5-11-2021, 12:03
“Azərbaycan hər zaman danışıqlar prosesinə sadiq qaldı. Mümkün olan bütün çevikliyi göstərdi ki, məsələ sülh yolu ilə həllini tapsın”.
“Report” xəbər verir ki, bunu Azərbaycanın xarici işlər naziri Ceyhun Bayramov ADA Universitetində keçirilən “44 Günlük Zəfər Yolu” mövzusunda konfransında çıxışı zamanı deyib.
Onun sözlərinə görə, Ermənistanın danışıqlar prosesində təzyiq göstərmək cəhdləri olurdu: “Danışıqlar prosesini uzatmaq, ləngitmək cəhdləri görülürdü. Növbəti mərhələdə siyasi təxribat yolları seçildi. Açıq şəkildə siyasi təxribatlara əl atıldı. Ardınca hərbi təxribatlar olurdu. Bütün faktları göstərib vəziyyətin çox təhlükəli hal aldığı ilə bağlı çağırışlar etdik. Təəssüf ki, Ermənistan heç bir nəticə çıxarmadı və sentyabrın 27-də onların təxribatları geniş müstəviyə keçdi və biz əks-hücum əməliyyatına başladıq. Vətən müharibəsi başladı. Azərbaycan əsgəri dövlətin sərhədlərini bərpa etdi”.
Nazir vurğulayıb ki, Ermənistan və onun havadarları Azərbaycana qarşı iyrənc ittihamlar irəli sürürdü: “Təbii ki, onların bu cəhdləri alınmadı. Təhlillər aparılıb və bizim gəldiyimiz nəticədən fərqli nəticəyə gəlinərsə, ortaya fakt qoysunlar. Təəssüf ki, qurban verilmədən qələbəyə nail olmaq olmazdı. Vətən müharibəsində itki sayımız müasir dünya tarixində ən aşağı rəqəmdir. Bu, ordumuzun peşəkarlığı deməkdir. Heç bir mülki şəxs döyüşə cəlb edilmədi”.
Bütöv.az
5-11-2021, 11:51
Bu gün Bakıda cüdo üzrə ənənəvi keçirilən “Böyük Dəbilqə” turnirinə start veriləcək.
Bütöv.az-ın xəbərinə görə, saat 12:00-dan etibarən Heydər Əliyev adına İdman-Konsert Kompleksində baş tutacaq yarışda bu gün 13 idmançımız mübarizə aparacaq.
Bu gün tanınmış idmançılarımızdan Avropa çempionu Orxan Səfərov tatamiyə çıxacaq.
Kişilər
-60 kq
1/8 final Balabəy Ağayev – Damir Meremov (Rusiya)
1/8 final Rövşən Əliyev – Dilşad Xalmatov (Ukrayna)
1/8 final Əhməd Yusifov – Ariunbold Enxtayvan (Monqolustan)
1/8 final Turan Bayramov – Hayato Kondo (Yaponiya)
-66 kq
1/16 final İbrahim Əliyev – Yuci Aida (Yaponiya)
1/16 final Tofiq Məmmədov – Danilo Xlopetski (Ukrayna)
1/8 final İsmayıl İbrahimov – Baqrat Niniaşvili (Gürcüstan)
1/8 final Orxan Səfərov – Baybol Uulu Salamat (Qırğızıstan)
Qadınlar
-48 kq
1/8 final Şəfəq Həmidova – Rafaela Batista (Braziliya)
1/4 final Aişə Qurbanlı – Katarina Tanser (Avstriya)
-52 kq
1/8 final Zeynəb Məmmədova – Anika Vurfel (Almaniya)
1/8 final Ülviyyə Bayramova – Anastasiya Polikatpova (Rusiya)
-57 kq
1/8 final İçinxorloo Muntsxedev – Rafaela Silva (Braziliya)
Qeyd edək ki, yarışın mükafat fondu 154 min avrodur. 14 çəki kateqoriyası (7 kişi, 7 qadın) üzrə 56 idmançı mükafatlandırılacaq. Bunlardan 14-ü qızıl, 14-ü gümüş və 28-i bürünc medalçı olacaq.
Qızıl medalçılara 5 min avro (4 min avro idmançıya, 1000 avro məşqçiyə), gümüş mükafatçılara 3 min avro (2400 avro idmançıya, 600 avro məşqçiyə) və üçüncü yeri tutan hər cüdoçuya 1500 avro (1200 avro idmançıya, 300 avro məşqçiyə) veriləcək.
5-11-2021, 11:29
“Noyabrın 8-də xalqımız Zəfər Gününü qeyd edəcək. İcazə verin, bu Zəfəri bizə bəxş edən Prezident İlham Əliyevi, Birinci vitse-prezident Mehriban Əliyevanı və qazilərimizi təbrik edək”.
“Report”un xəbərinə görə, bunu Milli Məclisin sədri Sahibə Qafarova parlamentin bu gün keçirilən plenar iclasında deyib.
Daha sonra deputatlar 1 dəqiqəlik sükutla şəhidlərimizin xatirəsini yad ediblər.
Bütöv.az
5-11-2021, 10:29
Türkiyənin Azərbaycanda sabiq səfiri Hulusi Kılıç YAŞAT Fonduna ianə edib.
Axar.az xəbər verir ki, o, Bakıda keçirilən Zəfər Yarmarkasını ziyarət edib.
Yarmarkada nümayiş edilən hərbi texnikalarla tanış olan H.Kılıç YAŞAT Fonduna pul köçürüb.
Ümumilikdə o, bu günə qədər kitab satışından əldə etdiyi gəlirlərdən Fonda 12 min manat ianə edib.
Bütöv.az
5-11-2021, 10:24
Dünya bazarında neft bahalaşıb.
WTI markalı neftin dekabr fyuçersləri 0,86 % bahalaşaraq, bir bareli 79,49 ABŞ dolları təşkil edib.
“Brent” markalı neftin yanvar fyuçersləri 0,68 % bahalaşaraq, bir bareli 81,09 ABŞ dolları olub.
Mənbə: Bloomberg
Bütöv.az
5-11-2021, 06:25
Binəqədi rayonu, R.Əliyev adına 3№-li Tam Orta Məktəbin İbtidai sinif müəllimi AZADOVA LƏMAN xanımı doğum günü nünasibətilə şagirdi ÜMİD SƏLİMLİ bütün sinif yoldaşları adından ürəkdən təbrik edir. Ona cansağlığı və uğurlar arzulayır!
Ay, əziz müəllimim,
De məndən razısanmı?
Al qırmızı qələmlə
Mənə “5” yazarsanmı?
Mən bu qırmızı “5”-i
Bilirsiz neyləyəcəm?
Sizin ad gününüzə
Hədiyyə eyləyəcəm!
Görürəm, yanınızda
Çiçəklər qucaq-qucaq.
Amma bu “5”- dən gözəl
Hədiyyə olmayacaq!
(M.R.)
4-11-2021, 19:50
Azərbaycanda son sutkada koronavirus (COVID-19) əleyhinə 45 041 vaksin vurulub.
Nazirlər Kabineti yanında Operativ Qərargahdan verilən məlumata görə, bir gündə birinci mərhələ üzrə vaksinasiya olunanların sayı 6 583, ikinci mərhələ üzrə vaksinasiya olunanların sayı 9 746, “Buster” doza vaksinasiya olunanların sayı 28 712 nəfərdir.
Ölkədə vurulan vaksinlərin ümumi sayı 9 798 866, birinci mərhələ üzrə vaksinasiya olunanların ümumi sayı 4 980 307, ikinci mərhələ üzrə vaksinasiya olunanların ümumi sayı 4 406 811, “Buster” doza vaksinasiya olunanların ümumi sayı isə 411 748 təşkil edir.
Bütöv.az
4-11-2021, 19:42
Noyabrın 5-də Bakıda start götürəcək cüdo üzrə Böyük Dəbilqənin püşkü atılıb.
Bütöv.az xəbər verir ki, üç gün davam edəcək yarışda Azərbaycan təmsilçilərinin də ilk rəqibləri bəlli olub.
Böyük Dəbilqədə ümumilikdə 29 ölkədən 196 cüdoçu (129 kişi, 67 qadın) çıxış edəcək.
Kişilər
60 kq
1/8 final. Balabəy Ağayev - Damir Meremov (Rusiya)
1/8 final. Rövşən Əliyev - Dilşot Xalmatov (Ukrayna)
1/8 final. Əhməd Yusifov - Ariunbold Enxtayvan (Monqolustan)
1/8 final. Turan Bayramov - Hayato Kondo (Yaponiya)
66 kq
1/16 final. İbrahim Əliyev - Yuji Aida (Yaponiya)
1/16 final. Tofiq Məmmədov - Danilo Xlopetski (Ukrayna)
1/8 final. İsmayıl İbrahimov - Baqrati Niniaşvili (Gürcüstan)
1/8 final. Orxan Səfərov - Baybol Uulu Salamat (Qırğızıstan)
73 kq
1/16 final. Rüfət Məmmədov - Ryo Tsukamoto (Yaponiya)
1/16 final. Telman Vəliyev - Lukas Vennokold (Almaniya)
1/8 final. Hidayət Heydərov - Mixel Adam (Almaniya) / Kornel Andries (Moldova) cütünün qalibi
1/8 final. Rüstəm Orucov - Uranbayar Odgerel (Molqolustan) / Ken Oyoşi (Yaponiya) cütünün qalibi
81 kq
1/8 final. Elcan Hacıyev - Xaknazar Nazarov (Tacikistan) / Yoşimiçi Kamoçi (Yaponiya) cütünün qalibi
1/16 final. Ömər Rəcəbli - Zebeda Rexviaşvili (Serbiya)
1/16 final. Hasil Cəfərov - Giqa Giqauri (Gürcütan)
1/16 final. Kərim Məmmədov - Murrentsen Battulqa (Monqolustan)
90 kq
1/16 final. Rüfət İsmayılov - Jamal Petqrave (Böyük Britaniya)
1/8 final. Vüqar Talıbov - Nemanya Maydov (Serbiya)
1/8 final. Məmmədəli Mehdiyev - Tengiz Batsayxan (Monqolustan) / Con Jayne (ABŞ) cütünün qalibi
100 kq
1/8 final. Adil Kərimli - Yan Rayder (Kanada)
1/8 final. Kənan Abdullaxanlı - Onise Seneblidze (Gürcüstan)
1/8 final. Ruslan Nəsirli - Zlatko Kumriç (Xorvatiya)
+100 kq
1/8 final. Hüseyn Məmmədov - Tyaqo Palmini (Braziliya)
1/4 final. Uşangi Kokauri - Camal Feyziyev / Tatsuru Sayto (Yaponiya) cütünün qalibi
Qadınlar
48 kq
1/8 final. Şəfəq Həmidova - Rafaela Batista (Braziliya)
1/4 final. Aişə Qurbanlı - Katarina Tanzer (Avstriya)
52 kq
1/8 final. Zeynəb Məmmədova - Annika Vurfel (Almaniya)
1/8 final. Ülviyyə Bayramova - Anastasiya Polikatpova (Rusiya)
57 kq
1/8 final. İçinxorlu Muntsxedev - Rafaela Silva (Braziliya)
63 kq
1/8 final. Aytac Qardaşxanlı - Qabriella Moraes (Braziliya)
70 kq
1/8 final. Südabə Ağayeva - Utana Terada (Yaponiya)
1/4 final. Günel Həsənli - Lara Çvetko (Xorvatiya).
4-11-2021, 19:39
Baku TV 8 Noyabr – Zəfər Gününə həsr olunmuş videoçarx hazırlayıb.
“Çingiz Mustafayevin kamerası çəkməyə davam etsəydi...” başlığı ilə yayımlanan videoçarxda 90-cı illərin Qarabağ müharibəsində xalqımızın başına gətirilənlər və 44 günlük Vətən müharibəsi ilə Azərbaycan Ordusunun qazandığı qələbə əks olunub.
Ətraflı videonu təqdim edirik:
Bütöv.az
4-11-2021, 18:47
“Biz hələ pandemiyanın ortasındayıq”.
Sozcu.az-ın məlumatına görə, bunu bu gün Azərbaycan Prezidenti İlham Əliyevin himayəsi altında və Nizami Gəncəvi Beynəlxalq Mərkəzinin təşkilatçılığı ilə “COVID-19-dan sonrakı dünya” mövzusunda Qlobal Bakı Forumu çərçivəsində keçirilən “Yeni dünya iqtisadiyyatı” mövzusunda paneldə Azərbaycan Respublikası Prezidentinin köməkçisi –Prezident Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov bildirib.
Ş. Mövsümov deyib ki, pandemiya dövründə 52 milyon tələbə qapanmalardan əziyyət çəkib: “Hökumətlər pandemiya dövründə aşağı gəlirli kateqoriyaya böyük vəsait emissiya etdi. Azərbaycanın ümumdaxili məhsulu keçən il 4,2 faiz, turistlərin sayı 4 milyon nəfər azalıb. Azərbaycan hökuməti keçən il pandemiya ilə bağlı özəl sektora 2 milyard manat ayırıb. Azərbaycanda bu il iqtisadiyyatda 4,5 faiz, növbəti il 4,7 faiz artım gözlənilir. Bunlar çox yaxşı rəqəmlərdir”.
Prezidentin köməkçisi qeyd edib ki, dünya ölkələrində əhalinin 40 faizinin peyvəndlənməsi mümkün olmayıb: “Gələn ilin ortalarında bu, mümkün ola bilər. Bu, vaksinin ədalətsiz bölüşdürülməsi ilə bağlıdır. Biz səylərimizi səfərbər etməklə pandemiyanın öhdəsindən gələ bilərik”.
Bütöv.az
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!