandığım bir ərməğan idi ki, mən bununla hər daim fəxr edirəm və özümü minnətdar hiss edirəm. Eyni zamanda, insan üçün ən əhəmiyyətli duyğu olan azadlığın nə olduğunu və önəmini də mən atamdan öyrənmişəm. Heç bir zaman həyatımda sərhədlər, müdaxilələr hiss etməmişəm, əksinə düzgün yolu tapmaqda mənə yol göstərən, doğrunu əyridən ayırmağı öyrədən bir insan olub həyatımda. Daim məni dəstəkləyən, sevən, dəyərləndirən və qələbəmi, uğurumu gözləyən, mənə etimad edən bir insan. Elə bir insan ki, həyatını ailəsinə, Vətəninə həsr edəcək qədər fədakar, sevdiklərinə hər şeyin ən gözəlini təmin edə bilmək üçün gecə-gündüz çalışacaq qədər cəfakeş, qəbul etdiyi dəyərlərindən heç bir zaman heç bir şəkildə vazkeçməyəcək qədər iradəli və bir atanın ola biləcəyi qədər müdrik, uzaqgörən və ideal. Həyatımda sahib olduğum hər bir şey üçün mən sənə borcluyam. Məni mən edən dəyərləri mənə bəxş edən insan, uğurlarımın səbəbkarı, qəhrəmanım Atam, doğum günün mübarək! Atdığın hər bir addımda ulu Tanrı yardımçın olsun, atacan! Nə yaxşı ki, varsan və sənin qızınam. Çünki bu duyğunun mənə yaşatdığı fəxri, qüruru sözlərlə ifadə etmək mümkün deyil. Hər şeyə görə sonsuz təşəkkür edirəm!