oxü.az -da "Mübariz İbrahimovu qəhrəman saymıram" deyəcək qədər "qeyrətli" olan və ermənilərə mədhnamə deyən kəsin - BƏYANATına cavab:
Ey kimliyi müəmmalı olan kəs! bil və ağah ol ki:
Mübariz Vətənə məhəbbətdən şeirlər yazmadı, mahnı bəstələmədi, «Lazım gələrsə düşmənlə döyüşə hazırıq!» söyləmədi, pafosla «Vətən, Vətən!» demədi. O, sadəcə ömrünün ən gözəl çağında ölümdən uca olmağı bacararaq bu Vətənin yolunda canından keçdi! Şəhidliyi könüllü qəbul edib Millətimizin Qəhrəmanı oldu!
Tanrının yaratdığı hər kəs üçün gözlə qaş arasında olan ucuz ölümü düşmənə çox baha satmaqla, Mübariz yatmış vicdanları oyatdı, kütləşməkdə olan vətənpərvərlik hisslərinə bülöv çəkdi, düşmənə papaq altında yatan oğlanların qisasının gücünü göstərdi. Elə özümüzə də!
Mübariz öz danılmaz qəhrəmanlığı ilə belə igidləri olan Vətənin basılmazlığını mənfur erməni qəsbkarlarına bir daha anlatdı! Lərzəyə saldı düşmənlərimizi.
Mwbariz ölməyib! Düşmənə göz dağı olan uca qaməti, məğrur görkəmi, əzəməti və əzmi ilə ölümə qalib gəlib! Nurlu siması, doğma çöhrəsi ilə bizim hər birimizə əzizdən də əziz olan Mübarizimiz öz şərəfli ölümüylə əbədi ölümsüzlük qazanıb!
İndi «Bu torpağın Nəbisi, Koroğlusu, Babəki var!» sözlərini çox eşitmiş insanların artıq əfsanəsi yox, canlı həqiqəti var - Mübariz adlı həqiqəti! Həqiqət isə qəhrəmanlıq kimidir - heç vaxt ölmür!
S.M.