9-10-2023, 22:13
İsraildə ölənlərin sayı 900-ü keçdi
İsraildə HƏMAS-ın hücumları nəticəsində ölənlərin sayı 900-ü keçib.
Bu barədə “Times of Israel” qəzeti məlumat yayıb.
Ölənlərin sayı ilə bağlı heç bir rəsmi təsdiq yoxdur.
Fələstin tərəfinin məlumatına görə, 100-dən çox İsrail vətəndaşı, o cümlədən yüksək rütbəli hərbçilər əsir götürülüb. Onlar Qəzza zolağında saxlanılır.
9-10-2023, 21:58
Azərbaycan Beynəlxalq Elmi Ay Stansiyasının tikintisi üzrə layihəyə qoşuldu
Azərbaycan Beynəlxalq Elmi Ay Stansiyasının (BKS) tikintisi üzrə Rusiya-Çin birgə layihəsinə qoşulub.
Bu barədə CGTN telekanalı Çin Milli Kosmik Administrasiyasının (CNSA) bəyanatında bildirilib.
Qeyd olunub ki, oktyabrın 2-dən 6-dək Bakıda keçirilən 74-cü Beynəlxalq Astronavtika Konqresində (IAC-2023) Çin və Azərbaycanın kosmik agentlikləri MNLS layihəsi üzrə əməkdaşlıq sazişi imzalayıblar. Hər iki tərəf “elmi cihazların quraşdırılması, kadr hazırlığının təmin edilməsi və elmi-texnoloji təcrübələrin keçirilməsini əhatə edən proqramın həyata keçirilməsi üzrə əməkdaşlığı gücləndirmək barədə razılığa gəliblər.
Bu günə kimi proqrama Azərbaycandan əlavə Pakistan, BƏƏ, CAR, Asiya-Sakit Okean Kosmik Əməkdaşlıq Təşkilatı və İsveçrənin Nano-SPACE şirkəti də qoşulub.
CGTN-nin məlumatına görə, Ay stansiyasının əsas modeli 2028-ci ilə qədər tamamlanacaq və Ay səthinin tədqiqi, missiyanın əsas sistem və avadanlıqlarının sınaqdan keçirilməsi üçün istifadə olunacaq. 2040-cı ilə qədər alimlər Günəş, Ay və Yerin təbiəti ilə bağlı yeni kəşflər etdikdə stansiyanın daha da təkmilləşdirilməsi planlaşdırılır. Mümkün təkmilləşdirmələrə gələcəkdə insanın Aya enişi və dərin kosmos kəşfiyyatı missiyaları üçün süni peyklər bürcünün yaradılması da daxildir.
9-10-2023, 21:12
Ərdoğan İsrail və Fələstin liderləriylə danışıqlar apardı
Türkiyə prezidenti Rəcəb Tayyib Ərdoğan İsrail prezidenti İsaak Hersoq və Fələstin lideri Mahmud Abbasla danışıqlar aparıb.
Bu barədə TRT kanalı məlumat yayıb.
Liderlər Fələstin-İsrail böhranını müzakirə ediblər. Türkiyə prezidenti münaqişənin mümkün həlli variantını açıqlayıb.
“Söhbət zamanı İsrail və Fələstinlə bağlı son hadisələr və bölgədəki gərginliklə bağlı inkişaflar müzakirə edilib. Prezident Ərdoğan bildirib ki, Türkiyə qarşıdurmanı tez bir zamanda dayandırmaq və bölgəyə sülh gətirmək üçün bütün lazımi səyləri edir”, – Rəcəb Tayyib Ərdoğanın ofisinin açıqlamasında deyilir.
O, İsrail prezidentindən sağlam düşüncədən istifadə etməyi və regionda vəziyyəti gərginləşdirməməyi xahiş edib.Türkiyə prezidentinin sözlərinə görə, Qəzza sakinlərinə kollektiv və ayrı-seçkilik etmədən zərər verə biləcək istənilən addım əzabları və zorakılığı daha da artıracaq.
Bundan əlavə, Türkiyə prezidenti Livanın baş naziri Nəcib Mikati ilə danışıb. Onlar İsrail-Fələstin münaqişəsini müzakirə ediblər.
9-10-2023, 20:24
Türkiyə və Fələstin Prezidentləri danışıqlar apardı
Türkiyə Prezidenti Rəcəb Tayyib Ərdoğan və Fələstin Prezidenti Mahmud Abbas arasında telefon danışığı olub.
Bu barədə Türkiyə Prezidentinin mətbuat xidməti məlumat yayıb.
Telefon danışığına görə Nazirlər Kabinetinin iclasına fasilə verilib.
Liderlər İsrail və Fələstində baş verən hadisələr, eləcə də regiondakı gərginliklə bağlı son vəziyyəti müzakirə ediblər.
Ərdoğan Türkiyənin regional münaqişələrin qısa müddətdə başa çatması və sülhün təmin olunması üçün hər cür səy göstərdiyini diqqətə çatdırıb.
9-10-2023, 19:43
İsraildən Azərbaycana təşəkkür mesajı
"İsrail xalqı adından Azərbaycan xalqına demək istəyirəm ki, siz bizim qəlbimizə toxundunuz, sağ olun!"
Bu sözləri İsrailin Azərbaycandakı səfiri Corc Dik son günlər ölkəsində baş verən hadisələrlə bağlı açıqlamasında deyib.
“Cəmiyyətin müxtəlif təbəqələrindən olan insanlardan nə qədər mesaj, e-poçt, votsap və zəng aldığımızı saymağı dayandırdım. Səfirliyin darvazası önün gül dəstələrinin düzülməsi isə doğrudan da ürəkaçandır", - səfir bildirib.
Səfir açıqlamada oktyabrın 7-nin Holokostdan sonra yəhudi tarixində ən qara gün kimi yadda qalacağı qeyd olunub. O vurğulayıb ki, HƏMAS terrorçuları İsrail vətəndaşlarını öldürmək, qaçırmaq üçün İsrailin cənubundakı şəhərlərə hücum edərək gözlənilməz müharibəyə başlayıb.
Corc Dik əlavə edib ki, baş verən hadisələr nəticəsində 700-dən çox israilli ölüb, 100-dən çox adam qaçırılıb və 2000-dən çox insan yaralanıb. Hücumun vaxtı sürpriz olsa da, qəddarlıq sürpriz deyildi.
"Bu dəfə də Yaxın Şərq reallığını dəyişəcəyik. Qan vermək üçün gözləyən yüzlərlə israilli var. Yüzlərlə israilli ehtiyac anlarında Cənubda yaşayan xalqına kömək etmək üçün könüllü olaraq çalışır. Orduya qoşulmaq və ədalət uğrunda döyüşmək üçün dünyanın hər yerindən geri uçan insanlar var. Biz öz ailəsini, torpağını qoruyacaq şir millətiyik. Biz qərarlıyıq, biz birik və biz qalib gələcəyik”, - səfir söyləyib.
9-10-2023, 19:21
Zəngəzur Dəhlizinin Azərbaycan hissəsi 2024-cü ildən fəaliyyətə başlayır
Zəngəzur Dəhlizinin Azərbaycan hissəsi 2024-cü ildən fəaliyyətə başlayacaq.
Bunu “Azərbaycan Dəmir Yolları” (ADY) QSC-nin Kommunikasiya departamentinin rəhbəri Aybəniz İsmayılova deyib.
A.İsmayılovanın sözlərinə görə, artıq Füzuli-Ağbənd dəmiryolu xəttinin 60 %-dən çoxu hazırdır:
"3 ildən az bir müddətdə multimodal Zəngəzur dəhlizinin 110,4 kilometrlik birxətli dəmir yolu seqmentinin üçdə ikisindən çoxu artıq döşənib.
Dəhliz boyu 3 tunel, onlarla körpü və 9 dəmir yolu stansiyası tikiləcək. Türkiyə şirkətləri tərəfindən Həkəri çayı üzərindən 418 metrlik dəmir yolu körpüsünün tikintisi yaxın vaxtlarda işlək vəziyyətdə gətiriləcək".
Qeyd edək ki, Azərbaycan Prezidentinin 2021-ci ilin febralın 15-də Füzuliyə səfəri zamanı Horadiz-Ağbənd dəmir yolu xəttinin təməli qoyulub.
Ötən həftə Şərqi Zəngəzur dəhlizi adlandırılan, Araz çayının sol sahili boyu uzanıb Azərbaycanı Naxçıvanla birləşdirən nəqliyyat kommunikasiyalarının həyata keçirilməsi üçün Zəngilanda ilk təməlqoyma mərasimi keçirilib. İranın yollar və şəhərsalma naziri Mehrdad Bazrpaşın və Azərbaycanın Baş nazirinin müavini Şahin Mustafayevin iştirak etdiyi mərasimdə Horadiz-Ağbənd dəmir yolunu və çoxzolaqlı avtomobil yolunu İrana birləşdirmək üçün Araz çayı üzərindən salınacaq yeni dəmir yol və avtomobil yolu körpüsünün təməli qoyulub.
9-10-2023, 18:40
Xankəndi şəhərində tibbi xidmətin təşkiliylə bağlı tədbirlər davam edir
Xankəndi şəhərində digər həyati vacib sahələr kimi tibbi xidmətin təşkili ilə bağlı tədbirlər davam etdirilir.
TƏBİB-dən bildirilib ki, oktyabrın 1-dən etibarən Xankəndi şəhərində ambulator poliklinika, tam heyətlə, eləcə də tibbi vasitələrlə təmin olunan 7 ambulans və təcili tibbi yardım briqadası fəaliyyət göstərir.
Poliklinikanın fəaliyyəti 7/24 rejimində növbəlilik əsasında təşkil olunub.
9-10-2023, 18:30
Gürcüstan parlamentinin nümayəndə heyəti Azərbaycanda səfərdədir
Gürcüstan parlamentinin Baş katibi Ketevan Kvinikadzenin başçılıq etdiyi nümayəndə heyəti Azərbaycanda səfərə gəlib.
Nümayəndə heyəti oktyabrın 9-da Şəhidlər xiyabanını ziyarət edib.
Nümayəndə heyətinə Şəhidlər xiyabanının tarixi və paytaxtımızda aparılan abadlıq-quruculuq işləri barədə məlumat verilib.
9-10-2023, 18:13
İsraillə Livan arasında hərbi toqquşma başladı
İsrail ilə Livan arasında hərbi toqquşma başlayıb.
Bu barədə İsrailin Müdafiə Ordusundan bildirilib.
Qeyd olunub ki, hazırda İsrail helikopterləri Livanda əməliyyat keçirir.
Xatırladaq ki, daha əvvəl Livandan İsrail ərazisinə silahlı şəxslərin keçdiyi barədə məlumat yayılmışdı.
9-10-2023, 17:45
Mirzoyan MDB XİN Şurasınının toplantısına qatılmayacaq
Ermənistanın XİN başçısı Ararat Mirzoyan Bişkekdə keçiriləcək MDB Xarici İşlər Nazirləri Şurasının toplantısına qatılmayacaq.
Bunu Ermənistan Xarici İşlər Nazirliyinin rəsmi nümayəndəsi Ani Badalyan açıqlayıb.
"Ermənistan Xarici İşlər Nazirliyi oktyabrın 4-də MDB İcraiyyə Komitəsinə yazılı şəkildə məlumat verib ki, MDB Xarici İşlər Nazirləri Şurasının oktyabrın 12-də Bişkekdə keçirilməsi nəzərdə tutulan iclasında Ermənistan Respublikası xarici işlər nazirinin müavini iştirak edəcək", - o deyib.
Qeyd edək ki, bundan əvvəl Rusiya XİN başçısının müavini Mixail Qaluzin Bişkekdə Azərbaycan və Ermənistan XİN başçıları arasında görüşün keçirilə biləcəyini açıqlamışdı.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!