İdman » Səhifə 108

12-10-2021, 12:01

Qətərdə keçiriləcək 2022-ci il Dünya çempionatının Avropa zonası üzrə seçmə mərhələsində bu gün növbəti qarşılaşmalar baş tutacaq.

Günün Bakı vaxtı ilə 18:00-da başlayacaq ilk qarşılaşmasında Qazaxıstan millisi Astanada Finlandiya millisini qonaq edəcək. Bu görüşdə qələbə hər iki komanda üçün qrup ikinciliyi şanslarını qorumaq üçün önəm daşıyır. Beş komandanın yer aldığı D qrupunda 3 xalla Qazaxıstan sonuncu, bir oyun az keçirən Finlandiya 5 xalla dördüncüdür.

Qrupun 22:45-də başlayan digər oyununda isə Ukrayna millisi Bosniyanı qonaq edəcək. Beş oyuna 6 xal toplayan qonaqlar qalib gələcəyi halda altı oyundan 8 xalı olan meydan sahiblərini geridə qoyacaq. Qrupa 12 xalla Fransa başçılıq edir.

Oktyabrın 12-də Azərbaycan millisi də A qrupunda növbəti görüşünü keçirəcək. 1 xalla qrup sonuncusu olan yığmamız səfərdə 14 xalla qrup lideri olan Serbiyanın qonağı olacaq. Qrupumuzda keçiriləcək digər oyunda Portuqaliya (13 xal) üçüncü pillənin sahibi Lüksemburq (6 xal) seçməsini qəbul edəcək. Beş komandalıq qrupda İrlandiya (5 xal) seçməsi bu gün oyun keçirməyəcək.

I qrupunda mübarizə aparan Albaniya və Polşa komandaları münasibətlərə Tiranadakı “Air Albania Stadium”da aydınlıq gətirəcəklər. 15 xalla qrup ikincisi olan Albaniya millisi 14 xala sahib rəqibi üzərində qələbə qazanmaqla həm də, Polşadakı 4:1 hesablı məğlubiyyətin əvəzini çıxmağa çalışacaq.

Qrupun digər oyununda İngiltərə və Macarıstan komandaları üz-üzə gələcək. 19 xalla cədvələ başçılıq edən İngiltərə üstünlüyünü bir qədər də möhkəmləndirmək, 10 xalı olan Macarıstan isə ikincilik şansını qorumaq üçün meydana çıxacaq. Autsayderlərin mübarizəsində isə hələlik xalı olmayan San Marino seçməsi doğma meydanda 3 xalı olan Andorranı qonaq edəcək.

Avropa futbolu C qrupunda da gərgin mübarizəyə səhnə olacaq. Beş komandalıq qrupda hərəyə 5 xal toplayan Bolqarıstan və Şimali İrlandiya milliləri üz-üzə gələcək. Qrupun digər oyununda 11 xalla ikinci pillədə qərarlaşan İsveçrə 3 xalla sonuncu olan Litva ilə qarşılaşacaq. Bu oyunda ev sahibi Litva komandası səfərdəki minimal hesablı məğlubiyyətin əvəzini çıxmağa çalışacaq. Qrupun lideri İtaliya millisi (14 xal) bu tur mübarizə aparmayacaq.

F qrupunda yeddi oyuna maksimal nəticə göstərən və rəqib qapılarından 26 cavabsız top keçirən Danimarka millisi 10 xalla dördüncü pillədə qərarlaşan Avstriyanı qonaq edəcək. Meydan sahibləri səfərdə 0:4 hesabı ilə qalib gəldikləri Avstriyanı evdə də məğlub etməklə uğurlu seriyanı davam etdirməyə çalışacaq.

Qrupun digər oyununda isə 14 xalı olan ikinci pillənin sahibi Şotlandiya 4 xalla beşinci yerdə qərarlaşan Farer adalarını qəbul edəcək. 10 xala sahib İsrail millisi doğma meydanda autsayder Moldovanı (1 xal) qonaq edəcək.

B qrupu turnir cədvəlində qonşu olan komandaları üz-üzə gətirəcək. Dördüncü (4 xal) Kosovo Gürcüstanı (1 xal), ikinci İsveç (12 xal) üçüncü (9 xal) Yunanıstanı qəbul edəcək. Beş komandalıq qrupda lider İspaniya (13 xal) bu tur meydana çıxmayacaq.

Butov.az

Millimiz səfərdə qrupun liderini büdrətməyə çalışacaq - AFİŞA

11-10-2021, 12:37

UEFA Millətlər Liqasında Fransa klubu qalib olub.

Butov.az xəbər verir ki, klub final mərhələsində Milan şəhərindəki "San Siro" stadionunda İspanya üzərində 2:1 hesablı qələbəsi ilə qalib olub.

Qeyd edək ki, UEFA Millətlər Liqası bu il ikinci dəfədir keçirilib. İlk dəfə -2019-cu ildə Portuqaliya qalib olub.

UEFA Millətlər Liqasının qalibi Fransa oldu

10-10-2021, 04:16

Stiven Kenni: Azərbaycan millisi çox təhlükəli rəqibdir

8-10-2021, 06:25

“Dördlər finalı”: Fransa millisi Belçikanı məğlub edib

7-10-2021, 17:12

Karate üzrə Olimpiadanın gümüş mükafatçısı, 5 qat dünya və 11 qat Avropa çempionu Rafael Ağayev ağır zədə alıb.

Butov.az xəbər verir ki, təcrübəli idmançının ayağı sınıb.

Təcrübəli idmançının fərdi məşq zamanı sol ayağı burxularaq ciddi zədələnib.

Buna görə də Ağayev 16-21 noyabrda Birləşmiş Ərəb Əmirliklərinin Dubay şəhərində keçiriləcək dünya çempionatında iştirak edə bilməyəcək.

Rafael Ağayevin ayağı sındı: Dünya çempionatında iştirak etməyəcək - VİDEO

6-10-2021, 13:37

Azərbaycanın 17 yaşadək futbolçulardan ibarət milli komandasının bu gün Norveç yığması ilə keçirməli olduğu Avropa çempionatının seçmə oyunu qeyri-müəyyən müddətə təxirə salınıb.

AFFA-dan Butov.az-a verilən məlumata görə, Belçikanın daxili qanunları nəzərə alınaraq, bu gün Azərbaycan millisinin üzvlərindən COVID-19 testi götürüləcək.
Qeyd edək ki, 17 yaşadək futbolçulardan ibarət komandalar arasında Avropa çempionatının seçmə mərhələsində çıxış etmək üçün hazırda Belçikada səfərdə olan Azərbaycan milli komandasının 3 futbolçusunun - Həmzəalı Mikayılov (müdafiəçi, “Sabah”), Adəm Topalov (yarımmüdafiəçi, “Səbail”) və İbrahim Ağayarov (yarımmüdafiəçi, “Qarabağ”) - COVID-19 testi pozitiv nəticələnib.

Azərbaycan - Norveç oyunu təxirə salınıb

6-10-2021, 11:29

Sabiq UFC çempionu Həbib Nurməhəmmədovla portuqaliyalı ulduz futbolçu Kriştianu Ronaldu görüşüb.

Butov.az xəbər verir ki, H.Nurməhəmmədov yaxın dostu Kriştianu Ronaldunu ziyarət etmək üçün Mançesterə yollanıb. İki əfsanəvi idmançının baxış dueli sosial şəbəkələrdə izləyicilərin marağına səbəb olub. Nurməmmədov “O, indiyə qədər olanların ən yaxşısıdır. İşini davam etdir, Çempion. Siz bütün dünyada milyonlarla insana ilham verirsiniz”, şərhini yazıb.

Ronaldu ilə Nurməhəmmədovun baxış dueli - VİDEO

5-10-2021, 15:25

Braziliyanın "SK San-Paulu" klubunun futbolçusu Uilyam Ribeyro hakim Rodriqo Krivellaronu döyüb.

Butov.az xəbər verir ki, 30 yaşlı oyunçu "Quarani" ilə olan görüşün 61-ci dəqiqəsində hakimə yumruqla vurub, sonra isə boynuna təpiklə zərbə endirib. Huşunu itirən hakim xəstəxanaya aparılıb və görüş dayandırlıb.

Bu səbədən polis futbolçunu həbs edib. O, cərimə ödəməli olacaq.

Futbolçu hakimi döydü - VİDEO

4-10-2021, 13:44

Metbuat.az xəbər verir ki, matç "Qalatasaray"ın 3:2 hesablı qələbəsi ilə bitib.

Belə ki, 5-ci dəqiqədə Məhəmməd Mustafa, 75-ci dəqiqədə Məhəmməd Mustafa, 90+11-ci dəqiqədə Olimpiu Morutanın qolu ilə "Qalatasaray" meydandan qələbə ilə ayrılıb.

Butov.az

Türkiyə Super Liqasının VIII turunda "Qalatasaray" "Rizəspor"un qonağı olub.

1-10-2021, 11:31

Avropa Liqasında qrup mərhələsinin II turunda Türkiyənin “Qalatasaray” klubu qrupda ilk səfər sınağına çıxıb.

Butov.az xəbər verir ki, İstanbul təmsilçisi Fransada “Marsel”in qonağı olub. Matç "Qalatasaray"ın 0:0 hesabı ilə bitib.
Bununla da, “Qalatasaray” 4 xalla turnir cədvəlinin zirvəsindəki yerini qoruyub. Qrupunun digər klubları - “Latsio”nun 3, “Marsel”in 2, “Lokomotiv”in 1 xalı var.