21 fevral "Ana dili" günü Azərbaycanın güneyi üçün xüsusi önəm kəsb edir. Bütöv Azərbaycan Ocaqlarının sözçüsü olaraq hesab edirəm ki, Azərbaycanın güneyində bununla bağlı böyük bir hərəkat başlamalıdır. Orada iqtidarda, Ali Təhsil ocaqlarında çoxsaylı Azərbaycan türkləri çalışır. Amma İran fars rejimi irqçilik siyasəti həyata keçirərək, 35 milyondan çox insanın Ana dilini yasaq edib. Bu insan haqlarına ən böyük zərbədir. İran fars rejimi başa düşməlidir ki, fars dilinin yaşa...masında Türk imperiyalarına borcludur. Məhz, Türk imperiyaları bu dilin ədəbi dilə çevrilməsində böyük rol oynayıblar. Bu da onların ədalət sistemindən irəli gəlmişdir. Sonuncu Qacar Türk imperiyasında belə fars dili dövlət səviyyəsində oilmuşdur. İqtidara gələn Pəhləvi rejimi isə 1935-ci ildə İran ərazilərində Türk dilinin işlənməsinə yasaq qoydu. Bununla da irqçi bir siyasət həyata keçirdi. Bu siyasəti hazırda "Molla" rejimi də davam etdirir. Biz Bütöv Azərbaycan Ocaqları (BAO) olaraq buradan İranda mühüm dövlət vəzifələrində, hərbi sistemdə, Ali Təhsil müəssisələrində çalışan həmvətənlərimizə üz tuturuq: Azərbaycan türk dilinin rəsmi səviyyədə işlədilməsi üçün fəaliyyətə keçin! Necə ola bilər ki, 35 milyon bir xalqın Ana dilində məktəbi, Ali Təhsil müəssisəsi olmasın! Eyni zamanda Azərbaycan Respublikasının rəhbərliyinə müraciət edirik ki, bu məsələni beynəlxalq qurumlarda vaxtaşırı qaldırsınlar.