Azərbaycan Hərb Tarixi Muzeyində “31 mart azərbaycanlıların soyqırımı tarixin qanlı səhifəsidir” adlı anım tədbiri keçirilib.
1918-ci ilin mart ayının sonu Azərbaycan xalqının qanlı və faciəli günləri kimi tarixə düşmüşdür. Erməni daşnak partiyasının liderləri 1918-ci ilin ilk aylarından etibarən Bakıdan başlayaraq Tiflisə qədər məskunlaşan azərbaycanlıları Kür çayına, Qubadan Astarayadək yaşayanları isə Xəzər dənizinə tökməyi planlaşdırmışdırlar. Həmin plana uyğun olaraq 1918-ci ilin mart-may aylarında Bakı, Şamaxı, Quba, Göyçay, Naxçıvan, İrəvanda ermənilər yerli əhaliyə qarşı kütləvi qırğın tədbirlərinə əl atdılar. Silahlı erməni daşnakları mart ayının 31-dən başlayaraq 3 gün ərzində Bakı şəhərində dəhşətli qırğınlar törətdilər. Şəhərin müsəlman əhalisi kütləvi şəkildə qətlə yetirilmiş, onların ev və əmlakları qarət olunmuşdur.
[center]

Ermənilər törətdikləri bu qanlı hadisələrin izini itirmək və miqyasını kiçiltmək məqsədilə onu “Bolşevik-müsavat firqə mübarizəsi” kimi qələmə verməyə çalışırdılar. Əslində isə bu hadisələr firqə davası deyil, bir millətə, xalqa qarşı yönəlmiş qanlı soyqırım aktı idi.
[center]

Tədbirdə Müdafiə Nazirliyi, H.Əliyev adına ali hərbi məktəblər, hərbi hissələr, Hərbi Akademiya, veteran təşkilatları, şəhər muzeyləri və digər idarə- müəssisələrin nümayəndələri iştirak ediblər.
Tədbirdə 31 mart soyqırımına həsr olunmuş sənədli filmin nümayiş olmuş, e.o.polkovnik Əzizağa Qəni-zadənin və tədbirin layihə rəhbəri muzeyin tədqiqatçi-elmi işçisi Sevər Həsənovanın, polkovnik- Nazim Əhmədovun və digər tədbir iştirakçıların çıxışları dinlənilmişdir.



Nuranə NƏCƏFOVA