Güney Azərbaycan xəbərləri, Güney Azərbaycan-Təbriz
Butov.az Davam.az istinadla xəbər verir ki, İran adlanan dövlətin ordusunun elitası hesab edilən İslam İnqilabı Keşikçiləri Korpusunun (Sepah) Suriyada böyük itkilər verdikdən sonra, molla rejimi tərəfindən geri çağırılması nəzərdə tutulub.
Məlum olduğu kimi İranın molla rejimi Suriyada Əsəd rejimini qorumaq üçün bu ölkəyə ordu yeritmişdi. İranın Suriyaya yeritdiyi xüsusi təyinatlı birliklər orada daha çox Türk toplumlarına qarşı qəddarlıqları və soyqırım törətmələri ilə gündəmə gəldilər. Bununla da İran vandalları Suriyada yerli əhalinin müqaviməti ilə rastlaşdılar. İranın molla rejiminin qorxu simvolu kimi təqdim etdikləri və ordularının ən üst, ən elitar birliyi hesab olunan Sepah Suriyada kiçik silahlı qarşıdurmalarda böyük itkilər verdi. Bir neçə ayda onlarla general və yüzlərlə digər yüksək rütbəli zabitlər itirən Sepah haqqında yaradılmış mif darmadağın oldu.

Artıq molla rejimi Suriyadan ordusunu geri çəkmə məcburiyyətində qalıb. Buna səbəb isə itgilərin sayının həddindən çox olması nəticəsində hakimiyyət daxilində qarşıdurmaların yaranmasıdır. Belə ki, sosial şəbəkələrdə yayılan məlumatlara görə Sepah Suriyada 15000 canlı qüvvə itirib. Qeyri rəsmi məlumatlara görə 45000-lik qüvvəylə Suriyaya girən Sepahın qısa zamanda bu qədər itki verməsi həm İranın "xüsusi təyinatlılarının", həm də molla rejiminin gözünü qorxudub.

Qeyd edək ki, rejim nə qədər gizlətməyə çalışsa da məhf edilən sepahçıların çoxunun fotoları mətbuatda yayımlanıb. Son yayılan fotolarda isə kütləvi şəkikldə məhf edilən sepahçıların tabutlarının İrana gətirilməsi görüntüləri əks edilib. Həmin fotoları təqdim edirik: