Xəbər » Səhifə 6

26-03-2026, 11:31

Qəbələdə 62 yaşlı kişi yanaraq öldü

Qəbələ rayonunda bədbəxt hadisə ölümlə nəticələnib.
Hadisə rayon ərazisində baş verib. Şəhər sakini, 62 yaşlı Əzim Heydər oğlu Hüseynov məişət tullantılarını yandırarkən ehtiyatsızlıqdan alovun üzərinə düşüb.
Məlumata görə, kişi ağır yanıq xəsarətləri alıb və hadisə yerində həyatını itirib.
Faktla bağlı hüquq-mühafizə orqanları tərəfindən araşdırma aparılır.

Qəbələdə 62 yaşlı kişi yanaraq öldü

26-03-2026, 00:17

Arda Gülərdən YENİ REKORD

İspaniyanın “Real Madrid” klubunun türkiyəli yarımmüdafiəçisi Arda Gülərin “Elçe”yə qarşı matçda vurduğu qol La Liqada mart ayının ən yaxşısı seçilib.
21 yaşlı futbolçu meydanın mərkəzindən rəqib qapısını dəqiq nişan alıb.
Çempionatın 28-ci turunda “Santyaqo Bernabeu”da keçirilən qarşılaşmanın 89-cu dəqiqəsində qeydə alınan bu qol həm də rəsmi rekord kimi tarixə keçib. Belə ki, Arda Gülər 55 metrlik məsafə ilə İniqo Martinesə məxsus olan “La Liqanın ən uzaq məsafədən vurulan qolu” rekordunu 13 metr yeniləyib.
Xatırladaq ki, görüş Madrid təmsilçisinin 4:1 hesablı qələbəsi ilə bitib.

Arda Gülərdən YENİ REKORD

25-03-2026, 23:00

Millimiz məğlubiyyətlə başladı

Azərbaycanın 19 yaşadək futbolçulardan ibarət millisi Avropa çempionatının seçmə mərhələsinə məğlubiyyətlə başlayıb.
B Liqasının 6-cı qrupunda yer alan U-19 ilk görüşünü meydan sahibi Litva seçməsinə qarşı keçirib.
Kaunasdakı "Raudondvario" stadionunda keçirilən qarşılaşma meydan sahiblərinin qələbəsi ilə başa çatıb - 4:0.
Qeyd edək ki, U-19 növbəti görüşünü martın 28-də Şimali İrlandiyaya qarşı keçirəcək.

Millimiz məğlubiyyətlə başladı

25-03-2026, 20:41

Xaçmazda meşədə gənc oğlan meyiti tapıldı

Xaçmazda meşədə meyit tapılıb.
Hadisə şəhər ərazisində qeydə alınıb.
Xudat şəhər sakini, 25 yaşlı Şükür Rəsul oğlu Musayevin meyiti Xaçmaz şəhəri ərazisindəki meşəlik sahədə aşkarlanıb. Onun hansı səbəblə öldüyü bilinmir.
Araşdırma aparılır.

Xaçmazda meşədə gənc oğlan meyiti tapıldı

25-03-2026, 19:56

Zərdabda maşın kanala düşdü: 3 ölü, 4 yaralı - YENİLƏNİB

Bu gün Zərdabda yol qəzasında xəsarət alan 4 nəfərdən biri dünyasını dəyişib.
Xəsarət alan Mütəllim Mütəllimov həkimlərin səyinə baxmayaraq, Zərdab Rayon Mərkəzi Xəstəxanasında ölüb.

***

10:50

Zərdabda yol qəzası olub, ölən ve xəsarət alan var.
Hadisə rayonunun Əlvəd kəndi ərazisində qeydə alınıb.
Belə ki, “Hyundai Santa Fe” markalı avtomobil idarəetmədən çıxaraq su kanalına aşıb.
Hadisə nəticəsində 2 nəfər - Nəsibov Rasim Yaqub oğlu və Nəsibova Paket Kamran qızı ölüb, 4 nəfər - Vidadi Nəsibov, Vəkil Abışov, Ramilə Baxışova ve Umud Mütəllimov isə xəsarət alıb.

Zərdabda maşın kanala düşdü: 3 ölü, 4 yaralı - YENİLƏNİB

25-03-2026, 18:38

Nərgiz İsmayılova Çempionlar Liqasına təyinat aldı

Azərbaycanlı mütəxəssis Nərgiz İsmayılova Avropa Voleybol Konfederasiyasından (CEV) təyinat alıb.
Bu barədə Azərbaycan Voleybol Federasiyası məlumat yayıb.
Bildirilib ki, N.İsmayılova kişilər arasında Çempionlar Liqasının 1/4 final mərhələsində İtaliyanın "Kuçine Lube" və Polşanın "Aluron" komandalarının qarşılaşmasında supervayzer kimi iştirak edəcək.
Qeyd edək ki, bu gün İtaliyada baş tutacaq qarşılaşmanın hakimləri portuqaliyalı Rikardu Ferreyra və yunanıstanlı Vasileios Vasileiadis olacaqlar.

Nərgiz İsmayılova Çempionlar Liqasına təyinat aldı

25-03-2026, 18:27

17 yaşlı oğlanın meyiti tapıldı

Paytaxtın Binəqədi rayonunda 17 yaşlı oğlanın meyiti tapılıb.
28 May qəsəbə sakini 2009-cu il təvəllüdlü Q.Salmanovun meyiti yaşadığı evdə aşkarlanıb.
Onun ölüm səbəbinin müəyyən edilməsi üçün ekspertiza təyin olunub.
Faktla bağlı Binəqədi Rayon Prokurorluğunda araşdırma aparılır.

17 yaşlı oğlanın meyiti tapıldı

25-03-2026, 17:42

Səlim Müslümovun Bakıdakı obyekti 600 minə satıldı

Hazırda şərti cəza çəkən sabiq əmək və əhalinin sosial müdafiəsi naziri Səlim Müslümovun Bakının mərkəzində yerləşən müsadirə edilmiş obyekti satılıb.
450 min manata hərraca çıxarılan qeyri-yaşayış sahəsini 600 min manata alıblar.
Səbail rayonunun Azadlıq prospektindəki həmin obyekt 50, 6 kv.metr ərazidə yerləşir. İcra məmuru əmlakı ilk hərracda satıb.
Qeyd edək ki, S.Müslümov 27 milyon manat mənimsəmədə təqsirli bilinib. Dövlətə dəymiş ziyanı ödədiyi üçün ona şərti cəza verilib. Əlavə olaraq onun çoxsaylı əmlakı müsadirə edilib.

Səlim Müslümovun Bakıdakı obyekti 600 minə satıldı

25-03-2026, 17:01

"Həzi Aslanov" nə vaxt açılacaq? - RƏSMİ

“Həzi Aslanov” stansiyasının dalan yolunda təmir işləri 2026-cı ilin ikinci yarısında tamamlanması planlaşdırılır.
Bunu “Bakı Metropoliteni” QSC bildirib.
Qeyd edək ki, “Həzi Aslanov” stansiyasının dalan yolu 2024-cü il noyabrın 30-dan təmirə bağlanıb. Bu stansiyanın dalanı qatarların bir yoldan digərinə keçirilməsi, gecələməsi, baxış, xidmət, qulluq və kiçik həcmli təmir işləri üçün nəzərdə tutulmuş texniki sahədir.

"Həzi Aslanov" nə vaxt açılacaq? - RƏSMİ

25-03-2026, 14:22

Xəzərdə zəlzələ oldu

Xəzər dənizində zəlzələ qeydə alınıb.
Bu barədə Azərbaycan Milli Elmlər Akademiyası nəzdində Respublika Seysmoloji Xidmət Mərkəzindən məlumat verilib.
Qeyd edilib ki, 3.1 maqnitudalı zəlzələ yerli vaxtla 13:57-də və 13 km dərinlikdə baş verib.

Xəzərdə zəlzələ oldu