24-02-2024, 08:54
İstanbul Hava Limanı yanvarda Avropanın ən işlək hava limanı olub
İstanbul Hava Limanı yanvar ayında gündə orta hesabla 1308 uçuşla Avropanın birinci ən işlək hava limanı olub.
Butov.az Türkiyəmətbuatına istinadla xəbər verir ki, Avropa Hava Naviqasiyasının Təhlükəsizliyi Təşkilatının (Eurocontrol) yanvar ayı üzrə Avropa Aviasiya Hesabatına görə, İstanbul Hava Limanı bu müddət ərzində gündə orta hesabla 1308 uçuşla Avropanın ən işlək hava limanları arasında birinci olub.
İstanbul Hava Limanını gündə orta hesabla 1201 uçuşla London Hitrou, 1160 reyslə Amsterdam Şiphol və 1032 uçuşla Paris Şarl de Qoll hava limanı izləyib.
İstanbul Sabiha Gökçen Hava Limanı isə gündə orta hesabla 596 uçuşla Avropanın ən işlək 10-cu hava limanı olub.
24-02-2024, 08:50
Türkiyədə işsizlərin sayı azalır
Türkiyədə işsizlik son 40 rübün ən aşağı səviyyəsinə - 8,8 faizə çatıb, işsizlərin sayı 137 min nəfər azalıb.
Butov.az xəbər verir ki, Türkiyə Statistika İdarəsi (TÜİK) 2023-cü ilin oktyabr-dekabr ayları üçün işçi qüvvəsi statistikasını açıqlayaq göstərib ki, əhali məşğulluğunda da artım olub. Ötən ilin oktyabr-dekabr aylarında məşğulluq 48,6 faiz olub, məşğul əhalinin sayı 195 min nəfər artıb.
24-02-2024, 08:39
İstanbula gələn xarici turistlər çoxalıb
2023-cü ildə İstanbula gələn turistlərin sayı son 10 ildə 66 faiz artaraq 17 milyon 370 minə çatıb.
2023-cü ildə İstanbula gələn turistlərin sayı son 10 ildə 66 faiz artaraq 17 milyon 370 minə çatıb.
Butov.az xəbər verir ki,, 2013-cü ildə şəhəri 10 milyon 474 min 867 xarici turist ziyarət edərkən, keçən il bu rəqəm 17 milyon 370 min 30 olaraq qeyd edildi. Belə ki, son 10 ildə şəhərə gələn turistlərin sayında hər il artım müşahidə olunub və son 10 ildə artım 66 faiz olub.
İstanbula 2014-cü ildə 11 milyon 842 min 983, 2015-ci ildə 12 milyon 414 min 677, 2016-cı ildə 9 milyon 203 min 987, 2017-ci ildə 10 milyon 840 min 595, 2018-ci ildə 13 milyon 432 min 990, 2019-cu ildə 14 milyon 906 min 663, 2020-ci ildə 5 milyon 1981, 2021-ci ildə 9 milyon 25 min 4, 2022-ci ildə 16 milyon 18 min 726 turist gəlib.
24-02-2024, 08:35
Rusiya tank və PUA istehsalını artırır
Butov.az-ın əldə etdiyi məlumata görə, Rusiya Federasiyasının müdafiə naziri Sergey Şoyqunun bildirib ki, 2023-cü ildə Rusiya ordusunda istifadə edilən pilotsuz təyyarələrin sayı 17, tanklar isə 6 dəfə artırılıb. Bundan əlavə, həm artilleriya, həm də təyyarə mərmilərinin sayı 17,5 dəfə çoxaldılıb.
S.Şoyqu bildirib: “ 2023-cü ildə Rusiya Silahlı Qüvvələrinə müqavilə əsasında 540 mindən çox hərbçi cəlb edilib. Bu, 6 diviziyadan ibarət ehtiyat ordunun yaradılmasına imkan verir. Qüvvələrimiz güclü qüvvə birliyi təşkil edən, yaxşı təlim keçmiş peşəkar birliklərdir. 2024-cü ilin əvvəlindən 50 minə yaxın şəxs müqaviləli hərbi xidmətə daxil olub və onların sayı artmaqda davam edir.
Ukrayna Silahlı Qüvvələri 2023-cü ilin yayından başlayan əks-hücum zamanı Rusiya ordusunun ilk müdafiə xəttinə belə keçə bilməyib. Müdafiə xəttinin 80 faizi mühəndislər və dəmiryol bölmələri tərəfindən tikilib”.
Qeyd edək ki, Ukrayna tərəfi Rusiyanın əks-hücuma hazırlaşarkən geniş ərazilərə çoxsaylı minalar qoymasından şikayət etmişdi. Rusiya müdafiə xəttinin minalanmış sahələrlə əhatə olunması Ukrayna əməliyyatını pozan əsas səbəblərdən biri kimi göstərilir.
23-02-2024, 22:14
“Bayer”lə oyunlar “Qarabağ” üçün böyük təcrübədir - Qurban Qurbanov
Avropa Liqasının 1/8 final mərhələsinin püşkü maraqlı nəticə ilə yekunlaşdı. “Qarabağ”a hamının Bundesliqa və avrokuboklardan yaxşı tanıdığı “Bayer” rəqib oldu.
Bu sözləri "Qarabağ"ın baş məşqçisi Qurban Qurbanov UEFA Avropa Liqasında 1/8 final mərhələsində Almaniyanın “Bayer” komandasına rəqib olmaları ilə bağlı klubun mətbuat xidmətinə açıqlamasında deyib.
52 yaşlı mütəxəssisin sözlərinə görə, “Bayer” Avropanın ən yaxşı, sabit çıxış edən komandalarından biridir: "Azarkeşlərimiz bu komandanı qrup mərhələsində canlı görmüşdülər. Yenə bu komanda ilə rəqib olduq. Mən bu klubun düşərgəsində oldum, iş prinsipləri ilə maraqlandım. Çox ciddi komanda yaradıblar. İstəkli, uduzmağı xoşlamayan baş məşqçiləri var. Məncə, maraqlı oyun olacaq. Baxmayaraq ki, güclü rəqibdir. Leverkuzendə Xabi Alonso ilə diskussiyamız, maraqlı fikirlərimiz oldu".
Çalışdırıcı bildirib ki, “Bayer”lə oyunlar Ağdam təmsilçisi üçün böyük təcrübədir: "Meydana azarkeşlərimiz üçün yaxşı mübarizə aparacaq komanda çıxarmağa çalışacağıq ki, baxımlı futbol oynayaq və yaxşı nəticə əldə edək. Belə böyük komandaların Bakıya gəlməsi Azərbaycanda futbolun sevilməsi üçün səbəb, hamı üçün böyük təcrübədir".
Qeyd edək ki, "Qarabağ" ilə "Bayer" arasında ilk matç martın 7-də Bakıda, cavab qarşılaşması isə bir həftə sonra Leverkuzendə baş tutacaq.
23-02-2024, 21:43
Çətir altından göz vurdu
Mən siyasət adamı deyiləm, siyasətlə də məşğul olmuram. Amma Makronla Paşinyanın görüşündə bir məqam diqqətimi çəkdi. Makron Paşinyanın üzərinə çətir qaldırmaqla onu inandırmağa çalışır ki, Ermənistan və onun baş naziri Fransanın təhlükəsizlik çətiri altındadır. Məsələ orasındadır ki, çətir Paşinyanın başında gəldi. Paşinyanla çətirtutan Makrona çatan kimi Makron çətiri qamarladı, sonra da Paşiki biraz qabağa aparıb fırlatdı. Nikol çox həyəcanlı idi. Makron onun əlini ovcuna alıb poz verdi, Nikol poz verincə Makron da kiməsə göz basdı. Bax o gözbasma nə məsələ idi anlamadım. Ona görə də siyasətşünaslardan xahiş edirəm xırdalasınlar, Makron kimə göz vururdu və nə demək istəyirdi?
Hörmətlə: Tamxil ZİYƏDDİNOĞLU
23-02-2024, 21:05
Kanada Rusiyaya qarşı sanksiyaları genişləndirdi
Ukraynada müharibənin başlamasının üçüncü ildönümü ərəfəsində Kanada Rusiyaya qarşı sanksiyaları genişləndirib.
Bu barədə Kanada hökuməti məlumat yayıb.
Bildirilir ki, Rusiyadan olan 153 müəssisə və 10 şəxsə qarşı sanksiya tətbiq edilib.
Qeyd edək ki, bundan əvvəl ABŞ və Avropa İttifaqı tərəfindən Rusiyaya sanksiyalar qoyulub.
23-02-2024, 19:44
Paşinyan gürcü həmkarını Ermənistana dəvət etdi
Ermənistan Baş naziri Nikol Paşinyanla gürcü həmkarı İrakli Kobaxidze ilə telefon danışığı aparıb.
Bu barədə "Sputnik" agentliyi məlumat yayıb.
Paşinyan həmkarını Ermənistana rəsmi səfərə dəvət edib.
Gürcüstan Baş naziri dəvəti qəbul edib.
23-02-2024, 19:29
Aybəniz Həşimovanın qardaşı həbs olundu
Quba Rayon Polis Şöbəsinin əməkdaşları tərəfindən daxil olan məlumat əsasında keçirilən əməliyyat-axtarış tədbirləri zamanı Gəncə şəhərində qeydiyyatda olmaqla Qubada müvəqqəti kirayə mənzildə yaşayan Şaiq Həşimov saxlanılıb.
DİN-in Mətbuat Xidmətinin Quba regional qrupundan bildirilib ki, Həşimov şəhid ailələrinə, qazilərə, fiziki məhdudiyyəti olan şəxslərə problemlərinin həllinə dair səlahiyyəti olmadığı halda vədlər verərək onlara ümumilikdə 20100 (iyirmi min yüz) manat ziyan vurub.
Faktla bağlı Quba RPŞ-də cinayət işi başlanılıb və məhkəmənin qərarı ilə Şaiq Həşimovun barəsində həbs qətimkan tədbiri seçilib.
Qeyd edək ki, Ş.Həşimov müğənni Aybəniz Haşımovanın qardaşıdır.
23-02-2024, 18:53
Baş nazir yeni qərar imzaladı
Nazirlər Kabineti 30 iyul 2020-ci il tarixli qərarı ilə təsdiq edilmiş “Dövlət və bələdiyyə tərəfindən yaradılan uşaq evləri sosial xidmət müəssisələrinin Nümunəvi Nizamnaməsi”ndə və 30 iyul 2020-ci il tarixli qərarı ilə təsdiq edilmiş “Dövlət və bələdiyyə tərəfindən yaradılan ailə tipli kiçik qrup evinin Nümunəvi Nizamnaməsi”ndə dəyişiklik edib.
Bununla bağlı Baş nazir Əli Əsədov yeni qərar imzalayıb.
Qərara əsasən, bundan sonra uşaq evləri və ailə tipli kiçik qrup evləri uşaqlarla bağlı Ailə Məcəlləsinə uyğun olaraq fərdi inkişaf planının hazırlanmasında və icrasında Əmək və Əhalinin Sosial Müdafiəsi Nazirliyinə (ƏƏSMN) kömək göstərəcək.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!