Tarix : 11-09-2013, 14:54
Azərbaycanda şəxsiyyət vəsiqəsinin vaxtı keçmiş seçicilərin sayı açıqlanıb


Bu gün Azərbaycanda səsvermə hüququna malik vətəndaşlar arasında müəyyən səbəblərdən şəxsiyyət vəsiqəsinin vaxtı keçənlərin sayı 30 min nəfər təşkil edir.

Bu barədə APA-ya Daxili İşlər Nazirliyinin Mətbuat Xidmətinin rəisi müavini Ehsan Zahidov prezidentliyə namizədliyi irəli sürülən İsmayıl Yusifovun iddialarına münasibət bildirərkən deyib.

E. Zahidov qeyd edib ki, prezidentliyə namizədliyini irəli sürsə də, qanunla müəyyən olunmuş vaxta imza vərəqələrini və digər lazımi sənədlərini Mərkəzi Seçki Komissiyasına təqdim etmədiyinə görə seçki marafonundan kənarlaşan İsmayıl Yusifovun seçicilərin şəxsiyyətlərini təsdiq edən sənədlərdə ciddi problem olması barədə dediyi fikirlər tam əsassızdır: “Görünür, sabiq namizəd öz uğursuzluğuna bu yolla don geyindirmək istəyir. Onun “2 milyon yarım seçicinin şəxsiyyət vəsiqəsinin vaxtı keçib” iddiası qərəzli uydurmadan başqa bir şey deyil. Bəli, səsvermə hüququna malik vətəndaşlarımız arasında müəyyən səbəblərdən şəxsiyyət vəsiqəsinin vaxtı keçənlər var, lakin onların sayı 2 milyon yarım yox, respublika üzrə cəmi 30 min nəfərə yaxındır ki, onların da böyük əksəriyyəti ölkəmizin hüdudlarından kənarda fəaliyyət göstərənlərdir. Həmin vətəndaşlarımız ölkəyə qayıtdıqca dərhal onların şəxsiyyət vəsiqələri yeniləri ilə əvəzlənəcək”.

E. Zahidov həmçinin vurğulayıb ki, DİN rəhbərliyinin göstərişi və ciddi nəzarəti altında bütün rayonların pasport-qeydiyyat xidmətlərinin əməkdaşlarından ibarət səyyar briqadalar, eləcə də ASAN Xidmətinin səyyar avtobusları ən ucqar dağ kəndlərinə qədər gedərək vətəndaşların vaxtı keçən şəxsiyyət vəsiqələrinin dəyişdirilməsini yerindəcə təmin edirlər və bu iş hazırda da davam etdirilir: “Əminik ki, yaxın 20 gün müddətində bu proses uğurla başa çatacaq və oktyabr ayına kimi etibarsız şəxsiyyət vəsiqəsi daşıyan səsvermə hüququna malik vətəndaşımız qalmayacaq”.

Qeyd edək ki, prezidentliyə namizədliyini irəli sürmüş Demokratik Birlik Fraksiyasının üzvü İsmayıl Yusifov mətbuata açıqlama verərək Azərbaycanda seçicilərinin şəxsiyyətlərini təsdiq edən sənədlərində ciddi problemlərin olduğunu, 4 milyon 986 min 296 seçicidən 2 milyon yarımının şəxsiyyət vəsiqəsinin vaxtının keçdiyini iddia edib.

Onu da əlavə edək ki, İ. Yusifov imza vərəqələrini vaxtında MSK-ya təqdim etmədiyi üçün seçki prosesindən kənarda qalıb.


Paylaş



Bölmə: Xəbər / Karusel / Manşet / Xəbər lenti
Fikirlər
Sorğu
Saytımızda hansı mövzulara daha çox yer verilməsini istəyirsiniz?


Son buraxılışımız
Facebook səhifəmiz
Təqvim
«    İyul 2022    »
BeÇaÇCaCŞB
 123
45678910
11121314151617
18192021222324
25262728293031
Reklam
Hava
Valyuta
Reklam

Sayğac
Ən çox baxılanlar
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Foto
Erməni tərəfdən Azərbaycan mövqeləri belə görünür... - VİDEO






Bütöv.az
Video
Qırmızı işıqda keçən “Range Rover” dəhşətli qəza törətdi - VİDEO

Bakının mərkəzində avtomobilin aşması ilə nəticələnən dəhşətli qəza baş verib.

Bütöv.az xəbər verir ki, bununla bağlı görüntülər sosial şəbəkələrdə paylaşılıb.

Görüntülərdən anlaşılır ki, Bülbül prospektində “Range Rover” markalı avtomobil aşıb.

Hadisə şahidlərinin verdiyi məlumata görə, onun digər avtomobillə toqquşmasının səbəbi yüksək sürətlə qırmızı işıqda keçməsi olub.

Hadisə nəticəsində xəsarət alanlarla bağlı məlumat verilməyib.(Unikal)



All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!