22-05-2025, 12:30
Keçmiş məhkum market əməkdaşını bıçaqla hədələdi
Market əməkdaşını bıçaqla hədələyib soyğunçuluq edən şəxs saxlanılıb.
Hadisə Suraxanı rayonu ərazisində yerləşən marketlərin birində qeydə alınıb.
Naməlum şəxs marketin əməkdaşını kəsici alətlə hədələyərək 750 manatını talayıb.
Suraxanı RPİ 30-cu Polis Şöbəsi əməkdaşlarının həyata keçirdikləri tədbirlərlə əməli törətməkdə şübhəli bilinən əvvəllər məhkum olunmuş 23 yaşlı Ş.Dövlətov saxlanılıb.
Araşdırma aparılır.
22-05-2025, 12:21
Sabahın hava proqnozu
Bakıda və Abşeron yarımadasında mayın 23-ü hava şəraitinin dəyişkən buludlu olacağı, əsasən yağmursuz keçəcəyi gözlənilir. Şimal-şərq küləyi səhər cənub-şərq küləyi ilə əvəz olunacaq.
Bu barədə Milli Hidrometeorologiya Xidmətindən məlumat verilib.
Bildirilib ki, havanın temperaturu gecə 15-17° isti, gündüz 24-29° isti olacaq. Atmosfer təzyiqi 765 mm civə sütunundan 761 mm civə sütununa enəcək. Nisbi rütubət gecə 70-75 %, gündüz 45-50 % olacaq.
Azərbaycanın rayonlarında hava şəraiti əsasən yağmursuz olacaq. Bəzi yerlərdə arabir duman. Şərq küləyi əsəcək.
Havanın temperaturu gecə 13-18° isti, gündüz 26-31° isti, dağlarda gecə 5-10° isti, gündüz 15-20° isti olacaq.
22-05-2025, 12:13
Qurban bayramına görə 4 gün iş olmayacaq
Bu il Qurban bayramı ilə əlaqədar 4 gün ardıcıl qeyri-iş günü olacaq.
Nazirlər Kabinetinin qərarına əsasən iyunun 6, 7-si Qurban bayramı günləri müəyyən edilib.
Bu il 7 iyun şənbə gününə təsadüf etdiyi üçün Əmək Məcəlləsinə uyğun olaraq, 9 iyun qeyri-iş günü olacaq.
Beləliklə, 8 iyun bazar gününə təsadüf etdiyi üçün Qurban bayramında ardıcıl 4 gün – 6, 7, 8 və 9 iyun tarixləri qeyri-iş günləri olacaq.
Qeyd edək ki, bu gün Qafqaz Müsəlmanları İdarəsi Qurban bayramı ilə əlaqədar fətva verib
22-05-2025, 00:16
İran-ABŞ danışıqları - 5-ci raundun yeri və vaxtı açıqlandı
İran-Amerika danışıqlarının beşinci raundu cümə günü İtaliyanın paytaxtı Romada keçiriləcək.
Bu barədə Omanın xarici işlər naziri Seyid Bədr bin Həməd bin Həmud Əlbusaidi bildirib.
O, sosial şəbəkədə yazıb: "İran-Amerika danışıqlarının beşinci raundu bu cümə, mayın 23-də Romada baş tutacaq".
İran və ABŞ nümayəndə heyətləri Omanın paytaxtı Maskat və İtaliyanın Roma şəhərində Tehranın nüvə proqramı və ABŞ sanksiyalarının ləğvi ilə bağlı dolayı danışıqların dörd raundunu keçirib.
Bundan əlavə, İran və üç Avropa ölkəsi - Fransa, Almaniya və Böyük Britaniya ötən cümə günü İstanbulda yüksək səviyyəli görüş keçirib.
22-05-2025, 00:00
Sarkisyan Paşinyanı yıxmağa çağırdı: “Köçəryan baş nazir olsun!”
Ermənistanın 3-cü prezidenti Serj Sarkisyan hazırkı Baş nazir Nikol Paşinyanın hakimiyyətdən getməsi üçün onunla bağlı impiçment (etimadsızlıq) təşəbbüsünü dəstəklədiyini vurğulayıb.
Sarkisyan mayın 21-də jurnalistlərlə söhbətində “bəli biz impuçmentin tərəfdarıyıq” deyib.
Sarkisyanın sözlərinə görə, Paşinyana etimadsızlıq məsələsi 2026-cı ilin parlament seçkilərini gözləmədən gerçəkləşməldiir.
O vurğulayıb ki, indiki hakimiyyət əvvəllər də baş verdiyi kimi, bu il də ölkənin ərazi bütövlüyünə daha böyük ziyan vura bilər.
“Və heç bir zəmanət yoxdur ki, “sülh müqaviləsi” bəhanəsi ilə sonradan geri qaytarılması çox çətin olacaq güzəştlər edilməyəcək. Yaxın gələcəkdə - bəlkə də yaxın aylarda - Ermənistan liderinin qondarma sülh sazişi imzalayacağı ehtimalı yüksəkdir. Amma biz bu sənəddə dəqiq nə yazıldığını bilirik? Biz bilmirik”.
"Ola bilsin ki, bir-iki aya, artıq Tavuşda olduğu kimi, Ermənistan yenidən Azərbaycana müəyyən ərazilər verəcək. Bundan sonra da müxalifət seçkilərdə qalib gəlsə belə, biz bu torpaqları geri ala biləcəyikmi? Yoxsa "yaxşı, Artsaxdan əl çəkdik, Ermənistanın bir hissəsini verdik, bəs nə olacaq, biz də anklavı dəyişəcəyik, anklavdan da imtina edəcəyik?" deməliyik? Xeyr, mən bu mövqe ilə razılaşmıram, biz indidən bunun qarşısını almağa çalışmalıyıq”, – deyə Serj Sarkisyan müxalifətə çağırış edib.
Eks-prezident bildirib ki, Paşinyanın impiçment prosesi onun istefası ilə başa çatarsa, 2-ci precident Robert Köçəryanın baş nazir postuna mümkün namizədliyini dəstəkləməyə hazırdır.
Sarkisyana görə, qondarma “Artsax məsələsi” hələ açıq qalır: “Bu səhifə bağlanmayıb”.
O, gələcəkdə bu məsələdə böyük dəyişikliklərin olacağını da istisna etməyib.
"Əgər bu ideyanı yaşada biləcək fərdlər və ya siyasi qüvvələr varsa, əminəm ki, bir gün Ermənistandan kənarda olan nüfuzlu qüvvələr də bununla maraqlanacaqlar. Sonra isə “Artsax məsələsi”ni həyata keçirmək imkanı yaranacaq", - Sarkisyan bildirib.
O, bu gün Qarabağ ermənilərinin Qarabağa qayıtmasının yalnız beynəlxalq zəmanətlərin olması ilə mümkün olduğu fikrini ifadə edib.
Sarkisyanın sözlərinə görə, qayıdış yalnız beynəlxalq aktorların iştirakı ilə mümkündür:
“Beynəlxalq qüvvələrin iştirakı olmadan təhlükəsiz geri dönüşü təmin etmək mümkün deyil”, - Serj Sarkisyan vurğulayıb.
21-05-2025, 21:42
Prezidentin Macarıstana səfəri başa çatdı
Azərbaycan Respublikasının Prezidenti İlham Əliyevin Macarıstana işgüzar səfəri mayın 21-də başa çatıb.
Budapeştin Ferents List adına Beynəlxalq Hava Limanında dövlətimizin başçısının şərəfinə fəxri qarovul dəstəsi düzülmüşdü.
Azərbaycan Prezidentini rəsmi şəxslər yola saldılar.
21-05-2025, 20:49
"Baydenin 12-18 ay ömrü qalıb"
Prostat xərçəngi diaqnozu qoyulan ABŞ-nin sabiq prezidenti Co Baydenin 12-18 ay ömrü qalıb.
Bunu Ağ Evin keçmiş həkimi, respublikaçı konqresmen Ronni Cekson “The Washington Free Beacon” (WFB) nəşrinə müsahibəsində deyib.
“Mənim ixtisasım deyil, amma bu məsələ çıxandan bəri bir sıra uroloqlarla danışmışam. Bu, 12-18 ay çəkə bilər”, - o bildirib.
Ağ Evin keçmiş həkimi Baydenin gözlənildiyindən daha uzun yaşayacağına ümid etdiyini də bildirib.
21-05-2025, 19:38
Zəngəzur çiçəyi yubiley işığında
Bu gün Zəngəzur mahalının sevimlisi Kifayət Həsənovanın yubiley-doğum günüdür. Kifayət xanımı təbrik etmək istəyənlərin sayı elə özünün adı qədərdi. Amma biz dostların ürək sözlərindən əvvəl onun özünü oxucularımıza təqdim etmək istədik:
Kifayət Şükür qızı Həsənova 21 May 1955-ci il tarixdə öz gözəl təbiəti, mərd, səxafətli övladları, hər evdə açıq süfrələrilə seçilən Zəngəzur mahalının Qafan rayonunun Oxtar kəndində anadan olub. 1970-ci ildə Oxtar kənd 8 illik məktəbini bitirib. 1970-1971-ci tədris ilində 9-cu sinfi qonşu Şəhərcik kəndində oxuyb. 1971-1972-ci tədris ilində Bakı şəhərinə gələrək təhsilini Sabunçu ( o vaxtkı Lenin) rayonundakı 80 nömrəli tam orta məktəbdə davam etdirib. Orta məktəbi əla qiymətlərlə bitirərək BDU-nun Geoloji-coğrafiya fakültəsinə daxil olub. 1977-ci ildə universiteti qurtaran Kifayət xanım Lenin adına Neft və Qazçıxarma idarəsində geoloq vəzifəsinə təyin edilib. 1990-cı ilin sentyabrında öz xahişi ilə geoloq vəzifəsindən ayrılaraq Bakı Şəhəri R.Əliyev adına 3 nömrəli tam orta məktəbə coğrafiya müəllimi vəzifəsinə qəbul edilib. 1996-2021-ci illərdə həmin məktəbin təlim-tərbiyə işləri üzrə direktor müavini işləyib.
Məktəbdə Yeni Azərbaycan Partiyasının ilk ərazi təşkilatını yaradan Kifayət müəllim, təqaüdə çıxana qədər, məktəb üzrə ilk ərazi partiya təşkilatının sədri vəzifəsini icra edib. Dəfələrlə BŞTİ-nin və Binəqədi rayon YAP-ın Fəxri Fərmanları və Diplomları ilə təltif olunub. O, bir neçə il ardıcıl BŞTİ-nin keçirdiyi “Pedaqoji Mühazirələr” müsabiqəsinin qalibi olub, 1-ci və 2-ci yerləri tutub. Şagirdlərinin müntəzəm olaraq şəhər və respublika olimpiadalarında I, II yerləri tutduqlarına görə, Əmək kitabçasına yazılmaqla BŞTİ-nin diplomu ilə təltif olunub. Onun şagirdlərinin sorağı dünyanın və Azərbaycanın ən nüfuzlu ali təhsil ocaqlarından gəlir. Hazırda çalışmanın yaş həddinə görə təqaüddə olan Kifayət müəllim Nərimanov-Nizami-Binəqədi 18 saylı DSK 28 saylı Məntəqə SK-nın sədri kimi əmək fəaliyyətini davam etdirir. 9-10 noyabr 2001-ci il tarixində keçirilən Dünya Azərbaycanlılarının I qurultayının iştirakçısıdır.
Kifayət müəllm, 1979-cu ildə, əslən Qafan rayonunun Gomaran kəndindən olan, 1951-ci ildə ailəsi ilə bərabər deportasiya olunmuş
Kifayət müəllimin ana kimi də, müəllim kimi də zəhməti hədər getməyib. Beləki qızı, Azərbaycan Tibb Universitetinin məzunu, Əczaçılıq elmləri üzrə fəlsəfə doktoru Könül Hüseynquliyeva da nənəsinin və anasının seçdiyi peşəni davam etdirir. ATU-nun Əczaçılıq toksikologiya və kimya kafedrasının baş müəllimidir. 2 ixtira, 4 dərs vəsaiti daxil olmaqla 40-dan artıq elmi əsərin müəllifidir. Oğlu Fuad Həsənli Bakı Şəhər İH-də çalışır. Nəvələri BDU-nun hüquq, beynəlxalq münasibətlər fakültələrində, Polis Akademiyasında, biri isə UNEC-də magistr pilləsi üzrə (BDU-nun məzunu) təhsil alır. Digər iki nəvəsi isə məktəblidir.
Övladlar nəvələr onu baş tacı bilir. Bunu biz demirik Könül Hüseynquliyeva deyir: “Başımızın tacı, Nurüzlü anamız, Allah səni var eləsin, Tanrıya həmd olsun ki, bu özəl və gözəl gündə bizimləsən, yanımızdasan. Allah həmişə sevdiyi insanları imtahan edər. Bu da bizim imtahanımız... 6 ay öncə biz bu günu təsəvvür belə etmirdik. Amma indi sənin 70 illik yubileyini qeyd edirik. Belə çətin gündə bizə dəstək olan hər bir kəsə- qohum-əqrəbaya, dost-tanışa, xüsusilə də Milli Onkoloji Mərkəzin tibbi personalına öz dərin təşəkkürümüzu bildiririk.
Canım anam, Allah səni bizə çox görməsin və səni üstümüzdən əskik etməsin! Yeni yaşın sənə sağlıq, hüzur və xoşbəxtlik gətirsin inşallah!”
Bu gün Kifayət xanımı yubileyi münasibətilə təkcə doğmaları, qızı, nəvələri təbrik etmir. Onu ictimai fəallığına görə yaxşı tanıyan Qafan rayon ictimaiyyətinin əksər nümayəndələri təbrik edir. Həmkarı Məryəm Gəncəliyevanın ürək sözləri Kifayət xanım haqqında daha aydın təsəvvür yaradır:
“Əziz və hörmətli Kifayət xanım, müəllim yüzlərlə vətən övladına həyatın sirlərini öyrədən, yüzlərlə şagirdə sinif otaqlarında ümid işığı olan, onların uğuruna ilk sevinən, onlara “can" deyib özününkünə yorğun çatan, şagirdləri üçün nura çevrilən, peşəsinin fədakarlığı ilə yaratdığı əsərlərinin- şagirdlərinin yüksəlişini görəndə ürəyi dağa dönəndir. Siz 70 illik ömrünüzü vətən övladlarının işıqlı günü üçün sərf etdiniz, müəllim imzanızla çox ürəklərdə şama çevrildiniz, yurda olan sədaqətinizi əsirgəmədən vətən təəssübkeşinə çevrildiniz. Nə gözəldir vətən sevdalısı olub sevilmək. Arzu edirəm, fəth etdiyiniz ürəklərdən silinməyəsiniz, sevdiklərinizlə, sizi sevənlərlə daim bir yerdə olasınız, ailə ocağının odu daim yanar olsun, işığı gur yansın!”
Qafan Rayon İcması adına yaranmış WhatsApp qrupuna yağdırılan təbriklərdən qarşımıza çıxanların müəlliflərinin adını çəkməklə Kifayət xanıma olan hörmət və ehtiramlarını diqqətə çatdırırıq:
“Hörmətli Kifayət xanım! Sizi doğum gününüz- 70 illik yubileyiniz münasibəti ilə səmimi qəlbdən təbrik edir, sizə möhkəm can sağlığı, ürəyinizdəki bütün arzuların çin olmasını və ən əsası Oxtar dərəsinə-Vətənə qovuşmaq nəsibi arzu edirəm! Hörmətlə: Eldar Abbasov”
Qafan Rayon İcmasının sədri, professor Eldar Abbasovun təbriklərinə qoşulanların hamısını sadalamaq mümkünsüzdür. Kənd icmaları – Qaraçimən kənd icması adından Sərvər Hüseynov, Gərd kənd icması adından Eldar Qarayev, Gığı kənd İcması adından Bəhruz Piriyev, Müsəlləm kənd icması adından Əkrəm Mustafayev, Qovşud kənd icması adından Eldar kazımov, Xələc kənd icması adından Naqim Mehdiyev, Dovrus kənd icması adından Paşa Abbasov, Şabadin kənd icması adından Əbülfəz Ağayev və başqaları təbrik edirlər.
Kifayət xanım, biz də “Bütöv Azərbaycan” qəzetinin kollektivi olaraq sizi təbrik edirik. Ağır xəstəliyə öz iradənizlə, mətanətinizlə, təpərinizlə qalib gəldiniz. Bu hünər sizə Zəngəzur dağlarından verilmişdi. Arzu edirik ki, qalan ömrünüzü ağrı-acısız yaşayasınız. Sizi baş tacı edən övladlarınız ətrafınızdan əksik olmasın!
Hörmətlə:Tamxil Ziyəddinoğlu,
“Bütöv Azərbaycan” qəzetinin təsisçisi və baş redaktoru
21-05-2025, 18:53
Birgə hərbi təlimlərdən GÖRÜNTÜLƏR
Türkiyənin Konya şəhərində keçirilən “Anadolu Ankası - 2025” ("Anatolian Phoenix - 2025") beynəlxalq axtarış-xilasetmə təlimində növbəti tapşırıqlar icra edilib.
Bu barədə Azərbaycanın Müdafiə Nazirliyindən məlumat verilib.
Bildirilib ki, əvvəlcə təlimin planına uyğun olaraq iştirakçılara təhlükəsizlik qaydaları, yerinə yetiriləcək tapşırıqların xəritə üzərində dəqiqləşdirilməsi və onların icra ardıcıllığı, axtarış-xilasetmə tədbirinin görüləcəyi ərazinin relyefi və iqlimi ilə bağlı brifinq təqdim olunub.
Plana əsasən, paraşüt hazırlığı və axtarış-xilasetmə üzrə fəaliyyətlər uğurla icra olunub.
Təlimdə qarşıya qoyulan tapşırıqların yerinə yetirilməsində əsas məqsəd şəxsi heyətin paraşütlərdən istifadə bacarıqlarının təkmilləşdirilməsi, onların döyüş və xüsusi hazırlıq səviyyəsinin daha da artırılması, o cümlədən iştirakçı ölkələrin hərbi qulluqçuları arasında qarşılıqlı uzlaşma və təcrübə mübadiləsinin təmin edilməsidir.
Qeyd edək ki, beynəlxalq axtarış-xilasetmə təlimində ölkəmizi Azərbaycan Hərbi Hava Qüvvələrinin pilotları, paraşüt-desant və axtarış-xilasetmə xidmətinin mütəxəssisləri, texniki heyət və aviasiya vasitələri təmsil edir.
21-05-2025, 18:32
Paşinyan İranın müdafiə naziri ilə görüşdü
Ermənistanın baş naziri Nikol Paşinyan İrəvanda səfərdə olan İranın müdafiə naziri general Əziz Nəsirzadənin başçılıq etdiyi nümayəndə heyətini qəbul edib.
Bu barədə Ermənistan hökuməti məlumat yayıb.
Bildirilib ki, tərəflər Ermənistan-İran əməkdaşlığının gündəliyində duran məsələləri, o cümlədən regional təhlükəsizlik və sabitliyin qorunmasını müzakirə ediblər.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!