21-11-2022, 22:11
Zərərli informasiyalardan qorunmağın yolları
“Uşaqların kiber mühitdə təhlükəsizliyi” adlı layihəsi icra olunur
Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə Gənclər Mərkəzi İctimai Birliyi “Uşaqların kiber mühitdə təhlükəsizliyi” adlı layihəsi həyata keçirir.
“Butov.az”a verilən məlumata görə layihənin fəaliyyət planı çərçivəsində Azərbaycan Kooperasiya Universitetin akt zalında 50 nəfər tələbə gənclərin iştirakı ilə tədbir keçirilmişdir.
Tədbiri Kooperasiya Universitetinin mətbuat və ictimai işlər xidmətinin rəhbəri Tamerlan Əkbərov açaraq Universitetin ictimai əlaqələri, informasiya təhlükəsizliyinin təminatı və bu barədə görülən işlərdən danışdı. Layihənin rəhbəri Kənan Qubadzadə tələbə gənclərə Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyi və Gənclər Mərkəzi İctimai Birliyi haqqında, o cümlədən, “Uşaqların kiber mühitdə təhlükəsizliyi” adlı layihəsi barədə geniş məlumat verdi. O, bildirdi ki, layihə müasir dünyada sərhədsiz informasiya yayımının uşaqlara, yeniyetmələrə zərərli informasiyalardan və gənc ailələrin sağlamlığına və inkişafına ziyan vura bilən təhdidlərindən qorunmaq məqsədi daşıyır.
Tədbirdə layihənin eksperti Anar Sarıyev çıxış edərək uşaqların, gənclərin kiber mühitdə təhlükəsizliyi, zərərli informasiyalardan qorunmağın yolları barədə geniş məlumat verdi. Tədbirdə layihə çərçivəsində nəşr olunan kitabça iştirakçılara paylanıldı. Sonda tələbə-gənclərə göstərdiyi xidmətlərə, diqqət və qayğıya görə Kooperasiya Universitetinin mətbuat və ictimai işlər xidmətinin rəhbəri Tamerlan Əkbərov, informasiya və kommunikasiya texnologiyaları bölməsinin rəhbəri Seymur Ramazanov “Gənclərin Dostu” fəxri mükafatı, tədbirin fəal iştirakçılarına isə təşəkkürnamə təqdim edildi.
21-11-2022, 20:21
Təlimlərdə 100-ə yaxın gənc iştirak edib.
“Region Gənclərinin Bacarıqlarının Artırılması” layihəsinin icrasına başlanılıb
“İrəli” İctimai Birliyinin təşkilatçılığı, Azərbaycan Respublikası Gənclər və İdman Nazirliyinin dəstəyi ilə “Region Gənclərinin Bacarıqlarının Artırılması” layihəsinin icrasına başlanılıb.
Birliyin Mətbuat xidmətindən Butov.az-a verilən məlumata görə, layihə çərçivəsində təlimlər 18 noyabr tarixində Gəncə, 19 noyabr tarixində Mingəçevir, 20 noyabr tarixində isə Tovuz şəhərlərində keçirilib. “Gənclərlə iş”, “Layihələrin yazılması və idarə edilməsi”, “Sosial şəbəkələrdən düzgün istifadə” və “Gənclərlə işdə rəqəmsal bacarıqlar” mövzuları üzrə keçirilən təlimlərdə 100-ə yaxın gənc iştirak edib.
Həmçinin qeyd olunub ki, layihə müddətində təlimlər Qəbələ, Balakən, Mingəçevir, Neftçala rayonlarında və Naxçıvan MR-da olmaqla ümumilikdə 8 regionda keçiriləcək. Layihənin keçirilməsində əsas məqsəd isə gənclərin dövlət maraqlarının qorunmasında iştirakçılığını təmin etmək, rəqabətədavamlı gənclər şəbəkəsinin formalaşmasına nail olmaq və region gənclərinin təşəbbüslərinin artımına dəstək verməklə dövlət gənclər siyasətinin inkişafına töhfələr verməkdir.
20-11-2022, 12:51
Erkən nikahlarla necə mübarizə aparılmalı?: "Cəzalar sərtləşdirilməlidir"
Bu yaxınlarda Şəmkir rayonunda 14 yaşlı qız 26 yaşlı əmisi oğlu ilə nişanlanıb. 14 yaşlı qızın nişanlanması nə qədər doğrudur? Belə hallar niyə baş verir?
Erkən nikah yaşı 18-dən az olan yeniyetmələrin nikaha daxil olmasıdır. Dünyada hər gün 25 min, ildə isə 10 milyondan çox erkən nikah baş tutur. Məcburiyyət qarşısında evləndirilən, yaxud bunu normallaşdıraraq, kiçik yaşlardan uşaqlara təbliğ edənlərin sayı azalmaq əvəzinə, günbəgün artır. Bu, hələ həyatı tam dərk etməmiş bir fərdin üzərinə bütöv bir məsuliyyət yükləmək və onu bədbəxt etməkdən başqa bir şey deyil.
Qayğısız, düzgün cəmiyyət arzuolunandırsa, o zaman, bəlkə də, gələcəyin uğurlu peşə sahiblərindən birinə çevriləcək gənclərin həyatını məhv etməmək, onlara maariflənmə yolunda dəstək olub, yol göstərmək lazımdır. Təəssüf ki, 21-ci əsrdə olmağımıza baxmayaraq, bu kimi mövzular hələ də öz aktuallığını qoruyub saxlayır. Elə isə problemin getdikcə artmasının səbəbi nədir? Biz bu bəladan necə xilas ola bilərik? Bu haqda suallarımızı sosioloq Lalə Mehralıya ünvanlayaraq fikirlərini öyrəndik. O, belə hallar baş verdikdə buna laqeyd yanaşan insanları tənqid atəşinə tutdu:
"Məsələ belədir ki, indi bizim insanlar 14 yaşlı bir qızın nişan mərasimində iştirak edəndə, o qızın nişanlanmasını, tamamilə laqeydliklə, bu, elə belə də olmalıymış kimi izləyirlər. Əgər kimsə bununla bağlı tədbir görməyə çalışsa, əlaqədar qurumları xəbərdar etsə, bununla bağlı öz iradını bildirsə, ona elə təəccüblə baxırlar ki, həmin insan özünü bir növ yadplanetli kimi hiss edir.İnsanlar necə manqurtlaşaraq bu vəziyyətə gəldi? Bax, bunun özü müzakirəyə ehtiyacı olan böyük bir mövzudur."
Sosioloq vəziyyətə normal münasibət bəsləyən insanların düşüncə tərzlərini qınadı:
"Bu mərasimlərdə iştirak edib, göz yuman insanlar elə hesab edirlər ki, valideyn nə məsləhət bilirsə, övladı üçün elə o da olmalıdır. Övlad azyaşlı olsa da, yetkinlik yaşına çatmasa da, valideyni onu gəlin köçürə bilər. Yəni ixtiyarı tam şəkildə valideyndə görürlər. O uşağın hüquqlarının pozulması , təhsildən yayındırılması, artıq müzakirəyə ehtiyacı olmayan gərəksiz bir mövzu kimi qəbul edilir. Düşünürəm ki, qanunlar yalnız ata, ananı və qızın gəlin köçdüyü ailəni yox, bilib amma susan hər kəsi məsul tutmalıdır."
L.Mehralı belə hadisələrin dövrün tələblərinə zidd olduğunu vurğuladı:
"Qızlarını gəlin köçürən ailələrdən, ya da etiraz etməyən insanlardan niyə səssiz qaldıqlarını soruşsaq, onlar özlərinin də bu mərasimlərinin kiçik yaşda keçirildiklərini deyəcəklər. Cahil dönəm ilə təhsilin bu qədər inkişaf etdiyi vaxt eyniləşdirilə bilməz. İnsanlar dövrün həyatımızda çox şeyi dəyişdiyini qəbul etməlidir. Məsuliyyətimiz artıb, hüquqlarımız artıb. Ümumiyyətlə, həyatımız keçən əsrdəki həyatımızla eyniləşdirilə bilməz. Bizim təhsil almaq hüququmuz və öhdəliklərimiz var. "
Ekspert bu kimi halların qarşısının alınması məsələsinə də toxundu:
"Qarşısının alınması məsələsinə gəlsək, burada yeganə çarəni, cərimələrin və həbs müddətinin artırılmasında görürəm. Maarifləndirmə işi heç bir nəticə vermir və cəzalar sərtləşdirilməlidir. Ağırlaşmış cəzalar tətbiq olunmasa, bu hadisələr kütləviləşər və gələcəkdə faciəvi vəziyyətə gətirib çıxarar."
Gülay Məmmədova,
BDU Jurnalistika fakültəsinin tələbəsi
16-11-2022, 00:55
Müvəkkil Hüquq Mərkəzi Şabranda şəhid ailələri və qazilərlə görüşüb
Müvəkkil Hüquq Mərkəzi Şabranda şəhid ailələri və qazilərlə görüşüb. Azərbaycan Respublikasının Qeyri-Hökumət Təşkılatlarına Dövlət Dəstəyi Agentliyinin maliyyə dəstəyi ilə Müvəkkil Hüquq Mərkəzi "Şəhid ailələri və qazilərin hüquqlarının müdafiəsi" adlı tədbir çərçivəsində Şabran rayonun Heydər Əliyev Mərkəzində tədbir keçirib.
Təşkilatın sədri, hüquq müdafiəçisi Səməd Vəkilov bildirib ki, şəhid ailələrinin, müharibə iştirakçılarının hüquqlarının təmin olunması dövlət siaysətinin əsas istiqamətlərindəndir. Agentliyin maliyyələşdirdiyi bu layihədə dövlət siyasətinin tərkib hissəsidir. Layihənin məqsədinin şəhid ailələri, müharibə əlillərinin və veteranlarının hüquqlarının müdafiəsinin təşkilinə hüquqi dəstək göstərmək və bu istiqamətdə maarifləndirmə işinin təşkili olması və hüquqi yardım etmək olduğu iştirakçıların diqqətinə çatdılımışdır. Tədbirdə şəhid adlarının əbədləşdirilməsi ilə bağlı qanunvericilik bazası hormativ hüquqi aktlar şəhid adlarının əbədiləşdirlməsi ilə bağlı mərkəzi və yerli icra hakmiyyətlərinin fəaliyyətinin koordinasiya edilməsi məslələrinə toxunulmuşdur. Təşkilatın sədri Səməd Vəkilov şəhid ailəsi statusu, onlara verilən təminatlar, şəhid ailələrinin mənzillə təmin edilməsi qaydaları barədə məlumat verildi.
Təşkilatın sədr müavini Qarabağ müharibəsi iştirakçısı Mobil Vəkiloğlu müharibə iştirakçılarının mənzil təminatı ilə bağlı qanunvericiliyinin normaları barədə məlumat verdi. Sonra şəhid Murad Rəsulovun atası İlqar Rəsulov oğlunun döyüş yolundan onun görsədiyi şücaətdən danışıb. İlqar Rəsulov bildirib ki, lazım gələrsə biz də hər an vətəmizin keşiyində durmaq üçün döyüş meydanlarına atılmağa hazırıq. Şəhid Mirbala Rəsulovun atası Əmirağa Rəsulovda 44 günlük Zəfər savaşında oğlunun keçdiyi döyüş yolundan danışıb. Əmirağa Rəsulov yerli Bələdiyyələrin şəhid ailələrinə qarşı daha diqqətli olmağa çağırıb. Şəhid Fətulla Siracovun atası Qasım Siracov şəhidlər haqqında məlumat yayan informasiya agentliklərini diqqətli olmağa dəqiqləşdirlməmiş məlumatları yaymamağı tövsiyyə edib.
Mühraibə əlilləri Xudaverdiyev Fərlan Ehkam oğlu və Cavadov Yadulla Vüqar oğlu Müvəkkil Hüquq Mərkəzinə hüquqi yardımla bağlı müraciət etdilər. Tədbirdə Şabran rayon Vətən müharibəsi iştirakçıları və şəhid ailələri üzrə işin təşkili şöbəsinin müdiri, müharibə əlili Fuad Quliyev yerli icra hakimiyyətinin sözügedən həsas təbəqə ilə bağlı gördüyü işlərdən danışıb. Tədbirdə Şabran rayon İcra Hakimiyyətinin baş məsləhətçisi Fərid Bağırzadə də iştirak edib.
8-11-2022, 20:28
“İrəli” gəncləri Zəfər Gününü silsilə tədbirlərlə qeyd ediblər
8 Noyabr – Zəfər Günü “İrəli” İctimai Birliyi tərəfindən silsilə tədbirlərlə qeyd olunub.
Birliyin Mətbuat xidmətindən Butov.az-a məlumat verilib ki, təşkilatın nümayəndə və üzvlərinin iştirakı ilə II Fəxri xiyabanda Vətən müharibəsində ölkəmizin ərazi bütövlüyü uğrunda canından keçmiş qəhrəmanlarımızın əziz xatirəsi dərin ehtiramla yad edilib.
Tədbirlər planı çərçivəsində “İrəli” İctimai Birliyinin təşkilatçılığı, Azərbaycan Respublikası Müdafiə Nazirliyinin dəstəyi ilə “N” saylı hərbi hissədə Zəfər Gününə həsr olunmuş tədbir keçirilib.
Tədbirə başlamazdan öncə “İrəli” gəncləri hərbi hissədə əsgərlər üçün yaradılmış şərait və hərbi texnikalarla tanış olublar.
Rəsmi hissə Azərbaycan Respublikasının Dövlət Himninin səsləndirilməsi, habelə şəhidlərimizin əziz xatirəsinin bir dəqiqəlik sükutla yad edilməsi ilə başlayıb.
Tədbirdə çıxış edən “N” saylı hərbi hissənin İdeoloji iş və mənəvi-psixoloji təminat şöbəsinin rəis müavini, mayor Nəcəf Xurşudov bildirib ki, 44 günlük Vətən müharibəsi Azərbaycanın hərb tarixinə öz adını qızıl hərflərlə yazdı. Müzəffər Ali Baş Komandan, cənab Prezident İlham Əliyevin rəhbərliyi altında torpaqlarımızın işğaldan azad edilməsi bu gün hər bir azərbaycanlı üçün böyük qürur və fəxarət mənbəyinə çevrilib.
“İrəli” İctimai Birliyinin sədri Şahin Rəhmanlı çıxışı zamanı ikinci Qarabağ müharibəsində qazanılan şanlı qələbəyə görə dövlətimizin başçısına öz təşəkkürünü bildirib. Vətən müharibəsinin ikinci ildönümü çərçivəsində “İrəli” İctimai Birliyi tərəfindən bir sıra tədbirlərin keçirdiyini bildirən təşkilat rəhbəri diqqətə çatdırıb ki, 44 günlük müharibədə şəhidlik zirvəsində ucalmış qəhrəmanlarımızın xatirəsinin əbədiləşdirilməsi məqsədilə həyata keçirilən “Müzəffər Əsgərimiz” layihəsinin buraxılışları indiyədək 45 rayon və şəhərdə 5000-ə yaxın gəncin iştirakı ilə nümayiş etdirilib.
Hərbi qulluqçulara Zəfər Günü münasibətilə təbriklərini çatdıran Şahin Rəhmanlı qeyd edib ki, “İrəli” İctimai Birliyi tərəfindən ordumuzun şəxsi heyətinin ruh yüksəkliyinin artırılması, həmçinin dövlətimizin bu istiqamətdə həyata keçirdiyi fəaliyyətlərə töhfələr verməyə bundan sonra da davam edəcək.
Rəsmi hissənin sonunda “İrəli” İctimai Birliyi tərəfindən öz xidməti vəzifələrini və hərbi hissənin qarşısında qoyulmuş tapşırıqları yerinə yetirərkən fərqləndiklərinə görə Azərbaycan Silahlı Qüvvələrinin bir qrup əsgərə təltifnamələr təqdim olunub.
Tədbir bir sıra müğənnilərin iştirakı ilə konsert proqramı və əsgərlərlə birgə naharla davam edib.
Zəfər Gününə həsr olunmuş tədbirlər planına uyğun olaraq “İrəli” İctimai Birliyinin İntellektual mərkəzinin təşkilatçılığı ilə “Zəfər Tarixi” adlı intellektual turnir keçirilib. “Nə? Harada? Nə zaman?” formatında, ümumilikdə 100-dək gəncin iştirakı ilə baş tutan intellektual turnirdə 8 komanda birincilik uğrunda mübarizə aparıb.
5-11-2022, 20:26
Vətən Sizə oğul dedi
“Hərbi Mövzular üzrə İxtisaslaşmış Jurnalistlər” İctimai Birliyinin Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin dəstəyi ilə həyata keçirdiyi “Vətən sənə canım fəda” layihəsi uğurla davam edir. Layihənin icra planına uyğun olaraq növbəti tədbir noyabrın 2-də Şuşa şəhərində “Vətən Sizə oğul dedi” adı altında keçirilib.
44 günlük Vətən Müharibəsinin rəmzi olaraq, Şuşa uğrunda döyüşərək Şuşaya çatmadan Şəhid olanların ailə üzvlərindən və qazilərdən ibarət 44 nəfərlik qrupun Şuşaya 1 günlük səfərini nəzərdə tutan tədbir Füzuli rayonunun Qaraxanbəyli kəndində, Şəhidlərimizin xatirəsinə ucaldılmış abidənin ziyarəti ilə başladı. Şəhid anaları övladını sığallayırmış kimi, xatirə lövhəsinə sığal çəkirdi. Beləcə hərə qucağında bir şəhidin portretini, ürəyində minlərlə şəhidimizin ağrı-acısını Abşeron rayonundan özü ilə götürərək arzularımızın şəhərinə- Şuşaya daşıdı...
Tədbirin rəsmi hissəsində Azərbaycanın ərazi bütövlüyü, dövlətimizin müstəqilliyi, suverenliyi uğrunda canından keçənlərin xatirəsi sükutla yad edildikdən sonra “Zəfərdən-Zəfərə” adlı buklet və ziyarətçilər üçün hazırlanmış xüsusi geyim formaları tədbir iştirakçılarına paylandı. Layihə rəhbəri, “Hərbi Mövzular üzrə İxtisaslaşmış Jurnalistlər” İctimai Birliyi İdarə Heyətinin sədri Tamxil Ziyəddinoğlu Vətən müharibəsində zəfər çalmaq üçün Prezident, Silahlı Qüvvələrin Ali Baş Komandanı İlham Əliyevin apardığı uğurlu hərbi-taktiki manevrlərdən, beynəlxalq ictimaiyyəti Azərbaycanın haqq davasında yanımıza çəkmək üçün diplomatik gedişlərindən, dünyanın aparıcı kütləvi informasiya vasitələrini Azərbaycanın haqq səsini yaymağa necə səfərbər etməsindən danışdı.
Şuşa ziyarətçilərinin yaralarına sevgi və sayğılaırı ilə məlhəm qoyan Nigar Əliyeva həm də qrup üzvlərinə Şuşanın tarixi, mədəniyyəti, mənəvi dəyərləri barədə ətraflı məlumat verdi.
Ehtiyatda olan Tibb xidməti polkovnik-leytenantı, yazıçı-publisist Elman Rüstəmov, Qazi-jurnalist Əlisəfa Mehdiyev Azərbaycan Ordusunun uğurlarından, azad olunmuş torpaqlarımızda aparılan geniş quruculuq, abadlıq işlərindən söz açdılar. Qarabağın yeni növrağında hər şəhidimizin, hər şəhid ailəsinin öz payı olduğunu bildirdilər. Şəhidd ailələrinin ürək sözləri dinlənildikdən sonra müqəddəs yerlərin gəzintisinə başlandı.
Bu qədər həyəcanın, kədər qarışıq sevincin içində bir sürpriz də oldu. İki il əvvəl ölüm -dirim savaşının getdiyi bu günlərdə Vətənə qurban gedən Fərid İlyaslının ziyarətçilər arasında olan qardaşı Kamala azad Qarabağda, “Xarıbülbül” restoranında ad günü törəni düzənləndi. Qrupdakı şəhid övladları, şəhid anası Bəsirə xanımla birlikdə Kamalın 11 yaşı şərəfinə “Tort” kəsiminə dəvət olundu. Bütün diqqətlər Kamalı təbrikə yönəldi. Anası Bəsirə xanım gözləmədiyi bu hadisədən çox təsirləndi. Bir daha hiss elədi ki, ailəsi dölətimizin, millətimizin diqqətindədir.
Daha sonra xatirə şəkilləri çəkildi, beləcə Şuşanın dağları, qayaları ilə baş -başa bir gün keçirən şəhid ailə üzvləri axşamüstü üzü Bakıya yol aldılar.
Hərbi Jurnalistlər Birliyinin mətbuat xidməti
1-11-2022, 08:08
Müvəkkil Hüquq Mərkəzi Şirvan şəhərində şəhid ailələri ilə bağlı tədbir keçrib
Azərbaycan Respublikasının Qeyri-Hökumət Təşkılatlarına Dövlət Dəstəyi Agentliyinin maliyyə dəstəyi ilə Müvəkkil Hüquq Mərkəzi "Şəhid ailələri və qazilərin hüquqlarının müdafiəsi" adlı tədbir keçirilib. Təşkilatın rəhbəri, hüquqşunas Səməd Vəkilov bildirib ki, şəhid ailələrinin, müharibə iştirakçılarının və müharibə əlillərinin hüquqlarının təmin olunması dövlətimizin daimi diqqət mərkəzindədir. Həyata keçirilən bu layihə də bu dövlət siyasətinin tərkib hissəsidir.
S.Vəkilov bildirdi ki, layihə çərçivəsində 4 şəhər və rayonda tədbirlərin keçirilməsi nəzərdə tutulmuşdur.
Şirvan şəhərində tədbirin keçirilməsi Azərbaycan Respublikası Milli Məclisin deputatı, millət vəkili İltizam Yusifovun təşəbbüsü ilə baş tutmuşdur.
Tədbirin və birliyin başlıca məqsədinin şəhid ailələri, müharibə əlillərinin və veteranlarının hüquqlarının müdafiəsinin təşkilinə hüquqi dəstək göstərmək və bu istiqamətdə maarifləndirmə işinin təşkili olmasını tədbir iştirakçılarınının diqqətinə çatdırıldı.
Tədbirdə əsas mövzunun şəhid adlarının əbədləşdirilməsi və şəhid ailə üzüvlərinin mənzil və məişət şəraitinin yaxşılaşdırılması və.s mövzularda müzakirələr aparıldı. Səməd Vəkilov şəhid ailəsi statusu, onlara verilən təminatlar, şəhid ailələrinin mənzillə təmin edilməsi qaydaları , Müharibə vetiranı statusu verilməsindən imtinanın əsasları , veteran vəsiqəsi , müharibə veteranı statusunun verilməsi və s. məsələlər barədə tədbir iştirakçılarına məlumat verdi.
Təşkilatın sədr müavini, müharibə iştirakçısı Mobil Vəkiloğlu tədbir iştirakçılarının suallarına cavab verdi.
Millət vəkili İltizam Yusifovun səlahiyyətli nümayəndəsi Taleh Məmmədov şəhid ailələrinin , müharibə əlillərinin və veteranları müntəzəm olaraq deputat İltizam Yusifov tərəfindən qəbul olunduğunu, Şəhər İcra Hakimiyyəti tərəfindən təşkil olunan səyyar görüşlər zamanı da qeyd olunan şəxslərlə görüşdüyünü vurğulayaraq qeyd olunan şəxslərini hər zaman yanında olduqlarını vurğuladı.
Vətən müharibəsi zamanı şəhər sakinlərinin Ali Baş komandanın ərtafında sıx birləşərək ordumuza hər cür dəstək göstərdiyini vurğulayan Taleh Məmmədov bu gün də şəhər ictimaətinin də hər zaman şəhid ailələrinə , qazilərə diqqət və ehtiramla yanaşdığını vurğuladı.
Şəhər İcra Hakimiyyətinin Vətən müharibəsi iştirakçıları və şəhid ailələri ilə işin təşkili şöbəsinin müdiri Elvin Balayev dövlət tərəfindən şəhid ailələrinə, müharibə əlillərə və veteranlarına daima qayğı ilə yanaşıldığını tədbir iştirakçılarının diqqətinə çatdırdı.
Şəhər İcra Hakimiyyəti başçısı İlqar Abbasovun hər zaman şəhid ailələrinə diqqət və qayğısından ətraflı danışan Elvin Balayev hər ayın son cümə axşamında Şəhər İcra Hakimiyyəti başçısı İlqar Abbasovun yerli idarə və təşkilatlarının, hüquq mühafizə orqanlarının rəhbərlərinin iştiraki ilə Şəhidlər Xiyabanını ziyarət etdiyini , Şəhid ailə üzüvlərini dinlənildiyini vurğuladı, bununla yanaşı hər həftənin çərşənbə günü Şəhər İcra Hakimiyyətinin İnzibatı binasında cümə axşamı günləri isə səyyar görüşlərdə qəbullar zamanı şəhid ailələrinə xüsusi diqqətlə yanaşıldığı və ölkə rəhbərliyinin tapşırıq və tövsiyyələrinə uyğun olaraq problemlərinin həlli istiqamətini zəruri tədbirlər görüldüyünü tədbir iştirakçılarının diqqətinə çatdırdı.
Tədbirin ikinci hissəsi şəhid ailələri və müharibə əlillərinin də iştirakı ilə qarşılıqlı, dialoq formatında təşkil olundu, onları narahat edən bəzi məsələlər həmçinin təkliflər qeydə alındı.
Tədbir iştirakçıları daha sonra Şəhid Elnur Qarayevin, Röyal Məmmədovun, Amal Alışanlının xatirəsinin əbədiləşdiriləməsi məqsədi ilə inşa edilən xatirə bulağı və xatirə lövhələrini ziyarət etdikdən sonra Şəhidlər Xiyabanı ziyarət etdilər.
Şəhidlər Xiyabanında 1 ci Qarabağ müharibəsi zamanı və atəşkəs dövründə şəhidlik məqamına ucalmış şəhidlərimizin məzar daşlarının yenilənməsi, qəmgin ana abidəsi qonaqlar tərəfində xoş təsuratla qarşılandı, Şəhər İcra Hakimiyyətinin şöbə müdiri, müharibə iştirakçısı Elvin Balayev şəhidlərimizin keçdiyi həyat və döyüş yolu barədə qonaqlara ətraflı məlumat verdi.
28-10-2022, 14:50
Region gəncləri üçün “İrəli”dən yeni layihə
“İrəli” İctimai Birliyinin təşkilatçılığı, Azərbaycan Respublikası Gənclər və İdman Nazirliyinin dəstəyi ilə “Region Gənclərinin Bacarıqlarının Artırılması” layihəsinə start verilir.
Birliyin Mətbuat xidmətindən Butov.az-a verilən məlumata görə, həyata keçirilən layihənin əsas məqsədi region gənclərinin ölkə maraqlarının qorunmasında iştirakçılığı təmin etmək, təşəbbüslərin artımına dəstək olmaq, sağlam düşüncəli, rəqabətədavamlı gənclər şəbəkəsinin formalaşmasına nail olmaqla dövlət gənclər siyasətinin inkişafına töhfələr verməkdir.
Layihə çərçivəsində region gənclərinin inkişafına dəstək vermək, gənclərlə iş sahəsinin prinsiplərini aşılamaq məqsədilə 7 müxtəlif regionda təlim proqramının icrası nəzərdə tutulur. Qeyd olunub ki, “Layihələrin yazılması və idarə olunması”, “Gənclərin təşəbbüskarlığının artırılması”, “Gənclərlə iş sahəsində rəqəmsal biliklər”, “Sosial şəbəkələrdən düzgün istifadə” və digər mövzularda baş tutacaq təlimlərdə ümumilikdə 200-dən çox gənc iştirak edəcək.
Müraciətlərin qəbulu 2 noyabr 2022-ci il tarixinədək davam edəcək. Layihədə qeyd olunan regionlarda yaşayan 17-25 yaş aralığında, təşəbbüskar, motivasiyalı, məsuliyyətli gənclər aşağıdakı link vasitəsilə qeydiyyatdan keçə bilərlər: https://bit.ly/regiongencleri
24-10-2022, 18:55
Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə "Miqrasiya Sahəsinin İnkişafı” İctimai Birliyi, “Narkomaniya və zərərli vərdişlərə qarşı mübarizəyə dair maarifləndirmə tədbirləri” layihəsinin icrasına başlayır.Layihə çərçivəsində Bakı şəhəri və Abşeron rayonunda,müvafiq dövlət qurumlarının nümayəndələrinin iştirakı ilə vətəndaşlar arasında 6 maarifləndirmə tədbirinin keçirilməsi nəzərdə tutulmuşdur.Noyabr ayında yekunlaşacaq tədbirlərdə iştirakçılara narkomaniya və zərərli vərdişlərin insan sağlamlığına və cəmiyyətə vurduğu ziyanlar, qəbul edilən dövlət proqramları və bu istiqamətdə görülən işlər barədə məlumatlar veriləcək, hazırlanmış buklet və kitabçalar paylanacaq.
19-10-2022, 18:56
Məqsədimiz-Azərbaycanlıların əbədi birliyi…
Düşünün. Bayrağımızın daim uca qalması, daim dalğalanması üçün neçə igidimiz öz canını, öz qanını verdi. Hazırda biz rahat, terrordan, silah səsindən uzaq yaşayırıq. Doğrudurmu? Bunun səbəbi həmin igidlərdir. Ayağımızı basdığımız hər qarış torpaq həmin igidlərin qanı ilə yuyulub. Biz də onları unutmamalıyıq! Həmin şəhidləri, qaziləri və veteranları tanıtmalıyıq, tanıtdırmalıyıq. Onların övladlarının qardaşı olmalıyıq, daim onların yanında olmalıyıq. Çünki, bizi azərbaycanlı edən də budur.
Bizim milli, mənəvi dəyərlərimiz, beşikdən qəbirədək damarımızda axan Vətən eşqi və həmin Vətəni ana ilə bir tutmağımızdır - bizi azərbaycanlı edən. Sırf bunun üçün biz Əbədi Birlik Gənclər İctimai Birliyini təsis etdik. Təsis olunduğumuz gündən bugünədək vətənpərvərliyin təbliği ilə bağlı bir çox layihələrə imza atmış, şəhid övladları və qazilərlə görüşlər keçirilmiş, Şuşa ilinə, Gəncə terroruna həsr olunmuş tədbirlər keçirilmişdir. Azərbaycan-Türkiyə qardaşlıq-dostluq əlaqələrini özündə təcəssüm edən “Azərbaycan-Türkiyə! Qardaşıq, canıq, birik!” mövzusunda Azərbaycan və Türkiyə deputatlarının iştirakı ilə görüş keçirdik. Cənubi Azərbaycan, Qərbi Azərbaycan mövzusunda “Turan ellər var olsun!”, “Sən İrəvansan! Hər bir azərbaycanlının şah damarısan!” adlı layihələr planı təqdim olunmuşdur.
Daim inkişaf etmək, vətənpərvərliyi təbliğ etmək üçün daha böyük kütləyə yayılmaq, dövlət və dövlətçilik üçün çalışmaq üçün addımlayırıq. Bakıdan başqa Gəncə şəhəri, Qazax, Göygöl, Tovuz, Samux, Kəlbəcər, Daşkəsən, Ağstafa, Gədəbəy, Şəmkir və Goranboy rayonlarında nümayəndəliklərimiz var. Məqsədimiz Azərbaycanlıların əbədi birliyini təmin etməkdir. Nə qədər ki, vətənpərvər, savadlı Azərbaycan gəncliyi var Azərbaycan da öz sözünü dünyada daim deyəcək və daim inkişaf edəcək!
Mən fəxr edirəm ki, azərbaycanlıyam və azərbaycanlı olaraq anadan olmuşam!
Allahdan şəhidlərimizə rəhmət, qazi və veteranlarımıza can sağlığı arzu edirəm. Birliyimiz əbədi olsun!
Şahin Əliyev,
Əbədi Birlik GİB-nin sədri, ictimai-siyasi fəal
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!