28-01-2022, 12:09
Azərbaycanın karate üzrə 5 qat dünya və 11 qat Avropa çempionu Rafael Ağayevin peşəkarların mübarizə apardığı “Karate Combat”da rəqibi müəyyənləşib.
“Report” xəbər verir ki, bu, Macarıstan təmsilçisi Jolt Habdadır.
Döyüş bu gün Budapeştdə keçiriləcək.
Bu barədə görüş öncəsi mətbuat konfransında açıqlama verilib. Tədbirdə sualları cavablandıran Ağayev 30 ildir idmanla məşğul olduğunu xatırladıb.
O, “Karate Combat”a keçidini kiçik yaşlarından küçədə çox dalaşması ilə əlaqələndirib: “Əlbəttə, Karate Combat” mənim üçün böyük addımdır. Artıq 30 ildir idmandayam. Kiçik yaşlarımdan küçədə çox dalaşdığımdan, döyüşməyi çox sevirəm. Gələcəkdə harada olacağam? Hələlik burdayam. Çox şanslıyam ki, “Karate Combat”dayam”.
Qeyd edək ki, Rafael Ağayevin 37, Jolt Habdanın 25 yaşı var. Habda karate ilə 1999-cu ildən məşğul olur.
Bütöv.az
28-01-2022, 11:34
Bu gün “Azərxalça” ASC-nin İdarə Heyətinin sabiq sədri, ev dustaqlığında vəfat edən Vidadi Muradova hökm oxunub və cinayət işinə bəraətverici əsaslar olmadan xitam verilib.
“Report”un məlumatına görə, bu barədə hökm Bakı Ağır Cinayətlər Məhkəməsində elan olunub.
Hökmə əsasən, V.Muradov barəsində irəli sürülmüş maddələrlə təqsirli bilinib.
Hökmdə qeyd olunub ki, cinayət işi üzrə zərərçəkmiş qismində tanınmış İqtisadiyyat Nazirliyinin Dövlət Vergi Xidməti tərəfindən qaldırılmış 640 922 manat məbləğində mülki iddia təmin edilməli, həmin məbləğ dövlət büdcəsinə köçürülməlidir.
Xatırladaq ki, V.Muradov 2021-ci il noyabrın 4-ü gecə saatlarında onkoloji xəstəlikdən dünyasını dəyişib.
Rəsmi məlumata görə, Muradov Vidadi Aydın oğlunun qanunsuz əməlləri ilə əlaqədar Baş Prokurorluğa daxil olmuş materiallar əsasında aparılmış araşdırma nəticəsində Cinayət Məcəlləsinin müvafiq maddələri ilə cinayət işi başlanıb.
Aparılan istintaq tədbirləri ilə V.Muradovun qeyd olunan vəzifədə işləyərkən 9 dekabr 2016-cı il tarixdən 31 dekabr 2019-cu il tarixədək olan müddətdə digər şəxslərlə qabaqcadan əlbir olaraq “Azərxalça” ASC-yə məxsus xalça istehsalı üçün nəzərdə tutulan ipin formal müqavilələrin bağlanması yolu ilə alqı-satqısı məqsədilə bir neçə hüquqi şəxsə məxsus bank hesablarına ümumilikdə 3 milyon 435 min manat məbləğdə pul vəsaitinin köçürülməsinə və həmin məbləğin 1 milyon 149 min manat olan hissəsinin nağdlaşdırılmaqla mənimsəməsinə, hərəkətləri ilə cəmiyyətin qanunla qorunan əmlak və sair hüquqlarına, habelə qanuni mənafelərinə mühüm zərər vurmaqla vəzifə səlahiyyətlərindən sui-istifadə etməsinə, eləcə də rəsmi sənədlərə bilə-bilə yalan məlumatları daxil etməklə vəzifə saxtakarlığı törətməsinə əsaslı şübhələr yaranıb.
Bundan başqa, V.Muradovun 20 dekabr 2017-ci il tarixdən 18 fevral 2019-cu il tarixədək olan müddətdə cəmiyyətə məxsus müxtəlif ölçülü xalçaları təsisçisi olduğu “Azər-İlmə” MMC-yə ucuz qiymətə satılmasına nail olmaqla 339 427 manat məbləğində əmlakı mənimsəyərək “Azərxalça” ASC-nin qanuni mənafelərinə təkrarən mühüm zərər vurmaqla vəzifə səlahiyyətlərindən sui-istifadə etməsinə əsaslı şübhələr yaranıb.
Habelə V.Muradovun 28 mart 2019-cu il tarixdə xarici bazarlarda 800 min ABŞ dolları, həmin dövrün rəsmi məzənnəsi ilə 1 milyon 360 min manat təşkil edən yun təmizləmə xəttinin alınmasının mümkün olmasına və həmin alqı-satqının rəhbəri olduğu Cəmiyyət üçün maddi baxımdan daha səmərəli olmasına baxmayaraq, istintaqla şəxsiyyətləri araşdırılan qeyriləri ilə qabaqcadan əlbir olaraq “Azərxalça” ASC-yə məxsus olan əmlakı israf etməklə talamaq məqsədilə Cəmiyyət üçün maddi cəhətdən daha ağır şərtlərlə, Almaniya Federativ Respublikası ərazisində fəaliyyət göstərən şirkətlərdən biri ilə dəyəri 5 milyon 314 min avro (və ya 10 milyon 167 min manat) təşkil edən podrat müqaviləsini bağlayıb, müqavilənin tərkib hissəsi kimi yun təmizləmə xəttinin alınması üçün 1 milyon 800 min avro (və ya 3 milyon 444 min manat) məbləğində pulun “Azərxalça” ASC-nin bank hesabından şirkətin bank hesabına ödənilməsinə nail olmaqla, “Azərxalça” ASC-yə məxsus cəmi 2 milyon 84 min manat məbləğində əmlakı israf etməsinə, həmin hərəkətləri ilə təkrarən vəzifə səlahiyyətlərindən sui-istifadə etməsinə əsaslı şübhələr yaranıb.
9 yanvar 2021-ci il tarixdə V.Muradova CM-nin 179.4 (mənimsəmə xüsusilə külli miqdarda ziyan vurmaqla törədildikdə), 308.2 (vəzifə səlahiyyətlərindən sui-istifadə ağır nəticələrə səbəb olduqda) və 313-cü (vəzifə saxtakarlığı) maddələri ilə ittiham elan edilib, rayon məhkəməsinin qərarı ilə barəsində həbs-qətimkan tədbiri seçilib.
Bütöv.az
28-01-2022, 11:28
Dünya bazarında neft qiymətlərində artım müşahidə olunur.
WTI markalı neftin mart fyuçersləri 0,83 % bahalaşaraq bir bareli 87,33 ABŞ dolları olub.
“Brent” markalı neftin mart fyuçersləri 0,69 % bahalaşaraq bir bareli 89,96 ABŞ dolları təşkil edib.
Mənbə: Bloomberg
Bütöv.az
28-01-2022, 11:26
Ağstafa rayonunun Aşağı Kəsəmən kənd tam orta məktəbinin direktoru Mətanət Məmmədova müəllimdən rüşvət istədiyini sübut edən səs yazısı ilə bağlı açıqlama yayıb.
Direktorun "AzPolitika.info"-nun elektron poçtuna daxil olan açıqlamada deyilir: "Məktəb direktoru olaraq rüşvət istəməyimlə bağlı yayılan səs yazısını qeyri-etik hal hesab edirəm, neçə illərdən bəri pedaqoji fəaliyyətimə olan hörmətsizlik kimi dəyərləndirirəm.
Məktəbin müəllimi Vüsalə Məmmədovanın (dediyinə görə kimsə şərti adla paylaşım edib) “Facebook”da etdiyi paylaşım qanunsuzdur və heç bir halda qanunauyğun fəaliyyət hesab edilmir.
Bu səs yazısı sırf böhtandır və mənə qarşı şantajdır. Cinayət Məcəlləsinin 155 və156-cı maddəsinin tələblərini pozaraq ictimai rəydə mənimlə bağlı mənfi rəy formalaşdırmaqdır.
Bir məktəb direktoru kimi rəhbərlik etdiyim pedaqoji kollektivə, hər tədris ilinin sonunda yetirmələrinin sədasının nüfuzlu ali məktəblərdən gəlməsində əməyi olan müəllimlərimizə yanlış münasibətdir. Neçə illik təcrübəsi olan bir direktora ədalətsizlikdir, onun ali təhsili olmayan bir müəllim tərəfindən məruz qaldığı şantajdır, qərəzdir”.
Xatırladaq ki, Təhsil Nazirliyi müəllimi təhdid edən və ondan rüşvət tələb edən direktoru hələ də cəzalandırmayıb.
Bütöv.az
28-01-2022, 11:06
Azərbaycan Respublikasının Prezidenti İlham Əliyev yanvarın 28-də Ümumdünya Gömrük Təşkilatının Baş katibi Kunio Makuriyanı videoformatda qəbul edib.
Bununla bağlı Bütöv.az məlumat yayıb.
27-01-2022, 21:47
Azərbaycanda son sutkada koronavirus (COVID-19) əleyhinə vurulan peyvəndlərin sayı açıqlanıb.
Nazirlər Kabineti yanında Operativ Qərargahdan verilən məlumata görə, bir gündə 29 515 vaksin vurulub.
Birinci mərhələ üzrə vaksinasiya olunanların sayı 2 565, ikinci mərhələ üzrə vaksinasiya olunanların sayı 2 201, buster doza üzrə vaksinasiya olunanların sayı isə 24 749 nəfərdir.
Vurulan vaksinlərin ümumi sayı 11 905 588, birinci mərhələ üzrə vaksinasiya olunanların ümumi sayı 5 222 566, ikinci mərhələ üzrə vaksinasiya olunanların sayı 4 736 905, buster doza üzrə vaksinasiya olunanların sayı isə 1 946 117 təşkil edir.
Bütöv.az
27-01-2022, 21:43
Daxili İşlər Nazirliyi Baş Mütəşəkkil Cinayətkarlıqla Mübarizə İdarəsinin əməkdaşları tərəfindən qanunsuz olaraq odlu silah-sursat, eləcə də narkotik vasitələr satmaq istəyən şəxslərə qarşı əməliyyatlar həyata keçirilib.
Bu barədə Daxili İşlər Nazirliyinin (DİN) Mətbuat Xidməti məlumat yayıb.
Bildirilib ki, narkotik vasitələrin ölkə ərazisinə qaçaqmalçılıq yolu ilə gətirilməsini təşkil edən İlqar Əliyev və tanışı Xeyrulla Nəsrullayev Qaradağ rayonunda saxlanılıblar.
Onların üzərindən 5 büküm ümumi çəkisi 10 kiloqram 149 qram yüksək təsiredici narkotik maddə heroin aşkar olunub. Bu şəxslər narkotik vasitələri satmaq məqsədi ilə ölkə ərazisinə gətirdiklərini bildiriblər.
Baş İdarə əməkdaşları tərəfindən keçirilən daha bir tədbir zamanı Füzuli rayon sakinləri İlqar Cəfərzadə və Sərxan Heydərov saxlanılıblar.
Onlar birgə 1 ədəd PKM modelli “Kalaşnikov” konstruksiyalı pulemyot silahı satarkən Beyləqan rayonu ərazisində tutularaq Baş İdarəyə gətiriliblər.
Qeyd olunan faktlarla əlaqədar saxlanılanların hər biri barəsində Baş İdarənin İstintaq və Təhqiqat İdarəsində Cinayət Məcəlləsinin müvafiq maddələri ilə cinayət işləri başlanılıb. Adları sadalanan şəxslər barəsində həbs qətimkan tədbirləri seçilib.
Saxlanılanların cinayət əlaqələrinin aşkar edilməsi istiqamətində əməliyyat tədbirləri davam etdirilir.
Bütöv.az
27-01-2022, 21:21
Portuqaliyanın Almada şəhərində keçiriləcək cüdo üzrə Qran Pri yarışı öncəsi millimiz pis vəziyyətlə üzləşib.
Bütöv.az Portuqaliyanın məşhur idman qəzeti olan “A Bola”ya istinadən xəbər verir ki, Azərbaycan yığmasında koronavirusa kütləvi yoluxma halı aşkarlanıb.
Məlumatda Azərbaycan nümayəndə heyətinin 5 üzvündə infeksiya aşkarlandığı, 9 nəfərin isə peyvənd olunmadığı bildirilir.
Azərbaycan Cüdo Federasiyası bununla bağlı yaxın dəqiqələrdə məlumat yayacağını bəyan edib.
Qeyd edək ki, 28-30 yanvar tarixlərində keçiriləcək yarışda Uşanqi Kokauri istisna olmaqla, cüdo millimizin ehtiyat heyəti yarışa yollanıb. Həmin 13 idmançı kişilərdə Balabəy Ağayev, Rövşən Əliyev (hər ikisi -60 kq), Yaşar Nəcəfov (-66 kq), Zaməddin Poladov (-73 kq), Zelim Skayev (-81 kq), Rüfət İsmayılov (-90 kq), Adil Kərimli (-100 kq), İmran Yusifov, Uşanqi Kokauri (hər ikisi +100 kq), qadınlarda Aydan Vəliyeva, Şəfəq Həmidova (hər ikisi -48 kq) və Səbinə Əliyevadır (-52 kq).
27-01-2022, 21:06
Azərbaycan Respublikasının Səhiyyə naziri Teymur Musayevə çox böyük etimad göstərilib.
Nazir olmaq üçün seçilən namizədlərin, o cümlədən Azərbaycan Tibb Universitetinin rektoru Gəray Gəraybəylinin adının olduğu şəxslərin sırasında Teymur Musayevin üzərində dayanılıb.
Xalqxeber.az ın xəbərinə görə, Faktinfo.az saytına verilən məlumatda bildirilir ki, Teymur Musayevin nazir təyin olunmasında başlıca səbəb kimi, onun nazir səlahiyyətlərini icra etdiyi müddət ərzində nazirliyin balansında olan səhiyyə müəssissələrində nizam-intizam yarada bilməsi, şəffaflığı müəyyən mənada təmin etməsi, TƏBİB-lə müqayisədə cəmiyyətdə səhiyyə nazirliyinə olan etimadın mümkünləşdirə bilməsi başlıca rol oynayıb.
Sayta verilən məlumatda o da vurğulanır ki, Səhiyyə naziri Teymur Musayevin mükəmməl kadr islahatı, səhiyyə sisteminin inkişafı üçün verə biləcəyi rəy və təkliflər, ümumi müsbət dinamika qarşıdakı 2 il müddətində TƏBİB-in idarəetməsinə verilmiş səhiyyə müəssissələrinin nazirliyin tabeçiliyinə qaytarılmasını mümkünləşdirə bilər.
Qeyd edək ki, Səhiyyə Nazirliyinin ləğv olunacağı, səlahiyyətlərinin TƏBİB və Əmək və Əhalinin Sosial Müdafiə nazirliyinə veriləcəyi ilə bağlı fikirlər də mövcud idi.
Xatırladaq ki, bir müddət əvvəl Faktinfo.az saytı səhiyyə naziri olacaq şəxslərdən daha şanslı namizəd kimi qiymətləndirilmədə Teymur Musayevə üstünlük verildiyinə dair xəbər vermişdir.
Bütöv.az
27-01-2022, 12:59
Bu həftə ərzində 8 114 nəfər koronavirusa yoluxub
Kliniki Tibbi Mərkəzin Mətbuat xidmətindən Bütöv.az-a verilən məlumata görə, onlardan 53-ü dünyasını dəyişib.
Qeyd edək ki, Mərkəzin yaydığı son məlumatlara görə, Azərbaycanda koronavirusun yeni ştamı yoluxma sayında artım müşahidə edilir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!