13-10-2022, 14:22
“Bavariya” Çempionlar Liqasında rekorda imza atdı
Almaniyanın “Bavariya” klubu UEFA Çempionlar Liqasının qrup mərhələsinin oyunlarında ən uzun məğlubiyyətsizlik seriyasına görə turnirin rekorduna imza atıb. Butov.az xəbər verir ki, Almaniya klubu Çempionlar Liqasının qrup mərhələsində ardıcıl 11 oyunda qalib gəlib. Əvvəllər turnirdə iştirak edən komandaların heç biri belə nailiyyət əldə edə bilməyib. Belə ki, oktyabrın 12-də Çempionlar Liqasının qrup mərhələsinin dördüncü turunun oyununda “Bavariya” Çexiyanın “Viktoriya Plzen” klubunu 4:2 hesabı ilə məğlub edib. Yulian Nagelsmanın komandasının heyətində Leon Goretska dubla, Sadio Mane və Tomas Müller hərəyə bir qola imza atıblar. Qeyd edək ki, “Bavariya” 4 oyundan sonra 12 xalla C qrupunun turnir cədvəlinə başçılıq edir. O, beşinci turda “Barselona” ilə qarşılaşacaq.
13-10-2022, 14:11
Çempionlar Liqasının 1/8 finalçıları
UEFA Çempionlar Liqasının qrup mərhələsində 4-cü tura yekun vurulub. Butov.az xəbər verir ki, A,B,C və D qruplarında ümumilikdə 8 qarşılaşma baş tutub. A qrupunda “Napoli” İtaliyada “Ayaks”ı qəbul edib. Altı qolluq qarşılaşmadan inamlı qələbə ilə ayrılan Neapol təmsilçisi pley-offa vəsiqəni rəsmiləşdirib. “Liverpul” isə Şotlandiyada “Reyncers”in qonağı olub və darmadağına sevinib. B qrupunda Madrid “Atletiko”su “Brügge” ilə üz-üzə gəlib. Bu oyunda qapılara qol vurulmayıb. Digər görüşdə “Bayer” “Portu”nu qəbul edib. Qonaqlar bu oyundan inamlı qələbə ilə ayrılıblar. Bu nəticələrdən sonra “Brügge” də 1/8 finala vəsiqəni təmin edib. Günün maraqla gözlənilən matçı C qrupunda “İnter”lə “Barselona” arasında olub. Altı qolun qeydə alındığı bu matçda qalib müəyyənləşməyib. Qrupun autsayderi “Viktoriya” (Plzen) isə “Bayern”lə görüşüb. Münhenlilər səfərdən inamlı qələbə ilə dönüblər. Nəticədə Almaniya çempionu 1/8 finala vəsiqə qazanıb. D qrupunda “Tottenhem” “Ayntraxt”ı, “Sportinq” isə Marsel “Olimpik”ini qəbul edib. İngiltərə klubu evdə, Fransa təmsilçisi isə səfərdə qələbə qazanıb.
UEFA Çempionlar Liqası
Qrup mərhələsi, 4-cü tur
12 oktyabr
A qrupu
Napoli (İtaliya) – Ayaks (Niderland) 4:2
Qol: Lozano, 4. Raspadori, 16. Kvaratsxeliya, 62-pen. Osimhen, 90 – Klaassen, 49. Berqveyn, 83.
Reyncers (Şotlandiya) – Liverpul (İngiltərə) 1:7
Qol: Arfild, 17 – Firmino, 24; 55. D.Nunes, 66. Salah, 76; 80; 81. Elliot, 87.
Xal: Napoli – 12. Liverpul – 9. Ayaks – 3. Reyncers – 0.
B qrupu
Atletiko (Madrid, İspaniya) – Brügge (Belçika) 0:0Bayer (Almaniya) – Portu (Portuqaliya) 0:3
Qol: Qaleno, 6. Taremi, 53-pen; 64-pen.
Xal: Brügge – 10. Portu – 6. Atletiko – 4. Bayer – 3.
C qrupu
Viktoriya (Plzen, Çexiya) – Bayern (Almaniya) 2:4
Qol: Vikanova, 62. Kliment, 75 – Mane, 10. Müller, 14. Qoretska, 25; 35.
Barselona (İspaniya) – İnter (İtaliya) 3:3
Qol: Dembele, 40. Levandovski, 82; 90+2 – Barella, 50. L.Martines, 63. Qozens, 89.
Xal: Bayern – 12. İnter – 7. Barselona – 4. Viktoriya – 0.
D qrupu
Tottenhem (İngiltərə) – Ayntraxt (Almaniya) 3:2
Qol: Son, 20; 36. Keyn, 28-pen – Kamada, 14. Alidu, 87.
Sportinq (Portuqaliya) – Olimpik (Marsel, Fransa) 0:2
Qol: Genduzi, 20-pen. A.Sançes, 30.
Xal: Tottenhem – 7. Olimpik – 6. Sportinq – 6. Ayntraxt – 4.
11-10-2022, 16:19
Avropa çempionatında ölkəmizi onlar təmsil edəcək
Oktyabrın 14-də Monteneqronun Budva şəhərində qadın boksçular arasında Avropa çempionatı start götürəcək. Boks Federasiyasından verilən məlumata görə, 9 gün davam edəcək yarışda Azərbaycan milli komandası da mübarizə aparacaq. Yığma baş məşqçi Yadigar Məmmədov və məşqçi İlkin Ağayevin rəhbərliyi altında çempionatda 5 boksçu ilə təmsil olunacaq. Budvada ölkəmizin idman şərəfini Günel Rəhimova (48 kq), Anaxanım İsmayılova (51 kq), Zeynəb Rəhimova (57 kq), Şəhla Allahverdiyeva (66 kq) və Aynur Rzayeva (80 kq) qoruyacaq. Bu gün səfərə yollanan komanda oktyabrın 23-də Bakıya qayıdacaq. Qeyd edək ki, Avropa çempionatının püşkü oktyabrın 13-də atılacaq.
11-10-2022, 16:16
"Qarabağ" - "Olimpiakos" matçını ingilislər idarə edəcək
Bakıda "Qarabağ" və Yunanıstanın "Olimpiakos"u arasında keçiriləcək UEFA Avropa Liqasının qrup mərhələsinin IV tur oyunu üçün təyinatlar açıqlanıb. Butov.az xəbər verir ki, qarşılaşma İngiltərədən olan hakimlər briqadasına tapşırılıb. Baş hakim Craig Pavsona Lee Betts və İan Hussin laynsmanlar qismində köməklik göstərəcək. Dördüncü hakim funksiyasını John Brooks yerinə yetirəcək. Darren Jon Herbert VAR hakimi, Peter Bankes isə onun köməkçisi olacaq. Hakim-inspektor norveçli Jon Skjervold, UEFA nümayəndəsi Bosniya və Herseqovinadan olan Milan Jankoviçdir. Qeyd edək ki, oktyabrın 13-də Tofiq Bəhramov adına Respublika stadionunda oynanılacaq "Qarabağ" - "Olimpiakos" matçı saat 20:45-də başlayacaq. "Köhlən atlar" III turda Afinadakı görüşdə rəqibini 3 cavabsız qolla məğlub edib.
10-10-2022, 15:38
"Qarabağ"ın dünya reytinqindəki mövqeyi
Beynəlxalq Futbol Tarixi və Statistikaları Federasiyası (IFFHS) klubların yeni dünya reytinqini açıqlayıb. Butov.az xəbər verir ki, 305 komandanın olduğu siyahıda Azərbaycan təmsilçilərindən yalnız "Qarabağ" yer alıb. Aktivində 130,5 xal olan "köhlən atlar"ın mövqeyi dəyişməz qalıb. Ölkə çempionu 91-ci pillədə qərarlaşıb. İlk "3-lük"də 308 xalla "Palmeyras", 301 xalla "Flamenqo" (hər ikisi Braziliya) və 280 xalla "Liverpul" (İngiltərə) qərarlaşıb.
8-10-2022, 15:40
“Qarabağ” Avropada 2 pillə irəlilədi
Avrokubokların qrup mərhələsinin üçüncü turundan sonra top komandalarının reytinqi açıqlanıb. Butov.az-ın məlumatına görə, cədvəldə Avropanın 438 ən güclü klubu yer alıb. Azərbaycan siyahıda üç klubla təmsil olunub. Ən yaxşı təmsilçimiz “Qarabağ”dır. Qurban Qurbanovun yetirmələri 211 xala malikdir. Avropa Liqasında “Olimpiakos”a 3:0 hesabı ilə qalib gələn təmsilçimiz xal hesabını 4 vahid artırıb. Ötən siyahıda 79-cu olan Ağdam klubu iki pillə irəliləyib. “Qarabağ” hazırda Avropanın 77-cisidir.
Digər klublarımız “100-lük”dən uzaq qərarlaşıb. “Neftçi” 33 xalla qitədə 223-cü, “Qəbələ” 5 xala 380-cidir. Qeyd edək ki, siyahıya 2297 xala malik “Real” başçılıq edir.
7-10-2022, 18:05
“Azarkeşlərin oyunçulara böyük təzyiqi var idi” - Qurban Qurbanov
"Televiziya qarşısında fərqli görünə bilərdi, amma canlı tam başqa idi. Azarkeşlərin oyunçulara böyük təzyiqi var idi. Gərginlik həddindən artıq hiss olunurdu". Bunu "Qarabağ" klubunun baş məşqçisi Qurban Qurbanov Yunanıstanda "Olimpiakos"a 3:0 hesabı ilə qalib gəldikləri UEFA Avropa Liqasının qrup mərhələsinin III oyunundan sonra Heydər Əliyev Beynəlxalq Aeroportunda jurnalistlərə açıqlamasında deyib. 50 yaşlı mütəxəssis təzyiqlərə baxmayaraq, oyunçuların çox peşəkar və soyuqqanlı olduğunu bildirib: "Matçın sonlarınadək özlərini düzgün idarə edə bildilər. Bu, çox önəmli idi. İlk və ikinci hissədəki gərginliklər tamam fərqli idi. Hesabda öndə olanda bəzən futbolçu hansısa epizodlarda ehtiyatlı davranmaq istəyir". Q.Qurbanov vacib qarşılaşmada dəyərli üç xal qazandıqlarını söyləyib: "Yaxşı oyun sərgilədik və futbolçulardan çox razı qaldım. Rəqibin xalı yox idi və qalib gəlməyi çox istəyirdilər. Evdə oynayan komanda ilk dəqiqələrdən daha sürətli oynaya və təzyiq göstərə bilər. İkinci yarıda rəqibdə boşluqlar daha çox oldu və bundan yaxşı istifadə edə bildik".
7-10-2022, 17:50
“Qarabağ” səfərdə “Olimpiakos”u darmadağın etdi
“Qarabağ” klubu UEFA Avropa Liqasının qrup mərhələsində növbəti qələbəsini qazanıb. Butov.az xəbər verir ki, Ağdam təmsilçisi G qrupunun üçüncü turu çərçivəsində Yunanıstanda “Olimpiakos” komandasının qonağı olub. Georgios Karaiskakis stadionunda oynanılan qarşılaşmada “Qarabağ” komandası 3:0 hesablı qələbə qazanıb. Bosniya və Herseqovinadan olan FIFA referisi İrfan Peltonun idarə etdiyi oyunda Ağdam təmsilçisinin heyətində Kvabena Ovusu, Marko Veşoviç və Ramil Şeydayev fərqləniblər.
6-10-2022, 22:57
UEFA Azərbaycanın 7 klubuna pul ayırdı
UEFA Azərbaycan Premyer Liqasında çıxış edən 7 kluba ümumilikdə 519578 avro ödəniş edib. Butov.az xəbər verir ki, məbləğlər 2020/2021 mövsümündə həmin komandaların oyunçularının Millətlər Liqası turnirindəki iştirakına görə verilib. Avropa futbol qurumundan ayrılmış müvafiq maliyyə vəsaiti AFFA-nın vasitəçiliyi ilə klubların hesabına köçürülüb."Qarabağ"a 157337 avro, "Sabah"a 106111 avro, "Sumqayıt"a 98793 avro, "Şamaxı"ya 73180 avro, "Neftçi"yə 58544 avro, "Zirə"yə 21954 avro, "Səbail"ə isə 3659 avro ödənilib.
6-10-2022, 22:32
Messi rekordunu yenilədi
“Pari Sen-Jermen” futbol klubunun argentinalı hücumçusu Lionel Messi Lissabonun "Benfika" komandasına qarşı oyunda (1:1) qol vuraraq Çempionlar Liqasının rekordunu yeniləyib. Bu barədə "Opta" portalı bildirib. Portuqaliya klubu Çempionlar Liqasında Messinin qapısına qol vurduğu qırxıncı komanda olub. Bundan əvvəlki nailiyyət - 39 klub da argentinalıya məxsus idi. Bu göstəriciyə görə ikinci yerdə “Mançester Yunayted”in hücumçusu Kriştiano Ronaldo gəlir. O, turnirdə 38 fərqli komandaya qol vurub."Benfika"ya vurduğu qolla Messi Çempionlar Liqasının 18 mövsümündə rəqib qapısına top göndərən yeganə oyunçu olmaqla növbəti rekorda imza atıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!