Xəbərlərin siyahısı: 12.10.2023

12-10-2023, 18:55

Ərdoğan Şoltsla bir sıra məsələləri müzakirə etdi

Türkiyə Prezidenti Rəcəb Tayyib Ərdoğan Almaniya kansleri Olaf Şoltsla telefon danışığı aparıb.
Bu barədə TRT məlumat yayıb.
Telefon danışığı zamanı İsrail-Fələstin münaqişəsi və humanitar böhranların həlli yollarının axtarışı müzakirə edilib.
Liderlər humanitar böhranların həlli yollarının axtarılması ilə bağlı fikir mübadiləsi aparıblar.

Ərdoğan Şoltsla bir sıra məsələləri müzakirə etdi

12-10-2023, 18:24

İlham Əliyevin Putinlə Bişkekdə görüşü başladı

Oktyabrın 12-də Bişkekdə Azərbaycan Respublikasının Prezidenti İlham Əliyevin Rusiya Federasiyasının Prezidenti Vladimir Putin ilə görüşü başlayıb.
Bu barədə Azərbaycan Prezidentinin Mətbuat Xidməti məlumat yayıb.

İlham Əliyevin Putinlə Bişkekdə görüşü başladı

12-10-2023, 17:59

Qazimiz vəfat etdi

Vətən müharibəsi iştirakçısı Asim Zülfüqarov vəfat edib.
O, bu gün dünyasını dəyişib. A.Zülfüqarovun xərçəng xəstəliyindən əziyyət çəkdiyi bildirilir.
O, doğulduğu Siyəzən rayonunda dəfn olunub.

Qazimiz vəfat etdi

12-10-2023, 17:32

İsraildə 854 mülki şəxs və 222 hərbçinin cəsədi müəyyən edildi

İsraildə 854 mülki şəxs və 222 hərbçinin cəsədi müəyyən edilib.
Bu barədə “Kan” dövlət televiziya və radio şirkəti məlumat yayıb.
Məlumata görə, yaxınları tərəfindən müəyyən edilən cəsədlərin əksəriyyəti yəhudilərin müqəddəs istirahət gününə - cümə axşamı başlayan Şabta qədər dəfn ediləcək.
Qeyd edək ki, oktyabrın 7-dən bu yana Fələstin və İsrail arasında atışmalar gedir.

İsraildə 854 mülki şəxs və 222 hərbçinin cəsədi müəyyən edildi

12-10-2023, 17:28

Klaar Paşinyanla İrəvanda görüşdü

Avropa İttifaqının Cənubi Qafqaz və Gürcüstan böhranı üzrə xüsusi nümayəndəsi Toivo Klaar İrəvanda səfərdədir.
O, Ermənistanın baş naziri Nikol Paşinyanla görüşüb.
Paşinyan və Klaarın görüşündə Aİ-nin Ermənistandakı səfiri Vasilis Maraqos da iştirak edib.
Onlar birlikdə Ermənistan-Azərbaycan münasibətlərinin nizamlanması, eləcə də Qarabağdan Ermənistana köçənlərin vəziyyətini müzakirə ediblər.

Klaar Paşinyanla İrəvanda görüşdü

12-10-2023, 17:23

Vardanyan ailəsi ilə telefonda danışdı

Qarabağ separatçılarının “keçmiş dövlət naziri” Ruben Vardanyan ailəsi ilə əlaqə saxlayıb və vəziyyətinin yaxşı olduğunu bildirib.
Bu barədə onun oğlu David Vardanyan Ermənistan mətbuatına müsahibəsində bildirib.
O, atasının dünən və ötən çərşənbə axşamı anasına zəng etdiyini deyib.
“Zəng çox qısa olub. O, yaxşı formada olduğunu bildirib. Digər təfərrüatları müzakirə etməyiblər. Darıxdığını söyləyib. Biz də onun üçün darıxırıq”, - Vardanyanın oğlu deyib.
Oğlu əlavə edib ki, Beynəlxalq Qızıl Xaç Komitəsinin nümayəndələri onun anası ilə əlaqə saxlayaraq, Ruben Vardanyana və digər separatçılara baş çəkmək istədiklərini bildiriblər.
“Ermənistan dövləti beynəlxalq məhkəmədə iddia qaldırıb ki, təkcə mənim atamı deyil, Azərbaycanda həbsdə olan bütün məhbuslar azadlığa buraxılsın. Oktyabrın 12-də onların mümkün azadlığa buraxılması ilə bağlı Haaqada məhkəmə prosesi olacaq. Bu prosesin uğurla yekunlaşacağına böyük ümidlər bəsləyirik. Təbii ki, biz də atamı azad etmək üçün addımlar atırıq, lakin bu haqda danışmaq hələ tezdir”.
David Vardanyan atasına tutduqları azərbaycanlı vəkili bu işə necə işə cəlb etdikləri barədə də danışıb:
“İcma təşkilatları, eləcə də tanışlarımız vasitəsilə atamı təmsil etmək üçün tutduğumuz yerli vəkillə əlaqə saxlaya bildik. Bu hüquqşünas hazırda Azərbaycanda bizim maraqlarımızı təmsil edir”.
Qeyd edək ki, qanunsuz yollarla Azərbaycan Respublikasının ərazisinə gələrək qondarma “Dağlıq Qarabağ respublikasının dövlət naziri” vəzifəsində çalışmış 1968-ci il təvəllüdlü Ruben Vardanyan sentyabrın 27-də “Laçın” sərhəd-buraxılış məntəqəsində saxlanılıb.
R.Vardanyan Azərbaycan Dövlət Təhlükəsizliyi Xidməti tərəfindən həbs edilib.
Ona qarşı Azərbaycan Cinayət Məcəlləsinin 214-1 (terrorçuluğu maliyyələşdirmə), 279.3 (qanunvericiliklə nəzərdə tutulmayan silahlı birləşmələrin və ya qrupların yaradılmasında və fəaliyyətində iştirak etmə) və 318.1-ci (Azərbaycan Respublikasının dövlət sərhədini qanunsuz olaraq keçmə) maddələri ilə ittiham irəli sürülüb, barəsində həbs qərimkan tədbiri seçilib.
Ruben Vardanyan İrəvanda anadan olsa da, sərvətini Rusiyada qazanıb. "Forbes" jurnalı onun varidatının təxminən 1 milyard dollar həcmində qiymətləndirir.
Vardanyan 2022-ci ilin sentyabrında Rusiya vətəndaşlığından imtina edərək, qanunsuz olaraq Qarabağa köçmüşdü.

Vardanyan ailəsi ilə telefonda danışdı

12-10-2023, 16:47

İsrail Dəməşq və Hələb hava limanlarına zərbələr endirdi

İsrail Dəməşq və Hələb hava limanlarına zərbələr endirib.
Bu barədə “Al Watan” qəzeti məlumat yayıb.
İlkin məlumatlara görə, İsrail Dəməşq və Hələb hava limanlarında uçuş-enmə zolaqlarına zərbələr endirir.

İsrail Dəməşq və Hələb hava limanlarına zərbələr endirdi

12-10-2023, 16:41

Abdullahianın təyyarəsi Suriyaya enə bilmədi

İran xarici işlər nazirini Hüseyn Əmir Abdullahianın təyyarəsi Suriyaya enə bilməyib.
Naziri Suriyaya aparan təyyarə Tehrana qayıtmağa məcbur olub.
Məlumata görə, buna səbəb İsrail ordusunun Suriyanın Dəməşq və Hələb hava limanlarına zərbə endirməsi olub.

Abdullahianın təyyarəsi Suriyaya enə bilmədi

12-10-2023, 16:37

Netenyahu ABŞ Prezidentiylə danışdı

İsrailin Baş naziri Benyamin Netenyahu ABŞ Prezidenti Co Baydenlə telefonla danışıb.
Bu barədə Netenyahu özünün “X” hesabında yazıb.
“Mən indicə prezident Baydenlə danışdım və ona dünənki son söhbətimizdən sonra göstərdiyi güclü və qeyd-şərtsiz dəstəyə görə təşəkkür etdim”, - o qeyd edib.
Xatırladaq ki, tərəflər arasında dünən, oktyabrın 11-də də telefon danışığı olmuşdu.

Netenyahu ABŞ Prezidentiylə danışdı

12-10-2023, 16:23

Xankəndində 30 nəfərlik sığınacaq yaradıldı

Əmək və Əhalinin Sosial Müdafiəsi Nazirliyi tərəfindən ölkəmizin Xankəndi şəhərində həssas əhali qruplarından olan şəxslər üçün 30 nəfərlik sığınacaq yaradılıb.
Bunun üçün Xankəndinin mərkəzində 30 çarpayılıq yataq otaqları, su, elektrik sistemi, mətbəxi, sanitar qovşağı, istirahət otağı və camaşırxanası olan üçmərtəbəli bina ayrılıb. Binada təmizlik və müvafiq təchizat işləri yekunlaşıb və 10 oktyabr 2023-cü il tarixdən sığınacağa sakinlərin qəbuluna başlanıb.
Onlar burada gündə 3 dəfə isti yemək və qəlyanaltı ilə təmin olunurlar. Sığınacağın xarici təhlükəsizliyi polis tərəfindən təmin edilir.
Sığınacaqda çalışmaq üçün 2 psixoloq və 2 sosial işçi cari il sentyabrın 30-dan Xankəndi şəhərinə ezam olunub, orada sakinlərin ilkin ehtiyaclarını və psixo-sosial vəziyyətini qiymətləndiriblər. Qiymətləndirmə aparılan şəxslərin yaşadıqları yerlərə gedilərək, onlara sığınacağın yeri və qida təminatı barədə məlumatlar da verilib.
Artıq 6 nəfər sığınacağa yerləşdirilib, 1 nəfər aidiyyəti üzrə tibbi xidmət göstərilməsi üçün yönləndirilib, ümumilikdə 11 nəfər sığınacağın xidmətlərindən istifadə edib.
Həmin psixoloq və sosial işçilər tərəfindən hazırda sığınacaq sakinlərinə sosial xidmətlər göstərilir. Sığınacaqda çalışmaq üçün həmçinin aşbaz, texniki işçilər və b. da ezam olunub.
Sığınacağa yerləşdirmə könüllü xarakter daşıyır, gecə qalmaq istəməyənlərə də gündə 3 dəfə qida, zəruri geyim və sosial xidmətlərdən yararlanmaq imkanı yaradılıb.
Beynəlxalq Qızıl Xaç Komitəsinin nümayəndələri də gün ərzində bir neçə dəfə sığınacağı ziyarət edir, şəraitlə tanış olur, ərzaq-qida təminatı, göstərilən sosial xidmətlərlə maraqlanırlar.