İdman » Butov.az

Dünən, 22:16

Qurbanovdan xəbərdarlıq: "Hər şey əldən gedə bilər.."

İstəməzdik ki, məğlub olaq.
Bu sözləri "Qarabağ"ın baş məşqçisi Qurban Qurbanov Misli Premyer Liqasının XX turunda "Turan Tovuz"a 1:2 hesabı ilə məğlub olduqları oyundan sonra təşkil olunan mətbuat konfransında deyib.
O bildirib ki, futbolçuları 90 dəqiqə ərzində üstün mübarizə aparıblar: "Lakin futbolun belə acı tərəfləri olur. Daha hazırlıqlı olmaq lazımdır. Çempion olmaq çətindir. Bir neçə oyunda da xal itirsək, hər şey əldən gedə bilər. Arxayınlaşmaq olmaz. Üç xala yaxın idik, iki dəqiqə içərisində hesab dəyişdi".
Baş məşqçinin sözlərin görə, 20 gün öncə iki futbolçu ilə danışıqlar olub: "Danışıq oldu, lakin məsələ orada da qaldı. Transfer xətrinə futbolçu gətirmək istəmirik".

Qurbanovdan xəbərdarlıq: "Hər şey əldən gedə bilər.."

Dünən, 21:18

"Roma"dan səfər qələbəsi

İtaliya A Seriyasında XXII turun növbəti oyunu keçirilib.
"Roma" səfərdə "Udineze"nin qonağı olub. Görüş paytaxt təmsilçisinin 2:1 hesablı qələbəsi ilə yekunlaşıb.
"Roma"nın qollarını Pelleqrini və Dovbik vurublar. Meydan sahiblərinin yeganə qoluna isə Lorenzo Luçça imza atıb.
Bu nəticədən sonra xallarını 30-a çatdıran "Roma" 9-cu pillədə qərarlaşıb. Udine klubu isə 26 xalla 11-ci yerdədir.

"Roma"dan səfər qələbəsi

25-01-2025, 09:55

İsmail Kartalın yeni klubu məlum oldu

Türkiyənin “Fənərbağça” komandasının sabiq baş məşqçisi İsmail Kartalın yeni iş yeri bəlli olub.
63 yaşlı mütəxəssis İran təmsilçisi “Persepolis” ilə anlaşıb. Bu barədə klubun mətbuat xidməti məlumat yayıb.
Onunla 18 aylıq müqavilə imzalandığı bildirilib.
Qeyd edək ki, “Persepolis” hazırda İran çempionatında 30 xalla dördüncü pillədə qərarlaşıb.

İsmail Kartalın yeni klubu məlum oldu

24-01-2025, 18:20

Tanınmış futbolçu karyerasını bitirir

Braziliya millisinin və Türkiyənin “Qalatasaray” komandasının sabiq futbolçusu Felipe Melo karyerasını bitirib.
Bu barədə 41 yaşlı yarımmüdafiəçi sosial şəbəkə hesabında paylaşım edib.
Son olaraq ölkəsinin “Fluminense” komandasında çıxış etmiş keçmiş futbolçu yazıb: “Bu gün həyatımın ən önəmli dövrlərindən birini bitirirəm. Futbolçu karyeramı başa vururam”.
Qeyd edək ki, Felipe Melo karyerası ərzində “Qalatasaray”la yanaşı, İtaliyanın “Yuventus” və “İnter” kimi tanımış komandalarının da formasını geyinib. O, Braziliya millisinin heyətində 22 matçda 2 qolla yadda qalıb.

Tanınmış futbolçu karyerasını bitirir

23-01-2025, 23:42

"Qarabağ" məğlub oldu: pley-off şansını itirdi

“Qarabağ” UEFA Avropa Liqasında növbəti oyununu keçirib.
Azərbaycan çempionu Liqa mərhələsinin VII turunda Rumıniyanın FKSB klubunu qəbul edib.
Tofiq Bəhramov adına Respublika Stadionunda oynanılan qarşılaşma rəqibin 3:2 hesablı qələbəsi ilə yekunlaşıb.
Ağdam klubunun heyətində birinci qolu 2-ci dəqiqədə Leandro Andrade vurub.
Qarşılaşmanın 41-ci dəqiqəsində rəqibin heyətində Coyskim Dava avtoqol müəllifi olub.
FKSB-nin qollarına Adrian Sut ( 2 qol) və David Mikulesku imza atıblar.
Matçı slovakiyalı hakim Filip Qlova idarə edib.
Aktivində 3 xalı olan "Qarabağ" pley-offa yüksəlmək şansını itirib. Komandanın yanvarın 31-də səfərdə Yunanıstan təmsilçisi "Olimpiakos"a qarşı keçirəcəyi matç formal xarakter daşıyacaq.

"Qarabağ" məğlub oldu: pley-off şansını itirdi

23-01-2025, 21:59

"Qarabağ"ın oyununda bərabərlik qolu

UEFA Avropa Liqasının Liqa mərhələsinin VII turunun "Qarabağ" - FCSB (Rumıniya) oyununda ikinci qol vurulub.
Tofiq Bəhramov adına Respublika stadionundakı matçda qonaq hesabı bərabərləşdiriblər - 1:1.
7-ci dəqiqədə Adrian Şut fərqlənib.

"Qarabağ"ın oyununda bərabərlik qolu

23-01-2025, 16:10

Azərbaycan Beynəlxalq Olimpiya Komitəsinə müraciət edib - SƏBƏB

Milli Olimpiya Komitəsi (MOK) Fransanın paytaxtı Parisdə keçirilmiş XXXIII Yay Olimpiya Oyunlarında yer tutan Azərbaycan idmançılarının medallarının keyfiyyətini itirməsi ilə bağlı Beynəlxalq Olimpiya Komitəsinə müraciət edib.
MOK-un yaydığı məlmatda bildiriblər ki, idmançıların müraciəti əsasında araşdırmalar aparılıb və nəticədə məlum olub ki, cüdo üzrə Olimpiya çempionu Hidayət Heydərov (73 kiloqram) və sərbəst güləş üzrə bürünc mükafatçı Maqomedxan Maqomedovdan (97 kiloqram) başqa, digər beş idmançının medallarında nəzərəçarpan dərəcədə dəyişiklik baş verib.
Məlum olub ki, cüdo üzrə Olimpiya çempionu Zelim Kotsoyevin (100 kiloqram) qızıl, taekvondoçu Qaşim Maqomedovun (58 kiloqram) və boksçu Alfonso Dominqesin (92 kiloqram) gümüş, yunan-Roma güləşçisi Həsrət Cəfərov (67 kiloqram) və sərbəst güləşçi Giorgi Meşvildişvilinin (125 kiloqram) bürünc medalları keyfiyyətini itirib.
Milli Olimpiya Komitəsi bu araşdırmaların nəticəsi olaraq Beynəlxalq Olimpiya Komitəsinə (BOK) rəsmi müraciət ünvanlayıb. BOK-dan bu müraciətlə bağlı cavab gəldikdən sonra medalların geri qaytarılması və yeniləri ilə əvəz olunması ilə bağlı növbəti addımlar atılacaq.

Azərbaycan Beynəlxalq Olimpiya Komitəsinə müraciət edib - SƏBƏB

19-01-2025, 16:50

Azərbaycan Premyer Liqasının dünya reytinqində yeri

Dünyanın ən güclü futbol liqalarının siyahısı müəyyənləşib.
Reytinq cədvəlini İFFHS açıqlayıb.
2024-cü il üçün tərtib olunan siyahıya planetin 100 ən yaxşı çempionatı daxil edilib. Azərbaycan Premyer Liqası da cədvəldə yer alıb.
Çempionatımızın əmsalı 434,25-ə bərabərdir. Premyer Liqamız dünyada 36-cıdır. Azərbaycan çempionatı əvvəlki illə müqayisədə 4 pillə irəliləyib.
Dünyanın ən güclü liqası isə İtaliya A seriyasıdır. Appenin liqası 1992 xala malikdir.
Siyahıda İspaniya La Liqası 2-cidir – 1885 xal. 1871 xala malik İngiltərə Premyer Liqası 3-cü sırada yer alıb.
Türkiyə Super Liqası 968 xalla 1 pillə irəliləyərək 11-cidir.

Azərbaycan Premyer Liqasının dünya reytinqində yeri

19-01-2025, 15:20

“Qarabağ” rekordunu təkrarladı

“Qarabağ” Azərbaycan Premyer Liqasının 2024/2025-ci illər mövsümündə 50 qol vuran ilk komanda olub.
Peşəkar Futbol Liqasından verilən məlumata görə, Ağdam klubunun yubiley topu XIX turun “Şamaxı” ilə ev matçına (3:2) təsadüf edib. 50-ci qol Cəlal Hüseynovun avtoqolu ilə gerçəkləşib.
Əlli qol üçün “Qarabağ”a 19 matç kifayət edib. Bu, son 21 mövsümün rekordunun təkrarıdır. Ağdam klubu 2 il əvvəl – 2022/2023-cü illər mövsümündə də 50-ci qolunu 19-cu oyununda vurub.
Ölkə çempionatları tarixində isə 10-cu dəfə bir komanda 50 qol səddinə 19 və ya daha az oyunda çatır. Mütləq rekord 1996/1997-ci illər mövsümündə qeydə alınıb. “Neftçi” 50-ci qolunu 13-cü turda vurub. “Kəpəz” 15-ci (1995/1996) və 16-cı (1998/1999) oyununda “100”ü yarılayıb.

“Qarabağ” rekordunu təkrarladı

16-01-2025, 18:55

Ukraynalı futbolçu Azərbaycan komandasında

“Şamaxı” klubu qış fasiləsində növbəti transferini reallaşdırıb.
Komanda müdafiəçi Vladislav Veremeyevi heyətinə qatıb.
Ukraynalı mərkəz müdafiəçisi ilə il yarımlıq müqavilə imzalanıb.
Qeyd edək ki, 26 yaşlı futbolçunun son klubu Latviyanın “Yelqava” olub.

Ukraynalı futbolçu Azərbaycan komandasında