28-07-2024, 13:10
Sabahın hava proqnozu - Yağış, külək
Sabah, iyulun 29-da gözlənilən hava şəraiti açıqlanıb.
Milli Hidrometeorologiya Xidmətindən verilən xəbərə görə, Bakıda və Abşeron yarımadasında dəyişkən buludlu olacağı, əsasən yağmursuz keçəcəyi gözlənilir. Lakin gecə və səhər yarımadanın bəzi yerlərində qısamüddətli yağış yağacağı, şimşək çaxacağı ehtimalı var.
Arabir güclənən şimal-qərb küləyi günün ikinci yarısında mülayim şimal-şərq küləyi ilə əvəz olunacaq.
Havanın temperaturu gecə 19-23° isti, gündüz 25-29° isti olacaq. Atmosfer təzyiqi 760 mm civə sütunu olacaq. Nisbi rütubət gecə 70-80 %, gündüz 45-55 % olacaq.
Azərbaycanın rayonlarında bəzi yerlərdə arabir leysan xarakterli yağış yağacağı, şimşək çaxacağı gözlənilir. Ayrı-ayrı yerlərdə intensiv və güclü olacağı, dolu düşəcəyi ehtimalı var. Axşama doğru yağıntılar tədricən kəsiləcək. Gecə və səhər arabir duman.
Şərq küləyi ayrı-ayrı yerlərdə arabir güclənəcək. Havanın temperaturu gecə 18-23° isti, gündüz 25-30° isti, dağlarda gecə 8-13° isti, gündüz 13-18° isti olacaq.
28-07-2024, 12:32
Azərbaycanda on çaydan sel keçdi
İyulun 28-i saat 11:30-a olan məlumata əsasən bölgələrdə qeyri-sabit hava şəraiti davam edir, bəzi yerlərdə leysan xarakterli güclü yağış yağır.
Bu barədə ETSN yanında Milli Hidrometeorologiya Xidmətindən bildirilib.
Qeyd olunub ki, yağan leysan xarakterli yağışlar nəticəsində isə Qəbələ rayonu ərazisindən axan Dəmiraparançaydan, Şəki rayonu ərazisindən axan Kişçaydan, Zaqatala rayonu ərazisindən axan Talaçaydan, Qax rayonu ərazisindən axan Kürmükçaydan, Quba rayonu ərazisindən axan Xınalıqçaydan, Samux rayonu ərazisindən axan Qabırrıçaydan, Daşkəsən rayonu ərazisindən axan Dəstəfurçaydan, Gəncəçaydan, Astara rayonu ərazisindən axan Təngərüdçaydan, Tovuz rayonu ərazisindən axan Zəyəmçaydan sel keçib.
Havanın temperaturu Bakıda və Abşeron yarımadasında 26, Naxçıvan MR-da 27, Aran rayonlarında 28, dağlıq rayonlarda isə 16 dərəcəyədək isti qeydə alınıb.
28-07-2024, 12:16
Xamenei Pezeşkianı İranın yeni prezidenti kimi təsdiqlədi
İran İslam Respublikasının lideri Ayətullah Əli Xamenei bazar günü Məsud Pezeşkianı yeni prezident kimi rəsmi olaraq təsdiqləyib.
Bu barədə Mehr xəbər agentliyi məlumat yayıb.
Agentliyin məlumatına görə, mərasimin əvvəlində İranın daxili işlər naziri Əhməd Vəhidi növbədənkənar prezident seçkilərinin necə keçirildiyi barədə rəsmi hesabat təqdim edib və İran xalqına , idarə əməkdaşlarına seçkini uğurlu keçirmələrinə görə təşəkkür edib.
Ayətullah Xamenei daha sonra Pezeşkianın İran İslam Respublikasının 9-cu prezidenti elan edilməsi haqqında fərman verib.
Qeyd edək ki, Məsud Pezeşkianın andiçmə mərasimi iyulun 30-da İran parlamentdə olacaq.
28-07-2024, 11:48
Çində qasırğa - 12 nəfər öldü, vəzifəli şəxslər itkin düşdü
Çinin cənubunda “Qaemi” qasırğasının yaratdığı fəsadlar nəticəsində azı 12 nəfər ölüb, 6 nəfər yaralanıb.
Güclü yağışlar nəticəsində Henyan şəhərində torpaq sürüşməsi baş verib, 300 minə yaxın insan bölgədən təxliyə edilib.
Qeyd olunub ki, şəhər hakimiyyəti mümkün daşqınlarla bağlı xəbərdarlıq edib.
Məlumata görə, Lintszyan şəhərində mer müavini və daha bir məmur xilasetmə işləri zamanı itkin düşüb.
28-07-2024, 11:48
Çində qasırğa - 12 nəfər öldü, vəzifəli şəxslər itkin düşdü
Çinin cənubunda “Qaemi” qasırğasının yaratdığı fəsadlar nəticəsində azı 12 nəfər ölüb, 6 nəfər yaralanıb.
Güclü yağışlar nəticəsində Henyan şəhərində torpaq sürüşməsi baş verib, 300 minə yaxın insan bölgədən təxliyə edilib.
Qeyd olunub ki, şəhər hakimiyyəti mümkün daşqınlarla bağlı xəbərdarlıq edib.
Məlumata görə, Lintszyan şəhərində mer müavini və daha bir məmur xilasetmə işləri zamanı itkin düşüb.
28-07-2024, 11:48
Çində qasırğa - 12 nəfər öldü, vəzifəli şəxslər itkin düşdü
Çinin cənubunda “Qaemi” qasırğasının yaratdığı fəsadlar nəticəsində azı 12 nəfər ölüb, 6 nəfər yaralanıb.
Güclü yağışlar nəticəsində Henyan şəhərində torpaq sürüşməsi baş verib, 300 minə yaxın insan bölgədən təxliyə edilib.
Qeyd olunub ki, şəhər hakimiyyəti mümkün daşqınlarla bağlı xəbərdarlıq edib.
Məlumata görə, Lintszyan şəhərində mer müavini və daha bir məmur xilasetmə işləri zamanı itkin düşüb.
28-07-2024, 10:15
Fəzail Ağamalının qızının deputatlığa namizədliyi təsdiqləndi - FOTO
Növbədənkənar parlament seçkilərində namizəd olmaq üçün müraciət edənlərdən daha biri təsdiqlənib.
Ana Vətən Partiyası sədrinin Humanitar və Kommunikasiya Məsələləri üzrə müşaviri, deputat Fəzail Ağamalının qızı Günay Ağamalı bu il sentyabrın 1-də Azərbaycanda keçiriləcək növbədənkənar parlament seçkilərində namizədliyini irəli sürüb.
“Qarşıdan gələn növbədənkənar Parlament seçkilərində iştrak etmək üçün 65 saylı Salyan-Biləsuvar-Neftçala Dairə Seçki Komissiyası tərəfindən rəsmi şəkildə qeydiyyata alındım. Öz imzaları ilə mənə etimad göstərib, belə bir şansı verən dəyərli seçicilərimə dərin təşəkkürümü bildirirəm”, - Günay Ağamalı bildirib.
Qeyd edək ki, Azərbaycanda növbədənkənar parlament seçkiləri sentyabrın 1-də keçiriləcək. Mərkəzi Seçki Komissiyası (MSK) bəyan edib ki, namizədin qeydə alınması üçün zəruri olan seçki sənədlərinin müvafiq dairə seçki komissiyalarına təqdim edilməsi səsvermə gününə ən çox 50, ən azı isə 30 günə qalmışa qədər 18:00-dək davam edəcək.
27-07-2024, 22:46
İsrailin atəşkəs üçün təklifləri var
İsrail Qəzza zolağında atəşkəs razılaşması və girovların azad edilməsi üçün yenilənmiş təklifini ABŞ-a təqdim edib.
Bu barədə “Axios” portalı İsrail rəsmisinə və digər mənbələrə istinadla məlumat yayıb.
İsrail rəsmisinin sözlərinə görə, yeni təklifdə Qəzza zolağının cənubundan şimalına silah ötürülməsinin və yaraqlıların keçməsinin qarşısını almaq üçün xarici mexanizmin yaradılmasından bəhs edilir. Bundan əlavə, sazişin birinci mərhələsində İsrail Müdafiə Qüvvələrinin yenidən yerləşdirilməsindən, eləcə də anklav və Misir sərhədində Filadelfiya dəhlizi adlanan ərazidə onların mövqelərinin qorunub saxlanmasından danışılır.
Təklif İsrail, Qətər və Misirin iştirakı ilə Romada keçiriləcək danışıqlardan əvvəl göndərilib.
27-07-2024, 21:42
Millimiz Avropa çempionatının finalında
Azərbaycanın 18 yaşadək qızlardan ibarət basketbol millisi Kosovonun paytaxtı Priştina şəhərində keçirilən Avropa çempionatının C divizionunun finalına vəsiqə qazanıb.
Yarımfinalda Kiprlə üz-üzə gələn yığmamız rəqibinə 66:49 hesabı ilə qalib gələrək həlledici mərhələyə yüksəlib.
Qarşılaşmanın ən məhsuldar basketbolçusu millimizin üzvü Angelina İsmayılova (26 xal, 4 ribaund) olub.
Azərbaycan seçməsinin iyulun 28-də baş tutacaq final oyunundakı rəqibi Kosovo-Albaniya görüşünün qalibi olacaq.
27-07-2024, 17:38
Pezeşkianın andiçməsində 300-dən çox xarici qonaq olacaq
İranın yeni prezident Məsud Pezeşkianın andiçmə mərasiminə 300-dən çox xarici qonağın qatılacağı gözlənilir.
Bu barədə İran parlamenti İcraiyyə Şurasının sözçüsü Əlirza Səlimi deyib.
O, prezident Pezeşkianın andiçmə mərasiminin çərşənbə axşamı keçiriləcəyini açıqlayıb.
Səlimi bəyan edib ki, andiçmə mərasimində ölkənin yüksək rütbəli rəsmiləri ilə yanaşı, 80-dən çox nümayəndə heyəti və 300-dən çox xarici qonaq iştirak edəcək.
İranın yeni seçilmiş prezidenti Məsud Pezeşkiyanın səlahiyyətlərinin icrasına başlama mərasimi sabah Tehranın İmam Xomeyni Hüseyniyyəsində rəsmi səlahiyyətlilərin, yüksək səviyyəli siyasi və hərbi rəsmilərin, İslam İnqilabının rəhbəri Ayətullah Seyid Əli Xameneinin iştirakı ilə keçiriləcək.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!