Azərbaycan Hərb Tarixi Muzeyi 29 oktyabr 1992-ci il tarixində Müstəqil Dövlətlər Birliyinin IV Ordu Qarnizonunun “Döyüş şöhrəti” muzeyinin bazasında yaradılmış və Azərbaycan Respublikası Müdafiə Nazirinin 418 saylı əmrinə əsasən 10 dekabr 1992-ci ildə təşkil olunub.



AHTM-də Azərbaycan Hərb Tarixi Muzeyinin yaradılmasının 23 illiyi münasibəti ilə tədbir keçirilib.
Tədbirdə Müdafiə Nazirliyinin Şəxsi Heyət baş idarəsinin Mənəvi- psixoloji Hazırlıq və İctimaiyyətlə Əlaqələr İdarəsinin, Hərbi Təhsil İdarəsinin, Beynəlxalq Hərbi Əməkdaşlıq İdarəsinin, Hərb oyunları Mərkəzinin, MN Birləşmiş Həmkarlar Komitəsinin, Hərbi Akademiyanın, Təlim Tədris Mərkəzinin, C.Naxçıvanski adına Hərbi Liseyin nümayəndələri iştirak ediblər.

AHTM-in 23 illik fəaliyyətinə həsr olunmuş videorolik nümayiş etdirildikdən sonra Azərbaycan Hərb Tarixi Muzeyinin rəisi e.o.polkovnik Əzizağa Qəni-zadənin məruzəsi, tədbirin aparıcıları ekspozisiya rəisi Şəlalə xanım Hüseynova və tədqiqatçı- elmi işçi Sevər Həsənovanın və tədbirdə iştirak edən digər qonaqların çıxışları dinlənilib.

Müdafiə Nazirliyinin Şəxsi Heyət baş idarəsinin Mənəvi-psixoloji Hazırlıq və İctimaiyyətlə Əlaqələr İdarəsinin zabiti R. Qarayev öz çıxışında muzey ilə bağlı yüksək fikirlərini bildirib, muzeyin fəaliyyəti və muzeydə keçirilən tədbirlərin təqdirəlayiq olduğunu vurğulayıb.

Tədbir Həzi Aslanov adına Mərkəzi Zabitlər Evinin nəzdində fəaliyyət göstərən “Mahnı və rəqs ansanblı”nın kollektivinin konserti ilə başa çatıb.

Nuranə Nəcəfova